الماسوره فرقعت

[_SAIKO_]

السلام عليكم

صوره لماسوره بندقيه و ماشاءالله واخده فرقعه .. ياريت لو نتناقش ف الصوره

[mahmoudsaid]

اكيد صينى


بس هى فعلا غريبة اتمنى اسمع الاراء يا ترى لية ؟

[_SAIKO_]

وجهه نظري المتواضعه .. و الله اعلم صح او خطأ ان اصلا الماسوره فيها عيب تصنيع و العيب ده موجود ف مكان الفرقعه دي و اللي حصل كالاتي :

مع الضرب الماسوره بتسخن و بتتعرض لاجهادات حراريه و دة طبيعي بس هما و ف وجود عيب التصنيع ده حصل خلل بالتالي الجزء دة مبقاش زي باقي الماسوره - اتغير - سواء بقي حصل انتفاخ او شرخ اي كان

المهم ان لما الطلقه بتنضرب بيحصل موجات ضغط عاليه اللي احنا بنسميها الغازات السخنه و الموجات دي او الغازات دي هي اللي بتدفع الطلقه ف هنا الموجات دي جت عند المنطقه اللي فيها عيب تصنيع و نظرا لضعفه ف ادت ل انفجاره .

ف انتظار راي الخبراء برده

[القناص2010]

السلام عليكم
تفسيرى لانفجار الماسورة البشع دا ان لو البندقية عيار 16 واخدت طلقة عيار 12 و هى ارفع من بيت النار لعيار 16 فتتحرك لداخل الماسورة للامام وبعد سحب طلقة تانية المقذوف اليطالع من الخرطوش بيفجر اللطلقة الموجودة فى الماشورة وفى جزء لا يتحمل شدة الانفجار زى بيت النار فتنفجر الماسورة زى ما شفنا فى الصورة .
هذا والله العلم .....

[realfighter]

السلام عليكم ورحمة الله وبركاته
حبيبى يا بشمهندس سيد دايما مواضيعك كده شيقة
بالمناسبة كلامك مضبوط من ناحية موجات الضغط العالية ودرجات الحرارة .......الخ
بس مش سهل ده يحصل لوحده كده مع بندقية خرطوش لازم يكون الماسورة اتسدت باى شىء هو اللى سبب الانفجار وبالتالى حصل انفجار الماسورة فى اضعف نقطة فيها
وتقبلوا مرورى

[realfighter]

المشاركة الأصلية كتبت بواسطة القناص2010

السلام عليكم
تفسيرى لانفجار الماسورة البشع دا ان لو البندقية عيار 16 واخدت طلقة عيار 12 و هى ارفع من بيت النار لعيار 16 فتتحرك لداخل الماسورة للامام وبعد سحب طلقة تانية المقذوف اليطالع من الخرطوش بيفجر اللطلقة الموجودة فى الماشورة وفى جزء لا يتحمل شدة الانفجار زى بيت النار فتنفجر الماسورة زى ما شفنا فى الصورة .
هذا والله العلم .....

يا فندم بأيد رأيك بان الماسورة اتسدت باى شىء بس صعبة انها تكون اتسدت بخرطوشة عيار اقل ممكن الصياد يسهو وتتسد منه الماسورة من فوهتها من بدايتها لكن هو يسدها بنفسه ويعمر ويطلق ما اعتقدش ولو حطينا الاحتمال ده اكيد الماسورة كانت هتنفجر من مكان اقرب لبيت النار مش اقرب للفوهة

[_SAIKO_]

طيب سؤال .. المفروض ان الماسوره متصنعه من معدن واحد ازاي يبقي في عيب ف جزء منها .. لو في عيب يبقي فيها كلها

[realfighter]

المشاركة الأصلية كتبت بواسطة _saiko_

طيب سؤال .. المفروض ان الماسوره متصنعه من معدن واحد ازاي يبقي في عيب ف جزء منها .. لو في عيب يبقي فيها كلها

والله يا بشمهندس انت اللى فرضت ان فيها عيب مش انا
ههههههههههه
بس خلينى هقولك هى النقطة دى بقت اضعف نقطة لان زاد الضغط فيها عند وصول المقذوف لهذه النقطة مع فوهة مسدودة

[_SAIKO_]

ايوة يا هندسه انا فاهم حضرتك بس انا اقصد ازاي يبقي في عيب صناعه ف جزء معين من الماسوره مش هي بتبقي من ماده واحده او سبيكه واحده؟

[realfighter]

المشاركة الأصلية كتبت بواسطة _saiko_

ايوة يا هندسه انا فاهم حضرتك بس انا اقصد ازاي يبقي في عيب صناعه ف جزء معين من الماسوره مش هي بتبقي من ماده واحده او سبيكه واحده؟

عشان اجبلك من الاخر الانفجار فى الماسورة ده بيكون بسبب انسدادها وبيكون نادر ودايما الانفجار بسبب انسداد فوهة الماسورة بيكون قريب من مكان الانسداد يعنى قريب من الفوهة وبالنسبة لاضعف مكان فى الماسورة مش بالضرورة ان المكان نفسه ضعيف لكن ممكن وصفه بانه ضعيف لان هى دى النقطة اللى زاد فيها الضغط زى لما تنفخ بالون وينفجر من اضعف نقطة (اكتر نقطة زاد فيها الضغط)مع ان البالون كله من نفس الخامة والتخانة
واحيانا يكون فى ضعف فعلا فى جزء معين فى الماسورة بالرغم من انها مصنوعها كلها من خامة واحده بس ده بيكون بسبب الاكسدة (الصدأ) بيكون فى مكان معين حصل فيه نتوء صدأ وتاكل وبالتالى المكان ده تحديدا بيضعف
ولذلك دايما اى تاجر سلاح لو هيشترى مستعمل بيكشف على القطعة كويس للتأكد من خلوها من اى نتوء صدأ لانه بيبدأ صغير وممكن ما يكونش ملحوظ
وملحوظة كمان مش كل الاسلحة بتتصنع من صلب مقاوم للصدأ ف منها مقاوم للصدأ وفى منها غير مقاوم وانواع كتير بيكون الماسورة الداخلية مطلية بطبقة تيتانيوم لمقاومة الصدأ والاحتكاك ومع الوقت وكثرة الاستخدام بيروح جزء من الطلاء الداخلى للماسورة وممكن قوى يتعرض لنتوء صدأ ويضعف وده بيتوقف على جودة الطلاء وتخانته وطبعا المواصفات دى اللى بتميز بعض الشركات والماركات المشهورة وتقبل مرورى

[ahmed yasser]

بتهيقلى دى ضربت عيار غير عيارها او البندقية مقفولة من المصدر هههههههههههههه

[M.SHADY]

المهم بس ان مفيش حد كان واقف جنب الماسوره و هى بتفرقع و حصل خير .
هاهاهااهاهاهاهاهاهاهااهاها

[abohosam]

البندقية خرطوش سواء عيار 16 او 12 ليس المهم ومن غير الطبيعى ان يكون سبب الانفجار كما قال احد اعضاء المنتدى انه وضع طلقة 12 بدل الطلقة ال16 فى الماسورة وتم الاطلاق واتحشرت الطلقة الاولى ثم انفجرت فى الثانيه وليس عيب فى التصنيع او بسبب الصدا فو انه عيب تصنيع لحدث شرخ طولى فى الماسورة ويكون طوله بقدر المسافة المعطوبة التى بها العيب ولو كان بسبب الصدا لتطاير الجزء الذى اصابة الصدا وتهرى بمعنى الماسورة تمزع
وسبب الانفجار الحقيقى احد امرين لا ثالث لهم الاول ان يكون اطلق طلقة من نفس عيار البندقية ولكنها باردة بمعنى البارود لم يتمكن من دفع الكاس البلاستيكى الحاضن للرش الى خارج الماسورة فانحشرت ثم تلتها طلقة ثانية والماسورة مسدودة فحدث الانفجار اما السبب الثانى فانه يكون اطلق بها طلقات رش ملتصقة بالشمع المصهور او انه اطلق طلقات رصاص slug مثل طلقة المسدس وليس رش وكانت الماسورة مركب عليها shoke خانق الرش وهو ضيق غير مخصص لتلك الطلقات وقد يكون السبب انه اطلق البندقية وفم الماسورة مقارب جدا لسطح الارض بمعنى ان الاطلاق كان خطا ولو انى استبعد هذا الاحتمال وجميع ماذكرته صحيح وسبق تجربته

[realfighter]

المشاركة الأصلية كتبت بواسطة abohosam

البندقية خرطوش سواء عيار 16 او 12 ليس المهم ومن غير الطبيعى ان يكون سبب الانفجار كما قال احد اعضاء المنتدى انه وضع طلقة 12 بدل الطلقة ال16 فى الماسورة وتم الاطلاق واتحشرت الطلقة الاولى ثم انفجرت فى الثانيه وليس عيب فى التصنيع او بسبب الصدا فو انه عيب تصنيع لحدث شرخ طولى فى الماسورة ويكون طوله بقدر المسافة المعطوبة التى بها العيب ولو كان بسبب الصدا لتطاير الجزء الذى اصابة الصدا وتهرى بمعنى الماسورة تمزع
وسبب الانفجار الحقيقى احد امرين لا ثالث لهم الاول ان يكون اطلق طلقة من نفس عيار البندقية ولكنها باردة بمعنى البارود لم يتمكن من دفع الكاس البلاستيكى الحاضن للرش الى خارج الماسورة فانحشرت ثم تلتها طلقة ثانية والماسورة مسدودة فحدث الانفجار اما السبب الثانى فانه يكون اطلق بها طلقات رش ملتصقة بالشمع المصهور او انه اطلق طلقات رصاص slug مثل طلقة المسدس وليس رش وكانت الماسورة مركب عليها shoke خانق الرش وهو ضيق غير مخصص لتلك الطلقات وقد يكون السبب انه اطلق البندقية وفم الماسورة مقارب جدا لسطح الارض بمعنى ان الاطلاق كان خطا ولو انى استبعد هذا الاحتمال وجميع ماذكرته صحيح وسبق تجربته

تسلم ايدك بس انا خايف يعنى يطلع حد يقولك يمكن كانت مقفولة من المصدر زى ما حصل معايا
هههههههههههههههههههههه
تحياتى ليك

[w-m-a]

اؤيد جدا رأى الاخ ابو حسام والاخ realfighter

فعلا الطلقات ال rifled slug ممكن تعمل اكتر من كده
وخاصه مع وجود بؤره صدأ
وكذلك اطلاق طلقه فاسدة او بارده وبعدها طلقه سليمه بس ده لازم يكون الصدأ كثير فى النقطه الضعيفه
واحتمال ضعيف يكون ضرب انواع اخرى مثل
dustbuster او
dragons breath او
flechette
والانواع الاخرى ده موجوده فى امريكا (زى ما باين فى الصورة من كاب الرجل)
وتستخدم فى الاقتحام وفتح الحواجز وصيد ثور البيزون
وشكرا

[العملاق المصرى]

عيب صناعة فى المقام الاول لان البندقية د الله اعلم ريمنجتون يا اما تقليد

[العملاق المصرى]

وفى نقطة تانية ان البندقيى ممكن تكون بتضرب طلقات ضغطها اقل من 36 مثلا وه ضرب عليها سبعين دة سبب تانى