من سذاجه الواحد افتكرت ان الكلب عيان وعنده مرض السكر وبيعملوا عليه اختبارات.

avokato · 14-12-17, 10:59 PM

وانا طالع الاسانسير الصبح في مستشفي مايو كلينيك لقيت واحده ست ومعاها كلب!!
ايه ده كلب جوه المستشفي!!
طبعا انا قرفت بس كان عندي فضول اعرف الكلاب دي بتعمل ايه لانه كان عليه علامه مكتوب عليها Diabetic Alert Dog!!
من سذاجه الواحد افتكرت ان الكلب عيان وعنده مرض السكر وبيعملوا عليه اختبارات.
العبد لله الغلبان الي هو انا : هو الكلب ده بتاع حضرتك؟؟
السيدة: اه بتاعي.
انا: ياحرام هو عنده السكر؟؟
السيدة: لا ده انا الي عندي السكر.
انا: طب يعني ايه Diabetic alert dog
السيدة: انا يابني عندي السكر وبأخد انسولين وعايشه لوحدي والكلب ده بيساعدني في المرض بتاعي
انا: بدأت علامات الذهول والاستغراب! ازاي يعني!!؟؟
السيدة: الكلب ده بيعرف ان نسبه السكر عندي واطيه عن طريق شم مواد معينه من جسمي ولو شم المواد دي علي طول بينبهني علشان اخد حاجه مسكره قبل ماكون دخلت في غيبويه سكريه.
انا: ماشاء الله الكلاب هنا بتشخص انخفاض مستوي السكر بالدم!
السيده: مش بس كده ده انا لو تعبت خالص بيروح يجبلي التليفون الاسلكي علشان اكلم 911.
انا: لاحول ولا قوه الا بالله الكلب بيعمل ده كله. طب هو عرف الحاجات دي ازاي ؟!
السيدة: الكلاب دي بتدخل معهد سنتين علشان يدربوها علي كل ده.
انا: كده كتير حضرتك انا مش مستحمل اكتر من كده ! ممكن اخد صوره للكلب.
السيدة بكل احترام: اه طبعا اتفضل
طبعا انا افتكرت عم احمد الله يرحمه كان في اول نيابتي الحزينه عم احمد كان عنده سكر وضغط وقلب وقصور في الكليه وكان علي طول بيحب البسبوسه وسكره كان عالي.. في مرة ممرضه اديتو انسولين بجرعه كبيره علشان سكره كان عالي بس للاسف ماعملتش قياس نسبه السكر بعد ساعه من اعطاء الانسولين كانت النتيجه عم احمد تعيش انت راح في غيبويه انخفاض سكر وللاسف معرفناش نلحقوا وكلنا نتحمل المسؤليه لانه مات....

‫#‏منقول‬ من أستاذ محمود خيري.
الحكاية دي حصلت بره مصر.. يا رب نشوف بلدنا فيها حاجات حلوة زي دي قريب ان شاء الله

14-12-17, 10:59 PM	#1
avokato مشرف قسم التسليح المصري و العالمي اوسمتي مجموع الاوسمة: 2 تاريخ التسجيل: Mar 2011 المدينه: شبرا مصر المشاركات: 3,610 معدل تقييم المستوى: 275	من سذاجه الواحد افتكرت ان الكلب عيان وعنده مرض السكر وبيعملوا عليه اختبارات. وانا طالع الاسانسير الصبح في مستشفي مايو كلينيك لقيت واحده ست ومعاها كلب!! ايه ده كلب جوه المستشفي!! طبعا انا قرفت بس كان عندي فضول اعرف الكلاب دي بتعمل ايه لانه كان عليه علامه مكتوب عليها Diabetic Alert Dog!! من سذاجه الواحد افتكرت ان الكلب عيان وعنده مرض السكر وبيعملوا عليه اختبارات. العبد لله الغلبان الي هو انا : هو الكلب ده بتاع حضرتك؟؟ السيدة: اه بتاعي. انا: ياحرام هو عنده السكر؟؟ السيدة: لا ده انا الي عندي السكر. انا: طب يعني ايه Diabetic alert dog السيدة: انا يابني عندي السكر وبأخد انسولين وعايشه لوحدي والكلب ده بيساعدني في المرض بتاعي انا: بدأت علامات الذهول والاستغراب! ازاي يعني!!؟؟ السيدة: الكلب ده بيعرف ان نسبه السكر عندي واطيه عن طريق شم مواد معينه من جسمي ولو شم المواد دي علي طول بينبهني علشان اخد حاجه مسكره قبل ماكون دخلت في غيبويه سكريه. انا: ماشاء الله الكلاب هنا بتشخص انخفاض مستوي السكر بالدم! السيده: مش بس كده ده انا لو تعبت خالص بيروح يجبلي التليفون الاسلكي علشان اكلم 911. انا: لاحول ولا قوه الا بالله الكلب بيعمل ده كله. طب هو عرف الحاجات دي ازاي ؟! السيدة: الكلاب دي بتدخل معهد سنتين علشان يدربوها علي كل ده. انا: كده كتير حضرتك انا مش مستحمل اكتر من كده ! ممكن اخد صوره للكلب. السيدة بكل احترام: اه طبعا اتفضل طبعا انا افتكرت عم احمد الله يرحمه كان في اول نيابتي الحزينه عم احمد كان عنده سكر وضغط وقلب وقصور في الكليه وكان علي طول بيحب البسبوسه وسكره كان عالي.. في مرة ممرضه اديتو انسولين بجرعه كبيره علشان سكره كان عالي بس للاسف ماعملتش قياس نسبه السكر بعد ساعه من اعطاء الانسولين كانت النتيجه عم احمد تعيش انت راح في غيبويه انخفاض سكر وللاسف معرفناش نلحقوا وكلنا نتحمل المسؤليه لانه مات.... ‫#‏منقول‬ من أستاذ محمود خيري. الحكاية دي حصلت بره مصر.. يا رب نشوف بلدنا فيها حاجات حلوة زي دي قريب ان شاء الله __________________ يا أيــهُا الرآجونْ مِنْهُ شَفاعَة , صَلوا عَليه وسَلموا تسَليمْـــــــا