|
صور وفيديو الصيد ورحلاته ميديا عن الصيد والاسلحه ورحلات صيد الاعضاء. |
أدوات الموضوع | إبحث في الموضوع | انواع عرض الموضوع |
10-02-08, 11:51 AM | #1 |
صياد متفاعل
تاريخ التسجيل: Dec 2009
المدينه: الجيزة
المشاركات: 185
معدل تقييم المستوى: 6 |
36 طائر محصله اربع ساعات صيد (داخل المدينة)
السلام عليكم و رحمة الله و بركاته
ازيكم يا اجمد صيادين فى الدنيا بحالها انا نزلت مع مصطفى ام رويال هنتر يوم الجمعه اللى فات 5-2-2010 و هو ما شاء الله عليه فى منتهى الذوق و الاخلاق اللى فى الدنيا و قمة فى التعاون و الإيثار كعاده كل الصيادين فى المنتدى الجميل ده ما شاء الله. اصطادنا اربع ساعات تقريباً مع انه كان مسافر فى نفس اليوم الا انه فضل يتأخر و يقضى الوقت ده فى الصيد معايا عشان دى تقريباً اول طلعه ليا من طلعات يوم الجمعه و كان عمال يقولى استمتع و اضرب انت ما شاء الله عليه معلش الوقت كان ضيق فمصورناش خالص بس والله كان فيه شويه دوتوهات جامده جداً.. مصطفى فعلاً صياد محترف و الجامو سى اف اكس رويال بتاعته ربنا يباركله فيها مظبوطه الى اقصى درجه بجد كنت بضرب بيها و مش مصدق نفسى ان فيه بندقيه نشانها مظبوط كدا (بندقيتى عليها سكوب و كنت متعود انى اضرب اصلا بالمعادى السوبر اكيوريت ههههههه :d) هرفع صور الصيد قريب ان شاء الله و المحصله النهائيه كانت: 33 يمامه و حمام جبلى و المعظم يمام عصفورتين و ابوفصاده (حلاوه روح :d ) غرابين تلاته كدا على الماشى ده طبعاً غير اللى اتضرب و طار و وقع ورا سور او فى بلكونه. على فكره احنا اصطدنا فى منطقه المقطم و المعادى و كنت عايز اعرف رأيكم فى موضوع الصيد فى المدينه ده و هل قانوناً فيها حاجه اصلاً؟ بصراحه عملنا اسكور كويس جداً بالنسبه للوقت و مكنش فيه رخامه يعنى من بتوع الشرطه و كدا و لا حتى عامه الشعب هههههه اه و اخر حاجه معلش طولت عليكم بس هى حاجه جامده جداً و عملناها كتير الحمد لله المره دى.. كان استاذ عمرو (والتر) و استاذ اسامه (تاون اسنايبر 1) قالوها قدامى قبل كدا اما كنا بنجيب الاير كنج دى و هى ان اما انثى الطير تقع الذكر بتاعها بيفضل واقف او بينزل وراها و عشان كدا بنضرب الانثى الاول عشان غالبا مبنجيب الاتنين باذن الله كنت بسمع مصطفى بيكلم الدكر بعد ما النتايه وقعت: عاملى فيها راجل! و تاك الاقيه بيفرفر جنب النتايه على الارض ههههههه معلش مره تانيه طولت عليكم بس بجد انا منبهر جداً لانى اول مره فى حياتى اصطاد كدا و الموضوع مكنش مترتبله خالص الحمد لله تم بحمد الله أخيراً رفع صور الصيد و جراب البندقيه و بعض العده:
__________________
قال صلى الله عليه و سلم: " كل شيء ليس من ذكر الله فهو لهو أو سهو، إلا أربع خصال: مشي الرجل بين الغرضين [للرمي]، وتأديبه فرسه، وملاعبته أهله، وتعليمه السباحة" |
sponsor links |
10-02-08, 12:50 PM | #2 |
صياد نشيط
|
رد: 36 طائر محصله اربع ساعات صيد (داخل المدينة)
ماشاء الله
وربنا يبارك لكم في صيدكم وحصيلة كويسة وبالهنا والشفا بس ياريت ما تنساش الصور علشان نفرح معاك وبالنسبة للصيد داخل المدن او في المباني طبعا فيه خطورة ولا بد دائما من الانتباه لخلفية الضرب يعني وانت بتضرب على يمامه لازم تشوف ايه وراها يعنى الطلقة لما تعدي او تفلت منها هتروح لفين وربنا يستر
__________________
والله لو صـحـب الإنسان جـبـريلا *** لم يسلم المرء من قال ومن قـيلا قــد قـيـل في الله أقـوالاً مصـنـفـةً *** تـُتـلـى إذا رُتـل الــقــــرآن تـرتيلا قــد قـيــل أن له ولـداً وصـاحـبـةً *** زورا عـلـيـه وبهـتـانـا وتـضـلـيـلا ********** فما بالنا لو قيل فينا بعض ما قيلا ********** oekhattab@yahoo.com |
10-02-08, 01:27 PM | #3 |
صياد متفاعل
تاريخ التسجيل: Dec 2009
المدينه: الجيزة
المشاركات: 185
معدل تقييم المستوى: 6 |
رد: 36 طائر محصله اربع ساعات صيد (داخل المدينة)
شكراً يا استاذ اسامه على مرورك الكريم
و متقلقش احنا عندنا قواعد الأمان رقم واحد و بيبقى فيه صيد سهل قوى قدامنا بس بنسيبه عشان بيبقى و راه ازاز او شباك مثلاً
__________________
قال صلى الله عليه و سلم: " كل شيء ليس من ذكر الله فهو لهو أو سهو، إلا أربع خصال: مشي الرجل بين الغرضين [للرمي]، وتأديبه فرسه، وملاعبته أهله، وتعليمه السباحة" |
10-02-08, 01:58 PM | #4 |
صياد متفاعل
تاريخ التسجيل: Dec 2009
المشاركات: 115
معدل تقييم المستوى: 6 |
رد: 36 طائر محصله اربع ساعات صيد (داخل المدينة)
السلام عليكم يا منتدى أحلى هواية.... وسلام خاص للقنص الجامد محمد سليمان
أنا بس حابب أوضح إن كلام الجميل لك محمد دة سببه إنو انسان جميل انسان جميل أصلاً. و فعلاً لما تشفوه هتصدقوا كلامي...أنا متخيل إن أكيد أصحاب ومعارفه بتحبه وهتحترمه. وكمان نشنجي تمام و بيتحلى بروح الصياد فعلاً.......طبعاً ابهرني بالسلاح المدفعي Diana 54 حسيتاني سايق مرسيدس ماشاء الله....... أصلاً يومها أنا كنت مسافر العين السخنة مع الشغل بس قلت أتعرف بالشخص الجميل إلي كلمة ي الموبايل قبل ما أسافر...... وفعلاً كل تأخيرة فيها خيرة....... أنا بعتذر يا محمد اني كنت مستعجل يومها بس أنا كان لزم أروح وراهم بعد ماقتلهم إسبقوني..... وبما اني من الناس البيصطادو في المدينة..... أحب أوضح حبة حاجات: -طبعاً زي ما اسامة بك خطاب قال: لازم نشوف ونتأكد من خلفية الهدفعشان ما بعد الإخترق أو عدم الإصابة. (مش عربية ولا زجاج بلكونة أو شباك حتى لو بعيد و أكيد مش أشخاص) -مش أي مكان في المدينة. للمثال احنا كنا في مكان هادئ جداً عند كورنش المقطم -مراعاة إحتياط إن ممكن الطلقة تعمل إرتداد وعمل اللازم ولو كان عدم الرفع على الهدف أصلاً. -عدم الضرب على أي حاجة فيها خطورة مهما كان الإغراء. -أنا شخصياً أفضل لو الصيد في المدينة يكون من سيارة عشان السياح إلا إذا كان هدوء المكان يسمح. وبجد أحب اشكرك يا محمد على انك عرفتني بنفسك ... وإنشاء الله نتجمع على خير
__________________
الصيد أدب مش رفع سلاح مصطفى أبو عيد |
10-02-08, 02:01 PM | #5 |
صياد متفاعل
تاريخ التسجيل: Dec 2009
المشاركات: 115
معدل تقييم المستوى: 6 |
رد: 36 طائر محصله اربع ساعات صيد (داخل المدينة)
بعلش بعتذر عن الأخطاء الإملائية
__________________
الصيد أدب مش رفع سلاح مصطفى أبو عيد |
10-02-08, 02:10 PM | #6 |
عضـــــــــو ذهبـــــــــــــى
تاريخ التسجيل: Nov 2009
المشاركات: 341
معدل تقييم المستوى: 8 |
رد: 36 طائر محصله اربع ساعات صيد (داخل المدينة)
ماشاء الله والله انا سعيد انك سعيد وفرحان هوايه الصيد من افضل الهوايات وعرفت تنقي الرفيق قبل الطريق واللي عملو معاك مصطفي ده من اخلاق الصيادين انه يسيبك تضرب عايز يشبعك صيد وضحك طبعا علي فكره مصطفي من الشخصيات العسل في المنتدي صيد وافهات والا( ايه اخشنو شويه يا شباب)
مبروك عاليكم الصيده والرحله
__________________
http://i56.tinypic.com/16lyd0z.jpg |
10-02-08, 02:10 PM | #7 |
صياد قديم
|
رد: 36 طائر محصله اربع ساعات صيد (داخل المدينة)
فين الصور يا محمد عايزين نشوف حجم يمام وحمام المعادي
__________________
الصيد متعة والتفوق هو الهدف |
10-02-08, 02:17 PM | #8 | |
صياد متفاعل
تاريخ التسجيل: Dec 2009
المشاركات: 115
معدل تقييم المستوى: 6 |
رد: 36 طائر محصله اربع ساعات صيد (داخل المدينة)
اقتباس:
يا باشا ده من ذوقك بس ..... مستنيينك تنور مصر بالسلامة واتشرف بمعرفتك
__________________
الصيد أدب مش رفع سلاح مصطفى أبو عيد |
|
10-02-08, 02:18 PM | #9 |
صياد متفاعل
تاريخ التسجيل: Dec 2009
المشاركات: 115
معدل تقييم المستوى: 6 |
رد: 36 طائر محصله اربع ساعات صيد (داخل المدينة)
عمدة الصيادين أستاذ جلال أنا نفسي أتشرف بمقابلتك
__________________
الصيد أدب مش رفع سلاح مصطفى أبو عيد |
10-02-08, 02:29 PM | #10 |
صياد قديم
تاريخ التسجيل: Jan 2009
المشاركات: 2,653
معدل تقييم المستوى: 21 |
رد: 36 طائر محصله اربع ساعات صيد (داخل المدينة)
سوال بسيط بخصوص المعادي انت بتصداد فين في المعاد تا اسمة انتحار بصراحة انا شغال في المعادي من سنين
بس بجد الامن هناك مبيرحمش خاص في موضوع السلاح تا ياليت توضح لو سمحت
__________________
لا تعليق
|
10-02-08, 02:35 PM | #11 |
صياد متفاعل
تاريخ التسجيل: Dec 2009
المشاركات: 115
معدل تقييم المستوى: 6 |
رد: 36 طائر محصله اربع ساعات صيد (داخل المدينة)
معاك حق طبعاً التأمين في المعادي شديد ... أنا بروح ورا سجن طرة أو في زهراء المعادي
__________________
الصيد أدب مش رفع سلاح مصطفى أبو عيد |
10-02-08, 03:35 PM | #12 | |
صياد متفاعل
تاريخ التسجيل: Dec 2009
المدينه: الجيزة
المشاركات: 185
معدل تقييم المستوى: 6 |
رد: 36 طائر محصله اربع ساعات صيد (داخل المدينة)
اقتباس:
لا والله خالص هو مصطفى ان شاء الله يقولك بالظبط كنا بنصطاد فين عشان انا فى موضوع الطرق ده مش قد كدا بس كنت عايز اقولك ان الناس هناك اصلاً كانوا بيبتسمولنا و احنا معديين من جنبهم حتى حراس سجن طره اللى واقفين فى الابراج مع ان بندقيتى عليها تليسكوب ما شاء الله يعنى شكلو مرعب اصلاً بس هما شايفين انت بتعمل ايه و فيه موقفين كدا حصلوا اولهم اننا كنا اول ما رحنا فى المقطم بنصطاد جنب موقع عسكرى او شئ من هذا القبيل فلقينا اتنين جم بالعربيه بتاعتهم و قالولنا ممنوع والذى منه و طبعاً اللى اتكلم معاهم الدبلوماسى الاول مصطفى باشا و انتهى الموقف بان واحد منهم مسك معاه حمامه جبلى و دبحها و مشوا و هما بيدعولنا بالرزق و البركه و تانيهم اننا كنا فى المعادى و كل 50 ل 100 متر بلا مبالغه تلاقى بوكس راكن او عربيه شرطه و ممكن مصطفى يصححلى لو كنت مش فاكر كويس او ببالغ شويه بس كان عادى جدا و عمالين يتفرجوا علينا و نرمى عليهم السلام و يردو و الذى منه و كنا داخلين شارع جانبى لقيت اتنين فى عربيه بيسلموا على مصطفى و بابتسامه كدا ففسرلى الموقف بانهم كانوا موجودين فى مره فاتت هو كان بيصطاد فيها هنا برده يعنى متعودين على الموضوع و ان شاء الله خير يعنى
__________________
قال صلى الله عليه و سلم: " كل شيء ليس من ذكر الله فهو لهو أو سهو، إلا أربع خصال: مشي الرجل بين الغرضين [للرمي]، وتأديبه فرسه، وملاعبته أهله، وتعليمه السباحة" |
|
10-02-08, 03:39 PM | #13 | |
صياد متفاعل
تاريخ التسجيل: Dec 2009
المدينه: الجيزة
المشاركات: 185
معدل تقييم المستوى: 6 |
رد: 36 طائر محصله اربع ساعات صيد (داخل المدينة)
اقتباس:
__________________
قال صلى الله عليه و سلم: " كل شيء ليس من ذكر الله فهو لهو أو سهو، إلا أربع خصال: مشي الرجل بين الغرضين [للرمي]، وتأديبه فرسه، وملاعبته أهله، وتعليمه السباحة" |
|
10-02-08, 03:47 PM | #14 | |
صياد متفاعل
تاريخ التسجيل: Dec 2009
المدينه: الجيزة
المشاركات: 185
معدل تقييم المستوى: 6 |
رد: 36 طائر محصله اربع ساعات صيد (داخل المدينة)
اقتباس:
معلش اعذرنى كنت مروح قبل اذان الجمعه بحاجه بسيطه فملحقتش اصور فقلت لاختى لازم تصوروا الصيد قبل ما تنضفوه بس هى صورته على بعضه فمش باين قوى ان شاء الله ارفع الصور فى اقرب وقت و بعد كدا نصور فى الصيد باذن الله و على فكره انا نفسى بجد اطلع معاك انت و استاذ اسامه فتحى عشان متأكد انها هتبقى نعم الصحبه ده غير انى هتعلم كتييييييير جداً منكم سلملنا على سيف يا استاذ جلال بقى
__________________
قال صلى الله عليه و سلم: " كل شيء ليس من ذكر الله فهو لهو أو سهو، إلا أربع خصال: مشي الرجل بين الغرضين [للرمي]، وتأديبه فرسه، وملاعبته أهله، وتعليمه السباحة" |
|
10-02-08, 06:19 PM | #15 |
صياد نشيط
|
رد: 36 طائر محصله اربع ساعات صيد (داخل المدينة)
ياخوانا إيه بس الجمدية دي. تعيشو وتخياطو اليمام والبقية تتبع.
عايز أشوف بهدلة, بس مش أنتم "اليمام طبعا"
__________________
ما طار طير و ارتفع .:. إلا كما طار (بالنوريكا) وقع |
10-02-09, 08:08 AM | #16 | |
صياد متفاعل
تاريخ التسجيل: Dec 2009
المدينه: الجيزة
المشاركات: 185
معدل تقييم المستوى: 6 |
رد: 36 طائر محصله اربع ساعات صيد (داخل المدينة)
اقتباس:
ايه اخبارك دلوقتى و اخبار ايدك سيادتك ايه؟ يارب تكون رجعت احسن من الاول طمنا عليك
__________________
قال صلى الله عليه و سلم: " كل شيء ليس من ذكر الله فهو لهو أو سهو، إلا أربع خصال: مشي الرجل بين الغرضين [للرمي]، وتأديبه فرسه، وملاعبته أهله، وتعليمه السباحة" |
|
10-02-09, 08:18 AM | #17 |
صياد قديم
|
رد: 36 طائر محصله اربع ساعات صيد (داخل المدينة)
[عمدة الصيادين أستاذ جلال أنا نفسي أتشرف بمقابلتك
انا يشرفني معرفتك وتليفوني 0127717179
__________________
الصيد متعة والتفوق هو الهدف التعديل الأخير تم بواسطة galal khalifa ; 10-02-09 الساعة 08:23 AM |
10-02-09, 09:18 AM | #18 |
صياد نشيط
تاريخ التسجيل: Mar 2008
المشاركات: 273
معدل تقييم المستوى: 7 |
رد: 36 طائر محصله اربع ساعات صيد (داخل المدينة)
ازيك يا محمد ايه اخبارك اتمنى تكون بخير وبجد عرفت تنقى الصديق بجد بس كنا عاوزين نتفرج على الصور الجميله
حاول ترفعها وقولى ايه اخبار الديانا معاك ؟ |
10-02-09, 10:37 AM | #19 |
صياد نشيط
|
رد: 36 طائر محصله اربع ساعات صيد (داخل المدينة)
والله يامحمد انا سعيد جدا انك طلعت وما شاء اله باين عليك طلعت جامد
الي الامام يابطل
__________________
وما من كاتب إلا سيفنى ................... ويبقي الدهر ما كتبت يداه اسامة فتحي 0105111840 |
10-02-11, 09:55 AM | #20 | |
صياد متفاعل
تاريخ التسجيل: Dec 2009
المدينه: الجيزة
المشاركات: 185
معدل تقييم المستوى: 6 |
رد: 36 طائر محصله اربع ساعات صيد (داخل المدينة)
اقتباس:
الصور هرفعها حاضر انا تقريباً مفتحتش الكمبيوتر من ساعتها معلش عندى امتحان السبت الجاى و كنت بذاكرله ادعولى و ان شاء الله نطلع مع بعض و الديانا مظبوطه للغايه بس الفكره فيا انا بقى لازم لازم ابقى ساند بس الحمد لله اتعودت شويه على وزنها طبعاً مش هعرف اقيمها على اكتر من 40 متر مثلاً لأننا كنا بنصطاد جوه المدينه و مصطفى ما شاء الله عليه خبير فى الموضوع ده كان بيقولى اشهر السلاح قبل ما تدخل على الطير بفتره و فعلاً اما كنت ببقى مطلع البندقيه من العربيه قبل ما نقرب على الطير غالباً مكنش بياخد باله مننا اصلاً و مصطفى بيعدل العربيه العدله التمام ما شاء الله عليه ربنا يباركله فيها و بيقف قريب قوى من الطير بالراحه جداً
__________________
قال صلى الله عليه و سلم: " كل شيء ليس من ذكر الله فهو لهو أو سهو، إلا أربع خصال: مشي الرجل بين الغرضين [للرمي]، وتأديبه فرسه، وملاعبته أهله، وتعليمه السباحة" |
|
10-02-11, 10:35 AM | #21 |
صياد متفاعل
تاريخ التسجيل: Dec 2009
المدينه: الجيزة
المشاركات: 185
معدل تقييم المستوى: 6 |
رد: 36 طائر محصله اربع ساعات صيد (داخل المدينة)
استاذ اسامه ده كله من فضل سعادتك و على فكره انا طبقت النصائح الذهبية اللى حضرتك قلتلى عليها فى التليفون
__________________
قال صلى الله عليه و سلم: " كل شيء ليس من ذكر الله فهو لهو أو سهو، إلا أربع خصال: مشي الرجل بين الغرضين [للرمي]، وتأديبه فرسه، وملاعبته أهله، وتعليمه السباحة" |
10-02-14, 05:20 PM | #22 |
صياد متفاعل
تاريخ التسجيل: Dec 2009
المدينه: الجيزة
المشاركات: 185
معدل تقييم المستوى: 6 |
رد: 36 طائر محصله اربع ساعات صيد (داخل المدينة)
الصور نزلت
__________________
قال صلى الله عليه و سلم: " كل شيء ليس من ذكر الله فهو لهو أو سهو، إلا أربع خصال: مشي الرجل بين الغرضين [للرمي]، وتأديبه فرسه، وملاعبته أهله، وتعليمه السباحة" |
10-02-19, 06:19 AM | #23 |
صياد متفاعل
تاريخ التسجيل: Feb 2010
المدينه: مصر -الزقازيق
المشاركات: 84
معدل تقييم المستوى: 6 |
رد: 36 طائر محصله اربع ساعات صيد (داخل المدينة)
ماشاء الله عليك
حاجة تفرح
__________________
http://www.arabswell.com/vb/image.ph...ine=1166284508 ماأجمل الحياه إن كانت في طاعة الله
|
10-02-19, 09:58 AM | #24 |
صياد متفاعل
تاريخ التسجيل: Dec 2009
المدينه: الجيزة
المشاركات: 185
معدل تقييم المستوى: 6 |
رد: 36 طائر محصله اربع ساعات صيد (داخل المدينة)
شكراً يا بشمهندس ربنا يكرمك
__________________
قال صلى الله عليه و سلم: " كل شيء ليس من ذكر الله فهو لهو أو سهو، إلا أربع خصال: مشي الرجل بين الغرضين [للرمي]، وتأديبه فرسه، وملاعبته أهله، وتعليمه السباحة" |
sponsor links |
|
|
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
طائر الزرزور | Mo7a | انواع الطرائد ومواسمها | 11 | 11-02-16 09:48 AM |
اللقاء فى اى مكان داخل مصر | rafeq | الصيد العام | 7 | 10-08-18 03:45 AM |
صور اليمام الى اصطدناه فى 3 ساعات | هاوى صيد | الصيد العام | 20 | 10-05-16 02:20 PM |
رحلة صيد ومرح ممتعة لمدة اربع ساعات | galal khalifa | صور وفيديو الصيد ورحلاته | 32 | 10-04-26 07:56 PM |
اين اماكن الصيد داخل القاهرة | smsmn8888 | الصيد العام | 3 | 09-01-13 03:39 PM |