ما هى شروط استخراج رخصة سلاح؟

[Ahmed Baraa]

السلام عليكم يا رجّالة.. سؤال بسيط بس علشان كل ما اسأله لحد يفتى ولا أخرج بمعلومة واحدة مفيدة، فقلت اسأل هنا بقى أهل الخبرة.. ما هى شروط استخراج رخصة سلاح حىّ؟، مع العلم أنى صحفى وأعمل يومياً لوقت متأخر من الليل.. وشكراً

[avokato]

صجفي محامي ملكش حق الا ان كان فيه اراضي او وظيفه او مبالغ في البنك او عن طريق الجريده عندك بس هيبقي باسمهم هما دا الواقع
القانون كل من يستطيع حمل سلاح وغير مصاب بعاهه او عته او امراض عقليه او ما يعوق استخدامه ولديه مبرر لحمله
وبرضه قانوني المبرر مطاط وظيفتك وبترجع متاخر تديك الحق في حمله
بس دا عن طريق قضيه في مجلس الدوله بتاخد وقت

[pilyardo]

تحياتى استاذ احمد - شروط الترخيص اهمها المبررات - و هى حاليا بتطلع للحبيب الغالى فقط - وفى موضع فى المنتدى بالتفصيل ابحث عنه هاتلاقى نصوص و فقرات القانون و كل شى - تقبل تحياتى

[Ahmed Baraa]

يعنى علشان استخدم مبرر إنى بخلّص شغل متأخر ومحتاج حيازة سلاح، أرفع قضية فى مجلس الدولة؟.. وأنا وجدت الموضوع الذى يتحدث عن الشروط يا أستاذ بلياردو =) .. بس فى موضوع إن الواحد عنده شركة ده، أنا ليّا صديق ليبى عايش فى مصر هنا، وفاتح شركة استيراد وتصدير، وأنا شريكه فى هذه الشركة.. هل هذا مبرر يمكن قبوله؟

[عمرو بيه]

لو السجل التجاري بإسمك ممكن ترخص أو إنك بتحمل مبالغ مالية كبيرة وتوردها بالبنك وخلافة ممكن ............................. بس الأهم والمهم هو وجود واسطة . أنا مش عاوزك تزهق من كلامي بس دة الواقع المرير .

[avokato]

خلي صاحبك يخليك مسئول عن ايداع وسحب المبالغ النقديه في الحساب ولو علي ورق بس وتجيب كشف حساب من البنك وتتكل علي الله حلو اوي كده

[tarekvb]

الموضوع اعقد مما تتخيل

[Mo0oOo0oRA]

ربنا يوفقك بإذن الله

[bodygard 34]

احد اهم اسباب الموافقه بالنسبه لى كانت حركة النقديه(انا عندى شركة ملابس)من والى البنك والحساب كان بأسمى مش بأسم الشركه..يعنى لو حركه النقديه فى الحساب الجارى كانت كبيره دى بتكون مبرر كويس وقوى للموافقه على الترخيص

[avokato]

اتفح حساب في بنك وخلي معاك فلوس الطبنحه وكل كام يوم تروح تعمل سحب وايداع بمبالغ كبيره وصغيره وكتيره بعد فتره هتبقي معاك حركه سححب وايداع تقوي مركزك