موضوع مهم جدا جدا جدا لكل مسلم

[eng_ahmed]

السلام عليكم ورجمة الله وبركاته
الكلام الي جاي ده انا مكتبتوش الا لاني حبيتكم في الله واسأل الله العظيم رب العرش العظيم ان يجعله خفيفا علي قلوبكم وانا علي فكره عضو جديد طازه علي المنتدا الرائع ده ولاحظت ان الجميع هنا اخوات طيبين جدا انتوا بجد عملتولي راحه نفسيه لما قريت كلمكم الجميل ده .فااسال الله ان يديم الحب بينكم ويجعلني خفيف علي قلوبكم وعلي فكره انا اخوكم الصغير مقاما وسننا ولاكني ......

حبيت ابدا كلامي من كلام رسول الله صلي الله عليه وسلم.....(ما تصلو عليه!!!!)
عن عمر بن الخطاب رضي الله تعالى عنه، قال: سمعت رسول الله صلى الله عليه وسلم يقول:

(إنما الأعمال بالنيات، وإنما لكل امرئ ما نوى، فمن كانت هجرته إلى الله ورسوله فهجرته إلى الله ورسوله، ومن كانت هجرته إلى دنيا يصيبها، أو امرأة ينكحها فهجرته إلى ما هاجر إليه). رواه البخاري
ومن عجائب الصالحين في من قبلنا انهم كانوا بيضعو للعمل الواحد سبعين نيه علشان اجرهم يزيد عند رب العباد ومنهم من كان اذا لم يجد للعمل نيه ميعملوش !!!.

طبعا احنا مش قد الناس دي لكن المفرض اننا علي الاقل ما نقعش في الغلط او المحزورات بل من الممكن اننا نستمتع وناخد ثواب كبير عند رب العباد وده سهل جدا جدا

قمثلا احنا ممكن اننا نصتاد لمجرد شهوة الصيد وده لا يجوز
ثانيا احنا بردو لا يجوز اننا نعمل اي شيئ حي هدف لنا (نتمرن عليه يعني)
ثالثا احنا بردو مينفعش اننا نصتاد شيئ مش حناكله او نستفيد به بمعنى اصح

ولكن احنا ممكن اننا ناخد ثواب من كل ضربه نضربها او هدف نصتاده ؟!!!!

جواب السؤال ده هو بداية موضوعنا ((((((النيه))))))
وانا حضرة بعض النيات الي ممكن تكون مفيده زي

1)نية تعلم الرمايه لله
2)نية الاستعداد للجهاد بما تمكنا منه((﴿ وَأَعِدُّواْ لَهُم مَّا اسْتَطَعْتُم مِّن قُوَّةٍ وَمِن رِّبَاطِ الْخَيْلِ تُرْهِبُونَ بِهِ عَدْوَّ اللّهِ وَعَدُوَّكُمْ ﴾ [الأنفال: 60].

3)نية الاستمتاع والراحه النفسيه للعوده للطاعات لله بطاقه اكبر ..............وغيرها اذا فكرنا اكتر
لذلك ممكن يبقى شخصين بيصتادو وواحد فيهم بياخد ثواب والتاني ياخد سيأت..!!!
وصدقوني ده فعلا واقع وانا اسف جدا علي الاطاله انا علي قكره طالب في هندسه مدني في اكتوبر وارجو ان الموضوع اذا عجبكم انكم تدعولي بالجنه((!!!الفردوس الاعلى!!!)) وصلى الله وسلم علي خاتم الانبياء والمرسلين سيدنا محمد وعلي اله وصحبه اجمعين



وحبيت اني ارفعلكم صور قوس الرسول صلى الله عليه وسلم (في صوره فيهم انا عاملها تعديل علشان تظهر كامله)وبالطبع هي منقوله والسلام عليكم ورحمة الله وبركاته

[م/عمرو جوده]

ربنا يباركلك علي الإفادة موضوع جميل ومحفز

[محمد سليمان]

اللهم صلى و سلم و بارك عليه و على آله
شكراً جداً ليك على التنبيه المهم لموضوع النيه ده
كل الصيادين الجامدين فى المنتدى الجميل ده الحمد لله واخدين بالهم من موضوع النيه و ممكن تراجع اوائل المواضيع المثبته فى المنتدى العام تحت عناوين:
هل تعلم ما هي فوائد الصيد
و
لماذا الرمايه
و غيرها
و اهلاً بيك يا بشمهندس اخ عزيز علينا كلنا ان شاء الله

[عثمان الشبراوى]

والله معلومات فى غاية الروعة

[طلعت بخيت بسكالس]

بسم الله الرحمن الرحيم
اللهم صلي وسلم وبارك علي سيدنا محمد وعلي آله وصحبه أجمعين
أما بعد /
أعرفك أولا بنفسي أخوك مهندس طلعت بخيت بسكالس
وأنتهز الفرصة وأهنيك علي موضوعك الرائع والمفيد لأن في ناس كتير جدا بينسوا أن يأخذوا بعين الأعتبار موضوع النيه قبل بدأ رحلة الصيد ومثلما تفضلت دي أهم حاجة لازم يبدأ بها الصياد قبل أي رحلة صيد .
مرة تانية أنا بأشكرك علي الموضوع وأهلا وسهلا بيك بين أخوانك
بس أنا كان ليا تعقيب صغير وسأصيغه في صورة سؤال وهو :
ألم يكن من الممكن أن يكون عنوان موضوعك ( موضوع مهم جدا جدا جدا لكل صياد )
ليكون بالموضوع تعميم أكثر
لأني بالمناسبة مسيحي

[steyr68]

السلام عليكم
طلعت بك حبيب قلبى والله العظيم تتصور انى توقعت لما شوفت اسمك على المشاركه قبل ما ادخل واشوف تعقيبك توقعت انك هتقترح نفس العنوان بنفس الكلمات وشوف بقى لما الاقى اللى توقعته فعلا مكتوب لانى نفس العنوان جال بخاطرى و لانى اعرف طلعت بك كويس حتى من غير ما اشوفه واعرف قدر هذا الانسان من ردوده واخلاقه وفى النهايه كلنا اخوه من اب واحد وام واحده ولنا اله واحد سبحانه وتعالى لا شريك له.
يحية تقدير لطلعت بك وكل الشكر لكاتب الموضوع وجازاك الله خيرا

[طلعت بخيت بسكالس]

المشاركة الأصلية كتبت بواسطة steyr68

السلام عليكم
طلعت بك حبيب قلبى والله العظيم تتصور انى توقعت لما شوفت اسمك على المشاركه قبل ما ادخل واشوف تعقيبك توقعت انك هتقترح نفس العنوان بنفس الكلمات وشوف بقى لما الاقى اللى توقعته فعلا مكتوب لانى نفس العنوان جال بخاطرى و لانى اعرف طلعت بك كويس حتى من غير ما اشوفه واعرف قدر هذا الانسان من ردوده واخلاقه وفى النهايه كلنا اخوه من اب واحد وام واحده ولنا اله واحد سبحانه وتعالى لا شريك له.
يحية تقدير لطلعت بك وكل الشكر لكاتب الموضوع وجازاك الله خيرا

أحمد باشا كمال
أنا دخلت المنتدي ده لأول مرة وأنت عضو فيه ومن جمال ردودك وغزارة علمك وأمتلاكك لناصية الأسلوب الراقي جعلوني في البدايه أخجل من الرد عليك ولكن بعد ذلك وعند أحتكاكي بك في أحد المواضيع وجدت أنك تستمتع أيضا بما هو أجمل مليون مرة وهو تواضع أبناء الكرام ورقة حاشية الأمراء وأدب العلماء .
أحمد باشا كمال
أقسم بالله أني أحبك في الله ولي الشرف في معرفتك وأتمني لقائك في أقرب وقت لو مش ناوي تنزل القاهرة بلغني وفي خلال هذا الأسبوع أكون عندك أشرب معاك فنجان قهوه

[steyr68]

تنور يا فندم وتشرف وانا هتصل على سعادتك ان شاء الله هنتقابل فى الوقت اللى انت تحدده

[magdyfer3on]

الله ينور عليك يا بشمهندس والله أنا بنادي لهذه الفكره بس من وجهه أخرى بس كله بيكمل بعضه والحمد لله أن في ناس زيك بتدعم الفكره دي
وعموما ده اللينك لو حبيت تخش تتفرج أو تشارك فيه ببعض المعلومات أنت والزملاء الأعزاء
وأدخل وأنت هتفهم فكرتي

http://www.egypthunt.net/showthread.php?t=1625&highlight=%D8%ED%E6%D1+%E1%E 1%D5%ED%CF

[body77]

الله ينور عليك يا بشمهندس
وشكراا على المجهود

[ahmedbatoos]

شكرا علي الموضوع الهام لتصحيح المفاهيم والنيه

ويارب يرزقنا الشهاده

هتيجي ايه هعيش 90 سنه!! مع ملاين السنين نعشها خالدين في الجنه ان شاء الله كلنا