|
الصيد العام موضوعات الصيد العامه وتعارف الصيادين. |
|
أدوات الموضوع | إبحث في الموضوع | انواع عرض الموضوع |
12-09-03, 05:42 PM | #1 |
صيــــــــاد محتـــــــــرف
تاريخ التسجيل: Feb 2012
المدينه: الاسكندريه
المشاركات: 2,659
معدل تقييم المستوى: 140 |
احترس من دعوات الخروج للصيد
بسم الله الرحمن الرحيم
تجربه مؤلمه حدثت لصديق ليا اسمه احمد منذ فتره وبالامس اكتشف انها لم تكن تجربه او حادث عارض بل كانت عملية نصب الموضوع باختصار ان لى صديق من فتره كبيره اتعرف بالصدفه على احد الاشخاص اسمه السيد من منطقه اخرى وهذا الشخص كان يمارس هواية الصيد ايضا وفى احد الايام اتصل هذا الشخص بصديقى وقاله انا اعرف مكان حلو للصيد تعالى نخرج سوا رحلة صيد وبالفعل صديقى ذهب وقابله وراحو فى منطقه زراعيه فى ابيس واثناء الصيد خرج عليهم خمسة اشخاص وقامو بتثبيتهم بالمسدسات واخذو منهم بنادقهم ونقودهم وموبايلاتهم وكان صديقى معاه بندقيه سلافيا 631 والشخص الاخر معه بندقيه جامو اكزابو وعادو الى منازلهم سالمين وحمدو الله على كده ولم يقومو بالابلاغ عن الحادثه عشان كانت ايام ثوره ومفيش امن ولا شرطه فى البلد وفى احد الايام كان صديقى بيصطاد فى منطقة اخرى بعد ماشترى بندقيه تانيه وقابل الشخص ده بالصدفه ( السيد ) وهو بيصطاد هناك برده ولكن الغريب ان صديقى وجد بندقيته السلافيا مع الشخص ده ( السيد ) لكن كان مغير لونها ومرشوشه لكن صديقى عرف انها بندقيته من احد العلامات عليها كان عارفها ( لحام فى الناشنكاه الخلفى ) لكن مابينش للشخص ده انه شاكك ان دى بندقيته ولما سأله انت جايب البندقيه دى منين قاله انا شاريها قريب من سوق الجمعه صديقى طنش وسكت وقال ان بعد الظن اثم لكن الغريب ان من حوالى يومين صديقى قابل صياد اسمه عبد الحليم فى احد الاماكن واتعرف عليه وقعدو يدردشو مع بعض وصديقى حكالو فى وسط الكلام على الموقف اللى اتثبت فيه هو والسيد ده من فتره فى منطقة ابيس قام عبد الحليم ده اتنطر من مكانه وقال فى نفس واحد ده السيد ده هو نفس الشخص اللى اتعرفت عليه بالصدفه من فتره كبيره وبرده هو نفس الشخص اللى عزمنى على رحلة صيد قبل كده فى نفس المكان فى ابيس وبرده اتثبتنا انا وهو فى اليوم ده وخرج علينا تلات اشخاص بمسدسات واخدو مننا كل حاجتنا وصديقى وصاحبو قعدو يبصو لبعض بذهول ومش مصدقين انهم تقريبا وقعو ضحية نصب وسرقه ولا كانهم بيتفرجو على فلم هندى فاشل و المشكله انهم مايعرفوش عنوان السيد ده اصلا لأنهم اتعرفو عليه اثناء رحلات الصيد وحاولو يتصلو بيه كتير لكن تلفونه غير موجود بالخدمه وبكده خيوط اللعبه وضحت ان السيد ده بيتعرف على صيادين ويقوم يعزمهم على رحلات صيد بحجه انه عارف اماكن حلوه للصيد وهناك فى مكان مقطوع يقوم بالاتفاق مسبقا مع بعض اصحابه على تثبيتهم وهما بيصطادو وطبعا من ضمن الاتفاق ان اللصوص ياخدو حاجته هو كمان ( السيد ) عشان اللعبه تبقى كامله تفتكرو مش هو ده برده السناريو اللى تم ولا احنا تفكيرنا غلط وظالمين الراجل ( السيد ) معقول يكون اللى حصل ده صدفه السرقه مرتين فى نفس المكان ومع نفس الشخص ؟ ............. بس ده اللى حصل وانا حبيت احكى الموقف ده لاصدقائي واحبابى هنا عشان ياخدو بالهم ومش اى حد يقولك تعالى نخرج نصطاد سوا تخرج معاه كده بسهوله لازم يكون شخص انت عارفه كويس او على الاقل واثق فيه وفى اخلاقه والمنتدى هنا مليان صيادين محترمين تقدر تختار منهم اللى يعجبك تخرج معاه من الناس اللى انت تعرفهم والسلام عليكم ورحمة الله
__________________
*لـيس كـل مـن حــمـل السلاح كـان صيـادا* *ولكن كل من كان صياداً كان للأخلاق عنوانا* |
sponsor links |
sponsor links |
|
|
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
شات للصيد | $$القناص$$ | الصيد العام | 5 | 12-04-30 10:48 PM |
عاجل المسيح الدجال على أبواب الخروج عاجل المسيح الدجال على أبواب الخروج | حورس | الموضوعات العامه | 5 | 12-02-26 03:17 AM |
احترس (الامان قبلما تتهان) | sniperwolf500 | الصيد العام | 6 | 11-08-10 04:39 PM |
الخروج عن موضوع المنتدي | YOSSEF EL MASRY | الصيد العام | 5 | 11-06-25 11:20 AM |
الجروح والسحجات | venatic13 | عيادة المنتدى | 3 | 08-05-15 10:08 PM |