1. youtube
  2. new
الإعلانات
الإعلانات

العودة   الصيد فى مصر > الاقسام العامه > الصيد العام

الصيد العام موضوعات الصيد العامه وتعارف الصيادين.

إضافة رد
أدوات الموضوع إبحث في الموضوع انواع عرض الموضوع
  #1  
غير مقروء 10-09-25, 09:35 AM
عاشق القنص عاشق القنص غير متواجد حالياً
Banned
 
تاريخ التسجيل: Aug 2010
المشاركات: 312
معدل تقييم المستوى: 0
عاشق القنص مستواه غير معروف
افتراضي سوال سريع وارجوا الرد للاهميه بخصوص التجنيد وورق الجيش

السلام عليكم ورحمه الله وبركاته
معلش انا بعتذر ليكم انى بتكلم فى موضوع بعيد كل البعد عن نطاق الصيد
وهو الجيش
لانه اصبح امر محير بالنسبالى
وطبعا قولت لزم اسئل اخواتى الصيادين الكبار
وبدون مقدمات كثير
انا دلوقتى خلصت الجامعه وشهاده التخرج طلعت والحمد لله كله تمام
جينا بقى للجيش
دلوقتى انا مواليد شهر 6 ودفعتى كلها خادت تاجيل فى شهر 8
وعشان انا لسه ورق الجامعه والشهاده لسه طالعه فقالولى انك دفعه 10/1
روحت وسائلت فى مكتب التجنيد الاسبوع الى فات قالى تعالى يوم 25 عشان التعليمات لسه مجاتشى
قولتله حاضر استنيت
وروحت النهارده قالى تعالى يوم السبت الى جاى
وانا لسه ماعملتش اى ورق خالص
وانا حاسس انو العسكرى مش عارف لانى سالت واحد تانى الى كان هناك المره الى فاتت قالى انك هاتجهز ورقك يوم 25
دلوقتى انا اعمل ايه
هل فى مكتب تجنيد تانى تابع للمحافظه ممكن اسئل فيه
ولا اسمع كلام العسكرى ده وربنا يستر
وهو انا كده هافرز امتى ولا هاعمل ايه انا مش فاهم حاجه
خالص
معلش لو تتعبوا معايا شويه الى عنده اى معلومه ممكن تساعدنى ياريت يقولى عليها
او حتى يبعتلى رقم تليفونه وانا هاكلمه
وشكرا ليكم جميا وانا اسف جدا لانى طرحت الموضوع ده عشان انا خلاص زهقت منهم
رد مع اقتباس

غير مقروء 10-09-25, 09:54 AM   #2
galal khalifa
صياد قديم
الصورة الرمزية galal khalifa
 
galal khalifa من اهم اعضاء المنتدىgalal khalifa من اهم اعضاء المنتدىgalal khalifa من اهم اعضاء المنتدىgalal khalifa من اهم اعضاء المنتدىgalal khalifa من اهم اعضاء المنتدىgalal khalifa من اهم اعضاء المنتدىgalal khalifa من اهم اعضاء المنتدىgalal khalifa من اهم اعضاء المنتدىgalal khalifa من اهم اعضاء المنتدىgalal khalifa من اهم اعضاء المنتدىgalal khalifa من اهم اعضاء المنتدى galal khalifa غير متواجد حالياً
إرسال رسالة عبر MSN إلى galal khalifa إرسال رسالة عبر Skype إلى galal khalifa

يمكنك التوجة الي مكتب تجنيد القاهرة ولة فرعين شارع جسر السويس - او الهايكستب وتفستر احسن لك او القسم التابع لة سكنك

التوقيع: الصيد متعة والتفوق هو الهدف
  رد مع اقتباس


غير مقروء 10-09-25, 10:04 AM   #3
محمد حافظ
صياد متقدم
 
محمد حافظ مستواه غير معروف محمد حافظ غير متواجد حالياً
إرسال رسالة عبر Yahoo إلى محمد حافظ إرسال رسالة عبر Skype إلى محمد حافظ

كلام جلال بك صحيح فعلا" لآنك لو أتأخرت عن دفعتك هاتبقى فاقد دفعة و هاتدخل و ممكن تأخد سنة زيادة فما تتهاونش و لا تتكاسل و أنتظر رد محمد بك عبد ألرازق هو أللى هايجيبلك ألفايدة

التوقيع:
  رد مع اقتباس


غير مقروء 10-09-25, 11:14 AM   #4
دسوقي
صياد جديد
 
دسوقي مستواه غير معروف دسوقي غير متواجد حالياً

السلام عليكم ورحمة الله وبركاتة
اظن ان الجميع وقع في نفس المشكلة عند التجنيد ضعف المعلومات
وللمساعدة بحثت في بعض المواقع ودي هي البيانات من الالف الي الياء وللأمانة هي البيانات منقولة من موقع اخر

اجراءات التجنيد - الاوراق المطلوبه عند التقدم للجيش

الاوراق المطلوبه للتجنيد والتعبئه كالتالي :

1- شهاده ميلاد كمبيوتر وحقولكم بتتعمل ازاي

2- بطاقه 6 جند اللي كنا سلمناها للكليه

3- فيش جنائي عشان الجيش
ولازم يكون عشان الجيش مش لأي سبب تاني

4- قيد عائلي
وده لاااااااااااازم لكل اللي حيقدموا للجيش او ممكن استخدام الوصل مختوم لو ملحقش يطلع
و خللي بالكم عشان سنتنا كان اول سنه يطبق عليها الموضوع ده عشان قبل كده كان الناس اللي بتحتاج تعمل القيد العائلي هما الناس اللي كانوا عندهم اعفاء سواء مثلا اذا كان وحيد او ابوه متوفي وهو العائل الوحيد للاسره او ايا كان السبب لكن دلوقتي بقى كل الناس سواء اللي ليها جيش او اللي ملهاش لازم يعملوا قيد عائلي وده اختلاف مهم عن اجراءات التجنيد اللي كانت بتتم في السنين اللي فاتت

5- عدد 4 صور شخصيه على الاقللللللل ويا ريت يكون عندكم اكتر احتياطي

6- نموذج 40 اللي بتجيبوه من البوسطه ويا ريت تحاولوا تجيبوه من بدري عشان للاسف النموذج ده بيخلص بسرعه في معظم البوسطه وساعتها حتضطر تلف الدنيا عشان تلاقيه والنموذج ده هو اللي بتملاه عشان تعرف تعمل القيد العائلي

7- افاده من الكليه او شهاده مؤقته عشان تثبت بيها انك مؤهل عالي وتثبتلهم انك اتخرجت من كليه كذا

8- طبعا البطاقه الشخصيه ودي مفيهاش كلام

9- لو كان عندك اخ اصغراو اخت صغيره ومعندهومش بطاقه شخصيه يبقى لازم تعملهم شهاده ميلاد كمبيوتر عشان حتحتاج الرقم القومي بتاعه عشان القيد العائلي

10- صور البطاقات الشخصيه للعائله كلهاااا الاب والام والاخوات والاخوه

11- صورة من عقد زواج الوالد والوالده عشان القيد العائلي وغالبا حتحتاج الاصل عشان توريه بس للموظفه مع ان الموظفه لما روحتلها كانت مكسله ومبصطش على الاصل d:

12- تحليل فصيله دم من مستشفى حكومي او خاص او حتى معمل تحاليل بس المهم يكون عليه ختم المكان اللي عملت فيه التحليل

13- لو افترضنا لا قدر الله ان الوالد متوفي يبقى في الحاله دي حتحتاج تطلع له شهاده ميلاد كمبيوتر من اي مكتب خدمات جماهيريه وده كلام اكيييييييييد


اجراءات التجنيد - اول حاجه يا ريت تعملوها في اجراءات التجنيد

يا ريت يا جماعه اول حاجه تحاولوا تعملوها في اجراءات التجنيد هي:

انكم تطلعوا القيد العائلي بدري عشان هو بيستغرق وقت طوييييل عشان يطلع وكمان لو انتم عملتوه بدري قبل معاد الكشف الطبي في التجنيد بفترة كويسه حتخلصوه بدري ومش حتلاقوا زحمه خااااالص وبجد تسليم الاوراق المطلوبه للقيد العائلي حتاخد 10 دقايق بالكتير من غير طوابير ولا زحمه

طيب حتعملوه ازاي:

اجراءات التجنيد - شهاده ميلاد بالكمبيوتر

حتعملوها ازاي:

1- حتجيب صورة من شهاده ميلادك سواء عاديه او لو كان عندك صورة لشهاده ميلاد كمبيوتر كنت عملتها قبل كده
2- صورة البطاقه الشخصيه
3- قلم ازرق (عشان حتملى بيانات

طيب حتعملوها منين ؟

بمنتهى البساطه من اي مكتب خدمات جماهيريه موجود في محافظتك ودول بيبقوا كتير

المهم بتاخد منها استماره ب 9 جنيه وتملاها وبياناتها بسيطه مش ازمه يعني وتسلمهالها مع صورة شهاده الميلاد وصورة البطاقه وحتقولك تيجي تستلمها للاسف بعد 10 ايام
يعني المشكله بس هي التأخير وعشان كده لو في واحد معندوش يا ريت يقدم على شهاده الميلاد الكمبيوتر اول خطوة عشان بتطول


اجراءات التجنيد - القيد العائلي

بصوا زي ما قلت قبل كده حاول تعمل الاجراء ده اول حاجه في اجراءات التجنيد من غير لا زحمه ولا قرف ولا حاجه ان شاء الله

نقاط مهمه بس لازم اوضحها :

القيد العائلي بيتعمل في السجل المدني اللي انت تابع له
بمعنى ادق انه حسب البطاقه

القيد العائلي اللي انت بتعمله بيكون باسم والدك باعتباره هو رب الاسره بمعنى ان صاحب القيد العائلي هو الوالد بينما طالب القيد العائلي هو انت

القيد العائلي نظرا لأنه بيتعمل في السجل المدني فهو بيبقى زحمه جداااااااا وقت اجراءات التجنيد فلازم لمصلحتكم تيجوا بدري اوي عشان تكونوا عملتوا اللي كنتم عايزين تعملوه احسن من انك تيجي متأخر وتقف في طابور طوييييييييييييل عريض وبعدين يقولولكم اوبس الوقت خلص تعالى بكرة صح؟

الاوراق المطلوبه لعمل القيد العائلي ( احد اجراءات التجنيد والتعبئه في مصر ):

1- نموذج 40 من البوسطه وده انت حتملاه او ممكن تستسهل وتخللي واحد من اللي بيبقوا موجودين قدام السجل من الكتيبه تدفعلوا 5 جنيه وهو حيكتب كل حاجه ويدبسلك كل الاوراق المطلوبه

2- صور بطاقتك وصور بطايق العائله كلها ( الاب والام والاخوات والاخوه ) ولو في حد في عائلتك لسه مطلعش بطاقه ساعتها حتضطر للاسف انك تعمله شهاده ميلاد كمبيوتر عشان هما بيحتاجوا يعرفوا الرقم القومي للاسف

3- صوره قسيمه الزواج او الطلاق بتاعه والدك ووالدتك ويا ريت تجيب الاصل عشان المفروض الموظفه بتبص على الاصل وتتأكد منه وترجعهولك تاني
اجراءات التجنيد - تابع القيد العائلي

المهم بعد ما بتوقف في الطابور وبتسلمها الورق هي بتراجعه شويه وبعدين هي بتديلك وصل وتقولك تعالى بعد اسبوع تقريبا او اكتر عشان تستلم القيد العائلي


بمعنى يفضل اول ما تستلم منها الوصل قولها اختمهولي عشان وقتي ضيق ومش حلحق معاد الكشف الطبي وبعد كده انت مصرحلك تكمل كل اجراءات التجنيد والتعبئه عادي خاااااااالص بيه ولما عشان الكشف الطبي بردك حتشتغل بيه الفرق بس انك هناك حيخلوك تبصم وتكتب اقرار انك لما ييجي معاد الارجه بتاعك لازم تكون استلمته فاهمني ؟
وعلى فكرة يا ريت كده كده تخليها تختمهولك عشان انت فيه لسه اجراءات من ضمن اجراءات التجنيد حتحتاجوا فيها القيد العائلي او الوصل عشان تعرفوا تمشوا في الاجراءات دي ( عشان تعرفوا تطلعوا الفيش الرباعي )

وحبقى اشرحلكم موضوع الفيش الرباعي بالتفصيل ان شاء الله
اجراءات التجنيد - تابع القيد العائلي

بعد اسبوع تقريبا من تقديمك لنموذج 140 ( وطبعا بعدها الموظفه اعطتك وصل ) حتروح تاني السجل المدني ومعاك الوصل ويفضل لو معاك كمان صورة بطاقه الوالد ( حقولكم ليه بعد شويه ) وبعد كده نفس الموظفه ( للاسف d: ) حتديها الوصل وهي حتديك القيد العائلي بس خللي بالك لأن القيد العائلي ده مش هو الصورة النهائيه
بمعنى ادق مش هو ده القيد العائلي اللي بالكمبيوتر بل هو يعتبر زي حاجه اوليه للقيد العائلي

والقيد العائلي اللي انت استلمته ده بتراجعه على جنب ( ولازم تراجعه كويس جدا عشان الحوار ده مفيهوش هزار : ) فخللي بالك وراجع البيانات كويس عشان لو فيه اي حاجه غلط ساعتها ( وان شاء الله ميكونش فيه ) حتديه تاني للموظفه عشان تظبطه تمام

المهم بعد ما انت استلمت القيد العائلي وراجعته حتقوم كاتب اقرار بسيط على القيد العائلي ده تقر فيه ان البيانات كلها صحيحه

والاقرار حيبقى بسيط اوي بالشكل ده :

اقر انا فلان ان البيانات كلها صحيحه وحتمضي كمان ويبقى عملت الاقرار

وبعدين بعد ما استلمت القيد العائلي وعملت الاقرار حتقولك الموظفه عند الموظفه الفولانيه في الشباك الفولاني وحتدفع 10 جنيه ونصف وحتديها القيد ده
والمفروض اساسا ان القيد ده هما مدبسين فيه صورة بطاقه والدك اللي كنت مقدمها مع نموذج 140 زمان وبالتالي ريحوا دماغكم انتم وجيبوا صورة البطاقه احتياطي لعل وعسى

بعد كده الموظفه حتقولك تعالى بكرة وانت حتجيلهم بكرة ان شاء الله ومعاك بطاقتك الشخصيه طبعا وحتستلم اخيرا القيد العائلي الكمبيوتر
وبكده تبقى خلصت اجراء من اجراءات التجنيد والتعبئه ( وعلى فكرة القيد العائلي للاسف له مده صلاحيه مش عارف بالضبط اد ايه بس بأي حال من الاحوال مش ازيد من سنه )
باقي اجراءات التجنيد
بعد ما طلعتم القيد العائلي ( او الوصل مختوم ) والفيش الجنائي وشهاده الميلاد الكمبيوتر يبقى فاضلكم حاجات سهله خالص في اجراءات التجنيد

فاضلكم تجيبوا :

الشهاده المؤقته او افاده من الكليه
نموذج 6 جند اللي كنتم طلعتوه من مده واديتوه للكليه
تحليل فصيله دم
صورة بطاقتك
3 صور شخصيه

وحتديهم للعسكري الموجود في جزء التجنيد ( غالبا بتبقى لازقه جنب القسم وساعتها هو بيراجعهم عشان يتأكد ان كل الاوراق مظبوطه وكامله وحيديكم استمارة الفيش الرباعي اللي انتم بردك حتودوه عند النقطه اللي عملتوا فيها الفيش الجنائي () وحتبصموا بردك على الفيش الرباعي ( عباره عن 3 ورقات في كل ورقه صورة شخصيه ليك ) وحيسلمهولك وانت واقف

وبعد كده حترجع تاني للقسم عشان تخللي واحد اسمه شيخ الحارة ( وده اسم وظيفي بجد مش تريقه والله ) عشان يمضي على الفيش الرباعي) وبعد كده حتروحوا لمدير القسم عشان يختمهولكم

وبعد كده حتودوه تاني لجزء التجنيد والعسكري حيقولكم تعالوا اما بكرة او في نفس اليوم متأخر عشان تاخدوا كل اوراقكم اللي كنتم اديتوهومله ويقولكم تعالوا يوم كزا ( يوم الكشف الطبي ) حالق ذقنك وشعرك ومعاك طبعا كل اوراقك وبكده تبقى انت خلصت الاوراق المطلوب احضارها لمنطقه التجنيد وخلصت اخيرا كل اجراءات التجنيد
كام ملحوظه بسيطه في اجراءات التجنيد بس فعلا مهممممممممممممه

1- تحليل فصيله الدم ممكن يتعمل من اي معمل تحاليل سواء خاص او في مستشفى سواء حكومي او خاص
المهم انه يكون مختوم بختم المعمل ده او المستشفى

2- نموذج ال 6 جند بيتاخد من الكليه



المهم :
يعني الكلام الاكيد انك انت اللي بتسحب النموذج من الكليه

3- بالنسبه للقيد العائلي زي ما قولت انسب حاجه انك تشتغل بوصل القيد ( بس مختوم ) وتديه مع كل الاوراق المطلوبه للعسكري عشان يديك استماره الفيش الرباعي وتكمل باقي الخطوات زي ما قولتلك عشان انت متضمنش القيد العائلي ممكن يطلع امتى وبالتالي الاحسن انك تشتغل الاجراءات بالوصل
ولما تخلص كل اجراءات التجنيد دي واستلمت الفيش الرباعي وختمته وكل الكلام ده وكان لسه قدامك وقت يبقى ساعتها تكمل خطوات الحصول على القيد العائلي زي ما انا شرحت قبل كده


4- الفيش الرباعي بيتعمل متأخر من النقطه يعني ابتداء من الساعه 11)
بس عموما انت بمجرد ما بتروحله بيبصمك وبتاخدوه في ساعتها
وطبعا الفيش الرباعي لما بتستلمه متكتبش فيه اي حاجه خاااااااااااااااالص زيه زي الفيش الجنائي

انتم كده خلصتوا كل اجراءات التجنيد وفاضلكوا الكشف الطبي ويوم الارجه ( يوم الارجاء ) وربنا معاكم
وانا حقولكم بالتفصيل كالمعتاد كل المعلومات اللي انتم محتاجينها عن الكشف الطبي ويوم الارجه ( يوم الارجاء )

13
ينا
2010
الكشف الطبي - ملحوظات مهمه بخصوص الكشف الطبي

1- هنالك بعض الحالات في الكشف الطبي التي تستدعي اما اعاده الفحص او انزال الشخص الى لائق ب او حتى اعطائه اعفاء طبي

من أمثله تلك الحالات الطبيه :

أ- ضعف النظر
ب- حمى البحر المتوسط
ج- فلات فوت عظمي
د- مرض السكر
م- الالتهاب الكبدي الوبائي سي ( فيروس سي )
و- وجود كسور او شروخ كبيرة في العظام
ن- التصاق الفخذين
ل- الوزن الزائد
ر- قصر القامه او ان يكون الشخص قصير ( اقل من 160 سنتيمتر )
غ- ضغط الدم المرتفع
ق- مشاكل في الجهاز التنفسي او ما يسمى ب الازمه
س-مشاكل جلديه او وشمه غريبه او ما شابه
ش - عدم تطابق الفكين ( تسمى كلاس ثري) بحيث ان الفك السفلي مستواه الطبيعي امام الفك العلوي
ض- وجود ناصور

هذه هي الحالات المرضيه التي اتذكرها والتي لها دلاله في الكشف الطبي في الجيش سواء الكشف الطبي في التجنيد او الكشف الطبي في حلميه الزيتون و لكن ليس شرط ان تكون هذه الحالات هي كل الحالات المرضيه التي لها علاقه بالكشف الطبي
كما انبه مرة اخرى انه ليس معنى ان تكون عندك حاله مرضيه من تلك الحالات انك ستأخذ اعفاء طبي فربما تنزل لعسكري ( لائق ب ) فقط
اي ان الموضوع اولا وأخيرا في الكشف الطبي يعتمد على حالتك المرضيه

2- ملحوظه مهمه :

لمزيد من الشفافية يقوم قائد منطقه التجنيد بإخراج عدد من الاشخاص "10%من عدد المعافين نهائيا" وتوجيههم لإعادة الكشف الطبي مرة أخرى بالمجلس الطبي العسكري بالقاهرة ( الكشف الطبي في حلميه الزيتون ) وذلك حتى يكونوا متأكدين تماما ان كل هؤلاء الاشخاص يستحقون فعليا الحصول على اعفاء طبي

الكشف الطبي - نصائح هاااااامه جدا للكشف الطبي


انا عارف ان يمكن موضوع الكشف الطبي في الجيش هو اكتر حاجه مهمه بالنسبه لكم ويمكن الشئ الرئيسي اللي خلاكم تدخلوا الموقع اساسا فعشان كده انا حقولكم على اللي حصل بالتفصيل بدون حياء او كسوف عشان تبقوا فاهمين بالضبط ايه اللي حيحصل ( بس في الرساله اللي جايه مش الرساله دي )

بعد ما انتم خلصتوا كل اجراءات التجنيد حتعملوا الكشف الطبي في التجنيد وعشان كده حقولكم على كام نصيحه مهمه ليكم

النصائح هي كالتالي:

1- تروحوا بدري جدا لمنطقه التجنيد ( عشان تخلصوا بدري نوعا ما وعشان حاجه تانيه كمان ) يعني على الساعه 7 الا ربع ( واساسا المفروض تكونوا هناك رسميا الساعه 7 صباحا )

2- تكونوا مصورين كل الورق اللي معاكم ايا كان على الاقل5 نسخه واحده وتكونوا اخدينها معاكم عشان لو فيه اي ورق ضاع منكم لا قدر الله تعرفوا تتصرفوا وتستعملوا الصورة

3- اساسا مطلوب منكم تكونوا مصورين الفيش الجنائي ( مش الرباعي ) + شهاده الميلاد الكمبيوتر + الافاده ( او الشهاده المؤقته ) + استماره 6 جند + القيد العائلي او الوصل المختوم كل الكلام ده 5 نسخ ( ده بالاضافه للنسخه المتصورة من كل ورقك اللي قلتلك عليها في رقم 2 )

4- جايب قلم ازرق جاف ضروري + يفضل عشان تنجز نفسك تجيب بردك لو عندك دباسه صغيرة والبتاعه اللي بتشيل الدبابيس

5- جايب دوسيه او اكلاسير عشان ده اللي حتحط فيه الاوراق المطلوبه وتسلمهولهم وده ضروري جداااااااااا( من غيره مش حيستلموا الورق )

6- طبعا جاي حالق شعرك جامد ( يعني تروح للحلاق وتقوله عايزها حلاقه ميري ودي تقريبا درجه 2 او 3 ) واهم حاجه ذقنك تكون متشاله تمااااااااااما بالموس ( مش حتى بالمكنه )

7- لو عندك كاب او طاقيه يا ريت تجيبه لمصلحتك عشان لما تقف في الشمس متجيلكش ضربه شمس ( وهو مسموح بيه على فكرة )

9- تجيب شنطه عشان دي اللي حتشيلها وتحط فيها اوراقك والميه والاكل ( وطبعا كل ده مسموح بيه مفيهاش مشكله ) وكمان الشنطه دي هي اللي حتحط فيها هدومك لما احم تضطر تقلعها

10- طبعا بطاقتك الشخصيه شئ اساسي ويا ريت تكون مصورها كام مرة احتياطي

11- كام صورة شخصيه ليك عشان ممكن يطلبوها لو انت حتاخد اعفاء طبي في نفس يوم الكشف الطبي

12- فلوس بسيطه عشان حتدفع فلوس عشان تاخد بون التصوير ( ولو انت كنت مصور كل حاجه زي ما قولتلك يبقى حتدفع جنيه واحد بس انما لو ورقك مش كامل تصوير يبقى حتدفع اكتر تقريبا 5 جنيه ) وكمان فلوس المواصلات

طبعا انا مخليكم تصوروا يمكن زياده شويه لكن ده احتياطي لمصلحتكم (
والموضوع القادم حتكلم فيه باستفاضه عن الكشف الطبي في التجنيد ان شاء الله

الكشف الطبي - معلومات مهمه بخصوص الكشف الطبي في التجنيد

بصوا بدايه زي ما قلت حتكونوا في منطقه التجنيد في اليوم المخصص ليكم الصبح بدري يا ريت على الساعه 7 الا ربع مثلا حتكونوا جايبين طبعا كل الاوراق والدوسيه وحتكونوا حالقين كويس طبعا زي ما قلتلكم

طيب بدايه لازم تكونواعارفين للاسف انكم حتضطروا تقلعوا هدومكم كلهااااااااااااااا لما حييجوا يكشفوا عليكم ( وقت الكشف الطبي بس ) وعشان كده تحاول وانت رايح تكون لابس خفيف وتكون لابس احم بوكسر كويس ساترك نوعا ما او حتى ينفع تكونوا لابسين شورت بتاع ترنج مثلا تحت البنطلون
بمعنى ان تحت البنطلون حتكون لابس حاجه واحده اما شورت او بوكسر او الشورة الابيض للي كلكم عارفينه

بعد كده حتدخلوا منطقه التجنيد وممنوع منعا باتا يكون معاك موبايل للاسف
وقدامك انك تحطه عند الامانات
ده غير اساسا انا يوم الارجه (يوم الارجاء ) بالذات كانوا مانعين اساسااااااااا
بعد كده بتقفوا في طابور والعسكري حيشوف مين اللي مش حالق كويس وحيوديه للحلاق وبعد كده العسكري حيقولكم على الاوراق المطلوبه بالضبط ان انتم تصوروها ( ولو انتم كنتم جدعان زي ما قولتلكم وكنتم مصورين اللي قولتلكم عليه ) ساعتها كده كده حتقفوا في طابور بسيط قدام بتاع التصوير وعشان انت مخلص كل الاوراق المطلوبه حتدفعلوه جنيه وهو حيديك زي كتيب صغير فيه شويه كلام عن التجنيد في مصر ومين ليه اعفاء ومين مالهوش وكده

بعد كده حتروحوا للمظله تقعدوا تحتها والعسكري حيقولكم على ترتيب معين الاوراق اصل وصور حتحطوه ( ومتخافوش هو بيقوله بالراحه ) وبعد كده حيقوم مدبسلكم الورق بالترتيب اللي قال عليه وحتحطوه في الدوسيه وحتسلموهوله
وطبعا طول ما انتم ماشيين حتلاقوا ناس يا عيني اوراقها مش كامله واي واحد كده العسكري بيقوله اما روح وتعالى بكره *** او بيقوله اركنلي على جنب وحيخلص الكشف الطبي بس حيتأخر جامد

بعد كده حتدخلوا المبنى وحييجي رتبه جامده في الجيش تقريبا عقيد او لواء حيقولكم مين له جيش ومين مالهوش جيش وحيفهمكم ايه الوضع بالضبط وحتعملوا ايه باقي اليوم وايه هي الارجه ( الارجاء ) وايه نظامها وحيسأل اذا كان في حد في عائلتك او انت نفسك اذا كان ليك ملف في امن الدوله او كنت معتقل سياسي عشان دول بيبقوا وضعهم مختلف بس مش عارف بالضبط دول نظامهم ايه ؟

المهم بعد كده حتروحوا لقاعه الكشف الطبي وحيدوكم ورقه او ملف بسيط حتملوه وهو بيانات عنكم وعن العائله وهو مش لازم يتملى بالتفصيل يعني مجرد اهم حاجه تكتب بياناتك انت وحتلاقوا فيه خانه فاضيه حترسموا فيها رسم كروكي وده مش هزار بل بجد حترسموا رسم كروكي لعنوان البيت من اي مكان او شارع رئيسي وحتكملوا رسم لحد ما ترسموا عنوان البيت بس على فكرة فعلا اهم حاجه بتتكتب في الورقه ديه هي بياناتك انت ورسم الكروكي بتاع البيت

المهم بعد كده حتقوموا قالعين التيشيرت او القميص + الفانله الداخليه + الكوتشي او الجزمه وحتروحوا تتصوروا ( من غير ما تبتسموا والكلام ده بجد عشان فعلا ممنوع الابتسام ) بالقميص العسكري وحتقيسوا وزنكم وطولكم وبعد كده حتطلعوا من حجرة التصوير والدكتور حيقول على كام حاله مرضيه مالهاش جيش ( يعني اعفاء طبي ) لو انت كنت منهم ساعتها وانت بتديله الملف او الورقه اللي هما ادوهالك ومليتها حتقوله على حالتك المرضيه (ويا سلام لو معاك اثبات سواء تحاليل او اشعه وهما كده كده بعدين حيكشفوا عليك تاني عشان يتأكدوا بنفسهم)

وبعد كده المفروض وانت بتديه الورقه الدكتور بيقيس عرض صدرك وبيكتب لو انت لائق او غير لائق من حيث عرض الصدر او لو انت وزن زائد ساعتها مبرووووووووووووك عليك اخدت اعفاء طبي وحتروح تاخد طابع او نموذج اسمه طابع غير لائق تقريبا وحتكمل في اجراءات الاعفاء وحتاخدها في نفس يوم الكشف الطبي

لو كنت لائق لحد دلوقتي يبقى حتكمل للاسف باقي الكشف الطبي
الكشف الطبي - تابع نصائح مهمه للكشف الطبي

طبعا انت قبل ما حتدي الدكتور الورقه اللي فيها الرسم الكروكي بتاع بيتك انت وكل زمايلك حتقلعوا كل هدومكم ما عدا الشورت او الشورت الابيض او البوكسر وحتدخلوا على كل كل كشف واحد واحد ورا بعض وبين كل حجرة وحجرة ستاره بتفصل كل كشف عن التاني

في كل كشف الدكتور بيسألك اذا كنت بتشتكي من مشكله معينه ليها علاقه بالكشف اللي انت داخله
يعني مثلا في كشف العظام الدكتور حيسألك اذا كنت مركب مسامير او عندك فقرات او مفاصل او عظام مكسورة او فيها شرخ مثلا وكده يعني

اهم حاجه عشان تبقوا فاهمين :

من مصلحتك ومن مصلحه الدكتور نفسه انك لو بتشتكي من اي حاجه بكرر اي حاجه اي حاجه ليها علاقه ولو حتى بعيده بالكشف ساعتها انت بتقوله عليها وهو اللي يحكم اذا كان الشئ اللي عندك يستحق يخليك تعمل فحص تاني او ينزلك عسكري من ظابط او تاخد اعفاء حتى

طيب ليه من مصلحته انك تقوله كل حاجه ؟

اقولكم انا :

عشان بمنتهى البساطه الكشف اللي انت بتكشفه اسمه كشف مبدأي او كشف أولي بمعنى انه مش هو الكشف النهائي يمعنى ادق الدكتور لما بيكون شاكك انك عندك حاجه احتمال تطلعك من الجيش او حتى تخليك لائق ب ( يعني عسكري ) ساعتها في ملفك الطبي بيكتب غير لائق او محتاج فحص يعني لو هو كتبلك محتاج فحص يبقى انت كده مش اخدت اعفاء لكن ده معناه انك حتكشف تاني اما في نفس اليوم او بعدها في يوم تاني او حتى في لجنه طبيه عليا في القاهرة ( الكشف الطبي في حلميه الزيتون )

اللي عايز اوصلهولكم ان الناس اللي كانت بتاخد اعفاء طبي في نفس يوم الكشف الطبي هما بس اللي كانوا بياخدوا اعفاء عشان وزن زائد او موضوع عرض الصدر لكن اي حد تاني بيتكتبله انه يفحص تاني وساعتها يياخد اعفاء او لائق ب او ممكن يكمل حتى لائق أ ( يعني ظابط وده في حاله انه عذره الطبي غير مقبول ولن يؤثر على تجنيده )

والدكتور من مصلجته انه لو شاكك في اي حاجه انه يكتبلك فحص تاني والناس المتخصصه هما اللي بيحددوا بمعنى ادق هو بيشيل ايده عشان ميتحطش في مشكله طيب ليه ؟ عشان انت بعد ما بتخلص كل الكشوفات خااااالص بييجي عقيد دكتور وبيسألكم حد بيشتكي من حاجه ؟ حد حاسس انه اتظلم في الكشف ؟حد حاسس انه كان المفروض ياخد اعفاء طبي واتظلم واتكتبله لائق ؟

لو انت مظلوم وقولتله على اللي عندك وكان عذرك فعلا يستحق انك تاخد اعفاء بينما الدكتور اللي كشف عليك اول مرة مأخدش باله او مهتمش ساعتها الدكتور العقيد حيزعقله والله اعلم اذا كان فيه عقاب بسيط ليه ولا لأ فاهمني ؟

طيب في ناس حتستعبط لا مؤاخذه وحتتحايل على اول دكتور حيكشف عليك وتقوله اكتبلي فحص ساعتها الدكتور ده حيبهدلهم

ليه؟

عشان هو اساسا بردك الدكتور العقيد حيعاقبه لو لقاه محول ناس كتير من غير ما يستحقوا للفحص الطبي الثاني ابسطها ده معناه انه مش فاهم شغله او مكوسها معاهم وطبعا ده غير مقبول اطلاقا في التجنيد المصري

طيب ايه الحل ؟

بمنتهى البساطه اولا تروح بدري وتكون مكمل ورقك وتكون من اول ناس بتكشف ( يعني اول مجموعه ) عشان ساعتها الدكاترة بيبقوا رايقييييييين جدا وانت لو عندك اي حاجه بتقولهم عليها و اهم حاجه تتكلم باحترام ومن غير دلع وتكلم كل دكتور في تخصصه يعني متقولش لبتاع العظم انا نظري ضعيف مثلا فاهمني ؟ والدكتور لما بيلاقيك بتتكلم باحترام ومن غير استعباط ساعتها على الاقل حيحترمك وهو اللي حيقولك اذا كان عذرك ليه دلاله ولا لأ

عشان حط نفسك انت مكان الدكتور لما انت تروحله متأخر بعد ما يكون كشف على ناس كتيييييييير فيه منهم اغبياء وناس كانت بتستعبط وكل واحد يقوله انا عندي كذا وكذا وناقص يقولوله انا عندي تسلخات ومش حينفع اخش الجيش d:

فبالتالي الدكتور على بال ما انت جاي تقوله اللي عندك حيكون اساسا مخنوق من الناس اللي قبلك وممكن يفتكرك انت كمان بتستعبط ( مع ان انت ممكن يكون سؤالك برئ فعلا ) وعشان كده انا ركزت قوي واكدت عليكم لمصلحتكم ان انتم تكونوا من اول ناس بتكشف عشان تتعاملوا باحترام وكمان فرصتكم انكم تدردشوا مع الدكاترة وتقولولهم اللي عندكم اكتر

وممكن من لاشئ تطلع حاجه انت كنت فاكرها بسيطه ومالهاش اي علاقه بالجيش تكون الحاجه دي هي السبب في طلوعك من الجيش وده حصل فعلا لناس كتيييييييييييير

بس بالمناسبه لو فيه عندك غضروف او الفقرات حاسس انها مش مظبوطه يا ريت تعمل اشعه قبل الكشف الطبي في التجنيد وتاخدها معاك عشان لو كان عندك الحوار ده يبقى على الاقل حتعمل فحص تاني



اما لو لا قدر الله كنت حتدخل الجيش يبقى في الحاله دي:

لو انت مترشح عسكري يبقى بتروح لمكتب الشكاوي وتقولهم عايز تتحول لجنه طبيه عليا وتعمل اعاده كشف وتوريهم نموذج 110 المختوم وبعد كده حتروح القاهرة تقريبا في خلال اسبوع ومعاك الاتي :

1- نموذج 110 جند + 2 صورة
2- عدد 2 من صورة شخصيه مقاس 4*6 سم
3- عدد 2 من صورة البطاقه الشخصيه

وحتعيد الكشف الطبي في القاهرة في حته اسمها حلميه الزيتون

لو انت كنت مترشح ظابط وعندك تأكيد كشف اثناء كشف الهيئه يبقى من اسمها يبقى وقت كشف الهيئه بتاعك حتروح ومعاك الاتي :


1- نموذج 110 جند + 2 صورة
2- عدد 2 من صورة شخصيه مقاس 4*6 سم
3- عدد 2 من صورة البطاقه الشخصيه

وحتقوم مقدم هناك ( في القاهرة في حلميه الزيتون ) ( مش في منطقه التجنيد ) على شكوى عشان تعيد الكشف الطبي تاني

الموضوع التالي حقولكم فيه ان شاء الله عن الكشف الطبي وعن كل كشف بالتفصيل

الكشف الطبي - كشف القلب وكشف الجراحه
اولا كشف القلب : ( ثالث كشف طبي في التجنيد )

سهل جدا : الدكتور حيقيس نبض قلبك وضغطك ولو لقى ضغطك عالي جامد ساعتها حيقولك تيجي تفحص تاني في يوم تاني او في لجنه طبيه عليا

ثانيا كشف الجراحه : ( رابع كشف طبي في التجنيد )

اولا انا بعتذر عن الاسلوب الصريح اللي حضطر اتكلم بيه وعشان كده بجد يا رييييييييييييييييت لو في اي بنت دخلت الموقع وبقت تقرا الكلام بقولها بالله عليكي وقفي قرايه لحد هنا ومتكمليش عشان كشف الجراحه يعتبر شئ خاص ومحرج للرجال
اللهم بلغت اللهم فاشهد

معلومه بس احب أأكدها وهي ان الدكتور مش حيستعمل ايده اساسااااااا (يعني الشائعات المخيفه اللي كان الواحد بيسمعها غلط تماااااااااما ) والكشف ده مش حياخد اكتر من 10 ثواني بالكتير

بص انت اول ما حتدخل على الدكتور عشان تريح نفسك اوعى وبكررها تاني اوعى تمايع الكتور او تقوله بلاش او بتكسف او اي حاجه عشان من الاخر طالما دخلتله هو كده كده حيكشف عليك
الشئ الوحيد اللي حتستفيده من مماطله الدكتور انه حيشك فيك وبالتالي معاملته حتبقى حتبقى وحشه جداااااا يعني ساعتها ممكن يقولك الفاظ قبيحه او اي شئ
الملخص لكلامي متحاولش تماطل الكتور عشان الكشف الطبي الزفت ده يخلص في 5 ثواني وخلاص فاهمني ؟

وبعد كده حتلبس الشورت وتطلع بره وحتروحوا على حجرة وحيعدي عليكم الدكتور العقيد وحيسألكم اذا كان اي حد عنده مشكله او حاسس انه اخد لائق في الكشف الطبي وهو مظلوم مثلا ولا لأ

وبعد كده حتلبسوا هدومكم كلها وحتستنوا ما يسمى بنموذج 110 وده اللي بيكون مكتوب فيه معاد الارجه بتاعك ( ولازم تحافظ عليه كويس جدا وتصوره احتياطي كزا نسخه )
وطبعا لو انت حتضطر تكشف تاني يبقى حتروح ولما تكشف تاني يبقى ساعتها حتاخد النموذج 110

ولو انت حتتحول للجنه طبيه عليا في القاهرة ( الكشف الطبي في حلميه الزيتون ) يبقى حتدي بطاقتك للعسكري المسؤول ولما تاخد النموذج 110 حتيهوله يختمهولك وبعدها حتروح لمكتب الامن اللي على البوابه وحتبصم عليه بصوابعك وتاخده وتروح وتيجي تاني في يوم الارجه ( يوم الارجاء ) وتشوف لو اخدت تأجيل يبقى خلاص مبروك عليك انما لو لبست لا قدر الله يبقى حتضطر تروح تكشف تاني في القاهرة في حلميه الزيتون

الكشف الطبي - اجراءات الاعفاء يوم الكشف الطبي

لو انت كنت سعيد الحظ يوم الكشف الطبي في التجنيد يبقى حتاخد اعفاء ان شاء الله وده ممكن يكون بسبب وزن زائد أو ناصور أو بسبب ضعف النظر بدرجه كبيرة او اسباب كتير

المهم لو انت في نفس اليوم بتاع الكشف الطبي اخدت اعفاء وكنت غير لائق حتعمل ايه ؟

لازم يكون معاك صورة شخصيه + صورة من البطاقه الشخصيه

بعد ما تكشف حتروح انت وكل الناس اللي زيك لقائد المنطقه العسكريه ( منطقه التجنيد ) وحيكشف عليكم تاني للتأكد من ان اول تشخيص طبي كان صحيح وانك فعلا لك عذر طبي تستحق عليه الحصول على اعفاء طبي

لو انت فعلا كان عذرك الطبي صحيح ففي تلك الحاله :

حتبصم بالحبر على الورق مرتين ده غير انك حتبصم الكتروني على الكمبيوتر والكمبيوتر حيشوف بياناتك من خلال بصمتك
وبعدها باسبوع يا بطل حتروح تستلم شهاده الاعفاء بتاعتك من التجنيد
وبكده يبقى الف مبرووووووك و صدقني كل التعب اللي تعبته في اجراءات التجنيد أو الكشف الطبي لا يساوي شئ بالنسبه للتعب اللي كنت ممكن تتعبه في الجيش
الكشف الطبي - اذا كنت غير لائق طبيا في الكشف الطبي في التجنيد


يوم الارجه او يوم الارجاء ( اليوم اللي حيحدد مصيرك في الجيش ) داخل منطقه التجنيد
طبعا يوم الارجه او يوم الارجاء متهيألي حيعتبر من اهم الايام في حياتك d: اليوم اللي حيحدد مصيرك انت داخل الجيش ولا لأ ؟ انت ظابط ولا عسكري ولا تأجيل ؟

بعد ما انت خلصت كل اجراءات التجنيد وكمان خلصت الكشف الطبي في التجنيد حيبقى فاضل يا بطل يوم الارجه ( يوم الارجاء )

الاوراق المطلوب منكم انكم تجيبوها في يوم الارجه او يوم الارجاء بس هي:

1- نموذج 110

2- شهاده القيد العائلي وده مطلوب بس لو انت مكنتش جبت القيد العائلي وقت الكشف الطبي في التجنيد وكنت شغال بوصل القيد العائلي وزي ما قلتلكم ان انتم لو كنتم شغالين بوصل القيد العائلي يبقى يوم الكشف الطبي حتكتبوا اقرار على نفسكم انكم تجيبوا القيد العائلي

طيب فرضا مكانش القيد العائلي طلع يبقى ساعتها حتروح عادي يوم الارجه وتقولهم ان السجل المدني لسه مطلعلكش القيد العائلي

طيب وفعليا ايه هو اخر مدى مسموح بيه عشان تجيب القيد العائلي ؟

بصوا يوم الارجه ( يوم الارجاء ) لو كنتم تأجيل ( وان شاء الله كلكم تاخدوا تأجيل ) يبقى مش حتحتاجوا تجيبوا القيد العائلي اصلا

لكن لو لاقدر الله كنت حتدخل الجيش يبقى فيه حالتين:

1- لو كنت ظابط يبقى لااااااااااااااااااااااازم لما تروح كشف الهيئه للضباط في القاهرة يكون معاك وقتها القيد العائلي
وكشف الهيئه اساسا بيبقى بعد يوم الارجه او يوم الارجاء بحوالي كام يوم بس

2- لو كنت عسكري يبقى قبل ما تترحل لمنطقه التجنيد بتاعتك يبقى لازم يكون معاك وقتها القيد العائلي
وانا شخصيا انصحكم كده كده تحاولوا تطلعوا القيد العائلي بدري بدري بردك محدش يضمن الظروف ومين عارف لو اجلت الحوار اسبوع ولا اكتر ساعتها حيحصل ايه ؟ فاهميني ؟


تابع يوم الارجه ( يوم الارجاء للتجنيد ) داخل منطقه التجنيد

اهم ملحوظه حنبهكم عليها في يوم الارجه او يوم الارجاء ان محدش يجيب خااااااااااااااااااااالص اي موبايل معاه في منطقه التجنيد في يوم الارجه او يوم الارجاء عشان حتى ممنوع انك تحطه في الامانات

تاني ملحوظه :

ان انتم الاحسن ليكم انكم تيجوا بالضبط في يوم الارجه او يوم الارجاء الساعه 9 في منطقه التجنيد ( لا قبل كده ولا بعد كده) لو جيتم بعد يبقى غالبا حتضطروا تستنوا تاني مرة لما ينادي الضابط على الارجه ( الارجاء ) بينما الناس اللي حييجوا 9 حيكونوا من اول ناس حيدخلوا وحيقعدوا في المظله لحد الساعه 11ونصف تقريبا لحد ما الارجه ( الارجاء ) تتندى لكن تاني مرة تتنادى فيها الارجه اعتقد والله اعلم على الساعه 1-2 ظهرا وفي كلتا الاحوال انتم احرار حسب ظروفكم ومواعيدكم

وبالمناسبه مش مطلوب منكم انكم تيجوا حالقين لا شعر ولا حتى ذقن عشان انت خلاص خلصت الكشف الطبي قبل كده في منطقه التجنيد

نيجي بقى للمهم ومن اول هنا ركزوا قوي:

الظابط حيبتدي ينده على الارجه او الارجاء و نظامه في النداء حيكون اولا بالتخصصات
بمعنى في الاول حينده على التخصصات المطلوبه ودول هما الاشخاص اللي حيدخلوا الجيش ايا كان عمرهم او مولودين في يوم ايه او ايا كان الحال

باقي التخصصات اللي مش حينادي الظابط عليها حيفضلوا قاعدين وبعدها الظابط حينده على تخصصهم بالايام زي مثلا فرضا كليه هندسه قسم مدني متناداش عليها في الاول ( يعني كانت مش من التخصصات المطلوبه وده طبعا مجرد مثال للتوضيح ) ساعتها الناس اللي في كليه هندسه مدني حيبتدي الظابط ينده على تخصصهم بالايام يعني مثلا من يوم 8/1- لحد يوم 26/1 دول حيدخلوا الجيش وبعدها حيسقط كام يوم ( ودول مش حيدخلوا الجيش ) وبعدها حينادي على ايام تانيه حيدخلوا الجيش زي مثلا 5/2- لحد 5/3 دول داخلين الجيش

اظن كده فاهمين وطبعا المثال للايام والتخصص ده مجرد مثاااااااااال فقططططططططط للتوضيح مش اكتر

  رد مع اقتباس


غير مقروء 10-09-25, 11:31 AM   #5
mlmk66
صياد متفاعل
 
mlmk66 لديه مشاركات جيدهmlmk66 لديه مشاركات جيدهmlmk66 لديه مشاركات جيدهmlmk66 لديه مشاركات جيدهmlmk66 لديه مشاركات جيدهmlmk66 لديه مشاركات جيدهmlmk66 لديه مشاركات جيدهmlmk66 لديه مشاركات جيدهmlmk66 لديه مشاركات جيدهmlmk66 لديه مشاركات جيدهmlmk66 لديه مشاركات جيده mlmk66 غير متواجد حالياً

استاذ / دسوقي انت راجل محترم جدا معلومات قيمة ومفصلة

التوقيع: [SIGPIC][/SIGPIC]
  رد مع اقتباس


غير مقروء 10-09-25, 06:45 PM   #6
محمود5555
صياد نشيط
الصورة الرمزية محمود5555
 
محمود5555 مستواه غير معروف محمود5555 غير متواجد حالياً

اقتباس:
المشاركة الأصلية كتبت بواسطة عاشق القنص مشاهدة المشاركة
السلام عليكم ورحمه الله وبركاته
معلش انا بعتذر ليكم انى بتكلم فى موضوع بعيد كل البعد عن نطاق الصيد
وهو الجيش
لانه اصبح امر محير بالنسبالى
وطبعا قولت لزم اسئل اخواتى الصيادين الكبار
وبدون مقدمات كثير
انا دلوقتى خلصت الجامعه وشهاده التخرج طلعت والحمد لله كله تمام
جينا بقى للجيش
دلوقتى انا مواليد شهر 6 ودفعتى كلها خادت تاجيل فى شهر 8
وعشان انا لسه ورق الجامعه والشهاده لسه طالعه فقالولى انك دفعه 10/1
روحت وسائلت فى مكتب التجنيد الاسبوع الى فات قالى تعالى يوم 25 عشان التعليمات لسه مجاتشى
قولتله حاضر استنيت
وروحت النهارده قالى تعالى يوم السبت الى جاى
وانا لسه ماعملتش اى ورق خالص
وانا حاسس انو العسكرى مش عارف لانى سالت واحد تانى الى كان هناك المره الى فاتت قالى انك هاتجهز ورقك يوم 25
دلوقتى انا اعمل ايه
هل فى مكتب تجنيد تانى تابع للمحافظه ممكن اسئل فيه
ولا اسمع كلام العسكرى ده وربنا يستر
وهو انا كده هافرز امتى ولا هاعمل ايه انا مش فاهم حاجه
خالص
معلش لو تتعبوا معايا شويه الى عنده اى معلومه ممكن تساعدنى ياريت يقولى عليها
او حتى يبعتلى رقم تليفونه وانا هاكلمه
وشكرا ليكم جميا وانا اسف جدا لانى طرحت الموضوع ده عشان انا خلاص زهقت منهم



استاذ دسوقى قال على كل الاوراق المطلوبة بالتفصيل , واكتر ورقة بتاخد وقت هى الفيش الجنائى بتاخد اسبوع ولو محتاجه ضرورى ممكن تعمله فى نفس اليوم من مديرية الامن اللى انت تابع ليها اما الفيش الثلاثى ده بتعملة من مكتب التجنيد وبتعملة على طول وباقى الاوراق معاك زى شهادة الميلاد والمؤهل لكن المفرض انك تسمع كلام العسكرى اللى انت سألته لان هو اللى بيجيلة ميعاد دفعتك وهو اللى بيعملك الفيش الثلاثى ولو مجلوش تعليمات مش هيرضة يعمله المهم انك تتابعة باستمرار

التوقيع:
إذا كنت تحزن لوجود الشـوك وسط الورود

فافرح لوجود الورود وسط الشـوك


http://i105.photobucket.com/albums/m...hp/Back01b.jpg
  رد مع اقتباس


غير مقروء 10-09-26, 02:47 AM   #7
عاشق القنص
Banned
 
عاشق القنص مستواه غير معروف عاشق القنص غير متواجد حالياً

اقتباس:
المشاركة الأصلية كتبت بواسطة galal khalifa مشاهدة المشاركة
يمكنك التوجة الي مكتب تجنيد القاهرة ولة فرعين شارع جسر السويس - او الهايكستب وتفستر احسن لك او القسم التابع لة سكنك
شكرا ياعمده بس انا من الاسماعليه وسالت قالوا لو عايز تتاكد من اى شى روح المدريه ف واطلع مكتب التجنيد( وتقريبا كده ده يعتبر الرئيسى)
وبشكر حضرتك للمره التانيه

  رد مع اقتباس


غير مقروء 10-09-26, 02:49 AM   #8
عاشق القنص
Banned
 
عاشق القنص مستواه غير معروف عاشق القنص غير متواجد حالياً

اقتباس:
المشاركة الأصلية كتبت بواسطة محمد حافظ مشاهدة المشاركة
كلام جلال بك صحيح فعلا" لآنك لو أتأخرت عن دفعتك هاتبقى فاقد دفعة و هاتدخل و ممكن تأخد سنة زيادة فما تتهاونش و لا تتكاسل و أنتظر رد محمد بك عبد ألرازق هو أللى هايجيبلك ألفايدة
شكرا لمعاليك يامحمد بيه
وان شاء الله هابعت الرابط لمحمد بيه وحضرته بسم الله مشاء الله ما بيتاخرش عن حد
طال الله عمره
وبشكر حضرتك للمره التانيه

  رد مع اقتباس


غير مقروء 10-09-26, 02:51 AM   #9
عاشق القنص
Banned
 
عاشق القنص مستواه غير معروف عاشق القنص غير متواجد حالياً

استاذ دسوقى انا مش عارف اشكر حضرتك ازاى دى موسوعه التجنيد مع الاستاذ دسوقى
بجد الله عليك من الالف للياء كل حاجه
الف مليون شكرا لحضرتك ياباشا
وربنا يخليك لينا

  رد مع اقتباس


غير مقروء 10-09-26, 02:52 AM   #10
عاشق القنص
Banned
 
عاشق القنص مستواه غير معروف عاشق القنص غير متواجد حالياً

اقتباس:
المشاركة الأصلية كتبت بواسطة mlmk66 مشاهدة المشاركة
استاذ / دسوقي انت راجل محترم جدا معلومات قيمة ومفصلة
بضم صوتى مع صوت حضرتك فعلا استاذ دسوقى لا يختلف عليه اثنان
وبشكرك للمشاركه

  رد مع اقتباس

إضافة رد

أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة


المواضيع المتشابهه
الموضوع كاتب الموضوع المنتدى مشاركات آخر مشاركة
اي سؤال بخصوص اعطال السلاح عاصــم الشبراوينــي ورشة الاسلحه 83 11-05-14 02:15 PM
سوال؟؟ارجو الرد the assassin بنادق ضغط الهواء ومتعلقاتها 19 10-09-15 01:54 PM
سؤال الى الخبراء بخصوص الزناد momo44 بنادق ضغط الهواء ومتعلقاتها 12 10-09-10 01:49 AM
استفسار من العمده جلال بيه والاعضاء الكرام ارجو الرد للاهميه عاشق القنص الصيد العام 8 10-09-01 05:21 PM
برجاء الرد للاهميه هشام سمير الصيد العام 3 10-07-26 10:26 AM


الساعة الآن 12:01 PM

الإعلانات