استفسار للخبراء فقط

[نسرالنيل]

الفرق بين الحداة والعقاب ولو سمحتم يكون بالصور

[TheLegnedkiller]

من خبرتي القليله

العقاب ده الي هو نسر بس نوع معين وديه صورته



اما الحدأه ديه من فصيله الصقور

وديه صورتها

[bodygard 34]

فى فرق طبعا كبير بين الحدأه والعقاب..الاولى من الطيور القمامه(بفتح القاف وتشديد الميم) بمعنى انها ممكن تاكل بدون صيد يعنى تاكل اى حاجه متاحه حتى لو جيفه وعشان كده ممكن تشوف اسراب منها بتحوم حول اماكن تجميع القمامه وبقرب المجازر الاليه بحثا عن بواقى تنظيف الطيور وكمان بتجاور الانسان فى السكن للاعتماد على بواقى اكله فى التغذيه ... تدريبها مش سهل..وهى فصيله وسيطه بين العقبان والصقور...عشان كده مابتصنفش كطير حر...منها ثلاث انواع..الحدأه الحمراء وهى الاشهر والاكبر حجما والحدأه السوداء ودى ممكن تصطاد سمك..والحدأه ذات الجناح الاسود وهى اصغرهم حجما ويمكن تدريبها وشكلها مختلف عن النوعين السابقين.. اما العقاب فهو بلا منازع سيد الطيور..طائر ملكى ..فيه عزه وله مهابه كبيره ..لا يأكل الا من صيد مخالبه..ثانى اكبر حجم فى الطيور بعد الكوندور..دائما ماتتخذه الدول القويه رمزا لها مثل الولايات المتحده وتتخذ العقاب ذو الرأس الابيض رمزها..واشهر من اتخذه رمز له كان صلاح الدين الايوبى..طائر شجاع حتى الموت لا يخاف خصمه ابدا..يمكن تدريبه بشكل رائع شرط ان تتولى تربيته من صغره..ولاءه غير عادى ولا يغدر.. وموجود فى المنطقه العربيه خاصة فى سوريا..واشهر من استأنثه واستخدمه هم قبائل وسط اسيا ويستخدمونه فى قتل الذئاب التى تدمر قطعان الماشيه ..واذا انفرد عقاب بذئب فهو اما قاتل او مقتول فهو لا يهرب من معركه ابدا...اتعشم اكون افدتك فى شئ واوعدك حانزل صور كل حاجه انا اتكلمت عنها هنا قريبا ان شاء الله

[bodygard 34]

ملحوظه هامه : لا يوجد فى العالم الا نوعين من النسورويطلق عليها نسور العالم القديم.. الاولى (الرخمه المصريه)وهى على وشك الانقراض.. والثانيه النسور الافريقيه الصلعاء اكلة الجيف...فلا يمكن الخلط بين العقبان والنسور دى سلاله ودى سلاله تانيه خالص

[هاني شعبان]

صديقي نسر النيل انا انضميت اليوم للمنتدي وبجد منتدي جميل ومليان بكل ما يبحث عنة المرء
ربنا يزيدك ويزيد المنتدي

[bodygard 34]

دى صور انواع الحدأه التلاته..الاولى والتانيه الحدأه الحمراء ..التالته على اليمين تحت الحدأه السوداء.. الرابعه الحدأه سوداء الجناح

[قناص الظلم]

كلام مافى بعده كلام تسلم يا حاج محمد اجابه شامله متكامله الله يزيد حضرتك من علمه دائما

[bodygard 34]

المشاركة الأصلية كتبت بواسطة قناص الظلم

كلام مافى بعده كلام تسلم يا حاج محمد اجابه شامله متكامله الله يزيد حضرتك من علمه دائما

صباح الفل عليك يا قناصنا ياغالى

[عبووود]

الخبراء اجابو فوفوا ...
بارك الله فيكم

[bodygard 34]

المشاركة الأصلية كتبت بواسطة TheLegnedkiller

من خبرتي القليله

العقاب ده الي هو نسر بس نوع معين وديه صورته



اما الحدأه ديه من فصيله الصقور

وديه صورتها

اسف مضطر اعدل عليك ..الصوره الاولى لأحد اجمل انواع العقبان..العقاب المبقع الاعظم (اسمه كده) greater spotted eagleوماحدش يقوللى ان كلمة ايجل هنا يعنى نسر.. لأ.. هذة الكلمه تطلق على العقبان والعرب هم من اطلقوها على كل الجوارح الكبيره بدون تمييز.................. مش متوفر ومش منقرض وفيه منه لونين الاسود والاجنحه بها بقع بيضاء والاخر احمر الرقبه او تميل للأحمرار مائل للبنى باقى الجسم والذيل اسود (حاحاول انزل صوره) وفى الغالب احدهما بيكون ذكر والاخر انثى(مشهوره قوى حكاية اختلاف الوان الريش بين الذكر والانثى فى عالم الطيور).. وحجمه اقل من العقاب الذهبى..ام الصوره الثانيه فهى فعلا حدأه وعلامتها الشهيره لتمييزها عن باقى الجوارح اثناء طيرانها الذيل واخد شكل رقم 7 من المنتصف...

[bodygard 34]

دى صور العقاب المبقع الاعظم.. والصوره الاخيره له اثناء الطيران تلاحظ ان الذيل قصير نوعا ما وغير مشقوق برقم 7 كما هو الحال مع الحدأه اه نسيت فرق مهم جدا لو شفت الطائر من مسافه قريبه واقف حتلاحظ ان العقبان كلها الريش يغطى الارجل بالكامل لحد المخالب ..اما الحدأه فاريش لحد منتصف الارجل فقط وباقى الساق مكشوف

[Melodina]

طب ممكن حضرتك تقولي صورة الطائر دي ايه؟ مش حدأة؟ طب انهي نوع..مش شبه النوع الأول الأحمر ولا هي سوداء.. وكيف التخلص منها إذ أنها تعشش تحت نافذتي (عدد 4 أو أكثر) وتزعجني للغاية..الرجاء المساعدة

[bodygard 34]

ده صقر بلدى

[Melodina]

صقر بلدي؟؟؟؟؟ طب وده إيه ضرره وكيف يمكنني التخلص منه؟؟

[TheLegnedkiller]

ملوش اي ضرر ديه في ناس بتحب تربيه

ولو فكرت تمسكهم وتبيعهم قولي وانا اشتريهم منك

[Melodina]

أمسكهم ازاي..لو تعرف تصيدهم اتفضل

[TheLegnedkiller]

حضرتك منين

[Melodina]

من القاهرة

[TheLegnedkiller]

حاول تعملهم مصيده

عشان تمسكهم