خلاص كفاية كدة !!

[mahmoud el masry]

السلام عليكم ورحمة الله وبركاتة

الموضوع باختصار شديد انى حاسس انى شخص غير مرغوب في تواجدة بين اعضاء المنتدى واكبر دليل على كدة ان كل معمل موضوع محدش يعبرنى او حتى ينتقدنى دة حتى لما اكون محتاج مساعدة مجرد استفسار محدش يرد عليا بالرغم من عدد المشاهدات الكثير .. بالرغم من ان بعتبر كل اعضاء المنتدى اهلى وان المنتدى بيتى الثانى ومفتكرش فى يوم ان حد زعل منى او انى كلمت حد باسلوب غير لائق او خالفت قوانين المنتدى ......فبجد انا مش فاهم لية كدة

ملحوظة صغيرة المنتدى انقلب حالة راسا على عقب بعد الثورة ودخلنا فى دوامة غريبة وظاهرة مخيفة
(المسدسات البلى والسلاح الابيض )وكل ماهو مخظور وممنوع

رجاء من اخوكم الصغير بلاش ددة الشيطان بعينة ومحدش يقلى دفاع عن النفس هو لما كل واحد فى البلد يبقى معاة سلاح هيبقى هو دة الحل دة والله محد هيعرف يمش بعد مالشمس تغيب تعالى اتفرجوا على دول برة وشوفوا اية الى بيحصل فيها خلاصة الكلام بلاش نسعى للمشاكل وياريت مصر ترجع بلد الامن والامان تانى بشعبها الطيب الى بيخاف على بعضة ...والسلام ختام

ارجو من الادارة خذف عضويتى فى المنتدى ...ولكم جزيل الشكر

[عادل عبده]

ياعم محمود ماتقفش على الناس كده وبعدين اكيد بس الخبرا مش بيبقو فاضيين واللى بيدخل مش بيعرف يرد عليك رد مايكونش فى افاده كامله وانا برجو من الادراه انهوم مايشطبوش عضويتك وانت منور فى وسط اهلك اهوه يا غالى

[هشام سمير]

الاخ محمود المصرى نحن يشرفنا وجودك معنا والاعضاء الكرام لا تتعمد تجاهل احد والاداره لا تتعمد عدم الرد على احد
وان شاء الله يا سيدى او موضوع ليك انا اول واحد هيرد عليه

[hossam _alking]

يا حاج محمود صلى على النبى اكيد محيديش يقصد اللى انتى بتقول علية دة

[mrasool]

يا اخ محمد لصبر ميبقاش خلقك ضيق كدا
ياما بنعمل مواضيع ومحدش بيعبرنا
تواصل اكثر سعات كتير المشاركات والمواضيع مبتتشفش او مواضيع تانية بتاخد منها الضوء
اصبر

[mman2005]

أنا مشكلتى قريبة من مشكلتك، وهى باختصار أنى كل لما اشارك أو أعمل موضوع يا ريت محدش يعبرنى، لا أنا بلاقى تقرير بمشاركة سيئة وتعليق مستفز على مشاركتى، وأجى اراجع مشاركتى أو موضوعى ألاقى نفسى لم أتجاوز حدود الأدب أو قوانين المنتدى، لدرجة أن تقييمى أنخفض وبقيت -5 يعنى خمسة تحت الصفر أشتكيت للإدارة فى قسم الشكاوى ومفيش حد عبرنى لحد الآن، هناك شخص ما لا أعرف هل شخص عادى أو من الإدارة يستهدفنى بالتقارير السيئة، مع العلم بأنى مشترك فى مئات المنتديات منذ أكثر من عشر سنوات ولم أتعرض للتقارير السيئة إلا فى منتدى الصيد فى مصر لدرجة أعتبرت نفسى شخص سئ الخلق وغير مرغوب فى مشاركاتى.

وعلى سبيل المثال تلقيت تقرير سئ لأنى قلت فى موضوع بتاع صناعة النبل وكنت أمزح أن مشاية أبنى عمر عندما تنكسر سوف أخذ رجولها الحديد وأصنع منها نبل وأبيع النبلة ب 100 جنيه، فتلقيت تقرير سئ وكان التعليق مشاركة مستفزة.

وموضوع أخر لى عن الراكب الذى تم ضبطه فى مطار القاهرة ومعه مسدس صوت وخمسين طلقة وتلقيت مشاركة سيئة أن هذا الموضوع بلا قيمة.

ومشاركة ثالثة كنت أمزح فيها وأقول لفظ السنجة مع العلم بأنى لا أمتلك سنجة تعليقاً على موضوع أحد الأخوة الذى عرض مسدسات جميلة الشكل فكان التقرير يشهر بسلاح ممنوع.

حتى أننى أصبت بحالة نفسية سيئة من المشاركة فى منتدى الصيد فى مصر لأن كل مشاركة أو موضوع أجد تقرير سئ وكأنى شخص مشاغب، ولا حول ولا قوة إلا بالله العلى العظيم.

[dr_mohasan]

السلام عليكم يا إخوانى

الموضوع ليس فيه ما يحزنكم الى هذه الدرجة

يجب عليكم مراجعة مشاركاتكم ومواضيعكم ومحاولة معرفة ما فيها من نقاط تحتاج الى تصحيح أو تعديل لعدم تكرارها فى المرات التالية

كما يجب الإرتفاع بمستوى المشاركات الى الحد الذى يكون مفيداً لباقى الأعضاء

هذا الموضوع يحدث مع الجميع وحدث معى قبل ذلك وكثير من مواضيعى تم تجاهلها وكثير أيضا حصل على كثير من المشاركات وافشادة من الأعضاء , ولا أرى فى ذلك أى مشكلة

فأنت فى النهاية تكتب وتشارك من أجل زملائك الأعضاء , وتقييمهم ضرورى حتى يكون مشجعاً على الإستمرار أو التغيير

خالص تحياتى

[محمد ياقوت]

كلامك غلط انت فى بيتك وبين اخواتك وصعب او مستحيل اى احد يمنعك او يسمح بطردك او خروجك من هنا