|
الموضوعات العامه الموضوعات الغير متعلقه بالصيد. |
أدوات الموضوع | إبحث في الموضوع | انواع عرض الموضوع |
15-06-21, 11:20 AM | #1 |
مشرف الاقسام العامه&القسم الاسلامى
|
العجوزه
السلام عليكم
يا جماعه انا عاوز اروح من المنصوره للعجوزه بصراحه انا مرحتهاش قبل كده خالص فخايف اروح القاهره اسئل واتوه وطبعا كتير من القاهره لازم يفتي بأي حاجه وخلاص ناس كتير مش كلهم طبعا ده بعيد كل البعد عن الرجاله المحترمين الي هنا من القاهره عشان كده انا قلت اسئلهم احسن عشان احنا اخوات كلنا هنا المهم انا من المنصوره وعاوز اروح العجوزه انا طبعا هركب ميكروباص وهنزل رمسيس بعد كده ايه بقي مش عارف انا عاوز اروح العجوزه 192 ش النيل بجوار مسرح البالون فرع british council ياريت يا جماعه الي يعرف مكانها او اسهل طريقه اروحها من رمسيس سواء بالمترو او بأي حاجه يقولهالي عشان ان شاء الله يومين تلاته كده وانزل القاهره تحياتي |
sponsor links |
15-06-21, 01:42 PM | #2 |
صياد متقدم
تاريخ التسجيل: Feb 2011
المدينه: شبرا
المشاركات: 672
معدل تقييم المستوى: 42 |
رد: العجوزه
شوف يا ليجيند .... اولا كل سنة و انت طيب...
بعد ماتنزل رمسيس .... هتركب حاجة راحة عبد المنعم رياض .... مش هتاخد اكتر من 10 دقايق ... و هتنزل عند هيلتون رمسيس ..... هتلاقي مطلع كوبري قدام الهيلتون ... تقف عنده .... و تركب اي ميكروباص رايح للعجوزة هتاخد في حدود 10 دقايق برضو .... البريتيش كونسيل بعد مستشفى الشرطة و مستشفي العجوزة ..... هتنزل من الميكروباص و تعدي الشارع ..... اتمني اكون افدتك ..... و لو عاوز توضيح اكتر عرفني ... ابو صلاح
__________________
ما تحاولش تعمل فيها ناصح مع اى شبراوي احسن لك خليك جدع .... والا استحمل اللى هيحصل لك لو مشاركتى او موضوعى عجبك ... ما تبخلش بالتقييم 3 فيديوهات لفك وتنظيف الجاكال ( فك الابرة ) http://www.egyhunt.net/showthread.php?t=9671 |
15-06-21, 03:20 PM | #3 |
مشرف قسم الاسلحه
تاريخ التسجيل: Sep 2014
المشاركات: 957
معدل تقييم المستوى: 8 |
رد: العجوزه
كل سنة وانت طيب يا ليجند
زى ما قالك ابو صلاح هتوصل فى اقل من تلت ساعة انشاء الله بس الافضل تاخد تاكسى ابيض من رمسيس العداد هيعمل اقل من 7 جنيه وهتوصل فى 10 دقايق وهتريح نفسك من السؤال عن الميكروباصات والانتظار فيها تروح وتيجى بالسلامة
__________________
اللهم احفظ مصر وجيشها وارحم شهدائها الابرار |
15-06-22, 01:52 PM | #4 | |
مشرف الاقسام العامه&القسم الاسلامى
|
رد: العجوزه
اقتباس:
وكل سنه وحضرتك طيب ورمضان كريم بس معلشي عندي استفسار بعض الناس قالولي هتركب المترو تقريبا وتنزل محطه معينه هتلاقي هناك مكروباصات العجوزه علطول مش عارف كلامهم صح ولا غلط علي العموم انا ان شاء الله نازل بكره القاهره وان شاء الله خير تحياتي لحضرتك وشكرا لمساعدتك |
|
15-06-22, 01:57 PM | #5 | |
مشرف الاقسام العامه&القسم الاسلامى
|
رد: العجوزه
اقتباس:
التاكسي الابيض العداد اسمع انه اقل مشوار هياخد مني لايقل عن 25 و 20 جنيه تقريبا انا هروح برضه ولما اوقفه هتفق معاه الاول وربنا يسهل شكرا يا كبير تحياتي لحضرتك |
|
15-06-22, 08:23 PM | #6 |
مشرف قسم الاسلحه
تاريخ التسجيل: Sep 2014
المشاركات: 957
معدل تقييم المستوى: 8 |
رد: العجوزه
كلام مش مظبوط انا على طول باخد التاكسى من العتبة لحد الوراق عندنا ب15 جنيه وده قد مشوارك مرتين تلاتة وعلى فكرة من وسط البلد للعجوزة مسافة صغيرة جدا يعنى لو هتبقى مزاجك رايق وهتنزل بعد الفطار ممكن تتمشاها والعجوزة ما فيهاش مترو انت لو مش تاكسى اركب اييييييييى ميكروباص طالع كوبرى 6 اكتوبر وهتنزل العجوزة
__________________
اللهم احفظ مصر وجيشها وارحم شهدائها الابرار |
15-06-24, 11:17 AM | #7 | |
مشرف الاقسام العامه&القسم الاسلامى
|
رد: العجوزه
اقتباس:
الحمد لله رحت ورجعت وخلصت مشواري علي خير بس هنزل القاهره تاني ان شاء الله يوم 4 يوليو ان شاء الله بس المرادي في فندق اسمه فندق سفير بالدقي ؟؟ انا هقوم نازل رمسيس واركب المترو وانزل الدقي واسئل علي الفندق ده ان شاء الله خير تحياتي |
|
sponsor links |
|
|