فكرة لأعضاء المنتدى

[القناص]

السلام عليكم

أتمنى لو نتقابل جميعا فى يوم نتفق علية ونحدد يوم نخرج فية للصيد ومن هنا نستفيد بخبرات بعضنا فى الصيد وايضا نتعرف على اماكن جديدة للصيد وانا اتمنى ان تجمعنا فى يوم من الايام منظمة او جمعية واحدة نجتمع فيها معا ونحقق اهدافنا سويا وسوف تجدون متعة فى الخروج فى الصيد معا لن تشعروا بها الا بعد تجربتها وسوف نجد متعة عندما نجلس معا ليحكى كل منا على رحلاتة ومغامرتة فى الصيد والدروس المستفادة من كل رحلة يجب أن نجتمع سويا لكى تظل هذة الهواية مستمرة للأبد ولا ننسى أنها هواية الملوك


وأرجو سرعة الرد من الأعضاء


وشكرا

[venatic13]

معاااااااااااااك طبعااااااااااااا


بس هم الباقي راحو فين؟؟؟؟!!!!

[القناص]

شكرا على سرعة الرد وأحب أن نبدأ نحن أولا فمنفضلك أرسل لى أى وسيلة أتصال بك لكى نحدد موعد ونخبر به باقى الأعضاء وأن شاء الله سوف يكون هناك الكثير من الأعضاء المتحمس للفكرة
وشكرا لك مرة اخرى

[msgm]

محمد سيد
وعلى أهبة الإستعداد بكامل العتاد

أول ما أرجع القاهرة نتفق مع باقي الأعضاء على الميعاد بإذن الله

[القناص]

محمد باشا شكرا لك أيضا على سرعة ردك وأستجابتك معنا وترجعلنا بألف سلامة أن شاء الله وهنستناك أول لما ترجع علشان نحدد موعد لرحلة الصيد وهنحدد مع الباقى ان شاء الله بس هما عايزين تشجيع من الأعضاء الى عندهم أستعداد ومتحمسين مثلنا

وشكرا لك مرة أخرى يا محمد وربنا يوفقنا لما فية الخير أن شاء الله

[venatic13]

انا هاخلص امتحانات ان شاء الله 29 7 !!!!!

[القناص]

ربنا يوفقك أن شاء اللله ومستنيك أول لما تخلص علشان نحدد ميعاد

[عاصــم الشبراوينــي]

ان شاء الله ومتاسف جدا علي التاخر في الرد نظرا لانشغالي الشديد جدا

[walther]

علي فكره انا عايز اقول حاجه يا جماعه انا بحب الصيد من زمان حوالي 24 سنه والمضحك ان الصيد وبالرغم من انه هوايه الملوك والامراء الا انه منتقد من غالبيه الناس في مصر .
1 - اما حيقولوا خلي بالك يمكن تعورنا ان كنت بتصطاد في مكان فيه حد.
2- او الانيل يقولك بص الراجل الكبير ده عامل عقله بعقل اليمام او الحمام او العصافير ويبصولك بنظره وحشه يعني تافه ؟؟؟؟؟؟؟؟؟؟؟؟؟

قال يعني الشات علي الفاضي والمليان مش تفاهه
او الكلام بالساعات علي الموبيل مش تفاهه
او القاعده علي القهاوي او الكافتريات بالساعات مش تفاهه
او.......................او؟؟؟؟؟؟؟؟؟؟؟؟؟؟؟؟؟ او..........


انا بالصدفه قولت قدام اصحابي من 15 سنه الصيد لاقيت كل واحد منهم عنده بندقيه محترممممممممممممممهه وحاطتها في شنطه العربيه ومش بيقول لحد انه بيصطاد خايف من اللي انا قولته.

مثلا انا معيد بحقوق يعني لو حد من الطلبه شافني اكيد واحد حيقول تمام و 100 حيتريقواااااااا
ايه الحل في المجتمع ده اللي عايز يعمل زي الاوربين وهوه مش عارف ان تقريبا معظمهم يمتلك بندقيه او اكتر وكل اسبوع بيطلع يصطاد دون تعليق من احد؟؟؟؟؟؟؟!!!!!!!!!!!!!!!!!!!!!!!!!!!!

[عاصــم الشبراوينــي]

اولا انا سعيد جدا جدا انك معيد في كليه حقوق طبعا لاني طالب في كليه حقوق ثانيه
الشعب المصري كله بيتريق علي اي حاجه في اي حاجه مش الصيد بس وبعدين مش لوحدك انا كمان
بتعرض للتريقه الي يقول رامبوا
والتاني مش عيب عليك والي يقول ايه التفاهه دي
نيجي نبص للي بيقول رامبوا طول النهار واقف يعاكس في الي رايح والي جاي عندنا يا اما قاعد يلف بالعربيه ويسمع اغانيه هابطه زيه
والتاني مبيعملش حاجه في حياته غير انه ينام
والاخير مش راضي يطلع من سنه اولي ولف علي كل الكليات
فعادي قبل متبص للتريقه نفسها شوف مين الي بيتريق وسعتها
يكون ليك حق تزعل او تفرح

[msgm]

السلام عليكم ورحمة الله وبركاته ,.

عندكم حق ..

لكن لما بنكون مجموعة أقلها 4 صيادين . و خارج المدينة .. ما حدش بيفكر . أن الي بنعمله . كلام فاضي .
إنطلاق قبل الفجر . و رجوع على المغرب .مرورا بلهيب الشمس في وقت الظهيرة ...

طبعا الصيد خارج المدينة أفضل . و أقلها . أن يكونوا ثلاثة صيادين .
بعيد عن صخب الحياة .!

[عماد النجار]

استاذ walteher 'طبعا انت استاذنا ويشرفنا وجودك بيننا وعلي فكرة المنتدي يحتوي عل الكثير من الشخصيات المحترمة الذين جمعتهم هواية الصيد وانصح حضرتك اذاا كان معندكش مانع انك تتعرف بالاعضاء وخصوصا من هم قريبون منك في الثقافة والتفكير وهذا سيجعل الهواية اكثر متعة ولاتعبا بالناس كثيرا وبالنسبة للبندقية لازم يكون في جراب يخفيها عن الانظار في منطقة سكن حضرتك + الخروج للاماكن البعيدة عن المدينة للصيد وعلي فكرة انا محام وبتصرف بالطريقة اللي ذكرتها لحضرتك دي وربنا يسهل ويكون لي الشرف والحظ بالتعرف علي حضرتك والخروج للصيد معا وشكرا................................

[walther]

صح يا باشا عندك حق ( قبل متبص للتريقه نفسها شوف مين الي بيتريق وسعتها
يكون ليك حق تزعل او تفرح)

الاهم من كده اني مبسوط انك رديت عليه واهتميت بالرد وانكم كلمتوني علي الموبيل وانا ان شاء الله علي السبت حيكون عندي الخبر اليقين في الموضوع اللي شرفتوني وكلفتوني بيه

وان شاء الله نتقابل عن قريب

[charesma]

السلأم عليكم ورحمه الله ازيكم يا احلى قناصين
معلش انا اتاخرت فى الرد شويه بس علشان النت كان فى شويه مشاكل وبظبطها
وانا جاهز ان شاء الله لأى رحله صيد انا وحبيبه قلبى diana 52 واتمنى ان الرحله تكون قريبه
وبالنسبه للاخ walther انت فعلأن عندك حق انا عن نفسى اتعرضت كتير جدا لكلأم زى دا
بس انا احسن حاجه انى ما بنزلش لنفس المستوى وارد حتى على اى تعليق
لأن برده الى بيبقى قدامى او بيتريق مش فاهم برده يعنى ايه هوايه الصيد او معناه لأن فى الأغلب مابيكونش
جربه قبل كدا وعلى العموم احسن حاجه فعلأن هو الصيد خارج المدينه لأنه افضل من كافه النواحى
وتقبلوا مرورى