طلعة فراخ جبارة

[أبو صفية]

السلام عليكم و رحمة الله و بركاته

بعد الموقف البايخ الى عمله الهلب معانا و إحنا بنصطاد سمك بالبندقية قررت نطلع طلعة بالليل ننتقم فيها من فراخ المية و اليمام و المرادى أخدت صحبى الحساد معايا و نسيبى و طلعنا أهو قلت الإيد الى ما تعرفش تقطعها بوسها و أهو يحسد الفراخ يموتها يساعد البندقية شوية و مشينا على مصرف كنت بروحه على طول و بصراحة بالرغم من التأخير إلا إن الطلعة كانت مسلية جداضحكنا كتير و كانت صحبة حلوة قبل ما تتوالى المقالب عدينا على فلاحين وقفين و كان فيه جسر و مصرف صغير عليه شجر جوافة المهم رحنا جيبين يجى كيلوا جوافة و جينا مشيين بندور على مفتاح الموتوسيكل ما لقيناهش إتخانئنا مع بعض و سبينا للطمع فى الجوافة و روحنا ندور على المفتاح لما زهئنا واحد قال إحنا مش أكلنا الجوافة نرمى الموتوسيكل فى المصرف للمفتاح و نمشى و الحمد لله لقيناه و روحنا لشجر اليمام و ربنا كرمنا بى 9 حبات غير الى وقع فى الغاب و معرفناش نجيبه و الى ريش و طار و لله الحمد إحنا الثلاثة وقعنا فى المية إمبيرح بالتوالى و الجميع إتجرح بس كانت طلعة لذيذة طبعا أولا للصحبة و ثانيا للحصيلة الجيدة جبنا حوالى 22 فرخة مية لكن بصراحة جات فى الأخر و مسخت أوى ضربت 6 حبات فى مصرف عليه غاب كتير و ورد نيل و معرفناش نجيب غير 2 منهم قلتلهم بارك الله فيما رزق و بلاش ضرب تانى حرام نموت و نمشى و طبعا جا على هواهم لأنهم كانوا بيسترجونى نروح الساعة كانت دخلة على 3 بالليل و الجميع مش عارف حيقول إيه لجماعته الحكومة يعنى ما عدا العبد لله قالولى إنتا إترمت طوبتك من زمان و لما طلعنا على الطريق فى النور بعد الطريق الزراعى إكتشفنا إن إحنا و الموتوسيكل عبارة عن كومة تراب و طين ودم سواء الفراخ أو الجروح الى سببها الغاب و أسيبكم مع الصور و هيا مش واضحة أوى عشان الليل

[Angel of Death]

ما شاء الله.. ربنا يباركلك في البندقية و يكفيك شرها.. و بالهنا و الشفة يا باشا.. بس متنسانيش في دبوس و النبيييييييييييييييييي.... ههههههههههههههه

[أبو صفية]

المشاركة الأصلية كتبت بواسطة angel of death

ما شاء الله.. ربنا يباركلك في البندقية و يكفيك شرها.. و بالهنا و الشفة يا باشا.. بس متنسانيش في دبوس و النبيييييييييييييييييي.... ههههههههههههههه

الله يبارك فيك و يكفيك شر كل زى شر و ما يغلاش عليك أى حاجة إنتا تشرفنا و تختار الى إنتا عاوزه

[قناص المنوفيه]

طلعه جباره من صياد كبيير وملك السى اف 20

مشاء الله عليك

[karl_st]

زى النار يا يحى وعايزك بقى تطلع معايا يوم وانا اسف يا عم على الموقف اللى حصل منى وصدقنى والله كان غصب عنى وأكيد انت راجل صياد وحسودى فى نفس الوقت وعموما ألف هنا وعافية مترح مايسرى يمرى
أخوك عمرو

[mohamed2010habib]

طلعه جامده جدا
بالتوفيق يا صاحبى

[عـمـر]

تسلم ايدك يا ابوصفية طلعة اكثر من رائعه .... وبعدين حلوة صاحبك الحساد دي ههههههههههه طيب ما هوا كان هيسحد الفراخ وكان ممكن يحسد البندقية كماااااان اهو يقول زيادة الخير خيرين هههههههههههههههه .... تقبل تحياتي يا زعيم الطلعات الجبارة.

[أبو صفية]

المشاركة الأصلية كتبت بواسطة karl_st

زى النار يا يحى وعايزك بقى تطلع معايا يوم وانا اسف يا عم على الموقف اللى حصل منى وصدقنى والله كان غصب عنى وأكيد انت راجل صياد وحسودى فى نفس الوقت وعموما ألف هنا وعافية مترح مايسرى يمرى
أخوك عمرو

لا أسف و لا حاجة يا بو حسن بس مفيش طلعات معاك إحنا تيم مع بعض و ملكش مكان إنتا عارف الموتوسيكل 3 راكب بس يا تيجى تجرى ورانا بقا و أنا عارف إن قصدك مترح ما يسرى يهرى

[أبو صفية]

الله يسلمكم جميعا و شكرا على المرور الطيب و التعليقات الجميلة بصراحة أنا معظم إصحابى حسادين بس برده دمهم خفيف يطلع معايا يقول تسلم إديك يا بو صفية و لما ما يطلعش معايا يبقى زى النار كنستهم سبلنا حاجة وحتى شوفور رد الاخ أبو حسن kARL_ ST تعرفوا إن عندى حق

[مصطفى ابواسماعيل]

الله ينور يابرنس ايه الجمال ده واحلى تقيم يا ابوصفيه