القناص 3 : الرماية

sniperwolf500 · 13-09-17, 03:44 AM

استكمالا لموضوعنا السابق عن القناصين وهم أمهر الرماه نستكمل الرحلة لنعرف بعض اسرار القناصين في مجال الرماية

وفي الأول دعنا نتفق ان القناص ده مش مولود كدة في الحقيقة قد يمتلك الموهبة و قد لا يمتلكها ولكن في ميدان التدريب لأول مرة كله بيستوي أية ازاي

كشاف المواهب و الباحث عن الرماه الجيدين بيدور بس علي الافراد الي حققوا نتائج لا تقل عن 73% علي مستويات من الرماية 50متر و 100 متر ثم بيراجع النتائج المستخلصة أول مرة ويراجعها بتاني مرة وثالث مرة فهو يبحث عن ثابتي المستوي مش الموفقين

دول بقي بياخدوا فرقة رماية أخري ... حيث يعطي مل متدرب سلاحا بمفرده ... ويبدأ مع المدرب الخاص بتحسين العلم الاكاديمي لكي يطبقه في الواقع ليرفع مستواه في الرماية

وفي المرحلة دي كل طالب بيكون مسئول عن سلاحه و هو الي بيقوم بعملية تصفيره ميكانيكيا كما تعلم من مدربه ويبدأ في تجربة سلاحة تحت اشراف مدربه وفي جيوش دول كثيرة لا يحتاج الطالب او المتطوع او المجند لدخول فرقة خاصة ليتعلم كيفية ضبط سلاحه لان ذلك لا يضعه في انسجام مع سلاحه مما يؤدي انه شايل سلاح وخلاص وساعة الحسم قد لا يكون التوفيق بجواره فتحدث مأساة بمعني الكلمة

يبقي أولا لو عاوز نكون رامي ماهر يجب عليك انك تعرف ازاي تصفر وتضبط بندقيتك

وان تجميع مجموعة الطلقات المضروبة علي الشخص في مكانها المضبوط و متقاربة بفرق لا يزيد عن 3 سم بين كل واحدة والثانية في محيط دائري

ثانيا لازم تفهم فيزياء المقذوفات المستخدمة في الرماية و طبيعتها ولازم تفهم انك لو حبيت تغير نوع الذخيرة او العيار يبقي حتعيد العملية تاني من الأول اقصد طبعا عملية الضبط

ثالثا حب سلاحك .. سلاحك يحبك

ده اول شئ

الأسرار بقي عبارة عن تدريبات تسمي Dry fire drills

أولا تدريب بتقوية اعصاب الذراع ... انك تحمل البندقية في أوضاع الرماية لفترات بداية من دقيقة متواصلة وراحة 15 ثانية ... ثم دقيقة أخري ثم راحة فإذا اختفي الألم مع الوقت ابتدي زود المدة ودائما خلي الفترة الخاصة بالتحميل للفترة الخاصة بالراحة نسبة 4:1 بعني تشيل اربع دقائق متواصلة تريح ذراعك دقيقة مع التحريك لفك التيبس و العضلات ... التمرين ده يقوي العضلات التي تساهم في حمل البندقية عموما

التمرين الثاني يخص التدريب علي الضغط علي التتك فكما هو معلوم وكلنا نعرف لما تيجي تضرب بيقولك اسحب التتك مش انتش التتك لازم بكون عقلة الصباع الاولي تكون كاملة علي التتك ان لم يكن اول عقلتين لان عند عملية سحب التتك بوز البندقية بيترفع و في حالات اخري ممكن تتحدف ناحية الجذب كمان فتطلع نتيجة الرماية هبابة طب الحل التدريب علي سحب التتك مع وضع عملة معدنية صعيرة زي النص جنية علي راس الفوهة وسحب التتك و واصل علي مدة في مختلف الاوضاع لحد لما تلاقي نفسك يتسحب التتك من غير ما العملة تقع مع ملاحظة انه عند الضغط علي التتك (الضرب) يجب ان تكون عينك و تركيزك في تلك المرحلة علي الناشينكاه الأمامي فقط لا غير

التمرين الثالث يخص النظر انك تحاول تدرب نفسك علي الرماية و عنيك الاتنين مفتوحين وده بيكون عن طريق غلق العين الاعتيادية و لرفع قدرة العين الاخري وامهر الرماة والمفضلين و الي زي ما بيقولو فرخة بكشك هم الرماه الي بيستخدموا عنيهم الاتنين ودي صورة لقناص انجليزي وطبعا الانجليز في المجال ده هم يعتبروا من أفضل الأوائل ان لم يحتلوا مرتبة الأفضل حتي الآن

وعلشان توصل للنتيجة دي

اتفرج علي اللينك بيشرح القصة دي و بيحاول يبسطها

http://www.youtube.com/watch?v=xmun8RLHMyU

http://www.youtube.com/watch?v=xmun8RLHMyU

التمرين الرابع وده من اخطر واصعب التماربن وهو تنظيم النفس اثناء الضرب او التدريب علي التحكم في التنفس بحيث تحافظ علي العلاقة بين التنفس و امتلا جسدك بالأكسوجين وده يخلي تركيزك عالي في الرماية ويبعد عنك ما يسمي بخدر العينين نتيجة قلة في الأكسوجين فيتهيألك انك منشن علي الهدف وانت في الحقيقة مش منشن عليه من الاساس او في زغلله فتلاقي نفسك بتنزل بالناشينكاه الامامي من غير ماتحس علشان تبقي شابف الهدف و اضرب فتلاقي نتيجة النيشان اسفل الهدف ؟؟؟؟ و تعد تتعجب ازاي ده حصل ....
انك تنظم نفسك هو مفتاح الخروج من الازمة فعند الشهيق يرتفع الصدر لأعلي وياخد البندقية المسنودة علي كتفك معاه فلو ضربت في اللحظة دي حتكون عامل زي ما رجل روبيرتو باجيو وهو بيشوط ضربة الجزاء امام البرازبل سنة 94 علشان الكورة راحت فوق فوق فوق فوووووووووووووووووووووووووووووووووووق

ولو ضربت اثناء هروب الهواء من الصدر اثناء الزفير ... يبقي نشنت تحت

و الحل انك تكتم نفسك بعد الشهيق مدة 5 ثواني و تسيب الزقير ثم تسكن مدة 5 ثواني وهكذا الـ5ثواني دول بقي عما مجالك للرماية المتتالية و في طرق اخري بس صراحة انا ارتحت في الطريقة دي

التمرين الخامس حاول تجمع بين كل الي فات ده مرة واحدة ... وتقسم القصة دي مراحل بدءا من حمل البندقية ... وضع اليد علي المقبض ... ضع اصبعك بطريقة صحيحة داخل حجرة التتك ... ابدء بالنظر للهدف وارفع سلاحك تجاهه ...
ابدء في عملية تجميع النيشان ... التركيز علي جعل الهدف ظاهرا في منتصف الناشينكاه الامامي ... ثم البدء في رفع الماشينكاه الأمامي ببطء حتي يتلاقي طرف الناشينكاه الامامي مع طرفي الناشينكاه الخلفي مكونا شكل خط مستقيم
ركز علي الناشينكاه الامامي ... نظم نفسك ... مرحلة سكون النفس 5 ثواني اثناء ذلك اعصر التتك .... ولا تنسي وضع العملة المعدنية علي فوهة البندقية وحاول تنفيذ تلك العملية ببطء وحاول تنظم كل ده في نفس الوقت

وأخيرا Wet fire drill

حاول تتدرب علي اصابة اهداف في اماكن مختلفة زي مرة هدف اسفل من مستوي الوقوف ومرة في نفس مستوي الوقوف ومرة هدف اعلي من مستوي وقوفك زي هدف علي شجرة مثلا وتعرف علي تشكيلات الناشيبكاه المختلفة
لتكتسب خبره كبيره من خلال ذلك

وحاول تعرف وتغطي نقاط الضعف في رمايتك وابدأ برماية عادية 10 متر ولما تتقنها تماما ابتدي زود 5 متر لحد لما توصل لل30 متر وابتدي زود مهارتك بشدة لان بعد 30 متر حضاعف المسافة 10 متر كل مرة وتتدرب علي رماية واعرف انك علشان تعرف انك اصبحت متقن لهذه المسافة انك ترمي يوميا ما لا يقل عن عشرين طلقة علي الهدف ولازم تجميع في 10 ايام يكون زي اليوم الي قبله لما توصل لثبات الرماية في الهدف عشر ايام متتالية دون تغير بنسبة لا تقل عن 80% اذا انت اصبحت SharpShooter لهذه المسافة وتقدر تنقل للمسافة التالية حتقولي ده انا علي كدة ممكمن اعد شهر في ال25متر دي مثلا حرد وأقولك وانت وراك حاجة

MBadr · 13-09-17, 01:23 PM

موضوع رائع ومتميز تحياتى يا قناص واحلى تقييم

Ibrahem mohamed · 13-09-17, 01:30 PM

أكتر من رائع تسلم الأيادى

sniperwolf500 · 13-09-17, 02:47 PM

شكرا كتير Ibrahem mohamed و MBadr علي التقييم و حسن التقدير وان شاء الله للأفضل

13-09-17, 01:23 PM	#2
MBadr صياد قديم اوسمتي مجموع الاوسمة: 1 تاريخ التسجيل: Jun 2012 المدينه: القاهرة المشاركات: 2,645 معدل تقييم المستوى: 419	رد: القناص 3 : الرماية موضوع رائع ومتميز تحياتى يا قناص واحلى تقييم __________________ وَمَا رَمَيْتَ إِذْ رَمَيْتَ وَلَكِنَّ اللَّهَ رَمَى وجاء في السنن عن عقبة بن عامر، قال الرسول صلى الله عليه وسلم: « إن الله يدخل بالسهم الواحد ثلاثة أنفار الجنة، صانعه المحتسب في عمله الخير، والرامي به، والممدد به »، وفي لفظ آخر: « ومنيله، فأرموا واركبوا، وأن ترموا أحب من أن تركبوا، كل لهو باطل، ليس من اللهو محمود إلا ثلاثة: تأديب الرجل لفرسه، وملاعبته أهله، ورميه بقوسه ونبله، إنهن من الحق ومن ترك الرمي بعد ما علمه رغبة فإنها نعمة تركها، (أو قال: كفرها)».

13-09-17, 01:30 PM	#3
Ibrahem mohamed صياد متفاعل تاريخ التسجيل: Jul 2013 المشاركات: 53 معدل تقييم المستوى: 5	رد: القناص 3 : الرماية أكتر من رائع تسلم الأيادى __________________ لا تسأل الطُغاة لماذا طغوا , بل اسأل العبيد لماذا ركعوا اللهم صلى وسلم وبارك على سيدنا ونبينا وحبيبنا محمد

13-09-17, 02:47 PM	#4
sniperwolf500 صياد نشيط تاريخ التسجيل: Sep 2010 المدينه: Alexandria المشاركات: 411 معدل تقييم المستوى: 14	رد: القناص 3 : الرماية شكرا كتير Ibrahem mohamed و MBadr علي التقييم و حسن التقدير وان شاء الله للأفضل __________________ [http://www.egypthunt.net/picture.php...pictureid=1717

أدوات الموضوع	إبحث في الموضوع
مشاهدة صفحة طباعة الموضوع أرسل هذا الموضوع إلى صديق	إبحث في الموضوع: البحث المتقدم
انواع عرض الموضوع
العرض العادي الانتقال إلى العرض المتطور الانتقال إلى العرض الشجري