( فرفشه المنتدى ) أحلى نكت 2012 (حصرى )

[pooforever_2010]

دى تجميعه من أحلى النكت
دى مجهود شخصى فالتجميع
يا رب تعجبكم وكل سنه وانتم طيبين
ملحوظه اللى حيكمل للاخر من غير ميموت من الضحك
ليه جايزة وتحدى
تحياتى

* طلع مجموعة صيادين يصطادو وكل ما يصطادو حاجه كلابهم تجري تجيب الفريسه ما عدا كلب واحد بيخاف من صوت الرصاص فقالو لصاحبوه خده الافراح اللي بيحصل فيها ضرب نار كتير عشان يتعود على الرصاص وبعد ما اخده لمدة 6 شهور رجع يصطاد تاني أول ما ضرب نار الكلب قعد يزغرط .



صعيدى قاعد يشوف مباراة ريال مدريد .. سمع المذيع يقول فاول لصالح رونالدو .. قال : تصدقوا اول مرة اعرف ان اسم رونالدو الاول صالح .


واحد صايع عمل شيخ راح ربى دقنه و درسم على وشه علامه سجود ..المهم راح على صلاه الجمعه و طلب من الشيخ انه يخطب الجمعه بالناس و هدد الشيخ انو هايشرحه بالموس لو رفض المهم الامام خاف و خلاه يخطب الجمعه بعد الخطبه سال الصايع الشيخ ايه رأيك في الخطبه قاله الشيخ وهو خايف تمام بس في كمان غلط
اولا: ملك الحبشه اسمه النجاشي مش النغاشي و هو مش من كفر الشيخ .. ثانيا: اللي مش بيصلي ربنا بيحاسبه مش انت اللي هاتوريه الويل ، ثالثا: الدخان حرام حتى و لو كنت سكران و فاقد السيطره على عقلك ، رابعا: ابو جهل ما باعش بلال لبرشلونه بخمس ملايين ,و بعدين لما تخلص الخطبه بتنزل على السلالم مش بتتزحلق على الدرابزين .


* مدرس اتزوج مدرسة كتبوا الكتاب في السبورة

* مرة واحد كهربائى راح علشان يصلح سلك راح لقاه عريان فراح اتكسف منه .

* ظابط مرور خلف واحد يتكلم بالاشارة .

* مرة مسكوا لمبة تحري .. لية مسكوها ماشية مع سلك عريان .

* مرة واحد سباك راح فرح نقط بجلدة .

* مرة اتنين راحو يحلقو واحد حلق والتانى غويشة .

* مدرس كيمياء رزق بولد …. فسماه سامي أكسيد الكربون .


مرة واحد قال لسواق تاكسى نادى الشمس قاله ماتنديها انت .

كمسري أبوه مات ماشى في الجنازة يقول يا حضرات الجنازة فاضية آدام .

* مرة واحد مصوراتي طلعله عفريت حمضه .

* اتنين صيادلة قابلوا بعض الأول بيقول للتانى يامرهم بيك بنسلين ماشفنكش رد التانى قل له أهى تينيا .


* كمسرى راح يتجوز لقى المهر ناقص كتب الباقى على ضهر التذكرة .


* بياع جرايد ابوه مات مشى فى الجنازة يقول اقرا الفاتحة .


* مره واحد لبان أشترى عمارة (ملك) مراته راحت تلم القشطة من علي السطح .


دكتور شغل اغاني للمجانين، الكل رقص ماعدا واحد، ساله الدكتور ليه مش بترقص معاهم قال: اسكت اسكت انا العريس.

* فيه حاجة سودة بتمشي على الحيطة وتقول : مياووو…ايه ده ؟؟؟ غراب يستهبل .

* مرة واحد صعيدى عرف ان الجلد موضة مشي عريان .

* صعيدى راح يتمشى جابوه من ع الحدود .

واحد صعيدى بيقول لواحد صعيدى :لو قلتلى اللى فى الكيسه دى هديلك منها بلحتين قاله: تبئه جوافه .

* بتقول الزوجة لزوجها : مبروك هنبقي ثلاثة فى البيت ... الزوج بسعادة : حاجة جاية فى السكة؟؟؟ قالت له : لأ ماما هتعيش معانا ....

* واحد كسلان جداً ...بيقول لصاحبه : مش انا اشتغلت . قال له مبروك اشتغلتفين ؟؟ قال له في مطبعه... اقعد علي الورق علشان ما يطرش ...

* مرة واحد دخل علي فجأة &فجأة صوطط .

* واحد صعيدى لقى مصباح علاء الدين قعد يدعك فيه لحد ما جاب للعفريت تسلخات .

*مرة واحد صينى وقع اتكسر.

* دكتور اطفال اتجوز دكتوره اطفال نزلوا خبر جوازهم فى مجله ميكى.

*مرة اتنين حرمية مساطيل عيزين يسرقوا بيت قالوا ناخد البيت بعيد ونسرقوا قلعوا ملابسهم وقعدوا يزقوا فى البيت جه حرامى من وراهم واخد الملابسالتفت واحد منهم وقال لزميله كفاية احنا بعدنا قوى .


* واحد مسطول راكب طيارة. خبط علي كتف المضيفة و سألها الحمام فين؟ قالتله الناحية التانية. راح عالكتف التاني و سألها الحمام فين ؟!!!! .

مره واحد اشترى لمبه مسمار دقها في الحيط

واحد بلدياتنا اشتري راديو حط فيه حجرين المذيع اتسطل

مهندس زراعى ظبطوه بيبرسم مع الأرانب

مره واحد بلديتنا لقى خاتم سليمان جه يدعكه فعص العفريت

عملوا مسابقة لتعجيز الكمبيوتر كل ما حد يسأله سؤال يجاوب عليه فى اقل من دقيقة جه واحد صعيدى حط ورقة فيها السؤال بتاعه الكمبيوتر اتحرق وطلع دخان قالوله : سؤالك كان ايه بلدياتنا : جلت له ابو جردان جبل ما يخلف جردان كان اسمه ايه؟

عشرة صعايدة بيتعلموا ربط الكرافتات تسعة ماتوا وواحد فى حالة حرجة

مره واحد صعيدى بلدياتنا دخل خلاط الأسمنت طلع منه قال والله منش داخل الملاهي دى تاني

مرة واحد بلدياتنا صعيدى الباب قفل على صباعه الباب ورم

مرة 5 دخلوا كلية الهندسة اثنين طلعوا مهندسين وثلاثة مدينة نصر

واحد صعيدى بلديتنا خلع العمة فقد الذاكرة

أبو العربى قابل الوله أينو وقاله مش تباركلى أناهاتجوز البت سعاد قاله ياراجل ديه متنفعكش قاله ليه قاله دي بورسعيد كلهامشيت معاها قاله ياراجل هى يعنى بورسعيد كلها أد أيه!!!!


واحد حب يصطاد ارنب - قلد صوت الجزر

واحد رخم جداً دخل السينمــا مالقاش فيهــا غير واحد بس قعد وراه ..وقال له لو سمحت راسك علشان مش شايف

مرة واحد مسطول بيلعلب كورة اخد الكورة على صدرة طلعها من منخيرة

ضابط المرور بيحقق فى حادث...
سأل الاول
.. فرد .. يا بية انا اديتة كلاكس.. واديتة انوار وصرخت فية علشان يبعد ومفيش فايده..
سأل التانى
... فرد... يابية انا اعمل اية ، انا قاعد فى الكشك بتاعى

جماعة بيحششوا ...
فجت كبسه...
كل واحد اسـتخبه في شوال جه الظابط ضرب الشوال الاول برجله خرج واحد منهم و اعد يكاكي وعمل نفسه فرخه ضرب التاني خرج واعد يدن وعمل نفسه ديك ضرب التالت مخرجش ضربه تاني مخرجش ضربه جامد المره دي خرج وقال له شوال بطاطس بطاااااااطس انت مابتفهمش

مسطول لابس جزمة ، فردة بيضة والتانية سوده .... قابله مسطول تاني وقاله:"ايه ياواد الجزمه الشيك دي. راح المسطول الاولاني حط رجل علي رجل وقاله:وشرفك إنت.. عندي جوز جزم تاني فى البيت شبهه بالظبت

جماعة مساطيل بيتفرجوا على الاخبار .... فنشرة الاخبار طولت فراح الاولانى قال للتانى :هى لية نشرة الاخبار طولت النهارد كدة؟ فراح التانى رد عيلة وقال معلش اصل شكلها كدة النهاردة اخر حلقة


مرة واحد سكران بيوقف تاكسي فسأله: فاضي ياسطة فقال له الأسطة: ايوة فاضي فقال له السكران طيب ماتيجي تقعد معايا شوية





مره كان في اتنين مساطيل قاعدين بيحششوا فا واحد بيقول للتاني انا شايفك اتنين فالتاني بيقولوا لا انا الي شايفك تلاته فقالوا الاول لا انا الي شايفك اتنين المهم قالوا خلاص احنا نروح لكبير المساطيل فقال خلاص نروح لكبير المساطيل فراحوا وعرضوا عليه المشكله. فقالهم خلاص اصحاب المشكله يقعدوا على جنب والباقي ده كولوا يروح


اثنين سكرانين واحد قال للثانى تعرف بيعملوا اية فى اوروبا لما المطر بيمطر .. قاله لا معرفش .. قال له بيسبوها تمطر

فار محشش قال : كل القطط تحت جزمتى لقى وراه قط اسود قال الا ابو سمره حبيبى

واحد مسطول كل ما يجي يشنقوه ، الحبل ينقطع نظر للسجان وهو متغاظ وقال له احنا جايين ننشنق ولا جايين نلعب

مرة اتنين مساطيل قاعدين فالاول بيقول للتاني هو النهاردة السبت ولا الاحد قام التاني قائل له لا الاتنين ....قام الاول قاله.... جايين مع بعض

واحد مسطول بيسال صاحبه المسطول ايه اسماء اخوتك الشباب؟ قاله:كلهم محسن الا ادهم اسمه تامر

مره واحد بيحشش بيقول لصحبه امبارح جيت اسحب نفس قالوا لى ملكش رصيد


واحد سكران كان بيعاكس وحدة وحشة اوي بالليل فكان بيقول لها يا وحشة ياوحشة راحت ملتفتة ليه وقالت له يا سكران راح قايل لها طب انا سكران حفوء بكرة وانتي

سكران ماسك الفرخة بتاعته ..قاعد يضرب فيها يضرب فيها ويقولها: كل يوم بيض بيض مافيش جبنه



واحد سكران فتح التلاجه وبص للجلي ...وجده بيرتعش :قالوه متخفش هاخد عصير



مرة فار سكران على الاخر شافة قط جعان جرى وراة عدت عربية بسرعة فرمت القط.. والفار اغم علية ولما فاق وشاف القط مفروم قال (يووة هو انا كل مااسكر اعملى مصيبة)


مرة واحد مسطول وقف تاكسي كان سواقه برده مسطول قاله تاخد كام وتوديني فين قاله هات اللي تجيبه وانزل هنا



واحد مسطول راح مطعم وقال لصاحب المطعم سندوتش طعمية من غير سلطة.. صاحب المطعم كمان مسطول قال له من غير سلطة ايه؟ قال له : من غير سلطة قوطة -صاحب المطعم : ماعنديش سلطة قوطة اعمله من غير سلطة طحينة؟؟؟



مرة واحد حشاش لما قبض مرتبة راح البيت وقعد يقسم المرتب 100 ايجار - 100مصروف بيت -200 حشيش وفجاة وهو قاعد سمع خبط على الباب فقال مين رد علية اللى برة قالوة بوليس فراح مقطع ال200 جنية حشيش



جماعه صعايده وجماعه فلاحين قاعدين بيحششوا البوليس كبس الفلاحين جريوا والصعايده استخبوا فى البوكس



مرة إتنين مساطيل راكبين عربية فواحد قال للتانى : حاسب قدامك شجرةفالتانى مردش عليه فعلى صوته شوية : قدامك شجرة برضه مردش عليه فقاله :حاسب قداااامك شجرررر .. طاخ خبطوا فى الشجرة فطلع من العربية و قاله ..مش قلتلك قدامك شجرة ؟؟؟ فالتانى رد عليه : و أنا أعملك إيه مش إنت إلى سايق ؟؟؟



مرة واحد مسطول جه يخرج من العربية لقى الدنيا بتمطر راح خارج من الباب التانى



مره واحد مسطول اوى راجع بيتهم الساعه اتنين بليل فاخته فتحت له الباب قام ضربها بالقلم على وشها طاخ وقالها كنتى فين لحد دلوقتى .



نملة ماشية على حرف كوب عصير فراولة فقالت : ياه اخيرا شفت البحر الاحمر


واحد مسطول بيقول لصاحبه مش عارف يأ أخي عود الكبريت ده ما بيولعش ليه مع إنه لسه مولع من شوية

• مرة مدرس رياضة اتجوز مدرسة رياضة خلفوا ولد متساوى الساقين

• ايه الفرق بين الاسبوع وموس الحلاقة والصحراء؟؟؟؟؟؟؟؟؟؟؟؟ الاسبوع فيه حد ، والموس فيه حدين ، والصحراء ما فيهاش حد

• هل تعرف من هو اوفي مخلوق؟ نملة مات زوجها الفيل وقعدت طول حياتها تدفن فيه

• زرافة و فيل وأسد وفأر وثعلب وارنب ماشيين في الغابة ، وقعوا كلهم في حفرة إلا الزرافة ،قالولها :جيبي لنا حبل. قالتلهم :ما فيش. قالولها :إحناجعانين عايزين ناكل .قالتلهم: ماعرفش أجيب لكم أكل. قالولها: والعمل؟ قالتلهم: كلوا أضعفكم ..... قام الفأر نط مفزوع وقال لهم : اللي حيقرب من الأسد حيعرف شغله

• واحد أحول راح يجيب أبوه من المطار باس الشنطة وشال أبوه

• مرة 10 صعايده بيلعبوا على الطريق الصحراوى واللي تخبطه العربية مرتين يطلع برة اللعبة

• تايه بيسأل واحد ماشى فى الشارع اية اسرع طريق اروح بيه للمستشفى ؟؟ قالوة غمض عينك وعدى الشارع

• مرة واحد غبي ماشي في الشارع لقي واحد صاحبه قاله ازيك ياعلي شكلك اتغيرخالص الثاني رد عليه بس انا مش علي الاول قاله وكمان غيرت اسمك


• سواق ماشى ع الطريق واحد لابس احمر فى احمر شاور له فوقف السواق و قاله انت مين و عايز اية قالة انا الفرفور الاحمر و عايزك توصلنى فقالة لا مبوصلش فرافير و مشى و سابة شوية لقى واحد لابس اصفر فى اصفر و بيشاورلة فوقف و قالة انت مين و عايز اية قالة انا الفرفور الاصفر و عايزك توصلنى فقالة لا مبركبش فرافير و مشى و سابة شوية و قابلة واحد لابس اخضر فى اخضرعمل معاة نفس الحكاية ف السواق سابة و مشى شو ية كمان كدة و لقى واحد لابس ابيض فى ابيض بيشاورلة ف السواق وقف و قالة يا ترى انت بقى الفرفور الابيض فقالة الراجل فرفور اية رخصك يا روح امك

• واحد راح للدكتور بيقولو يا دكتور انا عندى صداع ، قالو بتنام والشباك مفتوح ولا مقفول ؟ قاله مقفول قاله طيب افتحه قبل متنام وتعالى بعد يومين ، جاله بعد يومين، قاله الدكتور الصداع راح قاله الصداع راح والتلاجه راحت والتليفزيون راحو ....


• محشش يسأل محشش تتوقع الجمعة يوافق آخر الشهر ؟ رد عليه : لو ضغطنا عليه يمكن يوافق

• واحد واقف على الكوبري بيقول ,36,36,36,36 راح واحد سأله ايه حكايةال36دي؟
قاله تعالى أوريك قام رماه من فوق الكوبري ..وقال 37,37,37,37

• واحد ندل فتح مصنع بيبسي كتب على كل علبة : رج جيدا قبل الفتح

• واحد راح للدكتور بيقولوا يا دكتور كل ما اكلم واحد ينام مني ........... يا دكتور ........... يا دكتور

• بلدياتنا فتح محل انابيب غاز .. فجّر اسطوانتين فى وسط البلد .. دعاية

• واحدة راحت تخطب لابنها .. ام العروسة بتسألها ... وياترى ابنك بيدخن؟؟؟ ردت عليها : لا لا لا الحمد لله ، ابنى ما بيدخنش..... الا اذا سكر

• ,احد بيقول لصاحبه ... الحق الثعبان دخل غرفة حماتك ... قاله: سيبه يستاهل

• اثنين ساكنين في خيمة ونايمين على ظهورهم بالليل.. بص الأول للسما وقال للثاني شايف ايه ؟ قال اشوف نجوم كثيرة.... قال وده يدل على ايه ة ؟ قال الثاني : ان فيه مجرات وكواكب غيرنا في الكون ده . قال الأول ده يدل ان سقف خيمتنا انسرق ياغبي

• ثعبان نظره ضعيف يوم ما حب واحده..... طلعت خرطوم

• بلدينا ماسك قنبله وعمال يحدفها من الإيد دى للايد دى ، قابله واحد تانى
قال له :يخرب بيتك ولما تنفجر فى وشك ، قاله : ماتخافش معايه غيرها

• بلدياتنا نجح في انتخابات مجلس الشعب، ففي اول جلسة قاعد جنب واحد افندى فالأفندى عزم عليه بسيجارة مارلبورو، وبعد شويه بيسالوا إيه رأيك في الديمقراطية ياحاج؟؟.. فرد الحاج : والله أحسن من الكيلوبترا !!

• واحد قال لأبنه: نابليون وهو أدك كان أول واحد في الفصل،... رد الواد على أبوه : نابليون وهو أدك يا بابا كان إمبراطور

• واحد ومراته متخانقين فبطلوا يكلموا بعض فكتب ورقة صحيني الساعه 6:30علشان عندي شغل ، وحط الورق على السرير ونام صحي الساعة 10:00 فلقى ورقه مكتوب عليها الساعه 6:30 يلا إصحى

مره واحد راح يشترى بكته بانجو بعشرة جنيه الحكومه طبت على المكان الى هوة فيه راح رامى العشره جنيه


واحد رخم نزل الشارع وقف قدام عمود ... قالوه عديني


ظبطو بلدياتنا بيشمو اسمنت ابيض



مره واحد مسطول ماشي مع حبيبته في نص الليل فاشافت ابوها فقالت يالهوي بابا بابا فقالها ماتخافيش قوليلوا اخوكي



مرة واحد بخيل وابنة قاعدين بياكلو فا مراتة جت فخبطت فقل ابنة قوم افتح لامك قال لة لا ماهى مراتك قالة دى امك قلة دى مراتك قلة دى امك قالة لا قالة طيب وراح منادى على مراتة انتى طالق وراح باصص لابنة وقالة قوم افتح لامك



كان فية واحد مسطول بيدق في عمود النور المضيئ للشارع فجاء مسطول اخروقال لة اية محدش فتحلك الباب ثم نظر الى الأعلى وقال لة (اى للمسطول الأول)دق بقوة الظاهر انهم ساكنين فوق السطوح



مره واحد راح للسوبر ماركت قله عندك معلبات رد عليه ايوه قله طاب ادينى علبة كبريت



محشش نائم جت امه تصحيه في الصباح قالت قوم يا ولدي الشمس طلعت
قال دخليها وقفلي الباب


مرة واحد ماشى مع خطيبته وآخر انسجام فقالها "عارفة ايه هو الحب وايه الجواز؟" قالته "لا" قالها: "الحب زى النجوم الجميلة اللى فى السماء .
قالتله"طب والجواز؟" قالها:"دى البلاعة اللى واحنا بنبص على النجوم بنقع فيها.."

***

واحد متجوز وقاعد في البيت وبيبص كتير في عقد الزواج، مراته قالت له:"بتبص في عقد الزواج ليه يا حبيبي؟" قالها: "بأبحث عن تاريخ إنتهاء العقد.

***

واحد نشر في إعلانات مبوبة :مطلوب زوجة!!! تاني يوم جاله 100 جواب فيهم نفس الرد : تاخد بتاعتي؟؟

***

واحد قاعد في أمان الله بيقرا الجرنان، وفجأة جت مراته وضربته بغطا الحلة فوق دماغه .. طرررررخ!!! الزوج: "فيه ايه يا بنت الحلال؟ ليه كدا ؟؟؟"الزوجة : "ايه الورقه اللي في جيب بدلتك ومكتوب عليها "سوسو"؟؟" الزوج:"يا بنت الحلال، ده اسم الحصان اللى بنشجعه في السباق!" الزوجه صدقته وراحت لحالها... بعد اسبوع، الزوج قاعد في أمان الله يقرا الجرنان، وفجأة جت مراته وضربته بغطا الحلة على راسه !! الزوج: "خير يابنت الحلال في ايه تاني؟؟" الزوجه:"حصانك على التليفون

***

نساء العالم اتحدن وقررن أن لا يقومو بأى أعمال في المنزل وبعد أسبوع تجمعوا ليعرفوا النتائج إلاضراب ..

فقالت الزوجة الفرنسية "أنا قلت لجوزى ميشيل أنا مش هعمل حاجة فى البيتالاسبوع دة كلة" وقالت "أول يوم ماشوفتش حاجة تانى يوم ماشوفتش حاجة تالتيوم بدا يغسل ويمسح" وقالى "انتى بتتعبى اوى ياحبيبتى".

وقالت الزوجة الانجليزية "أنا قلت لجوزى أنا مش هعمل حاجة خالص فى

البيت الاسبوع ده .. أول يوم مشوفتش حاجة تانى يوم بدا يعمل الاكل تالت يوم عشانى وغدانى برة."

جت المصرية وقالت "أنا قلت لأبو العيال أنا مش هعمل حاجة فى البيت الأسبوع دة" وقالت "أول يوم ماشوفتش حاجة تانى يوم ماشوفتش حاجة

تالت يوم بدات أشوف شوية بعينى الشمال."

***

مرة واحدة قالت لجوزها "إهدى يا حبيبى كده وارجع زى زمان"، الراجل طلقها و رجع لأيام العزوبية

***

مدرس رياضيات اتجوز مدرسة رياضيات خلفوا ولد شبه منحرف وبنت دايره على حل شعرها

***



واحد بيقول لمراته ... أنا النهاردة عايز رومانسية فى البيت ... راحت الزوجة سألت أمها : يعنى إيه رومانسية ؟؟ الأم : مش عارفة بس احتياطى إنقعى الرز

***

واحده وحشة بتقول لجوزها بكره عيد ميلادى . قالها نقف دقيقتين حداد

***



مرة دكتور دخل عنبر فى سراية المجانين لقى واحد بيخبط دماغة فى الحيطة سأل الممرضة ماله ده ؟ قالت أصله كان بيحب واحدة ومتجوزهاش دخل العنبر الىبعده لقى واحد بيضرب نفسة بالشبشب قالها وده ماله قالتله أصل ده اللي اتجوزها


ههههههههههههههههههههههههههههههههههه

[pooforever_2010]

ايه مش عجباكو ولا كل اللى دخل مات من الضحك

[Max.1]

و الله العظيم حرام عليك انا فطست من الضحك و انا عندى برد مش عارف اخد نفسى يا راجل و تسلم ايدك

[pooforever_2010]

المشاركة الأصلية كتبت بواسطة max.1

و الله العظيم حرام عليك انا فطست من الضحك و انا عندى برد مش عارف اخد نفسى يا راجل و تسلم ايدك

اول واحد عدى بالسلامه عقبال الباقى
شكرا لمرورك الكريم

[pooforever_2010]

ايه محدش عنده طوله بال يقرا ولا ايه

[pooforever_2010]

ايه نحذف الموضوع ولا ايبه

[shahryar33]

هههههههههههه تسلم ايدك شويه نكت لووز بس مش عارف انت ليه قافش المحششين اوى كدةو بالمناسبه خد دى

مره كان فى ارنب بيجرى فى الغابه قابل زرافه بتشم بودرة قالها سيبك من القرف الى بتعمليه دة و تعالى نجرى فى الغابه و هما بيجرو قابلو فيل بيشرب بانجو قاله الارنب سيبك من القرف الى بتشربه دة و تعالى نجرى فى الغابه وكملو جرى و هما بيجرو قابلو اسد بيضرب حقنه لسه الارنب هيكلمه راح الاسد مديله بالقلم و قاله هو انت يا ابن الكلب كل ما تضرب ترامادول تجرى الغابه كولها وراك ..........

[الرحاله]

مشكوووووووووووووووووووووووور

[NEW_Year]

هههههههههههههههههههههههههههههههههههههههههههههههههه هههههه
عاوز اقولك اني سهران من امبارح ومش جايلي نوم ونازل مشوار ومخنوق لقيت مكتوب نكت قولت اخش ابص
فطسيت علي روحي من الضحك وربنا
تسلم ايدك ياحبي

[pooforever_2010]

المشاركة الأصلية كتبت بواسطة shahryar33

هههههههههههه تسلم ايدك شويه نكت لووز بس مش عارف انت ليه قافش المحششين اوى كدةو بالمناسبه خد دى

مره كان فى ارنب بيجرى فى الغابه قابل زرافه بتشم بودرة قالها سيبك من القرف الى بتعمليه دة و تعالى نجرى فى الغابه و هما بيجرو قابلو فيل بيشرب بانجو قاله الارنب سيبك من القرف الى بتشربه دة و تعالى نجرى فى الغابه وكملو جرى و هما بيجرو قابلو اسد بيضرب حقنه لسه الارنب هيكلمه راح الاسد مديله بالقلم و قاله هو انت يا ابن الكلب كل ما تضرب ترامادول تجرى الغابه كولها وراك ..........

ههههههههههههههههههههههه

جامده جدى

المشاركة الأصلية كتبت بواسطة الرحاله

مشكوووووووووووووووووووووووور

نورت يا باشا

المشاركة الأصلية كتبت بواسطة new_year

هههههههههههههههههههههههههههههههههههههههههههههههههه هههههه
عاوز اقولك اني سهران من امبارح ومش جايلي نوم ونازل مشوار ومخنوق لقيت مكتوب نكت قولت اخش ابص
فطسيت علي روحي من الضحك وربنا
تسلم ايدك ياحبي

الله يكرمك
الحمد لله انى كنت سبب بسمه بسيطه
تحياتى

[ĴΘĶЄЯ]

هههههههههههههههههههههههههههههه
انا عديت بالعافية
ايه النكت الجامدة دى
تسلم ايدك