رساله للجميع ياريت النااااس تشوف السطرين دول

[اسواق حمزاوى]

اعضااااء المنتدى الكراااام كان فى موضوع منزله الاخ الصديق محمد يااااقووووت

بس للاسف الموضوع اتقفل من الاداره بس كان نفسى ارد على الموضوع ده تحديدااا

على موضوع فرز اول و فرز تانى ...ز وللاسف انى شوفت ردود بعض الناس ومنهم تجار كمان

بيقوله ان فعلا فى حاجه فرز اول وفرز تانى .... الكلام ده طبعااا مش مظبوط

فى حاجه اسمها بس سوء تخزين او اصدار قديم واصدار جديد والاصدراين طالعين من نفس الشركه

زى بالظبط شركات الادويه لما بتغير شكل العلبه

واى حد هيقولى لا فى فرز اول وتانى .... احب اقوله انا عايز اشوف نوع مسدس تجبهولى وتجيلى وتشرفنى فى المحل ... لانى بحب الكلام العملى

وبقول تانى فى حاجه اسمها اصدار قديم وجديد فقط

وانا اتحدى اى حد يقول غير كده .... ومش عايز ردود منكم اللى عنده نوع مسدس فى منه فرزين او هاى كوبى او صينى زى ما بعض الناس والتجار قالت ياريت يشرفنى فى المحل

[ehab.bob]

حل ظريف ( ويحلى البكا على راس الميت) فعلا اللى عنده نوع مسدس حتة فرز أول وحتة فرز تانى بعد اذنك يا استاذ حمزاوى يصورها بكاميرا كويسة ويرفعلنا الصور ويركز على عيوب الفرز التانى او يصورهولنا فيديو وبكدة يبقى الكلام بااثباتات مش كل واحد يقول اللى على مزاجه ولما نشوف الصور أو الفيديو نبقى نصدق ..... مش كدة ولا ايه ..... تحياتى

[_SAIKO_]

موضوع مقلق و مفيد ف نفس الوقت و هيوضح اجابات لتساؤلات كتير من الناس

[عمرو العمدة]

استاذ حمزاوى

بحكم عملى انا شريك فى شركة استيراد وتصدير ( فى عالم الشنابر بانواعها ) بيكون فى نوع الطلب علية فى السوق جيد جدا ( بلغة السوق بضاعة مطلوبة )

وهو جيدا فى الخامة والفنش يقوم بعض المستوردين ضعاف النفوس باستيراد نفس النوع ولكن الخامة رديئة وطبعا يتم استيرادها بسعر اقل والغريب ان يتم الاستيراد من نفس الشركة المصنعة

ويتم انزالها فى السوق وبيعها ودة اللى يخلى العميل او المشترى يعتقد ان فية فرز اول وفرز تانى

الاستيراد من نفس الشركة حسب فلوسك عايز قطعة مثلا ب 100 جنية اهلا وسهلا عايزها ب 10 جنية برضة اهلا وسهلا ويتم تصنيعها لك من الشركة نفسها

محلات الاسلحة الصوتية فى الخارج ترخيصها تصنيع لعب اطفال ( تركيا ) وطبعا اللعبة اللى انت عايزها نصنعها لك بالفلوس اللى انت عايزها كلة على حساب الخامة


والدليل على كلامى تجد دائما القديم احلى من الجديد فى كل شىء

المنتج اللى نزل الاول بيكون افضل من التانى كلة حسب ضميرة

والغريب انك تسمع من البعض يقول دة منتج جديد او دة الموديل الجديد

وهل الموديل الجديد يكون تصنيعة من خامة رديئة لأ طبعا المفروض ان يكون الموديل الجديد افضل وأحسن من الموديل القديم دة لو الشركة خايفة على سمعتها مثلا

طيب اية اللى بيحصل

القانون فى مصر عبارة عن سوق مفتوح لأى شىء لا يحدد مواصفات معينة للدخول حلو او وحش

ودة المدخل لأصحاب النفوس الضعيفة

بعكس الدول التانية بتحدد مواصفات معينة وبتشدد عليها ولذلك تجد البضاعة فى الخارج افضل من عندنا

رغم انها نفس النوع ونفس الشركة

طيب هل الشركات المصنعة مش خايفة على سمعتها الموضوع وما فية الشركة بتحترم قانون بلدك

ويتنفذة بكل حذافيرة بتصنع لنا حسب الطلب طالما القانون بيسمح بذلك

واسف على الاطالة

وتحياتى لشخصكم الكريم

[وليد سالم]

كلامك سليم يا استاذ عمرو بس ده معروف في اي منتج ( صنع في الصين ) وده فعلا بتلاقية في المصنوعات الجلديه والملابس والنظارات الشمسية والطبيه بل وجميع المنتجات الصينية علي وجه الخصوص
لان مصانع كثيره في دولة الصين تقوم استثماراتها علي تصنيع المنتج المقلد بجانب المنتج الاصلي وده طبعا بيكون في فروق كتير جدا في الخامه المصنع منها المنتج فهي اقل جوده واقل سعر وده بيكون مطمع للمستوردين الجشعين وده المعروف عن دولة الصين فهي صناعه اساسها تقليد كل شيئ وبيعه بابخس الاثمان
اما لو افترضنا ان تركيا وهي دولة لها مكانتها في التقدم الصناعي والتكنولوجي والتسليح الحربي علي وجه الخصوص وانها قد وقعت اتفاقية اتحاد جمركي مع الاتحاد الأوروبي في عام 1995 م). وفى عام 1999م)، اعترف بتركيا رسميًا كمرشح للعضوية الكاملة في الاتحاد الأوروبي.
كل تلك الاسباب لا تجعل تركيا تتبني عملية تقليد المنتج وضرب النسخة الاصلية منه بنسخة مقلده لانها بذلك تغامر بسمعتها الاقتصادية والصناعية كدولة تسعي لكرسي داخل الاتحاد الاوروبي وده طبعا له شروط كتيييييييييييييير جدا منها جودة المنتجات الصناعية بما يتوافق مع المنتجات والاسواق الاوروبيه

والا لدب الشك ايضا في المانيا وتصنيع الديانا والفايروخ بان فيهم فرز اول وثاني
وشكوك ايضا في اسبانيا وتصنيع الجامو والنوريكا فان ايضا بينهم فرز اول وفرز ثاني

اظن وهو الارجح ان هناك منتجات تم تخزينها في اماكن تنعدم بها شروط التخزين الصحيح ناهيك عن سوء طرق الشحن للبضائع علي الناقلات والسفن وتعريضها للسقوط او الاحتكاك والاصطدام الشديد مما يعرضها للتلف احيانا والصدأ احيانا اخري
وكتير جدا بنشوف مسدسات فيها تجريحات وخدوش كتير جدا علي الجسم الخارجي لها وده يثبت كلامي عن سوء الشحن لان بعض المستوردين الكبار يقومون بتفريغ العلب الخاصة بها ووضعها في اكياس بلاستيك حتي لا تاخذ حيز في صناديق الشحن وبكده يقدر ياخد حيز اقل علي مركب الشحن ويدفع مبلغ اقل
ممكن يكون في اختلاف في الاصدار منه كتابة ( حفر ليزر ) ومنه كتابة ( طباعه ) وده بردو احد عوامل التوفير في الاضافات التي تتم علي المنتج وليس المنتج ذاته ... هذا رايي الشخصي والله اعلم

[عمرو العمدة]

اخى الغالى / وليد

ليست الصين اللى بتعمل كدة وتركيا ايضا وانا هنا اقصد المسدسات الصوت اما بنادق الرش دة موضوع تانى خالص خالص

مسدسات الصوت تحت بند لعب اطفال يا صديقى الحبيب يعنى الشركة تنتج لك مسدس بيزمر لوحدة لو عايز اسف على التعبير ولكن دية لعبة عايزها بأى وضع الشركة تنتجة لك

توجد مسدسات ولاعات بجميع الاحجام والاشكال صناعة تركى وصينى اية المشكلة اوضح اكثر طالما تحت هذا البند تبقى هذة اللعبة تعمل على مزاج اللى ح يشتريها

ام موضوع التقليد فكل المسدسات التركى تقليد مسدسات حية من حيث الشكل يعنى تقليد فى تقليد

طيب اثبت لك اكتر اصحاب شركات المسدسات الحية اللى تركيا بتقلد شبها صوت لية مترفعش قضية على تركيا لانها بتاخد نفس الشكل وبتقلد مسدساتها وهى دولة تعتبر اوربية باختصار تركيا بتكتب باسم مختلف يعنى الايكول مثلا شبية بالبريتا وهكذا فى باقى المسدسات ( يعنى مش اتفاقية بينهم وبين تركيا ) هما عارفين انها لعبة وفى نفس الوقت قانونية

الشىء التانى كما نوهت سابقا الموضوع يندرج تحت بند لعب اطفال وبكدة يكون الموضوع دعاية للمسدس الأصلى اللى هو الحى وكلة بيرزق من بعضة

ابسطها خالص اى شركة فى تركيا مشهورة فى تصنيع السلاح الصوت بكرر السلاح الصوت فقط فقط فقط راسلها واطلب منها استيراد نفس المنتج اللى بتعملة حسب المواصفات الامنية المصرية وقول لهم مثلا ان يكون الاجزاء الداخلية الميكانيكا بلاستيك

يعنى قلل من الخامة علشان يكون مسدس على قدة شوف ردهم ح يعملهولك اكيد اكيد


طيب ممكن واحد من الاعضاء يسئل فين المنتج الكويس ح قولك كل شركة لها منتج مميز رائع من حيث الفنش والخامة بتعرضة فى السوق بسعر معين اللى عايزة اهلا وسهلا اللى عايز بعض التعديلات من حيث الخامة برضة اهلا وسهلا

الم تسمع ياصديقى الحبيب هذة العبارة ( ان المسدسات مطابقة حسب المواصفات الامنية فى مصر )

يعنى بتطلب من الشركة المصنعة ان تصنع لك حسب المواصفات المصرية وليس حسب المواصفات التركية

يعنى المواصفات حسب ما انت عايز يعنى افرض لو مصر تسمح فقط بالمسدسات البلاستيك اية اللى ح يحصل

تركيا مش ح تبيع لك ابدا ابدا ( ح تعملك زوراكى وايكول ورتاى بلاستيك )




واسئل اى شخص سافر تركيا ح يقولك احسن بلد فيها غش ومصانع تحت السلم وفوق السلم وكلمة الشرف هى ادينى اعطيك اللى انت عايزة ( هذا هو عالم البيزنس ياصديقى ) بأختصار المهم ضمير المستورد

اخى الحبيب وليد اسعدنى وشرفنى تعليقك

تحياتى لشخصك الكريم

[elmasrey123]

حمد لله على السلامة يايهاب الاول وعقيال الحج ان شاء الله
انته مبتزهقش احنا مش اتكلمنا فى حاجة مشابهه للموضوع ده اما كنت عندك فى المحل
انا واحد من الناس مابقولش فرز اول وفرز تانى لكن انته تتفق معايا ان الاصدارات القديمه دايما احسن من الجديده فى اى حاجة سواء قى المتانه او الخامة انا عن نفس شفت ده فى البارون انا عندى بارون قديم من 2011 محصلش فيه مشكله الناس بتشترى الاتش كيه او البى ايه كيه وتضرب خزنه تلاقى المسدس طق انا مبقولش انه صينى او فرز تالت انا بقول فرق الخامات والتفيل فى الاصدارات مشكله كبيرة واضحة
اه بالمناسبة ان شاء الله انا هشيل الموضوع ده بكرة لو ليا عمر هههههههههههه

[اسواق حمزاوى]

المشاركة الأصلية كتبت بواسطة elmasrey123

حمد لله على السلامة يايهاب الاول وعقيال الحج ان شاء الله
انته مبتزهقش احنا مش اتكلمنا فى حاجة مشابهه للموضوع ده اما كنت عندك فى المحل
انا واحد من الناس مابقولش فرز اول وفرز تانى لكن انته تتفق معايا ان الاصدارات القديمه دايما احسن من الجديده فى اى حاجة سواء قى المتانه او الخامة انا عن نفس شفت ده فى البارون انا عندى بارون قديم من 2011 محصلش فيه مشكله الناس بتشترى الاتش كيه او البى ايه كيه وتضرب خزنه تلاقى المسدس طق انا مبقولش انه صينى او فرز تالت انا بقول فرق الخامات والتفيل فى الاصدارات مشكله كبيرة واضحة
اه بالمناسبة ان شاء الله انا هشيل الموضوع ده بكرة لو ليا عمر هههههههههههه

طب ما انا بقول كده يا عم مصرى انا بتكلم بقول فيه اصدرات مافيش حاجه اسمها فرز اول وفرز تانى


وانا بكلم كلام عارفه كويس جدااا واللى عنده نوع مسدس مجود منه اصدارين يشرفنى بيه فى

المحل وانا ليا الكلام العملى