استفسار بسيط

[abd rahman]

الاحسن للبندقيه التشحيم او التزييت ويكون كل اد ايه ارجو الافاده من اهل الخبره

[وليد سالم]

الافضل للبنادق من الداخل ان يستخدم ( الشحم ) لا الزيت وده بسبب ان الشحم بيعمل طبقة عاذلة مستديمة لمده طويلة ضد الاحتكاكات والرطوبة والصدأ ولكن يستخدم بتقنين لا بكثره يعني طبقة خفيفة مسح علي الاجزاء الداخلية فقط

اما الزيت وهو الزيت المستخدم في صيانة وتزييت الاسلحة عديم اللزوجه يستخدم في مسح البندقية وجسمها الخارجي فقط ولا يتم استخدامة داخليا او وضعة في الماسوره من الداخل وده بيعمل حفظ لجسمها الخارجي من الصدأ والعوامل الجوية

اما فترات الاستخدام بالنسبة للتشحيم ده بيكون حسب كثرة الاستعمال وهل في خشونة في صوت اجزائها اثناء التعمير او صوت احتكاك ناشف وشديد ام لا لو في طبعا بيتم اعادة عملية التشحيم اما غير كده فبلاش تفكها كل شوية عشان اماكن المسامير متنعمش وتفوت منك وتستلزم تغييرها بمسامير اخري

[وليد سالم]

افضل انواع الشحم من وجهة نظري هو شحم المواتير ماركة ( اسو ) وده بيكون اصفر اللون وملهوش لزوجة خالص

وافضل انواع الزيوت للاستعمال الخارجي زيوت الاسلحة ودي بردو عشان معدومة اللزوجه لو ملقيتهاش ممكن تستخدم زيت ماكينات الخياطة السائل وهتلاقية زيت مائل للون الابيض الشفاف

[abd rahman]

الله عليك يا وليد تسلم يا غالى على الردود القيمه ولا حرمنا الله منكم..كل تحياتى

[وليد سالم]

المشاركة الأصلية كتبت بواسطة abd rahman

الله عليك يا وليد تسلم يا غالى على الردود القيمه ولا حرمنا الله منكم..كل تحياتى

اي خدمة يا عوبد وبالتوفيق ان شاء الله