مشكله مجننانى فى الرمسيس

[احمد صابر حسن]

انا كنت عملت الموضوع ده فى قسم الاسلحه الهوائيه بس لقيت ان هنا المكان مناسب اكتر
انا عاوز اعرف اماكن موثوق فيها لتصليح بنادق الرش مع العلم ان البندقيه اللى معايا رمسيس نمره 1 و المشكله اللى فيها ان الماسوره اللى هيه جواها السوسته المجرى بتاعتها وسعت اوى و السفه الحديد بتاعها اتبرت من الاستعمال..المشكله دى ممكن يكون لها حل ولا ايه
يا ريت بجد يا جماعه حد يساعدنى عشان البندقيه دى غاليه اوى عندى و بقالها معايا 9 سنين
مع العلم انا من القاهره
و دى صور توضح لكم العيب

[المعماري]

انا كمان عندي نفس المشكلة ومش لاقيلها حل
والمشكلة التانية ان مسامير التثبيت بتات الدبشك اتاكلت
روحت لواحد قاللى مفيش حل غير انك تركبلها افيز زى بتاع الخراطيم

شكلها بقى وحش اوي

[amr naser]

بتهيالى عايز بستم

[coyote160]

كنت عملت موضوع في الرورشة هنا عن نفس العيب وزودتها لحام باللمبة وخرطتها برة وجوة ورجعت جديدة بس انا معتقدشان حد ممكن يزهق نفسه كدا ويعمل دا كشغل لحد وعل كل جربوا مش هتخسروا

[المعماري]

هوا البستم بيتباع لوحده
ولا لازم اجيبه من المصنع الحربي
واكيد هيبقى غالى

وغير كده معتقدش انى اعرف ورشة فيها الدقة اللى تظبط بندقية

لو حد يعرف ورشة خراطة كده يقولي

[احمد صابر حسن]

و الله واحد زميلنا هنا فى المنتدى مشكور قاللى على الفكره دى و اول ما دخلت على الخراط و ماسك القميص و قبل ما اتكلم لقيته بيقولى بطريقه وحشه فى الكلام انا مبشتغلش فى الحاجات دى قلتله دى بندقيه رش على فكره و كنت هتخانق معاه
حسسنى انى داخل اصنع عنده ار بى جى ولا دبابه

[المعماري]

هل في حد عنده رسم هندسي او مقاسات بحيث الخراط يمشي عليها

[قناص الظلم]

]ده خراط متخلف عقليا وجبان جدا ازهب لغيره واختار خراط على قد حاله حتى يكون متفرغ لها ولا يعطلك وقبل زلك عند السمكرى يزود الجزىء المتاكل نحاس بلمبه الاكسجين وازا وضعت من الداخل خلف مكان المجره قطعه خشب سميكه لتتحمل الحراره وتمنع سقوط النحاس المنصهر فلن تحتاج الى خراط ويمكنك برد كتل اللحام الزائده بنفسك من الخارج

[adel152]

المشاركة الأصلية كتبت بواسطة احمد صابر حسن

انا كنت عملت الموضوع ده فى قسم الاسلحه الهوائيه بس لقيت ان هنا المكان مناسب اكتر
انا عاوز اعرف اماكن موثوق فيها لتصليح بنادق الرش مع العلم ان البندقيه اللى معايا رمسيس نمره 1 و المشكله اللى فيها ان الماسوره اللى هيه جواها السوسته المجرى بتاعتها وسعت اوى و السفه الحديد بتاعها اتبرت من الاستعمال..المشكله دى ممكن يكون لها حل ولا ايه
يا ريت بجد يا جماعه حد يساعدنى عشان البندقيه دى غاليه اوى عندى و بقالها معايا 9 سنين
مع العلم انا من القاهره
و دى صور توضح لكم العيب

طيب ما تريح نفسك وتجيب كانون جديد من المصنع بدل ما تلحم وتخرط ووجع الدماغ ده واكيد فى الاخر مش حتكون زى الكانون الجديد وحتبقى صرفت فلوس على الفاضى.

[zizohunt]

انا عندي حل لها

[ShootSafroot]

عندي كانون خاص بالبندقية المعادي إذا كان يلزمك !! أرسل لي رسالة علي الخاص

[mohamed fayd]

بص يا باشا الكلام الى بيقوله coyote160 كلاص صح فعلا انت للازم تعملها بالحام انا كان عندى المشكله ودا وحلتها

[احمد صابر حسن]

طب ما تقول يا معلم

[احمد صابر حسن]

و الله الحل دا انا عارف ان هوه الاصح فعلا لكن لو حاولت تنفذه بجد هتلاقيه صعب جدا

[المعماري]

بكام الجديد من المصنع؟

[احمد صابر حسن]

الناس هنا بتحب تتكلم اوى بس من غير اى معلومات

[adel152]

المشاركة الأصلية كتبت بواسطة احمد صابر حسن

الناس هنا بتحب تتكلم اوى بس من غير اى معلومات

استاذ احمد
جميع الاعضاء فى هذا المنتدى بتحاول تساعد بعضها البعض على قد المعلومات المتاحة لهم او المعروفة لديهم.
واعتقد على مستوى الموضوعين اللى حضرتك عملتهم بخصوص هذا القميص :
مشكله مجننانى فى الرمسيس
مين عنده قميص رمسيس
كان يوجد 23 مشاركة وتم عرض جميع الخيارات المتاحة سواء خراطة او شراء القميص جديد من المصنع او مستعمل عن طريق المنتدى او عن طريق محلات تصليح الاسلحة.
لا أعتقد ان هناك معلومات او اقتراحات اخرى يمكن طرحها فى هذا الموضوع فكان من باب اولى تقدير رد ومشاركة الاعضاء مع حضرتك وتذكر مقولتك ( الكلمه الطيبه صدقه ).
شكرا لسعة صدرك وارجو انك ماتزعلش من كلامى لأن جميع الاعضاء يعطوا كل مالديهم لهذا المنتدى ولا ينتظرون اى مقابل سوى الكلمة الطيبه.
خالص تحياتى

[احمد صابر حسن]

لا ازعل من ايه بس يا استاذ عادل
الواحد بس ساعات بيكون متوتر شويه و ممكن يكتب اى رد يزعل حد منه

[adel152]

المشاركة الأصلية كتبت بواسطة احمد صابر حسن

لا ازعل من ايه بس يا استاذ عادل
الواحد بس ساعات بيكون متوتر شويه و ممكن يكتب اى رد يزعل حد منه

كان الله فى العون اخى الفاضل واتمنى لك كل التوفيق فى طلبك.

[akel]

السلام عليكم ورحمة الله وبركاته .
الأخوة الأفاضل اللي عندهم بندقية رمسيس سواء قديمة عندهم أو مازالت في الخدمة . رأيي ان البندقية رمسيس مرحلة أولي في هواية الصيد بس بصراحة عاملة زي الحلاق اللي لسه بيفتح المحل استفتح بواحد أقرع . يعني بداية ممكن تعقد الواحد في الهواية نفسها . وعاوزة صبر والد سيدنا أيوب نفسه .وموش زمنه. وكمان المصنع الحربي قطاع عام ياكل وينام وعاوز يقبض أول الشهر المرتب والحوافز كمان والا يعمل اعتصام ويهدد بانه حيمنع صيادي مصر من اقتناء التحفة النادرة (بندقية رمسيس ) مع الأعتزار للملك رمسيس الثاني العظيم حقك علينا ياجدنا . باختصار يااخوانا البندقية للتعلم وحتي تعلم الصيانة للبنادق وبعدها تشوفلك حاجة أرقي شوية .علشان تنمي الهواية .. وآسف للاطالة

[drkalaf]

بص انا عكست الفكرةو عملتها قبل كدا شخصيا بص انت هغير اللقمية اللي تحت اللي هي ماسكة في الدراع اللي بيزق يعني مطرح الفاتحة اللي في الكانون هتجيد و حد جديدة و تجرباه لو مش مضبوة و بتحك و تقفش هتمسح الكانون عن الخراط بيحث يخلص على الصفر ة تزود اللقمة هتبقى اسهل بكتر دا عن ترجبة شخصية

[LionHeart]

ايه الحل بجد لان ده عيب كبير فى الرمسيس

[Masterssss]

تروح تزود الشفتين بتوع بلحام لمبه وتجلخها بالساروخ للتسويه بدون ما تضيق المجري وهتبقي تمام جدا

[القناص العالمي]

المشاركة الأصلية كتبت بواسطة masterssss

تروح تزود الشفتين بتوع بلحام لمبه وتجلخها بالساروخ للتسويه بدون ما تضيق المجري وهتبقي تمام جدا

+1111111111111111111111

[سرسور]

البستم موجود عن فتح الله فرع محطة مصر