|
التعليمـــات | قائمة الأعضاء | المجموعات الإجتماعية | التقويم | البحث | مشاركات اليوم | اجعل كافة الأقسام مقروءة |
الصيد العام موضوعات الصيد العامه وتعارف الصيادين. |
أدوات الموضوع | إبحث في الموضوع | انواع عرض الموضوع |
11-10-15, 02:06 PM | #1 |
صياد متقدم
|
تحذير من الرش المارسمان
بإختصار أنا كنت فى الإسكندرية الأسبوع إلى فات ولسة جاي من شوية وقلت أجيب رش مارسمان من المصنع إلى هناك بناء على نصائح أحد الأخوة الذى أشترى فى السابق وشكر فى رش المارسمان، المهم تفضل الأخ الفاضل بالذهاب معى إلى المصنع يوم الأحد الماضى وكان المصنع مغلق المهم نزلت يوم الإثنين بدون الأخ، هو قالى الرش نمرة إثنين أبتده ينزل منه وحش بس نمرة واحد كويس المهم قلت أروح المصنع لوحدى أشوف لو لاقيت الرشة شكلها حلو ومتساوية هجيب كمية ولو لاقيت شكلها وحش ومش متساوية وفيها عيوب مش هجيب المهم دخلت المصنع وهو ورشة صغيرة مش مصنع وفيه محل صغير قلت السلام عليكم لاقيت واحد كشر فى الخمسينيات من العمر مردش السلام قلت مش مشكلة قلته الرش نمر واحد بكم ونمرة إثنين بكم قالى الرش نمرة واحد ب 3.25 ونمرة إثنين سمعته بيقولى والله أعلم 3.80 وبعدين قلتله لو هشترى كمية بكم قالى نمرة إثنين ب 4 قلتله مش أنت قلت ب 3.80 قالى الكلمة دى مطلعتشى منى قلت ما علينا، ممكن أشوف شكل الرش المهم ورانى الرش نمرة واحد وإثنين وفتحلى علبتين، قالى الرش نمرة واحد مفيش غير 7 علب ونمرة إثنين موجودة كميات، المهم شفت شكل الرش لاقيته شكله حلو ومتساوى وتقريباً مفهوش عيوب المهم قلتله عايز ال 7 علب نمرة واحد وال 10 علب نمرة إثنين وأشترتهم على نمرة واحد ب 3.25 ونمرة إثنين ب 4.
من عادتى أنى بحب أعد الحاجة بعد ما أشتريها وكنت فى الإسكندرية قاعد فاضى فى شقة على الكورنيش قلت أعد الرش، عديت الرش نمرة واحد لاقيت أول علبة فيها 116 رشة فرحت وتقريباً الرش نمرة واحد عدد الرش فيها أزيد من 100 رشة، جيت أعد نمرة إثنين العلبة فيها من 89 رشة إلى 95 رشة أقصى علبة، يعنى مفيش علبة فيها مكملة ال 100 رشة قلت مش مهم الزيادة فى نمرة واحد تعوض النقص فى نمرة إثنين. المصيبة بقى إلى خلتنى أكتب التحذير أنى لسة واصل بيتى فى القاهرة من ساعة وجريت على بنادقى نمرة واحد ونمرة إثنين قلت أجرب نمرة واحد الأول، وحطيت الرشة فى البندقية رغم أنها متساوية راس الرشة دخلت بالعافية فى الماسورة أجى أضرب الرش على عمارة قصادى ملهاش أثر، أجى أكثر الماسورة ألاقى الماسورة مسدودة يعنى الرشة مخرجتش، أضطريت اضضرب مرة ثانية علشان الرشة تخرج من الماسورة، جربت حوالى 10 رشات نمرة واحد أغلبهم حشر فى الماسورة ومخرجشى، جيت أقارن بين الرشة نمرة واحد المارسمان وشوية رش ألمانى موجود عندى لاقيت فيه فرق السما عن الأرض عن شكل الرشة، المارسمان تقيلة وراسها مفلطحة أكبر من الألمانى وديلها طويل، والأغية بتوع المصنع عاملين زخرفة بارزة على راس الرشة بعكس الألمانى، فراس الرشة بتدخل بصعوبة فى الماسورة، بعكس الرشة الألمانى الى راسها مش بتحتك فى الماسورة من أساسه وديلها بس هو الى بيبقى فارش على فاتحة الماسورة، جيت أقارن بين الرش نمرة إثنين المارسمان ورش مصرى نمرة إثنين مش عارف نوعه كان هدية من صاحب البندقية الى أشترتها منه برده لاقيت نفس الملاحظات، الرشة المارسمان راسها فيها نفس المشكلة بعكس الرشة المصرى الى مش عارف نوعها راسها مش بتحتك فى الماسورة ومفهاش الزخرفة الى موجودة فى المارسمان. والأمانة علشان أكون حكيت تجربتى بكل صدق نمرة إثنين المارسمان محشرشى ولا مرة رغم أنى بحس أنه بيخرج من الماسورة بالعافية وراسه أكبر وبيدحل بصعوبة. دى تجربتى مع رش المارسمان وربنا يعوض عليه فى 63 جنيه تمن الرش المصرى الزبالة إلى أسمه المارسمان ودى توبة أنى أفكر أشترى رش مصرى تانى رغم أن فيه منه كان كويس بس فى الأخر الصناعة المصرية يوم كويسة ويوم زبالة، على إيه خلينا فى المضمون الأسبانى والإلمانى والغالى تمنه فيه، وربنا ينتقم من صاحب المصنع ويخرب بيته يا رب.
__________________
قال رسول الله (ص ) : ( عَلَيكُم بالرَّمْي فإنَّهُ مِنْ خَيرِ لَهْوِكُم )
|
sponsor links |
11-10-15, 02:12 PM | #2 |
صياد قديم
تاريخ التسجيل: Jun 2011
المدينه: القطاميه
المشاركات: 3,916
معدل تقييم المستوى: 0 |
رد: تحذير من الرش المارسمان
يا اخى جزاك الله خير
بس اخر حته ديه انا مش معاك فيها متدعيش على حد تانى عشان حرام او مش حلو يعنى معلش ديه وجهه نظرى برجاء ماتزعلش منى وتقبل مرورى
__________________
((فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّارًا يُرْسِلِ السَّمَاء عَلَيْكُم مِّدْرَارًا وَيُمْدِدْكُمْ بِأَمْوَالٍ وَبَنِين َ وَيَجْعَل لَّكُمْ جَنَّاتٍ وَيَجْعَل لَّكُمْ أَنْهَارًا))
اللهم انى استغفرك واتوب اليك *اللهم انت ربى لا اله الا انت سبحانك خلقتنى وانا عبدك وانا على عهدك ووعدك ما استطعت اعوذ بك من شر ماصنعت ابوء لك بنعمتك على وابوء لك بزنبى فأغفر لى فأنهه لايغفر الزنوب الا انت * |
11-10-15, 02:31 PM | #3 |
صياد نشيط
تاريخ التسجيل: Sep 2011
المدينه: مدينة نصر- القاهرة
المشاركات: 344
معدل تقييم المستوى: 6 |
رد: تحذير من الرش المارسمان
شكرا لنصيحتك الغالية...وربنا يعوض عليك يا أخي...ماحدش بيتعلم ببلاش...والحمد لله إنها جت في فلوس ولستر ربنا إنها مش كتير قوي...تتعوض إن شاء الله...بس نصيحتي ليك وللجميع...بلاش والنبي تدعي على أحد...حتى لا ترد عليك الملائكة وتقول ولك مثله...فمن حيث لا تدري ولا تحتسب يكون لك نصيب من هذا الدعاء...إكتفي فقط بقول...حسبي الله ونعم الوكيل...ربنا شايف ومطلع وهو حكم وعدل...لا يقبل بالظلم أبدا...
__________________
لا تنظر في عين ضحيتك...عندما تكون جاهزا والهدف في مرماك...إحتفظ بهدوئك...خذ نفس عميق...أخرج نصفه...إكتم نفسك...ركز...إستعد...إضرب...إياك أن تتردد...الأولى لك...والثانية عليك...
|
11-10-15, 03:02 PM | #4 |
صياد متفاعل
|
رد: تحذير من الرش المارسمان
فعلا الرش المارسمان انا جربته طلع زباله مع ان فى ناس بتشكر فيه ورميت نص العلبه لانها فعلا بتتحشر فى الماسوره وانا بدخلها والاكتر انها مكانتش بترضى تدخل من اصله ولستر ربنا ان بندقيتى جيت يعنى بتطلع الرشه لو ملزوقه بامير وعايز اقول حاجه ان اكتر حاجه تبوظ البندقيه الرش لو اتحشر فيها دا بيضعف السوسته عن تجربه مع الرمسيس وانا مع الاخوه فى ان حضرتك مش لامفروض تدعى على حد قول ربنا يسهله وتقبل مرورى
__________________
إبراهيم عبد القادر
|
11-10-15, 03:24 PM | #5 |
صياد متفاعل
تاريخ التسجيل: Aug 2011
المدينه: الجيزة
المشاركات: 158
معدل تقييم المستوى: 0 |
رد: تحذير من الرش المارسمان
*******************
__________________
غبنا وغاب الأبداع ورجعنا نغير الأوضاع............. محمود العسكرى..... |
11-10-15, 03:26 PM | #6 |
صياد نشيط
تاريخ التسجيل: Sep 2011
المدينه: فى الجيزه
المشاركات: 360
معدل تقييم المستوى: 6 |
رد: تحذير من الرش المارسمان
المصرى مصرى و ربنا يعوض عليك
|
11-10-15, 03:32 PM | #7 |
صياد متقدم
|
رد: تحذير من الرش المارسمان
هو بالنسبة للدعا أعذرونى، رحت مرتين علشان الرش وجايب 17 علبة وغايب عن القاهرة 8 أيام ومشتاق للبنادق والصيد وأرجع ألاقى الرش بايظ مع أن شكله يوحى أنه أحسن من الجامو ماتش، الصناعة المصرية للأسف تفتقد للدقة، وممكن راس الرشة لو فرقت عشر ملى تسبب مشكلة، هما الى نجحه فيه أنهم يعملوا رشة شكلها حلو ومتساوية وتقيلة لكن حجم الرشة هما الى فشله فيه بعكس الجامو والإلمانى الدقة فيه بالفمتو ثانية، وشغلهم على فكرة بدائى عامل واقف فى الورشة على مكنة وماسك شريط الرصاص وعمال يضغط ويطلع الرش وزى ما تيجى تيجى، وأنا لما جيت أحسبها العلبة الجامو فيها 500 رشة نمرة واحد ب 25 جنيه قصاد الرش المصرى الى بايظ يبقى الأسبانى يكسب.
وإلى يغيظ أن الراجل التنك صاحب الورشة بيحسسك أنه بينتج دهب مش موجود فى السوق زيه.
__________________
قال رسول الله (ص ) : ( عَلَيكُم بالرَّمْي فإنَّهُ مِنْ خَيرِ لَهْوِكُم )
|
11-10-15, 05:17 PM | #8 |
Banned
تاريخ التسجيل: Mar 2011
المدينه: الهرم
المشاركات: 1,116
معدل تقييم المستوى: 0 |
رد: تحذير من الرش المارسمان
انا غير متفق معاك فى بعض الكلام لان عن تجربه بالنسبه لنمرة 2 هو ادق واحسن من الجامو بروماجنوم خصوصا مع البنادق الهاى باور ولكن لا ينصح بأستخدامه مع البنادق الهاى باور لانه بيسرق الطير فهو محتاج بنادق متوسطه القوة
لكن افضل رش موجود تستخدمه وانت مغمض الالمانى احسن من الاسبانى مليون مرة الماتش |
11-10-15, 05:59 PM | #9 | |
صياد متقدم
|
رد: تحذير من الرش المارسمان
اقتباس:
__________________
قال رسول الله (ص ) : ( عَلَيكُم بالرَّمْي فإنَّهُ مِنْ خَيرِ لَهْوِكُم )
|
|
11-10-15, 10:24 PM | #10 |
صياد نشيط
تاريخ التسجيل: May 2011
المدينه: 6 October city
المشاركات: 296
معدل تقييم المستوى: 7 |
رد: تحذير من الرش المارسمان
السلام عليكم و رحمة الله و بركاته
أنا بأستعمل الرش المرسمان نمرة 2 فى بنادق التل و البام و الكرال الرماية و المعادى و لb 3 و كل ما تم ضربه كان بالرش المرسمان لدرجة إنى سافرت الأسكندرية مخصوص لشراء الرش من المصنع و إشتريت 50 علبة .و شوفت الراجل الكشر اللى حضرتك قلت عليه . و هو افضل من الرماية مع ملاحظة أنه يوجد فى السوق رش مرسمان مضروب و أنا إشتريت منه علبة و رجعتهاتانى و قلت لصاحب المحل إن دة مضروووووووب.و عندى الماتش و البروماجنوم. مع تحياتى
__________________
إن من يفقد الصدق مع نفسه ..... لن يصدقه الأ خرون
|
11-10-15, 11:11 PM | #11 |
صياد قديم
تاريخ التسجيل: Jun 2011
المدينه: القطاميه
المشاركات: 3,916
معدل تقييم المستوى: 0 |
رد: تحذير من الرش المارسمان
يعنى نشترى مرسمان ولا لاء ياجدعان
ارسلكو على حل بقى
__________________
((فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّارًا يُرْسِلِ السَّمَاء عَلَيْكُم مِّدْرَارًا وَيُمْدِدْكُمْ بِأَمْوَالٍ وَبَنِين َ وَيَجْعَل لَّكُمْ جَنَّاتٍ وَيَجْعَل لَّكُمْ أَنْهَارًا))
اللهم انى استغفرك واتوب اليك *اللهم انت ربى لا اله الا انت سبحانك خلقتنى وانا عبدك وانا على عهدك ووعدك ما استطعت اعوذ بك من شر ماصنعت ابوء لك بنعمتك على وابوء لك بزنبى فأغفر لى فأنهه لايغفر الزنوب الا انت * |
11-10-16, 12:55 AM | #12 |
صياد جديد
|
رد: تحذير من الرش المارسمان
السلام عليكم ورحمة الله وبركاته
التحية والاحترام لكل أعضاء منتدي الصيد في مصر المحترمين . مشكلة جودة الرش من أكبر المشاكل التي يواجهها مستخدمي بنادق ضغط الهواء بسبب المشاكل التي تحدث نتيجة رداءة تصنيع الرش (اعوجاج . زيادةحجم الرشاية اكثر من اللازم .ضيق تجويف الهواء ) ويترتب علي ذلك حشر الرشاية داخل الماسورة ومحاولة تسليكها مما يترك اثر سلبي علي الشخشانات الحلزونية داخل الماسورة وكذلك ترك رواسب أو رايش خفيف نتيجة استخدام الرصاص الغيرأملس الرجيع (الخردة ) في التصنيع . وهذا كله راجع لعدم خبرة الصانع المصري اللى هو ورشجي في الأساس يعني يعتمد علي الخبرة وتقليد المنتجات المتشابهة فقط وعدته أو أدواته الاساسية نمطية بالاضافة طبعا للسيجارة وكوباية الشاي وأحيانا حجر المعسل البريء أو غير البريء دون الدراسة و معرفة التصاميم الحديثة ومحاولة تطويرها وللاسف أغلبيتهم ليس بمحترف صيد أو يمكن لم يمارسه من الاساس .وأنصح مستخدمي الرش بعدم الشراء بكميات الا بعد التجربة ولما يثبت الجودة سارع بشراء كميات قبل أن تتعب فورمة أو اسطمبة تصنيع الورشة وتتغير جودتها . |
11-10-16, 01:34 AM | #13 |
صياد جديد
تاريخ التسجيل: Apr 2011
المدينه: PORT SAID
المشاركات: 6
معدل تقييم المستوى: 0 |
رد: تحذير من الرش المارسمان
شكرا للمعلومة
|
11-10-16, 09:43 PM | #14 | |
صياد متفاعل
|
رد: تحذير من الرش المارسمان
اقتباس:
|
|
11-10-17, 01:16 AM | #15 | |
صياد متفاعل
|
رد: تحذير من الرش المارسمان
اقتباس:
__________________
حكمة علمتهالى الحياة مش كل طير يتاكل لحمة و ان الصبر مفتاح الفرج
NEVER LOOK BACK AND WATCH YOUR BACK |
|
11-10-17, 02:02 AM | #16 |
تاجر مسجل بالمنتديات
تاريخ التسجيل: Jul 2010
المشاركات: 2,715
معدل تقييم المستوى: 21 |
رد: تحذير من الرش المارسمان
طيب اية رايك في الاوسكار نمرة 2
__________________
MR.X لاسلحة الصيد البري والبحري ومحدثات الصوت يسعدنا تشريفكم لنا بمعرضنا في مصر الجديدة 48 شارع بغداد امام فندق بيروت محافظة القاهرة يسعدنا توفير خدمة الشحن الي جميع الاعضاء في جميع المحافظات وتكلفة الشحن علي حسب المحافظة 01000131401 01093635793
|
11-10-17, 02:53 AM | #17 |
صياد متفاعل
|
رد: تحذير من الرش المارسمان
باشا اولا ازي حضرتك يا رب تكون بخير و بالف صحة
الاوسكار نمرة 2 مميزاتة انه خفيف الوزن و الرشة نضيفة قوي و العلبة بتكون فيها تقريبا 100 اقل او اكثر ب2 3 بس الاستخدام الامثل الرماية و لشدة دقته head shoot للحمام يمام عصفير الرش المصري مش وحش بالعكس هو عايز شوية اهتمام بس بالخامة و هينافس ولازم ندعمو ويجب علينا ان نقتني بندقية مصري بجانب البدقية المستورد انا هبداء بنفسي انشاء الله هجيب عروسة رمسيس موديل قديم ......تحياتي لك
__________________
حكمة علمتهالى الحياة مش كل طير يتاكل لحمة و ان الصبر مفتاح الفرج
NEVER LOOK BACK AND WATCH YOUR BACK |
11-10-18, 05:35 PM | #18 |
Banned
تاريخ التسجيل: Mar 2011
المدينه: الهرم
المشاركات: 1,116
معدل تقييم المستوى: 0 |
رد: تحذير من الرش المارسمان
هو لو نمرة 1 يبقى الجامو طبعا احسن بكتير والفرق فى السعر مش كتير انما نمرة 2 شغال كويس مع البنادق الضعيفه انما لو بندقيه هاى باور يبقى لازم تستخدم رش ماتش اى نوع زى ما تفضل وافضلهما الهوبى
|
11-10-20, 04:50 PM | #19 |
صياد متفاعل
|
رد: تحذير من الرش المارسمان
نمرة 2 شغال كويس مع البنادق الضعيفه معلش انا اختلف مع حضرتك الكلام دا مش تمام و كمان احب اعرف البنادق الضعيفة زي ايه....لك تحياتي:confused:
__________________
حكمة علمتهالى الحياة مش كل طير يتاكل لحمة و ان الصبر مفتاح الفرج
NEVER LOOK BACK AND WATCH YOUR BACK |
11-10-22, 06:56 PM | #20 |
صياد متفاعل
تاريخ التسجيل: Sep 2011
المدينه: رأس سدر جنوب سيناء
المشاركات: 81
معدل تقييم المستوى: 5 |
رد: تحذير من الرش المارسمان
فعلا اخى الفاضل حصلت معايا فى ثلاث علب نمره واحد وربنا يعوض عليك وعلينا إن شاء الله
|
11-10-27, 12:52 AM | #21 |
صياد نشيط
|
رد: تحذير من الرش المارسمان
شكرا لنصيحتك
__________________
الرجولة فرص مش اكل قرص |
11-12-10, 10:47 PM | #22 |
صياد جديد
تاريخ التسجيل: Jun 2011
المشاركات: 11
معدل تقييم المستوى: 5 |
رد: تحذير من الرش المارسمان
فعلا مارسمان ده شكله حلو جدا ومحترم وبس تصنيعه غلط بيدخل بالحشر فى الماسوره بصراحه ضربط واحد وشلت العلبة على جنب هههههههه وجبت واحده رمايه لحد ما اشترى مستورد نضيف من اى مكان
|
11-12-13, 04:29 AM | #23 |
صياد متقدم
تاريخ التسجيل: Nov 2011
المدينه: العمرانية _ جيزة
المشاركات: 727
معدل تقييم المستوى: 8 |
رد: تحذير من الرش المارسمان
مشكووووووووووووووووور
__________________
اخوكم مهندس/ عبدالرحيم أُسبح باسمك الله "" وليس سواك أخشاه وأعلم أن لي قدراً "" سألقاه سألقاه أذكر الله في الرخاء يذكرك في الشده (اتقي الله ) |
11-12-14, 02:12 AM | #24 |
صياد قديم
|
رد: تحذير من الرش المارسمان
ربنا يعوض عليك ياباشا
كويس انها جت على اد كدة تقبل تحياتى |
sponsor links |
أدوات الموضوع | إبحث في الموضوع |
انواع عرض الموضوع | |
|
|
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
تحذير هاااااااااااااااااااااام | msa_79 | الموضوعات العامه | 11 | 11-08-16 05:35 PM |
ساقيه + تحذير + شكر | kiko_2015 | الموضوعات العامه | 10 | 11-06-27 12:57 AM |
هل رش المارسمان يضر البندقية (الرش المصري ) | osamaboha | سوق المنتدى | 17 | 11-03-26 12:53 PM |