ما هو قانون حمل سلاح نارى مرخص ؟؟؟

[sh_masry]

السؤال زى العنوان , ما هو قانون حمل سلاح نارى مرخص ؟ و ايه طرق استعماله مع البلطجيه و اللى بيثبتوا الناس فى الشارع ؟ يعنى ايه اللى هايحصل قاونا لو انت ضربت واحد بلطجى بالنار فى جسمه و تم اصابته ؟ او تم قتله ؟ و ازاى اقدر احمى نفسى و اسرتى بالسلاح من غير ما ادخل فى سين و جيم و حجز ؟؟؟؟

[sh_masry]

Up up up
.
.
.

[ahmed yasser]

متابع للاهمية

[ahmedragab]

المشاركة الأصلية كتبت بواسطة sh_masry

السؤال زى العنوان , ما هو قانون حمل سلاح نارى مرخص ؟ و ايه طرق استعماله مع البلطجيه و اللى بيثبتوا الناس فى الشارع ؟ يعنى ايه اللى هايحصل قاونا لو انت ضربت واحد بلطجى بالنار فى جسمه و تم اصابته ؟ او تم قتله ؟ و ازاى اقدر احمى نفسى و اسرتى بالسلاح من غير ما ادخل فى سين و جيم و حجز ؟؟؟؟

يطبق نفس مايطبق علي افراد الداخلية يعنى في حالة الخوف الداهم من الخطر او من المعتدى ان تطلق طلقة تحذيرية فى الهواء واذي استمر المعتدى فى اعتدائة ان تطلق علي الارض بجانب الارجل وان استمر في تمادية دون رجوع لك ان تطلق علي الراس وطبعا هذا دفاع شرعي عن النفس بطريقة قانونية وطبعا القانون سهل التحايل علية بمعني ان القانون وسع من معنى الدفاع الشرعى عن النفس واكتفي فى معنى الخط ربانة ان تحس وتعتقد انك علي خطر شديد ووشيك الوقوع ولا يمكن درء هذا الخطر الداهم عليك غير بالطريقة السابق ذكرها بمعنى انة ممكن التحايل علي القانون وتطلق طلقة تموت من امامك وبعد كدة اضرب طلقتين في الهوا بس ممكن المعمل الجنائى يكتشف حقيقة الامر وطبعا الشهود علشان بعد كدة فية تحقيق بيتم عن طريق النيابة العامة في الواقعة وبتسلم الطبنجة وترد بعد انتهاء التحقيقات وبرضة اللة اعلم وهو العليم

[sh_masry]

شكرا للرد , و فى انتظار دود اخرى بأستفاضه قانونيه

[mk11164]

لابد ان يكون المهاجم معاة سلاح قاتل حتي تقتلة دفاع عن النفس...يعني واحد معاة شومة لا يحوز قتلة دفاع عن التفس...و لكن تضرب في القدم..و الا تعرضت للمساءلة

[sh_masry]

شكرا للرد ......................

[الشبح المصرى]

الموضوع ده محل جدل كتير وكبير حتى القانون نفسه اهبل اوى يعنى اللى بيهاجمنى هيدينى فرصة اضرب طلقة فى الهوا وجمب رجله كلام فارغ مالهوش دعوة بالواقع بالمرة وقانون الاسلحة كله فى مصر مالهوش لازمة وكله تعقيد وتعجيز الناس عن حمل السلاح والدفاع عن انفسهم ده راى

[الصياد الصعيدى]

ايه باعم الكلام ده انته جايبه من فين
دده في اي قانون
يااخي انا محامي ومش عارف انت جايب الكلام ده من فين
حالات الدغاع الشرعي عن النفس ودرء للخطر القادم عليك
ولم يحدد القانون كيفيه درء هذا الخطر ومقاومته
واظن ان ما كتبته انت اجتهاد شخصي منك
وسوف اقوم بنشر حالات الدفاع الشرعي كامله

[ahmedragab]

فى انتظار الاستفادة وشرح وافي نستفاد ان شاء اللة

[avokato]

بس لازم رد الفغل يساوي الفعل يعني ميبقاش حد بيهجم عليك بمطوه قرن غزال تفرغ فيه خزنتين

[احمد العوضى]

حالات الدفاع الشرعى عن النفس تعتبر فى اكثر الاحيان تقديريه للمدافع يعنى لو اترفعت عليه شومه تنذل فى نص دماغى يا اخى تجيب اجلى اعمل ايه ولو كان موس هندبح بيه اعمل ايه اما القاضى فله تقديره حسب القانون و التحريات و الشهود لان مينفعش واحد بينى وبينه عداوه اضربه بالنار فى الشارع واقول دفاع عن النفسومش كل مشاده او ذعل اطلع واضرب السلاح له هيبه واستعمال ومش بيطلع فى اى وقت لاكن معلومت طلقة التحذير دى قديمه وكانت فى الشرطه عند هروب او المطارضه فقط لاكن فى الهجوم من حق الضابط ان يطلق فى الراس او القلب ان وجد سلاح نارى فى يد الخصم او ما شابه او التعجيذ ان كان سلاح اخر وبرضه تقديرى يعنى ميكنش بينى وبينه متر او متر ونصف وفايده سيف او سنجة واعجذه لا دانه يا روحى يا روحه والسلاح اسمه للدفاع يعنى تدافع عن نفسك باقل الخسائر الناتجه للطرف الاخر الحالات كثيره والمجادله مفتوحه لكل الاقاويل ولاكن تذكر ان من تطلق عليه النار انسان وان فلت من يد القانون هل تفلت من يد الله؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[sh_masry]

متشكر جدا لكل اللى شاركوا فى الموضوع ....

[khaled imam]

اعتقد ان الصح ادافع عن نقسي واسرتي اولا ثم موضوع الطلقتين في الهوا

[nazekbakr]

في حاجة اسمها حق الدفاع الشرعي عن النفس والغير ومالك ومال الغير ازاي بقي
في حاجة اسمها رد الفعل يعني مش واحد يخبطك طوبة تضربه بالنار لا طبعا استخدام السلاح يكون في حالة الخشية من اصابة الشخص اللي امامك انه يصيبك اصابات بالغة او قاتله يعني واحد معاه خشبة ماينفعش تضربه بالنار وهكذا وفي الغالب بيكون الاطلاق طلقة تحزيرية في الهواء والنداء عليه بانك مسلح وستطلق عليه وان لم يستجب اطلق عليه في الاقدام اما لو واحد معاه سلاح بقي اديله ومايهمش وفي الداخلية زي الاستاذ احمد ماقال في حاجة اسمها لكل فعل رد فعل مساوي له في القوة ومعاكس له في الاتجاه يعني انت بتحمي نفسك بالسلاح المرخص من خطر الموت مش طوبة ولا عصاية فهمت يعني لو واحد معاه سيف او ماشابه من حقك الدفاع عن نفسك بالاطلاق طلقات تعجيزية علي الاقدام وزي ماقال الاستاذ احمد كده كده حتي لو ضربت طلقة في الهوا هتتسال عليها وهيتم التحفظ علي الساح لحين الانتهاء من التحقيق