|
الموضوعات العامه الموضوعات الغير متعلقه بالصيد. |
أدوات الموضوع | إبحث في الموضوع | انواع عرض الموضوع |
11-07-11, 05:10 PM | #1 |
صياد نشيط
تاريخ التسجيل: Mar 2011
المشاركات: 367
معدل تقييم المستوى: 6 |
ايه رأيك فى الإعتصام فى الشارع و غلق الميادين و الطرق
السلام عليكم و رحمت الله و بركاته,انا حبيت اعمل الموضوع ده عشان أشوف ايه رأى الناس فى موضوع الأعتصام فى الشارع و غلق الميادين و الطرق.يمكن اكون انا انسان غريب و لا حاجة انى متدايق من الموضوع ده فحبيت اشوف رأى الأخوة زملائى فى المنتدى.يا ريت كل واحد يقول رائيه بموضوعيه بعيد عن الغلط فى اى فئه من الناس.
|
sponsor links |
11-07-11, 05:45 PM | #2 | |
صياد قديم
تاريخ التسجيل: Apr 2011
المشاركات: 1,010
معدل تقييم المستوى: 11 |
رد: ايه رأيك فى العتصام فى الشارع و غلق الميادين و الطرق
اقتباس:
لو الاعتصام مبيوقفش المرور او يعطل مصالح الناس من حق اي حد يعتصم زي ماهو عايز , ومنعهم جريمه وكبت للحرية لكن يبقى مجموعة من الناس ليهم مطالب فئوية يوقفوا شارع او يعطلوا سكة حديد او غيره على اساس ان مطالبهم تتعمل باسرع وقت, دا يبقى اسمه بلطجه
__________________
|
|
11-07-11, 05:45 PM | #3 | |
صياد متقدم
تاريخ التسجيل: May 2011
المدينه: الاسكندرية - القاهرة
المشاركات: 635
معدل تقييم المستوى: 8 |
رد: ايه رأيك فى العتصام فى الشارع و غلق الميادين و الطرق
اقتباس:
التعبير يكون بطريقة حضارية
__________________
اذا دعتك قدرتك علي ظلم الناس فتذكر قدرة الله عليك يا مصر قومي وشدي الحيل كل اللي تطلبية عندي كان تقيمي 27 وانخفض الي 5 دون سبب 27-6-2011 |
|
11-07-11, 08:40 PM | #4 |
صياد جديد
تاريخ التسجيل: Jun 2011
المشاركات: 42
معدل تقييم المستوى: 5 |
رد: ايه رأيك فى العتصام فى الشارع و غلق الميادين و الطرق
مالفرق بين إبداء الرأى وفرض الرأى
ليكون الرأى ( الطلب أو الفكره) رأى عام من الواجب أن يكون عليه شبه إجماع لنتحمل كلنا سويا المسئوليه نتيجة إختيارنا حتى ولو كان خطأ وليكن أو ل هدف لنا الأمن بأى وسيله ولا يتم التراجع عن هذا الهدف مهما حدث لأن الأمن أولا أعتفد أنه مجمع عليه 1- إيقاف كل ضابط مشتبه به عن العمل ( لاينسى الضباط كم من إنسان إشتبهوا فيه) 2-تحديد خطط ومسارات واضحه بجداول زمنيه مثال التركيز على العاصمتين حتى ننتهى منهم 3- تعريف واضح من هو البلطجى وإشراك الشباب فى هذا بالخصوص 4-تمكين الأمن من تصوير أى واقعه فديو و فوتوغرافى ولا تقبل الأدله إلا بذلك 5-تجريم أخذ إعتراف تحت التهديد ومعاقبة الضابط المسئول( رفع مستوى البحث الجنائى) وللحديث بقيه مع خالص تحياتى |
11-07-11, 08:54 PM | #5 |
صياد قديم
تاريخ التسجيل: Apr 2011
المدينه: نادي الزمالك اسمي و عنواني
المشاركات: 2,373
معدل تقييم المستوى: 37 |
رد: ايه رأيك فى العتصام فى الشارع و غلق الميادين و الطرق
المجلس العسكري للاسف لا يتحرك الا تحت الضغط
تماما كما كان يفعل المخلوع..كانت المطالب دايما سابقه بخطوه عن التلبيه لكي تبحث عن الدواء..يجب ان تعرف الداء لماذا التباطؤ؟؟ او تواطؤ؟؟ لماذا تاجيل محاكمات؟؟ لماذا غياب الامن ؟؟ والف لماذا..لو وجدت لهم اجابه..ستعرف اجابة سؤالك وهو لماذا الشعب في الشارع مازال ثائرا
__________________
كل اناء ينضح بما فية |
11-07-11, 09:02 PM | #6 |
صياد قديم
|
رد: ايه رأيك فى العتصام فى الشارع و غلق الميادين و الطرق
بصو ياشباب هيه حسبه صعبه اوى الاعتصام السلمى مفيهوش جدال وكله متفق عليه بس نيجى للنحيه التانيه المعتصم ده حريقه من جوه وفى ناس بتوجه وبرضه مش هيتحقق حاجه بدون ضغط وعارف ان الضغط ده هيعطل مصالح ناس طب مهو مصالح البلد كلها متعطله يبقى نعتصم سلمى طب مهو محدش هيعبرنا حسبه صعبه
|
11-07-11, 09:37 PM | #7 |
صياد نشيط
تاريخ التسجيل: Mar 2011
المشاركات: 367
معدل تقييم المستوى: 6 |
رد: ايه رأيك فى العتصام فى الشارع و غلق الميادين و الطرق
معلش يا باشا هو ايه الى مخلى المعتصم ده مولع من جوه.وبعدين معتقدش ان المعتصم مولع و لا حاجه.يكفى زيارة واحده لميدان التحرير عشان تشوف المعتصم ده مولع ولا ايه؟!......لعب طاوله و دمونو,غناء و رقص و دردشة.طب و الناس الى حالها واقف ديه تعمل ايه يعنى تروح تولع فى نفسها ولا ايه.انا شغال جمب التحرير بشويه و عاوز اقولكم ان الحال لا يسر عدو ولا حبيب تسريح عماله عشان مفيش شغل ايراد شبه منعدم و خاصة ايام الأجازات و الجمع الى هى كنا بنعتمد عليها عشان كل الى عنده عيله كان بينزل يفسحهم يوم الجمعة.الرسول عليه الصلاة و السلام قال ان يوم الجمعة ده عيد للمسلمين.استغفر الله العظيم دلوقتى زهئوا الناس فى يوم الجمعة و خلو الواحد يتوجس خيفة منه....ويقول يا ترى ايه الى حيحصل ربنا سترها طب ليه كده يعنى يا جماعة .انتم عاوزين تحاكموا الناس الى سرقت البلد فى 30 سنه.طب شوفوا احنا خسرنا اد ايه فى 6 شهور و الراجل رئيس الوزراء قاعد يلف الدول العربية و الأجنبية عشان يجيب استثمارات و يجيب فلوس..لا ايزاىيسيبوه فحالو ايزاى مدام هما حايطلعوا من المولد بلا حمص.يبقى لازم يلموا بعضهم و يقعدوا فى الشارع عشان يضغطوا على الحكومة و يعاقبوهم و يعاقبوا بقيت الشعب الى هما حوالى 80 مليون الناس الغلابة الى عاوزة تعيش حياة عاديه يخرجوا و يشتغلوا و يعيشوا حياتهم عادى.
|
11-07-11, 09:40 PM | #8 |
صياد قديم
تاريخ التسجيل: Dec 2010
المدينه: 6 اكتوبر
المشاركات: 1,819
معدل تقييم المستوى: 33 |
رد: ايه رأيك فى الإعتصام فى الشارع و غلق الميادين و الطرق
الاخوة الافاضل
قل لن يصيبنا الا ما كتب الله لنا سواء مؤيد او معارض ( وانا طبعا من المعارضين ) فان الامور تمشى حسب مقادير الله سبحانة وتعالى وربنا يعدينا منها على خير تحياتى
__________________
لا حيلة فى الرزق ولا شفاعة فى الموت |
11-07-12, 08:51 AM | #9 |
صياد قديم
تاريخ التسجيل: Mar 2011
المدينه: القاهره
المشاركات: 1,504
معدل تقييم المستوى: 13 |
رد: ايه رأيك فى الإعتصام فى الشارع و غلق الميادين و الطرق
بالنسبه لوجهة نظري المحدوده جدا الاعتصام بكل انواعه مرفوووووووووووووووووووووووووووووووووض وذلك لن اضراره اكثر من منافعه
والله الموفق والمستعان
__________________
وتقبل تحياتي لك |
11-07-12, 01:04 PM | #10 |
صياد متفاعل
تاريخ التسجيل: May 2011
المدينه: القاهرة
المشاركات: 142
معدل تقييم المستوى: 5 |
رد: ايه رأيك فى الإعتصام فى الشارع و غلق الميادين و الطرق
اى حاجة توقف حال الناس انا مش معاها , بصراحة كده لما المصالح توقف ده لمصلحة مين و انا بحكم عملى محتك بالمجال الصناعى و عارف الحال وقف ازاى و حجم الخسائر ايه , البلد بتوقع
__________________
ENG / AMR KAMAL |
11-07-12, 01:57 PM | #11 |
صياد قديم
تاريخ التسجيل: Apr 2011
المدينه: نادي الزمالك اسمي و عنواني
المشاركات: 2,373
معدل تقييم المستوى: 37 |
رد: ايه رأيك فى الإعتصام فى الشارع و غلق الميادين و الطرق
الثوار يعطلون مصالح الناس في التحرير...
والمجلس العسكري والقضاء يعطل مصالح الناس في مصر كلها..ايهما تفضل
__________________
كل اناء ينضح بما فية |
11-07-12, 02:09 PM | #12 |
صياد قديم
تاريخ التسجيل: Jan 2009
المشاركات: 2,653
معدل تقييم المستوى: 21 |
رد: ايه رأيك فى الإعتصام فى الشارع و غلق الميادين و الطرق
انا معاك طبعا مع العلم اني هتهاجم بشدة بس الحقيقة ان البلد واقفه علي الاخر اة احنا مكوناش بنصنع طيارة كل يوم ولا دبابة ولا نووي بس علي الاقل كان الناس بتشتغل وفي بيع وشراء والبلد ماشية لكن الان ولا حاجة هتمشي للاسف الذي عايز يعتصم ويتظاهر براحتة بس انا عايز اروح شغلي اجيب المام للعيال اعمل اة لو انت قفل الطريق ولا لو وقفو شوية بلطجية ايوة بلطجية يمنعوني اني ادخل شركتي يبقي اة الحل معلش احنا ناس علي قد حلنا وسلبيين بس علينا مصاريف كل اول شهر وعيال عايزة تاكل وتشرب هتقولي يعني انت كونت بتلاقي الاكل والشرب اة علي الاقل اة بس الذي بيحصل تا مش هنلاقي اي حاجة ربنا علي الظالم والمفترى نظام مستبيد لمدة 30 سنة وبعدة فوضي عاما في البلد ربنا يستر بجد
__________________
لا تعليق
|
11-07-12, 02:14 PM | #13 |
صياد متقدم
تاريخ التسجيل: Jun 2010
المشاركات: 504
معدل تقييم المستوى: 8 |
رد: ايه رأيك فى الإعتصام فى الشارع و غلق الميادين و الطرق
حد شاف التهديد دة ؟
على فكرة الأسلوب دة بيأكدلى أن المعتصمين صح 100% و كمان خدوا بالكم لما قال مواطنين شرفاء ! دا عايز الناس تنزل و تضرب فى المعتصمين زى أيام مبارك ولا أية ؟ مش دة برضة الراجل إلى ضرب تعظيم سلاح للشهداء !؟
__________________
لا إلـــه إلا الله
محـــمــد رســول الله حملة مقاطعة للأسلحه حتى رجوع الأسعار كما كانت قبل الثورة ××× أهــم موضـــوعــــاتى ××× من أجمل مسدسات الصوت و الحيه و البنادق المعدله و بألوان جميله "ممنوع الدخول للمرضى" صور من أشهر المسدسات في العالم(جلوك) + تقرير كامل عن المسدس صور لعشاق السيج ساور SIG SAUER Lover |
11-07-13, 01:05 AM | #14 |
صياد قديم
تاريخ التسجيل: Apr 2011
المدينه: نادي الزمالك اسمي و عنواني
المشاركات: 2,373
معدل تقييم المستوى: 37 |
رد: ايه رأيك فى الإعتصام فى الشارع و غلق الميادين و الطرق
هوبغباوتو و شكلو العكر
__________________
كل اناء ينضح بما فية |
11-07-13, 08:58 AM | #15 |
صياد نشيط
تاريخ التسجيل: Mar 2011
المشاركات: 367
معدل تقييم المستوى: 6 |
رد: ايه رأيك فى الإعتصام فى الشارع و غلق الميادين و الطرق
la2ah ya basha dah tahded le el nas el bete2ta3 el tarek walah el mafrod yelohom aeh??!! yedehom bokeh ward ya3ny walahy 7agah mostafeza ya3ny aentoh 3awzen ael nas deh ta2fel ael share3 we el mwasala?!!! ah lazem yehded madam fe nas hamaha aenoh el balad to2af we a3taked aen el mesh 3agboh el tahded dah yeb2ah ma3 el nas ota3 el torok aw baba we mama beysrefoh 3aleh....we a7eb a3rafhom aen baba we mama bokrah law el wad3 dah aestamar mesh 7ala2oh yedoko el masrof>>>>>anah metdaye2 gedan ya gama3ah a3zorony la2en ba3d malabalad bada2et tet7arak we yeb2ah fe sho3'l 7asalet el mozahrat deh ael 7al we2ef tany we mesh 3arfen 7ane2bad aezay we mafesh floss??!! wana 3andy osra we 3ayelen 7a2kalhom menen ya3ny ...ma2darsh 2a2ol 3'er "7asby ya allah wa ne3ma al wakel "fe kol wa7ed yewa2af 7al el balad we rabenah yehlek kol zalem
|
11-07-13, 09:15 AM | #16 | |
الاداره تحذر التعامل مع هذا العضو فى البيع والشراء
|
رد: ايه رأيك فى الإعتصام فى الشارع و غلق الميادين و الطرق
اقتباس:
انا معاك فى الكلام ده ياستاذ بدر
__________________
drugstore-onlinecatalog.com |
|
11-07-13, 09:24 AM | #17 |
صياد جديد
تاريخ التسجيل: Apr 2011
المدينه: الاسكندرية
المشاركات: 45
معدل تقييم المستوى: 5 |
رد: ايه رأيك فى العتصام فى الشارع و غلق الميادين و الطرق
الله ينور جبت من الاخر و قلت الي انا كنت عايز اقوله...
|
11-07-13, 09:26 AM | #18 | |
صياد جديد
تاريخ التسجيل: Apr 2011
المدينه: الاسكندرية
المشاركات: 45
معدل تقييم المستوى: 5 |
رد: ايه رأيك فى العتصام فى الشارع و غلق الميادين و الطرق
اقتباس:
|
|
11-07-13, 09:30 AM | #19 |
صياد متقدم
|
رد: ايه رأيك فى الإعتصام فى الشارع و غلق الميادين و الطرق
انا مش معاه خالص لاني روحت امبارح التحرير وكانوا قافلين المرور وحركه السيارات ويوجد ناس شكلها غريب زي البلطجيه كده
__________________
أمين محرم |
11-07-13, 10:29 AM | #20 | |
صياد قديم
تاريخ التسجيل: Jan 2009
المشاركات: 2,653
معدل تقييم المستوى: 21 |
رد: ايه رأيك فى الإعتصام فى الشارع و غلق الميادين و الطرق
اقتباس:
__________________
لا تعليق
|
|
11-07-13, 10:56 AM | #21 |
صياد قديم
تاريخ التسجيل: Feb 2011
المشاركات: 1,657
معدل تقييم المستوى: 16 |
رد: ايه رأيك فى الإعتصام فى الشارع و غلق الميادين و الطرق
بصوا يا جماعة ، اللى ميرضيش ربنا بجد هو الفرقة و الإنشقاقات ، لازم نرجع تانى صف واحد حتى لو إختلفنا فى طريقة التعبير عن آرائنا ففى النهاية اللى بيعتصم بيحب مصر و اللى مش عايز إعتصام برضه بيحب مصر ، بس ده ليه وجهة نظر مختلفة عن ده ، و ده ممكن يكون مر بتجربة معينة دفعته للتظاهر ،، ممكن يكون خلاص هيطرشأ لو سكت ، نسيبه يتكلم و يعبر عن اللى حاسس بيه ، بلاش إحنا كمان نكبته. أما بالنسبة لمجمع التحرير ف قدر يا سيدى إنك روحت نخلص ورقة و الموظف قالك فوت علينا بكرة يا محترم ، و اللا ما بتحصلش دى ؟
يجب أن نكون أكثر تفاؤلا و فخرا من كده ، مصر باقية رغم أنوف الحاقدين ، مصر قهرت أعتى المفسدين و كل من ظلمها أو بغى على أهلها مات أبشع الميتات من أول فرعون و حتى المخلوع اللى بيموت ألف مرة كل يوم ، اللى عاش لغاية ماشاف ولاده فى السجن . أرجوكم ماتخافوش و أرفعوا راسكم و إفتخروا بإنكم مصريين . أما بقى اللى بيتاجر بأمانكم ، و اللى بيساومكم و بيقولكم إما تعيشوا أذلة تحت رجليا و أنعم عليكم بالأمن و الأمان و إما أمشى و تاخدوا حقوقكم كبنى آدمين بس هاخد معايا الأمن و هفتح كمان السجون للمسجلين ، الإنسان اللى بيساومكم بحريتكم أمام إنتهاك أعراضكم ده حقير و لا يسوى فى نظرى خنزير من إسرائيل |
11-07-13, 07:09 PM | #22 |
خبير اسلحه .& عضو ذهبى
تاريخ التسجيل: Apr 2009
المدينه: أسكندرية
المشاركات: 3,065
معدل تقييم المستوى: 281 |
رد: ايه رأيك فى الإعتصام فى الشارع و غلق الميادين و الطرق
ايه رأيك فى الإعتصام فى الشارع و غلق الميادين و الطرق
الاعتصام المنظم حق شرعى لكل مواطن. اما غلق الميادين والشوارع يؤدى الى الفوضى والتعدى على حرية الاخرين. لو تم فهم وتطبيق ( تنتهي حرية الفرد عندما تبدأ حرية الآخرين ) عمرنا ماهنشوف فوضى والاهم أن يبدأ كل فرد بنفسه اولا قبل مهاجمة ونقد الاخرين. ربنا يستر على بلدنا وعلينا. تحياتى |
11-07-13, 07:29 PM | #23 |
صياد نشيط
تاريخ التسجيل: Mar 2011
المشاركات: 367
معدل تقييم المستوى: 6 |
رد: ايه رأيك فى الإعتصام فى الشارع و غلق الميادين و الطرق
انا من رد معظم الأخوة الافاضل اخوانى اعضاء المنتدى.وجدت ما يشبه الأجماع على رفض قطع الطريق و أغلاق الطرق و الميادين.طب و النبى يا جماعة هما الناس ديه الثوار مصريين وطنيين و احنا اسرائليين خونا يعنى؟؟!!!!؟.حد يرد عليا يا جدعان. كل يوم تفتح التلفزيون تلاقى واحد شكل.بيتكلم عن الثوار ويقلك الأستا
|
11-07-13, 07:41 PM | #24 |
صياد نشيط
تاريخ التسجيل: Mar 2011
المشاركات: 367
معدل تقييم المستوى: 6 |
رد: ايه رأيك فى الإعتصام فى الشارع و غلق الميادين و الطرق
و يقلك الأستاذ فلان الفلانى عضو أئتلاف مش عارف ايه ومره منسق مش عارف ايه.اييييييييه الناس ديه كلها يا جماعة مين دول.طب تسألهم هل انتم مع قطع الطرق و غلق الميادين يقولك اصل مفيش حد اتحاكم و فى طواطؤ المهم انه ما يجوبش على السؤال.طب بالزمة ياجماعة ينفع بالذمة الواحد يبقى ماشى فى امان الله ورايح الشغل تلاقى و احد ناصب خيمة وكاتب يافطة اعتصام مش عارف ايه طب لحد دلوقتى مبلوعة حبة مع انه و اخد الرصيف كله يعنى سعادتك تنزل من على الرصيف تمشى فى نص الشارع عشان تعرف تعدى مااشششى كأةنه و احد من الباعة الجأئلين الى احتلوا الشوارع و الرصفان كلها.طب نيجى بأه للمهم اذاى يوقفك و يقلك بطاقتك و عاوز يفتشك ينهار اسود ليه يعنى هو احنا فى اسرائيل و داخلين تل ابيب يعنى دا ايه ده الى بيحصل ده و و النبى محدش يقولى الشرطة بتعمل كده الشرطة عندها حق تفتش لأن القانون كان بيديها الحق وللعلم البوليس مكنش بيفتش اى حد يعنى غير الى شكله غلط و ده ميمنعش ان كان فى بعض التجاوزات يعنى مش ملايكه هما يعنى ده كان فين ناس لأمؤخذة يعنى.
|
11-07-13, 07:43 PM | #25 |
صياد قديم
تاريخ التسجيل: Feb 2011
المشاركات: 1,657
معدل تقييم المستوى: 16 |
رد: ايه رأيك فى الإعتصام فى الشارع و غلق الميادين و الطرق
سيدى الفاضل التظاهر حق أى مواطن و تكفله كل دساتير الدنيا ، فهل من المعقول إن الناس تروح تتظاهر فى الصحراء ؟ و اللا بيتظاهروا فى الأماكن العامة عشان يوصلوا صوتهم للعامة اللى هما إحنا و يوصلوا صوتهم للمسئولين كمان ، أما بقى قطع الطرق ده فمش هو المشكلة ، لأن مش مصر كلها التحرير ، معظمنا عايشين جوا القاهرة و معظمنا بيتحرك و بيروح و بييجى من غير مشاكل ، و التحرير أصلا غالبها منطقة إدارية و ليست منطقة سكنية. و بعدين بلاش نصدق الكلام اللى بيتقال إن المظاهرات بتأثر على البورصة و إن المتظاهرين هيغلقوا قناة السويس و إن هما اللى بيفجروا خطوط الغاز و غير كدا من الإشاعات ، زى ما بالظبط بلاش نصدق إن فيه مؤامرة من الجيش على الثورة و إن فيه نزاهة فى القضاء و إن فيه رجال شرطة شرفاء ، مش لازم كل طرف يكدب الطرف التانى ده لو فعلا كلنا بنحب بعض ، مافيش حاجة إسمها حد بيحب مصر ، يعنى إيه مصر ؟ مصر هى أنا و إنتا و صاحبى و أخويا و جارى ، مصر هى إحنا ، و إحنا لازم نحب بعض
|
11-07-13, 07:52 PM | #26 |
صياد نشيط
تاريخ التسجيل: Mar 2011
المشاركات: 367
معدل تقييم المستوى: 6 |
رد: ايه رأيك فى الإعتصام فى الشارع و غلق الميادين و الطرق
معلش بأه يا استاذ احمد انا بأة حظى الزفت انى شغال جمب التحرير زيى زى الاف الموظفين يعنى مش انا فريد من نوعى يعنى.و ثانيا انا شغال فى السياحة بلاش بأه نقول اصل ده مبلأسرش فى السياحة...و الخ لالالالالالا يا باشا مأسر معلش و مثال بسيط انا مرتبى نزل للربع عارف يعنى ايه الربع يعنى ربع الى انتا كنت عايش بيه الى هو اساسا مكفى بالعافيه بس اهه كان مكفى مش دلوقتى الواحد و الله لولا انه كان محوش قرشين كان زمانى بشحت و بستلف عشان اكفى بيتى و عيالى.الأشغال فى فنادق مصر فى نفس التوقيت ده من السنه كان بيبقى 80 ل 90 فى الميه عارف دلوقتى كام يا اتاذ احمد 15% لولا ان المكان الى بشتغل فيه الحمد لله محترم كان مشانا من شهرين تلاته كده.ربنا يصلح الحال و نبطل نبص للأمور من زاويه و حدة لازم نوزنها يعنى و بعدين هو ميدان التحرير ده مش قلب العاصمة يعنى ولا ده فى الصحراء و بعدين انا قولت فى الأول اتنيل اتظاهر بس متقطعش الطريق يعنى.
|
11-07-13, 08:02 PM | #27 |
صياد قديم
تاريخ التسجيل: Feb 2011
المشاركات: 1,657
معدل تقييم المستوى: 16 |
رد: ايه رأيك فى الإعتصام فى الشارع و غلق الميادين و الطرق
طيب يا سيدى الفاضل إنتا موجود و ربنا يخليك لعيالك و اللى مات فى المظاهرات عياله بياكلوا منين بقالهم 6 أشهر ؟
مافيش تعويضات إتصرفت و مكانش فيه حاجة هتتصرف لولا المظاهرات دى و بعدين معلش بقى نسبة الإشغال فى الصيف هنا بتوصل 90 فى المية ؟ ده بالنسبة لإيه بالظبط ؟ سياحة أجنبية ؟ و اللا سياحة داخلية ؟ أنا اللى أعرفه و متأكد منه إن ال off season بالنسبة للسياحة فى مصر بيبدأ من شهر 3 لغااااااية شهر 11 ، متقنعنيش إن فيه سائح هيروح الأقصر فى درجة حرارة 46 !!!! أنا على فكرة مانزلتش مظاهرات خاااااالص فى حياتى ، و بالتالى مش بنظر للموضوع من زاوية واحدة لأنى مبهاجمش اللى بيتظاهروا ، بس بحاول أشوف إيه دوافعهم |
11-07-13, 08:12 PM | #28 |
صياد نشيط
تاريخ التسجيل: Mar 2011
المشاركات: 367
معدل تقييم المستوى: 6 |
رد: ايه رأيك فى الإعتصام فى الشارع و غلق الميادين و الطرق
انت رديت اهه يا باشا "بحاول اشوف دوافعهم يعنى من ناحيه و احده و بعدين حضرتك شغال فى السياحه يعنى؟؟؟ القاهرة مقصد كل العرب فى الصيف القاهرة سيزون طول السنة و بعدين انا مجبتش سيرة ان الناس متخدش حقها و موضوعى بيقول ايه رأيك فى الأعتصام و غلق" الطرق و الميادين" مقولتش التظاهر السلمى و لا الأعتصام المنظم
|
11-07-13, 08:18 PM | #29 |
صياد قديم
تاريخ التسجيل: Feb 2011
المشاركات: 1,657
معدل تقييم المستوى: 16 |
رد: ايه رأيك فى الإعتصام فى الشارع و غلق الميادين و الطرق
لا الصراحة أنا مش شغال فى السياحة بس غاوى سياحة و عارف إمتى و أنهى فنادق بتبقى فاضية
بالنسبة بقى لسياحة العرب هى كدا كدا متأثرة لأن المنطقة العربية كلها زى مانتا شايف مولعة ، ده إلى جانب إن كل ملوك و أمراء الخليج كانوا حبايب المخلوع الله لا يرجعه و بعدين إحنا عمالين بنحكى فى إيه ؟ مش الحمد لله التحرير إتفتحت و اللا لسة برضه ؟ و الله أنا سمعت إن النهاردة المجمع إتفتح و الميدان إتكنس و إترش مية و إنهم بيوزعوا على المارة دلوقتى بونبونى و فول سودانى |
11-07-13, 08:22 PM | #30 | |
صياد قديم
تاريخ التسجيل: Jan 2009
المشاركات: 2,653
معدل تقييم المستوى: 21 |
رد: ايه رأيك فى الإعتصام فى الشارع و غلق الميادين و الطرق
اقتباس:
__________________
لا تعليق
|
|
11-07-13, 08:24 PM | #31 |
صياد نشيط
تاريخ التسجيل: Mar 2011
المشاركات: 367
معدل تقييم المستوى: 6 |
رد: ايه رأيك فى الإعتصام فى الشارع و غلق الميادين و الطرق
هاهاهااهاه بنبونى و فول سودانى و موزززززززززززززز هاهاهاهاهاهااهاههههههههههههههههههههههاااااااا.قشطى يا باشا وربنا يرحمنا برحمتوا و يجعلوا عامر.سلام بقى عشان ايدى حمرا و بتوجعنى لما الحق اروح الجبلاية بسرعه هاهاهاهاهاهاهاهااههاهاها يمكن الحقلى حبة فول سودانى
|
11-07-13, 08:25 PM | #32 | |
صياد قديم
تاريخ التسجيل: Feb 2011
المشاركات: 1,657
معدل تقييم المستوى: 16 |
رد: ايه رأيك فى الإعتصام فى الشارع و غلق الميادين و الطرق
اقتباس:
|
|
sponsor links |
|
|
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
اخطر الطرق الجبليه ..... بالصور | essam assem | الصيد البري وادواته | 21 | 12-05-06 10:44 PM |
رأيك يهمنا (Norica 90) او (Hatsan 135) الافضل .!!؟ | roome | بنادق ضغط الهواء ومتعلقاتها | 7 | 11-02-27 10:18 PM |
بعيدا عن الصيد(من الشارع المصرى تانى) | salahfareed | الصيد العام | 6 | 10-01-31 12:48 AM |
من الشارع المصرى(بعيدا عن الصيد) | salahfareed | الصيد العام | 13 | 09-12-09 02:06 PM |
الطرق المستعملة في تدريب الكلاب((السلق)):- | عاصــم الشبراوينــي | الصيد بالكلاب | 2 | 08-08-18 08:25 AM |