بعيدا عن الصيد/القيادة على الطريقة المصرية

محمد طه · 09-12-31, 03:12 PM

لقد قراءت هذا الموضوع وجدت انه من المفيد عرضة بعد التعديل لان غالب رحلات الصيد تحتاج الى السفر والقيادة
وحيث ان القيادة اصبح جزء كبير منها يعتمد علي الفهلوة والبلطجة
وانا قد اخذت العنوان من موضوع م/طلعت ليكون تكملة بعيد عن الصيد
القيادة في بلدان العالم لا تختلف كثيرا عن بعضها إلا اختلافات بسيطة
لكن عندنا في مصر هناك اختلافات جوهرية مع العالم كله تدركها بمجرد عندما تستخرج رخصة القيادة فتجد أن

الباشا الصغير او الفتاة التي رسبت في الاختبار وكادت أن تصدم لجنة الاختبار تستخرج رخصة القيادة انت الذي تقود منذ 10 سنوات لا تستطيع (لو وقفت على دماغك )لماذا ؟؟؟!!!
*
عندما تبدأ في السير في الشوارع فعليك احترام العلامات التي تعلمتها واختبروك فيها لكن لا تتوقع من الآخرين احترامها ..فعليك الحذر عند السير في شوارع الاتجاه الواحد لأنك غالبا ستفاجأ بسيارة قادمة من الجهة المعاكسة وربما يكون سائقها ظريف فيصيح في وجهك ...انت اعمى مابتشوفش .

إذا وجدت احدهم يعبر والإشارة حمراء فلا تتجرأ وتفعل مثله فغالبا ما يحمل هؤلاء على سياراتهم بادج للشرطة أو القضاء مما يجعل عسكري المرور يخشى من أخذ أرقامهم أما أنت يا غلبان فالبادج الوحيد الذي تضعه على سيارتك هو بادج ( مهندس والا دكتور غلبان) طبعا ستتهمني بالنصب عندما تجد سيارات الأجرة تفعل ذلك فليس من المعقول أن تكون سيارات الأجرة عليها بادج شرطة لكن لو دققت النظر فستجد سائق السيارة يخرج يده ليعطي اللي فيه النصيب للعسكري ( رشوة يعني هي جت عليه ) وفي العادة يكون نصف جنيه وجواه سيجارة والجديد دلوقتي حبايت(ترامادول)

لا تلجأ للتشاجر في أي وقت من الأوقات حتى لو سبك أحدهم فالمبدأ الساري بين قائدي السيارات (الشتيمة ما بتلزقش وتلف تلف وترجع لصاحبها ) لذلك إذا شتمك أحد السائقين فيستحسن أن تعمل نفسك أطرش وتبتسم في وجهه وتمضي لحال سبيلك.
كما أنك ستكون في أي حال الطرف الأضعف في الشجار فسائقي التاكسي غالبا ما يكون لديهم عقدة الاضطهاد ودائما ما يحتفظون بخشبة او حديدة معهم فضلا عن الأسلحة البيضاء التي أصبحت في يد الجميع(تحت شعار سلاح لكل مواطن)وحاليا(الايكترك شوك في يد الجميع) ...أما سائقي الميكروباصات فلديهم مبدأ ألا وهو ( أنا وأخويا على ابن عمي وأنا وابن عمي على الغريب) ..لذا لا تغتر عندما تراهم يتشاجرون مع بعضهم فبمجرد أن تتشاجر مع احدهم فأنت لديهم غريب وكلهم أولاد عم .

***إشارات المرور ينتهي العمل بها تماما ونهائيا بعد منتصف الليل ويتم تثبيت اللون الأحمر بها حتى الصباح فلا تعرض نفسك للسخرية عندما تقف في إشارة حمراء بعد منتصف الليل(وفي الحالة دي هتقف طول اليل لان محدش هيجي قبل الساعه تمنية) مسموح لك بكسر جميع اشارات المرور بعد منتصف الليل .

**********من الأخطاء الشائعة التي يتم تعليمها للسائقين أن الشارع مخصص للسيارات والرصيف للمواطنين ..والصواب أن الشارع للسيارات والمشاة و الرصيف للأصحاب المحلات (اوعي تحاول تكلم حد منهم اوتقف قدامه).

أماكن عبور المشاه والكباري والأنفاق هي أشياء غير معترف بها بين المواطنين وعليك أن تعرف أن المشاة يعبرون
من كل مكان لذا فأحذر.
والداخلية عملت البدع عشان الناس تستخدم الانفاق والكباري لكن مفيش فايدة الي فدمغهم فدمغهم

**********ملحوظة هامة وتحذيرخطير**************

من الأشياء الواجب جدا الاحتراس منها السيارات التي تقودها سيدات فهن بالعامي الفصيح ( لخمة ) فيجب أن تبتعد عن السيارات التي تقودها سيدات بمسافة مناسبة وألا تستخدم آلة التنبيه مطلقا مع السيدات لأنهن غالبا سيصبن بالذعر وتكون أنت السبب في توقف المرور في الشارع و عليك أن تعطيهن أولوية المرور ومن هنا نشأ المبدأ الشهير ladies first .(وانا شخصيا لسه واخد الي فية النصيب امبارح وعندي وحدة قربتى بتسوق بقلها 15 سنة متخرجشى بالعربية الا ترجع بيها مخبوطة)

**********أهم شيء أثناء القيادة على الطرق السريعة وطريق الكورنيش ان تلتفت إلى السيارات القادمة من الأتجاه المعاكس فإذا وجدتها تضيء النور العالي وتطفأه بأستمرار ( فلاشر أو قلاب ) فهذا معناه أن هناك رادار أنت مقبل عليه لذا فالتزم بالسرعة المقررة ( 60 داخل المدينة ، 90 على الزراعي ، 100 على الصحراوي ) لأن مخالفة السرعة 300 جنيه داخل المدينة ، 500 خارجها .(علي فكرة انا مبعملش كده علشان الي يجري يستاهل الي يحصله).

***********البالوعات غير المغطاة والحفر تمتلأ بهم شوارع مصرنا المحروسة فأحذر فالوقوع في إحداها قد يكلفك مبلغ وقدره وإذا سقطت في أحدها فلا سبيل للخروج إلا أن ترفع السيارة وإياك من محاولة إخراجها بمحاولة السير بها مع زيادة الضغط على البنزين ....سيحترق منك الموتور في الحال( على فكرة البلاعات مش بتبقي وراء بعضها عشان مفيش واحد يعملي ناصح ويمشى علي جنب مفيهوش بلاعات دى بتبقى سمبكسات) .

*********
إذا أردت الوقوف فعليك الوقوف أقصى اليمين هذا خاص بسائقي السيارات الملاكي اما سائقي سيارات الأجرة تاكسي وميكروباص فعليهم الوقوف في منتصف الشارع ..ليمارسوا دورهم في العكننة على خلق الله

*************
اذا اوقعك حظك العاثر وركبت احد المكروباصات فلا تحاول ان تقول للسائق خفض السرعة والا ستواجة بابشع الاتهامات من الركاب فضلا عن سائق الاكروبات(عفوا المكروباص) وعليك دائما ان تكون في المقعد الاخير وتغمض عيناك وتتلو الشهادتين(ممكن الجلوس في المقعد الامامي للذين يحبون الذهاب الي الملاهي لانه سيغنيهم عنها)
**************
.عليك في النهاية أن تعرف أن القيادة في بلدنا لا تعتمد على الشطارة والمهارة بل تعتمد على شيء وحيد هو ستر ربنا سبحانه وتعالى إذ أنه بالمقاييس الطبيعية فإن كمية البلاوي التي يلاقيها من يقود سيارة في مصر لو كانت في بلد أخرى لأنتهت قيادة السيارت هناك منذ زمن لكن ربك ساترها مع الشعب الغلبان

محمد سليمان · 09-12-31, 03:59 PM

ههههههههههههههههههههه انت فكرتنى بقواعد المرور المصرى اللى كنت قرتها من فتره كدا على العموم انا عملت عليها سيرش و جبتها تانى عل و عسى نقدر نغير حاجه بالسخريه منها

القاعدة الأولى:

لو عربيتك كبيرة أو قديمة، أستخدم المبدأ القانوني: اللي خايف على عربيته يوسع!!

ملحوظة: ابعد عن سكة العربيات المخرشمة ، بيسوقوا بنظرية ضربوا الأعور على عينه!!

------------ --------- --------- --------- --------- --------- --------- --------- -----

القاعده الثانيه:

البوز بيز Booze Base: اللي يدخل ببوز عربيته الأول للتقاطع هو صاحب أولوية المرور! احرص على أن تكون صاحب أول بوز.

ملحوظة: لا تطبق الـ Booze Base مع أي لوري أو أتوبيس، حرصاً على بوزك لا مؤاخذة.

------------ --------- --------- --------- --------- --------- --------- --------- -----

القاعدة الثالثة:

الإشارات تكشف نواياك للأعداء، أياك أن تستخدمها!

------------ --------- --------- --------- --------- --------- --------- --------- -----

القاعدة الرابعة:

لا تترك مسافة للأمان بينك و بين السياة التي أمامك فهذا له عدة مخاطر:

1. عربية ثانية حتملا الفراغ في ثواني و برضوه ما يبقاش فيه مسافة بينك و بين الي قدامك، كل الي كسبته انك اتأخرت لورا شوية.

2. حتدي فرصة للعيال يعملوا غرز قدامك.

3. كل المشاة حيغمضوا عينيهم و يعدوا من الحته دي.

4. الي وراك حيقعد يزمر - لو كان مؤدب -
أو تسمع شوية أسامي حيوانات لو كان سواق تاكس - مؤدب - ،
أو حيخبطك من ورا لو كان سواق ميكروباص - و دول مفيش حد منهم مؤدب -.

الإشارات مش معمولة علشان تنظم المرور ، معمولة علشان شكل القاهرة يبقى متحضر بس!

اعتمد على العساكر ( مع تحملك كامل المسؤلية لو واحد منهم شاورلك تعدي و بلدياته الناحية الثانية فتح السكة للوري ) أو يفضل أن تستعمل البوز بيز ( راجع القاعدة الثانية ).

------------ --------- --------- --------- --------- --------- --------- --------- -----

القاعدة الخامسة:

اذا كنت مش واقف في الصف الأول في الاشارة اعمل حسابك تزمر بشكل متواصل و هستيري أول ما الأشارة تفتح، لأن الناس الي قدام بيبقوا واقفين في الاشارة من زمان و جايز جداً يكونوا ناموا!!

------------ --------- --------- --------- --------- --------- --------- --------- -----

القاعدة السادسة:

معظم الحوادث تحدث في التقاطعات أول الأشارة ما تحمر، كل ما عديت الإشارة الحمراء أسرع كل ما قلت فرصة انك تتخبط!

------------ --------- --------- --------- --------- --------- --------- --------- -----

القاعدة السابعة:

الشارع مكان مقرف، سوق بأسرع ما يمكن حتى تتخلص من هذا الهم بسرعة، الناس الي ماشيين بالراحة مرضى نفسيين بيستمتعوا بالعذاب ، يستاهلوا الي يجرى لهم.

------------ --------- --------- --------- --------- --------- --------- --------- -----

القاعدة الثامنة:

من حقوقك الدستورية أن تركن أمام باب المحل الذي تريد أن تشتري منه، اذا سبقك واحد ابن ستين في سبعين و ركن قدام الباب، فمن حقك أن تقفل عليه و تركن صف ثاني أو ثالث، و مش مهم لو الشارع اتقفل، ايه يعني أما الناس تتعطل عشر دقائق علشان تستمتع بحقوقك الدستورية؟ هيا يعني الدنيا طارت ولا كان وراهم الديوان؟

------------ --------- --------- --------- --------- --------- --------- --------- -----

القاعدة التاسعة:

من حقك أيضاً أن تخرج من مكان انتظارك في أي لحظة تشاء، اكسر الدركسيون شمال و اطلع، أي حد ماشي في الشارع لازم يقف لك فوراً، راجع البند السابق.

------------ --------- --------- --------- --------- --------- --------- --------- -----

القاعدة العاشرة:

إحترس من ثلاث أنواع من السائقيين بيسوقوا و كأنهم مش ممكن يموتوا:

1. العيال الروشين الي بيلعبوا Computer Games و فاكريين إن ممكن يكسبوا Life زيادة لو ساقوا أسرع.

2. موتوسيكلات توصيل الطلبات ( Home Delivery ).

3. سواقين الميكروباص.

ملحوظة: إوعى تحاول تثبت لحد منهم إن فكرته غلط. فاهمني!!!.

------------ --------- --------- --------- --------- --------- --------- --------- -----

القاعدة الحادية عشر:

لما تشوف حادثة لازم تهدي و تتفرج - مش مهم تساعد - الحجات دي دمها أخف من الأخبار المملة بتاعة التلفيزيون، و بعدين لما الطريق وراك يقف تحمي المجتمع من حادثة تانية.

------------ --------- --------- --------- --------- --------- --------- --------- -----

القاعدة الثانية عشر:

الكناسين لازم يحللوا اللقمة الي بياكلوها، حاول تنفعهم و ترمي أي حاجة من الشباك.

------------ --------- --------- --------- --------- --------- --------- --------- -----

القاعدة الثالثة عشر:

لما تخلص سيجارة أوعى تحطها في الطفاية، ارميها من الشباك أول ما تشوف واحد بموتوسيكل معدي جنبك ( علشان يحرم يعمل غرز ).

------------ --------- --------- --------- --------- --------- --------- --------- -----

القاعدة الرابعة عشر:

من حقك أن تعبر الشارع في أي وقت و من أي مكان.

------------ --------- --------- --------- --------- --------- --------- --------- -----

القاعدة الخامسة عشر:

اذا كان هناك سيارة قادمة اعمل نفسك مش واخد بالك و عدي براحتك خالص، ما تخافش، هوا حيقف، هو اهبل يدوسك و يودي نفسه في داهية؟

------------ --------- --------- --------- --------- --------- --------- --------- -----

القاعدة السادسة عشر:

اياك أن تنظر نحو السيارات القادمة، أعبر الطريق و ظهرك لها حتى لا يشك أحد قائدي السيارات أنك تراه و يحاول يخوفك علشان تقف انت.

------------ --------- --------- --------- --------- --------- --------- --------- -----

القاعدة السابعة عشر:

حتى لو شفته أوعى تخاف - خصوصاً لو معاك بنت - تبقى راجل ملو هدومك و تخاف من حته عربية؟

عرض قفاك و سيبه يتفلق.

------------ --------- --------- --------- --------- --------- --------- --------- -----

القاعدة الثامنة عشر:

الرصيف ليس للمشاه، بل لركن السيارات و فرشات الباعة الجائليين و المحلات... الخ، لذلك يحق للمشاة السير في وسط الشارع، لمزيد من الأمان، راجع القاعدة السابقة.

------------ --------- --------- --------- --------- --------- --------- --------- -----

القاعدة التاسعة عشر:

إذا كان الماشي من فئة النقل الثقيل، فمن أبسط حقوقة إنه يمشي على أقل من مهله و يهتز براحته. واللي مش عاجبة الهز يدور على لوري يخبطة

ابو الشوق · 09-12-31, 07:47 PM

موضوع جميل جدا انا لسة واحدة ست راكبة 128 حمرا حكيتلى الجنب امبارح
لقيتها عرقت وتوترت جدا لدرجة انى اشفقت عليها ومرديتش اديها كلمتين
انتا نسيت تتكلم عن بتوع التكاتك كلهم تحت ال15 سنة
رحمتك بينا يا رب

محمد طه · 10-01-01, 09:33 PM

أ / محمد سليمان
انت متأكد ان دي قواعد المرور المصري ولا دي قواعد حرب الشوارع
ابو الشوق باشا
بيتهيألي لو هنتكلم عن الكتكيت الي ملت الشوارع هنكتب يومين تلاته ومش هنخلص كلام

محمد سليمان · 10-01-03, 08:33 AM

ههههههههه على رايك يا استاذ محمد "حرب الشوارع"
بس شئ محزن بجد ان ده اللى بيحصل

09-12-31, 03:12 PM	#1
محمد طه صياد متفاعل تاريخ التسجيل: Dec 2009 المدينه: بنها المشاركات: 102 معدل تقييم المستوى: 18	بعيدا عن الصيد/القيادة على الطريقة المصرية لقد قراءت هذا الموضوع وجدت انه من المفيد عرضة بعد التعديل لان غالب رحلات الصيد تحتاج الى السفر والقيادة وحيث ان القيادة اصبح جزء كبير منها يعتمد علي الفهلوة والبلطجة وانا قد اخذت العنوان من موضوع م/طلعت ليكون تكملة بعيد عن الصيد القيادة في بلدان العالم لا تختلف كثيرا عن بعضها إلا اختلافات بسيطة لكن عندنا في مصر هناك اختلافات جوهرية مع العالم كله تدركها بمجرد عندما تستخرج رخصة القيادة فتجد أن الباشا الصغير او الفتاة التي رسبت في الاختبار وكادت أن تصدم لجنة الاختبار تستخرج رخصة القيادة انت الذي تقود منذ 10 سنوات لا تستطيع (لو وقفت على دماغك )لماذا ؟؟؟!!! * عندما تبدأ في السير في الشوارع فعليك احترام العلامات التي تعلمتها واختبروك فيها لكن لا تتوقع من الآخرين احترامها ..فعليك الحذر عند السير في شوارع الاتجاه الواحد لأنك غالبا ستفاجأ بسيارة قادمة من الجهة المعاكسة وربما يكون سائقها ظريف فيصيح في وجهك ...انت اعمى مابتشوفش . إذا وجدت احدهم يعبر والإشارة حمراء فلا تتجرأ وتفعل مثله فغالبا ما يحمل هؤلاء على سياراتهم بادج للشرطة أو القضاء مما يجعل عسكري المرور يخشى من أخذ أرقامهم أما أنت يا غلبان فالبادج الوحيد الذي تضعه على سيارتك هو بادج ( مهندس والا دكتور غلبان) طبعا ستتهمني بالنصب عندما تجد سيارات الأجرة تفعل ذلك فليس من المعقول أن تكون سيارات الأجرة عليها بادج شرطة لكن لو دققت النظر فستجد سائق السيارة يخرج يده ليعطي اللي فيه النصيب للعسكري ( رشوة يعني هي جت عليه ) وفي العادة يكون نصف جنيه وجواه سيجارة والجديد دلوقتي حبايت(ترامادول) لا تلجأ للتشاجر في أي وقت من الأوقات حتى لو سبك أحدهم فالمبدأ الساري بين قائدي السيارات (الشتيمة ما بتلزقش وتلف تلف وترجع لصاحبها ) لذلك إذا شتمك أحد السائقين فيستحسن أن تعمل نفسك أطرش وتبتسم في وجهه وتمضي لحال سبيلك. كما أنك ستكون في أي حال الطرف الأضعف في الشجار فسائقي التاكسي غالبا ما يكون لديهم عقدة الاضطهاد ودائما ما يحتفظون بخشبة او حديدة معهم فضلا عن الأسلحة البيضاء التي أصبحت في يد الجميع(تحت شعار سلاح لكل مواطن)وحاليا(الايكترك شوك في يد الجميع) ...أما سائقي الميكروباصات فلديهم مبدأ ألا وهو ( أنا وأخويا على ابن عمي وأنا وابن عمي على الغريب) ..لذا لا تغتر عندما تراهم يتشاجرون مع بعضهم فبمجرد أن تتشاجر مع احدهم فأنت لديهم غريب وكلهم أولاد عم . *إشارات المرور ينتهي العمل بها تماما ونهائيا بعد منتصف الليل ويتم تثبيت اللون الأحمر بها حتى الصباح فلا تعرض نفسك للسخرية عندما تقف في إشارة حمراء بعد منتصف الليل(وفي الحالة دي هتقف طول اليل لان محدش هيجي قبل الساعه تمنية) مسموح لك بكسر جميع اشارات المرور بعد منتصف الليل . ******من الأخطاء الشائعة التي يتم تعليمها للسائقين أن الشارع مخصص للسيارات والرصيف للمواطنين ..والصواب أن الشارع للسيارات والمشاة و الرصيف للأصحاب المحلات (اوعي تحاول تكلم حد منهم اوتقف قدامه). أماكن عبور المشاه والكباري والأنفاق هي أشياء غير معترف بها بين المواطنين وعليك أن تعرف أن المشاة يعبرون من كل مكان لذا فأحذر. والداخلية عملت البدع عشان الناس تستخدم الانفاق والكباري لكن مفيش فايدة الي فدمغهم فدمغهم ******ملحوظة هامة وتحذيرخطير********** من الأشياء الواجب جدا الاحتراس منها السيارات التي تقودها سيدات فهن بالعامي الفصيح ( لخمة ) فيجب أن تبتعد عن السيارات التي تقودها سيدات بمسافة مناسبة وألا تستخدم آلة التنبيه مطلقا مع السيدات لأنهن غالبا سيصبن بالذعر وتكون أنت السبب في توقف المرور في الشارع و عليك أن تعطيهن أولوية المرور ومن هنا نشأ المبدأ الشهير ladies first .(وانا شخصيا لسه واخد الي فية النصيب امبارح وعندي وحدة قربتى بتسوق بقلها 15 سنة متخرجشى بالعربية الا ترجع بيها مخبوطة) ******أهم شيء أثناء القيادة على الطرق السريعة وطريق الكورنيش ان تلتفت إلى السيارات القادمة من الأتجاه المعاكس فإذا وجدتها تضيء النور العالي وتطفأه بأستمرار ( فلاشر أو قلاب ) فهذا معناه أن هناك رادار أنت مقبل عليه لذا فالتزم بالسرعة المقررة ( 60 داخل المدينة ، 90 على الزراعي ، 100 على الصحراوي ) لأن مخالفة السرعة 300 جنيه داخل المدينة ، 500 خارجها .(علي فكرة انا مبعملش كده علشان الي يجري يستاهل الي يحصله). *******البالوعات غير المغطاة والحفر تمتلأ بهم شوارع مصرنا المحروسة فأحذر فالوقوع في إحداها قد يكلفك مبلغ وقدره وإذا سقطت في أحدها فلا سبيل للخروج إلا أن ترفع السيارة وإياك من محاولة إخراجها بمحاولة السير بها مع زيادة الضغط على البنزين ....سيحترق منك الموتور في الحال( على فكرة البلاعات مش بتبقي وراء بعضها عشان مفيش واحد يعملي ناصح ويمشى علي جنب مفيهوش بلاعات دى بتبقى سمبكسات) . ***** إذا أردت الوقوف فعليك الوقوف أقصى اليمين هذا خاص بسائقي السيارات الملاكي اما سائقي سيارات الأجرة تاكسي وميكروباص فعليهم الوقوف في منتصف الشارع ..ليمارسوا دورهم في العكننة على خلق الله ********* اذا اوقعك حظك العاثر وركبت احد المكروباصات فلا تحاول ان تقول للسائق خفض السرعة والا ستواجة بابشع الاتهامات من الركاب فضلا عن سائق الاكروبات(عفوا المكروباص) وعليك دائما ان تكون في المقعد الاخير وتغمض عيناك وتتلو الشهادتين(ممكن الجلوس في المقعد الامامي للذين يحبون الذهاب الي الملاهي لانه سيغنيهم عنها) ************ .عليك في النهاية أن تعرف أن القيادة في بلدنا لا تعتمد على الشطارة والمهارة بل تعتمد على شيء وحيد هو ستر ربنا سبحانه وتعالى إذ أنه بالمقاييس الطبيعية فإن كمية البلاوي التي يلاقيها من يقود سيارة في مصر لو كانت في بلد أخرى لأنتهت قيادة السيارت هناك منذ زمن لكن ربك ساترها مع الشعب الغلبان

09-12-31, 03:59 PM	#2
محمد سليمان صياد متفاعل تاريخ التسجيل: Dec 2009 المدينه: الجيزة المشاركات: 185 معدل تقييم المستوى: 6	رد: بعيدا عن الصيد/القيادة على الطريقة المصرية ههههههههههههههههههههه انت فكرتنى بقواعد المرور المصرى اللى كنت قرتها من فتره كدا على العموم انا عملت عليها سيرش و جبتها تانى عل و عسى نقدر نغير حاجه بالسخريه منها القاعدة الأولى: لو عربيتك كبيرة أو قديمة، أستخدم المبدأ القانوني: اللي خايف على عربيته يوسع!! ملحوظة: ابعد عن سكة العربيات المخرشمة ، بيسوقوا بنظرية ضربوا الأعور على عينه!! ------------ --------- --------- --------- --------- --------- --------- --------- ----- القاعده الثانيه: البوز بيز Booze Base: اللي يدخل ببوز عربيته الأول للتقاطع هو صاحب أولوية المرور! احرص على أن تكون صاحب أول بوز. ملحوظة: لا تطبق الـ Booze Base مع أي لوري أو أتوبيس، حرصاً على بوزك لا مؤاخذة. ------------ --------- --------- --------- --------- --------- --------- --------- ----- القاعدة الثالثة: الإشارات تكشف نواياك للأعداء، أياك أن تستخدمها! ------------ --------- --------- --------- --------- --------- --------- --------- ----- القاعدة الرابعة: لا تترك مسافة للأمان بينك و بين السياة التي أمامك فهذا له عدة مخاطر: 1. عربية ثانية حتملا الفراغ في ثواني و برضوه ما يبقاش فيه مسافة بينك و بين الي قدامك، كل الي كسبته انك اتأخرت لورا شوية. 2. حتدي فرصة للعيال يعملوا غرز قدامك. 3. كل المشاة حيغمضوا عينيهم و يعدوا من الحته دي. 4. الي وراك حيقعد يزمر - لو كان مؤدب - أو تسمع شوية أسامي حيوانات لو كان سواق تاكس - مؤدب - ، أو حيخبطك من ورا لو كان سواق ميكروباص - و دول مفيش حد منهم مؤدب -. الإشارات مش معمولة علشان تنظم المرور ، معمولة علشان شكل القاهرة يبقى متحضر بس! اعتمد على العساكر ( مع تحملك كامل المسؤلية لو واحد منهم شاورلك تعدي و بلدياته الناحية الثانية فتح السكة للوري ) أو يفضل أن تستعمل البوز بيز ( راجع القاعدة الثانية ). ------------ --------- --------- --------- --------- --------- --------- --------- ----- القاعدة الخامسة: اذا كنت مش واقف في الصف الأول في الاشارة اعمل حسابك تزمر بشكل متواصل و هستيري أول ما الأشارة تفتح، لأن الناس الي قدام بيبقوا واقفين في الاشارة من زمان و جايز جداً يكونوا ناموا!! ------------ --------- --------- --------- --------- --------- --------- --------- ----- القاعدة السادسة: معظم الحوادث تحدث في التقاطعات أول الأشارة ما تحمر، كل ما عديت الإشارة الحمراء أسرع كل ما قلت فرصة انك تتخبط! ------------ --------- --------- --------- --------- --------- --------- --------- ----- القاعدة السابعة: الشارع مكان مقرف، سوق بأسرع ما يمكن حتى تتخلص من هذا الهم بسرعة، الناس الي ماشيين بالراحة مرضى نفسيين بيستمتعوا بالعذاب ، يستاهلوا الي يجرى لهم. ------------ --------- --------- --------- --------- --------- --------- --------- ----- القاعدة الثامنة: من حقوقك الدستورية أن تركن أمام باب المحل الذي تريد أن تشتري منه، اذا سبقك واحد ابن ستين في سبعين و ركن قدام الباب، فمن حقك أن تقفل عليه و تركن صف ثاني أو ثالث، و مش مهم لو الشارع اتقفل، ايه يعني أما الناس تتعطل عشر دقائق علشان تستمتع بحقوقك الدستورية؟ هيا يعني الدنيا طارت ولا كان وراهم الديوان؟ ------------ --------- --------- --------- --------- --------- --------- --------- ----- القاعدة التاسعة: من حقك أيضاً أن تخرج من مكان انتظارك في أي لحظة تشاء، اكسر الدركسيون شمال و اطلع، أي حد ماشي في الشارع لازم يقف لك فوراً، راجع البند السابق. ------------ --------- --------- --------- --------- --------- --------- --------- ----- القاعدة العاشرة: إحترس من ثلاث أنواع من السائقيين بيسوقوا و كأنهم مش ممكن يموتوا: 1. العيال الروشين الي بيلعبوا Computer Games و فاكريين إن ممكن يكسبوا Life زيادة لو ساقوا أسرع. 2. موتوسيكلات توصيل الطلبات ( Home Delivery ). 3. سواقين الميكروباص. ملحوظة: إوعى تحاول تثبت لحد منهم إن فكرته غلط. فاهمني!!!. ------------ --------- --------- --------- --------- --------- --------- --------- ----- القاعدة الحادية عشر: لما تشوف حادثة لازم تهدي و تتفرج - مش مهم تساعد - الحجات دي دمها أخف من الأخبار المملة بتاعة التلفيزيون، و بعدين لما الطريق وراك يقف تحمي المجتمع من حادثة تانية. ------------ --------- --------- --------- --------- --------- --------- --------- ----- القاعدة الثانية عشر: الكناسين لازم يحللوا اللقمة الي بياكلوها، حاول تنفعهم و ترمي أي حاجة من الشباك. ------------ --------- --------- --------- --------- --------- --------- --------- ----- القاعدة الثالثة عشر: لما تخلص سيجارة أوعى تحطها في الطفاية، ارميها من الشباك أول ما تشوف واحد بموتوسيكل معدي جنبك ( علشان يحرم يعمل غرز ). ------------ --------- --------- --------- --------- --------- --------- --------- ----- القاعدة الرابعة عشر: من حقك أن تعبر الشارع في أي وقت و من أي مكان. ------------ --------- --------- --------- --------- --------- --------- --------- ----- القاعدة الخامسة عشر: اذا كان هناك سيارة قادمة اعمل نفسك مش واخد بالك و عدي براحتك خالص، ما تخافش، هوا حيقف، هو اهبل يدوسك و يودي نفسه في داهية؟ ------------ --------- --------- --------- --------- --------- --------- --------- ----- القاعدة السادسة عشر: اياك أن تنظر نحو السيارات القادمة، أعبر الطريق و ظهرك لها حتى لا يشك أحد قائدي السيارات أنك تراه و يحاول يخوفك علشان تقف انت. ------------ --------- --------- --------- --------- --------- --------- --------- ----- القاعدة السابعة عشر: حتى لو شفته أوعى تخاف - خصوصاً لو معاك بنت - تبقى راجل ملو هدومك و تخاف من حته عربية؟ عرض قفاك و سيبه يتفلق. ------------ --------- --------- --------- --------- --------- --------- --------- ----- القاعدة الثامنة عشر: الرصيف ليس للمشاه، بل لركن السيارات و فرشات الباعة الجائليين و المحلات... الخ، لذلك يحق للمشاة السير في وسط الشارع، لمزيد من الأمان، راجع القاعدة السابقة. ------------ --------- --------- --------- --------- --------- --------- --------- ----- القاعدة التاسعة عشر: إذا كان الماشي من فئة النقل الثقيل، فمن أبسط حقوقة إنه يمشي على أقل من مهله و يهتز براحته. واللي مش عاجبة الهز يدور على لوري يخبطة

09-12-31, 07:47 PM	#3
ابو الشوق صياد نشيط تاريخ التسجيل: Dec 2008 المشاركات: 429 معدل تقييم المستوى: 8	رد: بعيدا عن الصيد/القيادة على الطريقة المصرية موضوع جميل جدا انا لسة واحدة ست راكبة 128 حمرا حكيتلى الجنب امبارح لقيتها عرقت وتوترت جدا لدرجة انى اشفقت عليها ومرديتش اديها كلمتين انتا نسيت تتكلم عن بتوع التكاتك كلهم تحت ال15 سنة رحمتك بينا يا رب __________________ (نحن لن نستسلم ننتصر او نموت) عمر المختار [SIGPIC][/SIGPIC]

10-01-01, 09:33 PM	#4
محمد طه صياد متفاعل تاريخ التسجيل: Dec 2009 المدينه: بنها المشاركات: 102 معدل تقييم المستوى: 18	رد: بعيدا عن الصيد/القيادة على الطريقة المصرية أ / محمد سليمان انت متأكد ان دي قواعد المرور المصري ولا دي قواعد حرب الشوارع ابو الشوق باشا بيتهيألي لو هنتكلم عن الكتكيت الي ملت الشوارع هنكتب يومين تلاته ومش هنخلص كلام

10-01-03, 08:33 AM	#5
محمد سليمان صياد متفاعل تاريخ التسجيل: Dec 2009 المدينه: الجيزة المشاركات: 185 معدل تقييم المستوى: 6	رد: بعيدا عن الصيد/القيادة على الطريقة المصرية ههههههههه على رايك يا استاذ محمد "حرب الشوارع" بس شئ محزن بجد ان ده اللى بيحصل

أدوات الموضوع	إبحث في الموضوع
مشاهدة صفحة طباعة الموضوع أرسل هذا الموضوع إلى صديق	إبحث في الموضوع: البحث المتقدم
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
بعيدا عن الصيد ج2(غير عاديه)	salahfareed	الموضوعات العامه	11	12-04-25 06:20 PM
طريقة عمل اليمام او الحمام محشي على الطريقة المصرية	HuntingLover	مطبخ المنتدى	18	11-02-16 10:54 AM
بعيدا عن الصيد	samy	الصيد العام	3	10-06-24 04:34 PM
بعيدا عن الصيد	msgm	الصيد العام	7	10-05-14 03:40 AM
بعيدا عن الصيد	umarex	الصيد العام	1	10-01-09 11:13 AM