معلومة مهمة جدا واللة اعلم

[essam assem]

السلام عليم السادة اعضاء المنتدى المحترمين وصلتنى معلومة من مصدر موثوق منة بان تم ايقاف استيراد جميع انواع السلاح الصوت ومكوناتة وطلافاتة لمدة ثلاث شهور وبالفعل محلات السلاح رفعت جميع اسعار السلاح الصوت من 300ج الى 500ج فى السلاح عن سعرة ويمكن بعض اعضاء المنتدى اتكلمو فى موضوع زيادة الاسعار الملحوظ اليومين دول وانا يا جماعة بنصح اللى متردد وامامة سلاح سعر لسة ثلبت على الاسعار القديمة يشترى فورا لان اكيد صاحبة معندوشة المعلومة دية وكمان الطلاقات سعرها اكيد عيزيد واللة يا جماعة الخبر دة من احد اكبر تجار السلاح فى مصر بدون ذكر اسماء لانة صديق شخصى لية وعندى معلومة تانية بان الجيش اصدر قرار بسحب اى سلاح صوت من 3 ايام لدرجة ان لية صديق كان معاة سلاح صوت ضابط الجبش سحبة من ولما اتحايل علية شوية قالة ادههلك بس هات فاتورة من المحل اللى بعهولك فرجاء لو اشترتو اى سلاح صوت يكون بفاتورة ---- وانا اسف يا جماعة على الاطالة سامحونى

[احمد العوضى]

ربنا يبارك لك وفبك على النصيحه الغاليهويهدى الى معاه صوت ويعرف انه صوت مش للحمايه ويهدى الشرطه وتمارس عملها تانى

[hemi afifi]

lموضوع مذكرة حمل سلاح صوت اللي بيتعمل في القسم ده بجد ولا لا ده زي رخصه بس للصوت انا سمعت كده و عايز حد يأكدلي

[max666666]

المشاركة الأصلية كتبت بواسطة essam assem

السلام عليم السادة اعضاء المنتدى المحترمين وصلتنى معلومة من مصدر موثوق منة بان تم ايقاف استيراد جميع انواع السلاح الصوت ومكوناتة وطلافاتة لمدة ثلاث شهور وبالفعل محلات السلاح رفعت جميع اسعار السلاح الصوت من 300ج الى 500ج فى السلاح عن سعرة ويمكن بعض اعضاء المنتدى اتكلمو فى موضوع زيادة الاسعار الملحوظ اليومين دول وانا يا جماعة بنصح اللى متردد وامامة سلاح سعر لسة ثلبت على الاسعار القديمة يشترى فورا لان اكيد صاحبة معندوشة المعلومة دية وكمان الطلاقات سعرها اكيد عيزيد واللة يا جماعة الخبر دة من احد اكبر تجار السلاح فى مصر بدون ذكر اسماء لانة صديق شخصى لية وعندى معلومة تانية بان الجيش اصدر قرار بسحب اى سلاح صوت من 3 ايام لدرجة ان لية صديق كان معاة سلاح صوت ضابط الجبش سحبة من ولما اتحايل علية شوية قالة ادههلك بس هات فاتورة من المحل اللى بعهولك فرجاء لو اشترتو اى سلاح صوت يكون بفاتورة ---- وانا اسف يا جماعة على الاطالة سامحونى

طبعا انا معرفش المعلومة صحيحة ولا بس هو تعقيبى على حكاية لو ضابظ الجيش فتشنى هاخده معايا .هو فين ظابط الجيش ولا شرطة دول اختفوا من الشوارع زى اخواتهم الخونه الى فى الشرطة عارف .يا راجل الشارع بتاعى كان فيه بلطجية كل شوية يطيحو فى الناس ويسرقوهم ويعكسو البنات ويسفلو عليهم كلمنا الجيش مليار مرة. تعالو امسكهم عارف قالو ايه امسكهم انتو واحنا هنبقى نيجى ناخدهم يعنى المفروض المهندس والدكتور والمحامى وكل الناس المحترمة نتعلم ماسكة السكاكين والمطاوى علشان نعرف نتصدى للبلطجية ...والى يموت يموت مننا مش مشكلة ..انت عارف والله لو وقفنى ظابط جيش وقالى هات مسدس الصوت هحط (صوابعى فى عينيه) وهقوله انا بعمل الشغل المفروض انت تعمله انك تحمينى مش مجرد تبقى عربية لنقل المجرمين

[mohamed_esm]

عندك حق اخى الكريم فى كلام بتاع البلطجيه دا واحب اقول للاخ صاحب الموضوع ان حتى لو الموضوع دا سليم المفروض احنا مش ننشره علشان الناس مش تجرى علىالتاجار والاسعار تزيد اكتر كفايه الىل احنا فيه من استغلال وبتهيقلى لو زميل حضرتكم كبار التجار فعلا فيايرت تعرف تجيب منه اسعار خاصه للمنتدى بدل ما نقول للناس كده ونخليهم يجرو على التجار وبعدين اطمنو الموضوع كلها كام شهر وهيهدى خالص والاسعار هتنزل جامد وهتشوفو والسوق هيكون استكفى وانت الىل هتدخل المحل يتحيلو عليك تشترى والجيش مش بياخد منك اى سلاح مدام واقف بيه قدام بيتك وهما الىل قايلين الكلام دا هنا بالنص من الضابط طاما واقف بتحمى بيتك محدش هيكلمك انما بقى لو واحد ماشى بيستعرض بيه فىالشارع مهو لازم طبعا ياخده وبعدين صح الجيش كمان انسححب ومفيش شرطه وياريت يا جماعه بلاش نروج اشاعات الاستيراد دى لانى عارف كويس اوى ان الاستيراد مفتوح ومفييش اى نوع اتحذر حتى السلاح مدام بشكل قانونى واللكام ده ثقه بحكم شغلتى ومعاملتى فى الجمارك

[msa_79]

بصراحه انا مش فاهم ايه سر اندفاع الناس علي شراء مسدسات الصوت ياجماعه مسدس الصوت بسنبة 90% لن يفيد في الدفاع عن النفس بالعكس الحرامي هايخده منك هو كمان وتبقي خسرت فلوسك علي الفاضي
انا مع اني مش بشيل سلاح بس لو فكرت اشيل هاشيل مطواة او سكين انا شايف انها اكثر جدوي من مسدس الصوت في الدفاع عن النفس.
ولو حد بيشتري مسدس الصوت لأجل الاقتناء وحبا في السلاح يصبر اليومين دول

[tamer el-henawy]

شكراً جداً على المعومة القيمة ده

[lastworld]

alf alf shok 3al ma3loma el gdeda elly ana 7ases enha sa7
3shan kol togar el sla7 bitkalemo o homa metnarfzen keda
tqapal mrore

[essam assem]

السلام عليكم واللة يا جماعة انا اول معرفت بالمعلومة دية قلت من واجبى وانا عضو فى المنتدى دة ابلغ بس مش قاصد انى اروج اشاعات او اشتت الناس وانا قلت فى عنوان الموضوع معلومة مهمة واللة اعلم وعلفكرة انا اتصلت اليوم بالاستاذ هشام سمير وهو اكد على المعلومة ويمكن اضاف ان الاستراد كمان متوقف منذ 4 شهور - عموما انا ببلغ لمن يهمة الامر فقط اذا كان مستهلك او تاجر من اعضاء المنتدى المحترمين وبعدين يا جماعة انا مش محفز اصلا موضوع السلاح الصوت لانة غير عملى بالمرة هو مش اكتر من طلقة طلقتين فى الهواء عشان اعرف البلطجية ان المكان دة فى سلاح وانا عن نفسى بعمل كدة كل يوم بطرب 3 مرات بحكم انى ساكن فى منطقة لسة تحت الانشاء وهو ادينا بناخذ بالاسباب لكن اذا لقدر اللة حاول حد يدخل المكان طبعا مش همسك المسدس الصوت لنة ساعتة مش عيكون اكتر من طوبة فى ايدى ملهاش لازمة واكيد هيكون معاية حاجات تانية عملية اكتر وربنا يبعد عنى وعنكم اى شى وحش يارب واس على الاطالة

[osha966]

مع احترامى للموضوع..بس هو كتير من السلع موقوف استيرادها من مدة مش بس المسدسات..بسبب الركود الأقتصادى وارتفاع الأسعار و ارتباك السوق.

[waleedrahmy]

المشاركة الأصلية كتبت بواسطة mohamed_esm

عندك حق اخى الكريم فى كلام بتاع البلطجيه دا واحب اقول للاخ صاحب الموضوع ان حتى لو الموضوع دا سليم المفروض احنا مش ننشره علشان الناس مش تجرى علىالتاجار والاسعار تزيد اكتر كفايه الىل احنا فيه من استغلال وبتهيقلى لو زميل حضرتكم كبار التجار فعلا فيايرت تعرف تجيب منه اسعار خاصه للمنتدى بدل ما نقول للناس كده ونخليهم يجرو على التجار وبعدين اطمنو الموضوع كلها كام شهر وهيهدى خالص والاسعار هتنزل جامد وهتشوفو والسوق هيكون استكفى وانت الىل هتدخل المحل يتحيلو عليك تشترى والجيش مش بياخد منك اى سلاح مدام واقف بيه قدام بيتك وهما الىل قايلين الكلام دا هنا بالنص من الضابط طاما واقف بتحمى بيتك محدش هيكلمك انما بقى لو واحد ماشى بيستعرض بيه فىالشارع مهو لازم طبعا ياخده وبعدين صح الجيش كمان انسححب ومفيش شرطه وياريت يا جماعه بلاش نروج اشاعات الاستيراد دى لانى عارف كويس اوى ان الاستيراد مفتوح ومفييش اى نوع اتحذر حتى السلاح مدام بشكل قانونى واللكام ده ثقه بحكم شغلتى ومعاملتى فى الجمارك

1+1+1+1+1+1........................حضرتك جيبت الخلاصة يسلم فمك

[JOKER_KLEN]

يوجد مسدس صوت رقم 1 النوع أيكول ماجنم 14 طلقة عيار 9ملى عادى المنشا تركى الحجم الكبير جديد تماما بالعلبة .
السعـــر : 1000ج
رقم الموبيل : 0126309816
انا من القاهرة / الهرم او المعادى او السلام

[tamer_tatow]

مع احترامي لسيادتك بس الاستيراد متوقف لعدة اسباب اهمها ان السوق العالمية غير واثقة في المستورد المصري علشان اضطراب الاوضاع في مصر ودلوقتي اللي بيستورد بيدفع كاش لأن كل المصانع العالمية مش بتبيع كريدت للمستورد المصري -- خايفين علي نفسهم - بس اللي معاه فلوس زي اغلب تجار السلاح في مصر بيستورد عادي جدا وبيدفع مقدم ومعلومة لحضراتكم -- الاسعار العالمية نزلت لأن الجنيه المصري بدأ يتعامل بيه عالميا يعني الاسلحة اصلا رخصت لكن المشكلة في التجار وجشعهم فقط لا غير

[osha966]

أنا أؤيدك يا تامر فى رايك- التاجر المصرى هو المشكلة

[trainman]

المعلومه مؤكده و شكراً للزميل الفاضل وعاشت مصر أمنه.

[hunter1]

يا عم ولا فيه حاجه زادت ولا شيء