اية حكاية ان 9\9 هيحصل انقلاب ثورى فى مصر كلها

[elexlns1]

انا كنت مش متابع لكن لقيت الترتيبات دى على النت
وبيقولوا ان ظباط جيش وشرطة هينضموا للشعب

وفى خطط وتشكيل لجان على الفيس بوك وغيرها

انا مش ضد اى حاجة تنجدنا من اللى احنا فيه

لأنى مقتنع ان الثورة بتضيع فعلا

حد عنده معلومات ؟؟؟؟

[michohat]

انا مش فاهم زيك ولا لاقي حاجه اقرأها تشرح لينا ايه اللى عاوزينه

[مسافر عبر البرارى]

طيب بالنسبة لموضوع الامن
هل لو حصل وقامت الثورة دية يوم 9 هيكون فية امان للناس فى البيوت ولا لاء

[moorg]

......................

[michohat]

لو حد عنده لينكات علشان توضح الموضوع لينا

[مسافر عبر البرارى]

اهم حاجة للبلد دية الامن والامان والاستقرار للناس
بس عندى استفسار
هل جمعة تصحيح المسار دية سوف توثر على الوضع الامنى وامان الناس فى الشارع وفى البيوت

[elexlns1]

http://www.facebook.com/pages/%D9%85...#!/omar.afifi3

http://www.facebook.com/pages/%D9%85...526020?sk=wall

http://www.facebook.com/pages/%D9%85...aganist.musher

http://www.facebook.com/pages/%D9%85...#!/antitantawy


http://www.facebook.com/pages/%D9%85...25130910833467

[michohat]

ايه السواد ده وايه الكلام ده كان امتى وحصل امتى واترتب واحنا لسه عارفين

[مسافر عبر البرارى]

الحقوا يا جدعان
اللى بيوجة الشباب للثورة دية يوم 9_9 واحد اسمة عمر عفيفى وكمان اية عايش برة مصر
والنبى دة كلام يا اخوانا والناس اللى عمالة تسمع كلامة اين العقول يا شباب مصر

[tarekvb]

موضوع خطييير

[gamopt80]

المشاركة الأصلية كتبت بواسطة مسافر عبر البرارى

الحقوا يا جدعان
اللى بيوجة الشباب للثورة دية يوم 9_9 واحد اسمة عمر عفيفى وكمان اية عايش برة مصر
والنبى دة كلام يا اخوانا والناس اللى عمالة تسمع كلامة اين العقول يا شباب مصر

اخي مسافر عبر البراري ممكن اسالك ايه السبب انك دايما مبتظهرش الا في المواضيع الي تتعلق بالثوار و6 ابريل والحجات دي؟؟
بلاش نظام التخوين لكل حد ده, انا ممكن اعترض معاك في رايك لكن ما ينفعش اقولك انت مش وطني وانت خاين والكلام ده!!, يعني انا دولقتي ممكن اشك انك من فلول النظام السابق وانك كنت من الحزب الوطني المنحل, بحكم انك دايما ضد المظاهرات والثوار, اكيد هتدايق من كلامي صح؟؟ فا ياريت الي منقبلهوش على نفسنا منتهمش الغير بيه
وعمر عافيفي حسب ما اسمع عنه دا صاحب كتاب "عشان متنضربش على قفاك" وراجل كان بيدافع عن حقوق المواطن, ومش معنى انه عايش بره يبقى وحش!! ما يمكن لانه شخص نضيف مطرود بره البلد حاله كا حال كتير من المشايخ والسياسيين المحترمين وغيرهم, ولو انت تعرف عنه حاجه غير كده باثباتات ياريت تقولنا
وموضوع نظرية المؤامره والتخوين والاتهامات على الفاضي والمليان دا بقى بايخ قوي يا جماعه والله

[gamopt80]

اكسلنس باشا انا لسه عارف منك وبدور في النت علشان نفهم ايه الموضوع
ويارب تكون لهدف كويس

[kiko_2015]

والله يا اكسلنس كل المعلومات اللي اقدر اقولهالك
اني نازل يوم 9 ان شاء الله (:

لهذه الاسباب :

1- انا مش حاسس بامان..لا انا ..ولا بيتي..برغم ان معايا سلاح و اقدر ادافع عن نفسي

2-الشرطه ما زالت لا تحترم المواطن المصري العادي

3-وعدنا الجيش بحكم مصر 6 شهور ثم تسليم السلطه بعد انتخابات نزيهه..فاين نحن الان!! في حكم العسكر

4-استشهد ابناؤنا علي الحدود مع العدو...ولا زلنا نصمت كايام الخنزير مبارك..و يتم التعتيم علي دماء شهداؤنا..بل و نبني لهم جدار عازل اما سفارتهم. (ياريتني طلعت تركي)

5-المجلس الموقر بيجرم الاعتصامات..يعني تعتصم تلبس تهمه ( في شرع مين؟؟)

6-ابناء الخنزير مبارك يصولون و يجولون و يشاغبون و يعتدون علي اهالي الشهداء !!! و من يتكلم ؟؟

7-تتم المحاكمات العسكريه لبعض المدنيين بتهمة اهانة الجيش!!! تعظيم سلام يا عم الحاج..بينما محاكمات مدنيه لقتلة الشهداء !!!

[ahmadkader]

بصوا يا جماعة خلينا عمليين شوية و محايدين ، خللى اللى متضرر من شئ يثور عليه ، يعنى اللى ليه مظلمة معينة ، حد ضايقه فى حاجة ، حد داسله على طرف ، حد من الجيش أضر بمصالحه بشكل مباشر أو أهانه فى يوم من الأيام ، خليه يثور عليهم و يطالبهم بشكل سلمى بإنهم يرجعوا عن الظلم ده ، إنما يطلع بقى ناس قابضة فلوس من جهات أجنبية و قاعدين طول النهار فى مكاتب مكيفة و شغلتهم هى التصريحات الإعلامية و المؤتمرات الحزبية اللى مش وراها غير مصالحهم هما الشخصية ، و ناس بترتدى عباءة الوطنية و الشعارات الرنانة التى لا تحمل وراءها إلا أغراض مادية فهذا هو غير المقبول جملة و تفصيلاً. أنا لا مع هذا و لا ذاك ، أنا مع العقل و لغة الحوار المباشر بدون لف أو دوران ، نحن نحتاج كأى دولة عاقلة إلى عقول تضع لنا خطة و إلى من ينفذون هذه الخطة و إلى وقت كى تنفذ فيه هذه الخطة ، أما أن نترك السفينة تتخبط بنا فى كل إتجاه فهذا غير مقبول بالمرة

[gamopt80]

المشاركة الأصلية كتبت بواسطة ahmadkader

بصوا يا جماعة خلينا عمليين شوية و محايدين ، خللى اللى متضرر من شئ يثور عليه ، يعنى اللى ليه مظلمة معينة ، حد ضايقه فى حاجة ، حد داسله على طرف ، حد من الجيش أضر بمصالحه بشكل مباشر أو أهانه فى يوم من الأيام ، خليه يثور عليهم و يطالبهم بشكل سلمى بإنهم يرجعوا عن الظلم ده ، إنما يطلع بقى ناس قابضة فلوس من جهات أجنبية و قاعدين طول النهار فى مكاتب مكيفة و شغلتهم هى التصريحات الإعلامية و المؤتمرات الحزبية اللى مش وراها غير مصالحهم هما الشخصية ، و ناس بترتدى عباءة الوطنية و الشعارات الرنانة التى لا تحمل وراءها إلا أغراض مادية فهذا هو غير المقبول جملة و تفصيلاً. أنا لا مع هذا و لا ذاك ، أنا مع العقل و لغة الحوار المباشر بدون لف أو دوران ، نحن نحتاج كأى دولة عاقلة إلى عقول تضع لنا خطة و إلى من ينفذون هذه الخطة و إلى وقت كى تنفذ فيه هذه الخطة ، أما أن نترك السفينة تتخبط بنا فى كل إتجاه فهذا غير مقبول بالمرة

بص اخي احمد هو مش الصحيح انك تقول انا ومصلحتي وبس وطول ما انا بخير تولع الناس, دا تفكير اناني واوعى تزعل من كلامي
بس الفكره ان في حجات فعلا كتير لسه مش صح في البلد, وطول ما الثوره بتكون في ميدان وبدون تعطيل لاشغال الناس فا من حق اي حد يشارك فيها ويدافع عن حقوق البلد وحقوق الناس حتى لو هو مش متضرر لان المسلم يحب لاخيه كما يحب لنفسه

انا عن نفسي لسه لما اعرف ايه الاهداف وايه المطالب واحس انها فعلا تستاهل هنزل واشارك
والحجات ايل قالها ابو سيف بتحصل فعلا واعتقد انها كافيه كا مطالب

[sayedlabib]

المشاركة الأصلية كتبت بواسطة kiko_2015

والله يا اكسلنس كل المعلومات اللي اقدر اقولهالك
اني نازل يوم 9 ان شاء الله (:

لهذه الاسباب :

1- انا مش حاسس بامان..لا انا ..ولا بيتي..برغم ان معايا سلاح و اقدر ادافع عن نفسي

2-الشرطه ما زالت لا تحترم المواطن المصري العادي

3-وعدنا الجيش بحكم مصر 6 شهور ثم تسليم السلطه بعد انتخابات نزيهه..فاين نحن الان!! في حكم العسكر

4-استشهد ابناؤنا علي الحدود مع العدو...ولا زلنا نصمت كايام الخنزير مبارك..و يتم التعتيم علي دماء شهداؤنا..بل و نبني لهم جدار عازل اما سفارتهم. (ياريتني طلعت تركي)

5-المجلس الموقر بيجرم الاعتصامات..يعني تعتصم تلبس تهمه ( في شرع مين؟؟)

6-ابناء الخنزير مبارك يصولون و يجولون و يشاغبون و يعتدون علي اهالي الشهداء !!! و من يتكلم ؟؟

7-تتم المحاكمات العسكريه لبعض المدنيين بتهمة اهانة الجيش!!! تعظيم سلام يا عم الحاج..بينما محاكمات مدنيه لقتلة الشهداء !!!

كل ده مظبوط بس انا بصراحه مش عارف اتصرف ازاى انزل واثور ولا اصبر واستنى انا بحب البلد جدا ومش من طبعى انى اضر حد فمش عارف هل نزولى ضرر ولا عدم نزولى هو الضرر والله تعبت جدا من التفكير

[ahmedmh_ali]

مصر راحت تصيف و حتتأخر شوية ..

[mman2005]

يا جماعة أنا قريت موضوع أسمه مصر هتولع يوم 9/9 الكلام فعلاً مخيف وبيحرض الناس أنها تستخدم الأسلحة فى مواجهة الجيش وخوض حرب شوارع على غرار ليبيا، القصة أن عايزين مصر تولع وتدخل فى حرب أهلية وربنا يستر.

[gamopt80]

المشاركة الأصلية كتبت بواسطة mman2005

يا جماعة أنا قريت موضوع أسمه مصر هتولع يوم 9/9 الكلام فعلاً مخيف وبيحرض الناس أنها تستخدم الأسلحة فى مواجهة الجيش وخوض حرب شوارع على غرار ليبيا، القصة أن عايزين مصر تولع وتدخل فى حرب أهلية وربنا يستر.

لا طبعا الي يفكر يعمل كده هنقفله ومش هنسكتله

[mman2005]

المشاركة الأصلية كتبت بواسطة gamopt80

لا طبعا الي يفكر يعمل كده هنقفله ومش هنسكلته

علشان كده المفروض مفيش أى حد ينزل يوم 9/9 عمر عفيفى ده بيحرض على إقتحام وزارة الدفاع والوحدات العسكرية، تخيل بقى لما تقتحم هذه المقرات، يبقى سلملى على الأمن القومى المصرى، وإسرائيل تدخل مستريحة سينا من غير ما ينضرب عليها طلقة بلى واحدة.

[gamopt80]

المشاركة الأصلية كتبت بواسطة mman2005

علشان كده المفروض مفيش أى حد ينزل يوم 9/9 عمر عفيفى ده بيحرض على إقتحام وزارة الدفاع والوحدات العسكرية، تخيل بقى لما تقتحم هذه المقرات، يبقى سلملى على الأمن القومى المصرى، وإسرائيل تدخل مستريحة سينا من غير ما ينضرب عليها طلقة بلى واحدة.

والله الواحد احتار , بس هل فعلا هو قال كده؟ لان انت عارف احنا احسن ناس نحور الكلام

[loot-ait]

a7nah fe zaman ael nafkh.....hahahaha dah anah atfa23et mararty kol shewaya ael sawrah betde3 ael sawrah betde3..........................anah bade3 ya wade3......hahahaha.kol malbalad tebda2 tehda2 tela2y a7'wanah 3alah ael face book we ael montadyat ael a7nah bardoh 7afzenhom we ael homa malhomsh 3'er made3 mankolah we ba2y ael mawde3 ta7ya ael sawrah ael gesh abn ael teet ael magles ael 3askary mesh 3aref aeh 7'alas ael mawdo3 ba2ah mafdoooooooooo777 mo7akma ael nas betet7akem we 3alany kaman we lel3elm ael nas deh law tel3et bara2ah 7ayb2ah besabab ael moda3en bel 7a2 ael madany ael fakren nafshom fe tabor 3esh we 7atly begneh wenaby kaman 7'amsah 7aga mas7'arah.....masr aensha2 allahy be7'er we rabenah 7ay7rosha men ael nas ael 3'er mas2olah deh ael 3azaha 7'araba we teshba3 feha latm

[مسافر عبر البرارى]

انا عايز اعرف حااجة
يا gamopt80 يعنى اية انتا بتقولى انى من فلول الحزب الوطنى وانى بتكلم فى السياسية وبعدين ترجع تقولى ان الكلام دة ممكن يزعلنى يا اخى انتا مالك ومالى ومالك سخنت اوى كدة لما جبت سيرة عمر عفيفى
انا لا حزب وطنى ولا سياسية ولا لية اى علاقة باى اى احزاب نهائيا
اناو احد خايف على مصر وشايف ان عمرعفيفى دة بيحرض الناس لاقتحام وزارة الدفاع وشايف ان الجيش دة جيش عظيم ولولاة مكنتش الثورة نجحت ولا كنت انتا موجود دلوقتى ولا انا ولا اى حد لا نببساطة لولا الجيش كانوا البلطجية خلصوا على الشعب كلة
ودة راى ان الجمعة الجاية دية جمعة الدمار ومحدش يسمع كلام الناس اللى عايزة تروح هناك ولا حد ينزل اساسا

[مسافر عبر البرارى]

وكمان انا لاحظت حاجة غريبة
لما فية واحد من شوية بيقول ان لو حصل حاجة يوم الجمعة البلد كلها هتخرب شايفك رديت علية بتقولة انكم مش هتسكتولة وهتقفلوة
وانتا لسة مش عارف ان الجمعة الجاية جمعة دمار وخراب للبلد اية يعم انتا من المريخ ولا اية يا gamopt80

[loot-ait]

ya gama3ah aensha2 allah mesh 7aye7sal 7aga ael gom3ah ael gaya aensha2 allah

[loot-ait]

rabenah yedrab ael zalemen belzalemen we ye7'reghom menhom salemen

[gamopt80]

المشاركة الأصلية كتبت بواسطة مسافر عبر البرارى

وكمان انا لاحظت حاجة غريبة
لما فية واحد من شوية بيقول ان لو حصل حاجة يوم الجمعة البلد كلها هتخرب شايفك رديت علية بتقولة انكم مش هتسكتولة وهتقفلوة
وانتا لسة مش عارف ان الجمعة الجاية جمعة دمار وخراب للبلد اية يعم انتا من المريخ ولا اية يا gamopt80

كالعاده اسلوبك سيء , وكل ما احد يوجهلك كلام يبدا مسلسل التخوين والمؤامره الي انت عايش فيه
ومين قال ان انا تبع اي حزب ولا نيله, انا بكلمك في نقطة التخوين وبحاول اوضحلك انه مينفعش كل واحد يخون في التاني ويتهمه بانه عميل وانه عايز يخرب البلد...الخ لكن مفيش فايده في اسلوبك
وبعدين ما يولع عمر عافيفي انت خلتني تابع ليه في ثواني والله امرك غريب!!!
انا مش عارف انت بتقرأ كلامي من الاساس لو ركزت هتفهم انا قصدي ايه

[مسافر عبر البرارى]

يا حبيبى فى الله gamopt80 انا مش بخون حد ولا بتهم حد ولا اساسا قصدى انك تبع عمر عفيفى ولا حاجة انتا شاب مصرى غلبان زى حالتنا
بس انا بتكلم على ان البلد لو حصل فيها اى حاجة من انقلاب على الجيش او زى ما بيقولوا انهم هيحتلوا الجيش
يبقى مصر ضاعت خلاص وشايف ان محدش يسمع كلام اى حد يقول انزلوا يوم الجمعة

[gamopt80]

المشاركة الأصلية كتبت بواسطة مسافر عبر البرارى

يا حبيبى فى الله gamopt80 انا مش بخون حد ولا بتهم حد ولا اساسا قصدى انك تبع عمر عفيفى ولا حاجة انتا شاب مصرى غلبان زى حالتنا
بس انا بتكلم على ان البلد لو حصل فيها اى حاجة من انقلاب على الجيش او زى ما بيقولوا انهم هيحتلوا الجيش
يبقى مصر ضاعت خلاص وشايف ان محدش يسمع كلام اى حد يقول انزلوا يوم الجمعة

ماشي تمام انت خايف على البلد وكلنا خايفين على البلد
بس اكيد اغلبية الي نازلين يوم الجمعه مش نازلين يخربوها اكيد في مطالب كتير متحققتش نازلين يطالبوا بيها
والناس الكويسه الي هتنزل هي الي هتقدر تمنع الي ليه اهداف تخريب او غيره
تخيل لو كل واحد محترم قالك مش هنزل وسبنا البلطجيه والي عايزين يولعوا فيها ينزلوا لوحدهم هيعملوا الي عايزينه هيبقى ايه الوضع وقتها؟
الكويس هيمنع الوحش , ياريت كل الناس تنزل بكره على الاقل نضمن ان الاغلبيه هيمنعوا الاقليه
ومستحيل حد مصري وطني واحد هيقوله احنا نازلين نولع فيها يوم الجمعه هيقوله اوكي وانا معاكم!! اكيد 90% من الي نازلين نازلين علشان مطالب محترمه


وارجوك وابوس راسك يا سيدي حاول تفرق بين ان واحد بيناقشك بكل احترام حتى لو كان مختلف معاك وبين واحد بيشتمك مثلا
وكلامي والله مش تقليل منك ابدا, بس احنا فعلا عندنا مشكله في الحوار والنقاش وتقبل الرأي الآخر بسبب الي كنا عايشين فيه قبل كده, وبنفكر ان اي واحد مختلف معانا في الرأي هو عدو لينا!!
تابع الموضوع ده وانت تفهم قصدي وكلنا بنتعلم http://www.egypthunt.net/showthread.php?t=14736

[elexlns1]

حيبى مسافر انت متعرفش جامو وجامو جدع جدا وانت كمان جدع بس ساعات بنحس من ردودك انك ضد الثورة


عموما عمر عفيفى شريف ونضيف وقصته مش كل الناس عارفاها

ابحث عن قصته الحقيقية وليست الملفقة من امن الدولة

شاهد حلقته مع وائل الابراشى مسجلة من امريكا

[مسافر عبر البرارى]

يا gamopt80 انتا مسمعتش ان الكلام كلة انهم هيتحركوا فى شكل مجموعات لاحتلال مبانى الاذاعة والتليفزيون والاستيلاء على مدرعات الجيش والاستيلاء على مبنى الداخلية
يبقى ازاى بقة هتكون سلمية
ياريت طبعا ان اللى هينزل يكون شريف ويمنع الناس اللى رايحة تخرب من انها تخرب اتمنى ذلك وكلنا نتمنى ذلك وتعدى الجمعة دية على خير عايزين الاستقرار بقة والامن يرجع تانى ويبقى فى هدوء كدة فى البلد الله على الشعور دة لما يتحقق خلى الواحد بقة نفسة تتفتح للشغل والانتاج

[loot-ait]

ba2olak aeh ya3am exelance wa7d bey2ol anoh kewayes may3odsh yetkalem be2let adab we shtemah hoa aeh mafesh rebaya walah aeh??!! we ba3den 7atet sortoh fe profile el facebook ka2noh bostar masr7eya hoa aeh ya3ny 7'alas a7nah belsazagah deh
tab leh hoa a3ed fe amrica le7ad delwa2ty manzelsh leh ya3ny walah 7ayenzal lamah teb2ah 3amlah zay ael 3era2 we yegy yemsek ay manseb amricah ael tedholo?!

[smsmn8888]

بصراحة حاجة تقرففففففففففففففف
البلد بتقع علي الاخر كام واحد مرتبة نزل كام شركة اعلنت افلاسها كام مصنع سرح العمال وقفل بصراحة كفايةةةةةةةةةةة عايزين نعيشششش
انا عارف ان في استعباط في المحاكمات وفي كلام مينفعش نقولة هنا بس كفاية برضو المهم نشوف النهاية البلد بتولع ربنا يسامحكووووووووو

[gamopt80]

المشاركة الأصلية كتبت بواسطة مسافر عبر البرارى

يا gamopt80 انتا مسمعتش ان الكلام كلة انهم هيتحركوا فى شكل مجموعات لاحتلال مبانى الاذاعة والتليفزيون والاستيلاء على مدرعات الجيش والاستيلاء على مبنى الداخلية
يبقى ازاى بقة هتكون سلمية
ياريت طبعا ان اللى هينزل يكون شريف ويمنع الناس اللى رايحة تخرب من انها تخرب اتمنى ذلك وكلنا نتمنى ذلك وتعدى الجمعة دية على خير عايزين الاستقرار بقة والامن يرجع تانى ويبقى فى هدوء كدة فى البلد الله على الشعور دة لما يتحقق خلى الواحد بقة نفسة تتفتح للشغل والانتاج

لو افترضنا ان الكلام ده كله صحيح, طيب ايه الحل؟ هنعد في البيوت ونسبهم؟
ولا ننزل ونحكم بنفسنا ونشوف ايه ايل بيحصل والي تصرفاته غلط نمنعه؟
يبقى لو منعنا الناس من انها تنزل هنسيبها تولع فعلا, لا احنا نقول للناس انزلوا وخلوا بالكم في كذا وكذا ونفهمهم

[gamopt80]

المشاركة الأصلية كتبت بواسطة smsmn8888

بصراحة حاجة تقرففففففففففففففف
البلد بتقع علي الاخر كام واحد مرتبة نزل كام شركة اعلنت افلاسها كام مصنع سرح العمال وقفل بصراحة كفايةةةةةةةةةةة عايزين نعيشششش
انا عارف ان في استعباط في المحاكمات وفي كلام مينفعش نقولة هنا بس كفاية برضو المهم نشوف النهاية البلد بتولع ربنا يسامحكووووووووو

على فكره اي قلق بيحصل في البلد كلنا بنتضرر , انا لي قرايبي شغالين في السياحه اتخرب بيتهم
بس هنعمل ايه هو الاستهبال من الطرفين, من الحكومة ومن فئه من الشعب
ولازم احنا نبقى في النص نوزن الامور

[مسافر عبر البرارى]

بص يا gamopt80 انا شايف ان فى النزول خطر لية بقة
لان اولا لو حد حاول انة يمنع المخربين من حاجة هما ناويين يعملوها هيضربوة وممكن يموت فيها
ثانيا انا قريت البيان اللى اصدرة الجيش وقال فية ان اى محاولة للاعتداء على موسسات الدولة من داخلية او تلفزيون او الاعتداء على وحدات القوات المسلحة هيكون الرد عنيف وقوى وطبعا سعتها الجيش مش هيفرق من الكويس والوحش والحابل هيتاخد بالنابل فانا لية راى
ان نسيب المخربين واللى عايزين يولعها ينزلوا علشان هما اللى ياخدوا عقابهم

[أميجو]

المشاركة الأصلية كتبت بواسطة elexlns1

انا كنت مش متابع لكن لقيت الترتيبات دى على النت
وبيقولوا ان ظباط جيش وشرطة هينضموا للشعب

وفى خطط وتشكيل لجان على الفيس بوك وغيرها

انا مش ضد اى حاجة تنجدنا من اللى احنا فيه

لأنى مقتنع ان الثورة بتضيع فعلا

حد عنده معلومات ؟؟؟؟

كل المعلومات المنتشره على النت أغلبها غير صحيح ومأخوذ عن الضابط السابق الهارب / عمر عفيفى وراجع البيان رقم 74 للقوات المسلحة على الفيس بوك واضح من صياغته ان هناك تحريض على التخريب وربنا يستر

[gamopt80]

المشاركة الأصلية كتبت بواسطة مسافر عبر البرارى

بص يا gamopt80 انا شايف ان فى النزول خطر لية بقة
لان اولا لو حد حاول انة يمنع المخربين من حاجة هما ناويين يعملوها هيضربوة وممكن يموت فيها
ثانيا انا قريت البيان اللى اصدرة الجيش وقال فية ان اى محاولة للاعتداء على موسسات الدولة من داخلية او تلفزيون او الاعتداء على وحدات القوات المسلحة هيكون الرد عنيف وقوى وطبعا سعتها الجيش مش هيفرق من الكويس والوحش والحابل هيتاخد بالنابل فانا لية راى
ان نسيب المخربين واللى عايزين يولعها ينزلوا علشان هما اللى ياخدوا عقابهم

ممكن تكون وجهة نظرك صحيحه
عامتا احنا هنشوف يوم الجمعه ايه الي هيحصل, وربنا يستر ويخيب ظننا

[loot-ait]

aensha2 allah rabnah ya7'3al kaydehem fe n7orhem

[مسافر عبر البرارى]

طيب سيبك انتا يا gamopt80 من اى حاجة
انا عندى معرفة الناس كنوز ومش عايز حد يزعل منى واولهم انتا
فصافية لبن يا gamopt80

[gamopt80]

المشاركة الأصلية كتبت بواسطة loot-ait

aensha2 allah rabnah ya7'3al kaydehem fe n7orhem

اللهم آمين
---------------
من كتر ما بعاني في قراية كلامك ببقى نفسي اجيبلك هدية كيبورد عربي واوصلهولك لحد البيت كمان ^_^

[gamopt80]

المشاركة الأصلية كتبت بواسطة مسافر عبر البرارى

طيب سيبك انتا يا gamopt80 من اى حاجة
انا عندى معرفة الناس كنوز ومش عايز حد يزعل منى واولهم انتا
فصافية لبن يا gamopt80

ماهو صافي اساسا مين قال اني زعلان منك
انا بس بشوف فيك تدين وانك انسان طيب , فا بدايق لما بشوفك دايما بتتهم الناس لمجرد انه مخالف لرأيك بحاول اوضحلك انه مش عيب لو حاولت تتناقش مع الناس من غير زعل ^ ^
والموضوع مش مستاهل نزعل من حد احنا قاعدين ورى كمبيوترات بنتكلم وكلامنا في الهواء والي ربنا مقدره هيكون

[صقر ابوحسانين]

اخوانى الاعضاء بلاش دى هتكون نسخه من ليبيا والشعب هياكل بعضه وهتموت ملايين فبلاش وخلينا صابرين للنهايه اما نشوف الخيط الابيض من الخيط الاسود والثوره موش بتضيع ولا حاجه طلما الرجاله لسه بتتنفس وتسعى على الارض ده هيكون يعنى تحذير لااكثر مع اننا لا نحبذ ذلك ..... ولكن الحذر من الفلول واعضاء الوطنى السابقين ورجال الاعمال والطبقات المستفيده من النظام البائد ولا حول ولا قوة الا بالله ......

[smsmn8888]

هماا عايزين اههه بالضبط بس سواللل

[ahmedalim]

المشاركة الأصلية كتبت بواسطة smsmn8888

هماا عايزين اههه بالضبط بس سواللل

عوزين يولعوها بس مش اكتر عاوزين يعملوها زاى لبيا بس مش اكتر عاوزين يقسموها زاى السودان بس مش اكتر عاوزين يعملو فاتن زاى لبنان بس مش اكتر

[AHMED IS MAHMOUD]

1 الغاء المحاكمات العسكريه للمدنين
2 تفعيل الرقابة على السلع وغلاء الاسعار
3 تعديل قانون انتخابات مجلس الشعب
... 4 تفعيل الحد الاقصى للأجور وربطه بالحد الادنى
5 تطهير الشرطة و عودتها بكامل قوتها
6 وضع جدول زمنى لتسليم السلطة الى سلطة منتخبه
7- تطهير القضاء المصري واستقلاله
هذه هى المطالب الشرعية للشعب المصرى العظيم الذى صنع ثوره ضحى من اجلها مئات الشباب المصريين وعلى المجلس العسكرى بصفته الحاكم بتنفيذ تلك المطالب بشكل فورى ...................والله الموفق

منقول من احدى الصفحات فى الفيسبوك

[مسافر عبر البرارى]

عايزين يخربوها ويقعدوا على تلها صعبانين عليهم ان مصر لغايت دلوقتى ماسكة نفسها ومبقتش زى باقى الدول المنكوبة

[مسافر عبر البرارى]

على فكرة يجماعة احنا ممكن نخلى ميبقاش فية جمعة اسمها تصحيح مسار ولا حاجة
يعنى مثلا كل واحد يقول لصاحبة وصاحبة يقول لابوة وابوة يقول لزميلة فى الشغل ان مفيش داعى ابدا لجمعة تصحيح المسار علشان كفاية لحد كدة وبلاش نمس المجلس العسكرى باى سوء ونفسنا بقة مصر ترجع تكون مستقرة ويرجع الامن والامان للناس من تانى وطبعا لما كلامنا دة هنقولة لبعض ممكن يغير اوى فى الاحداث يعنى انا عايز اءقول ان احنا نقول لمعارفنا واصدقاءنا والكل يبلغ اصحابة ومعارفة وكدة ان احنا يهمنا فى الوقت الحالى الشغل والانتاج والاستقرار

[غريب عن الدنيا]

انا مش مع القعدة فى البيوت وعدم النزول لالالالالا طبعا
انزل وخهليك شاهد ولو لقيت اى تجاوز من طرف المتظاهرين اللى ناويين علي شر فعلا احمى المبانى والمنشأت اقف جنب الجيش معنى كلامى انك مش تضرب لالالالا احمىىىىىىىىى يعنى لا تضرب ولا تسمح لحد يضربك الاناشيد الوطنية والتجمع والاسلوب الحضاري هيخلي معظم الناس اللى نازلة وهى مش فاهمة اية هيحصل تفهم ان فية حاجه غلط



كمان الناس بتسال الشرطة فين بمنتهى البساطة الشرطة نزلت اماكن كتيرة حصل مشاكل الناس هاجت عليهم وحصلت كوارث الشركة تنسحب

مش كل الشرطة فاسدة ومش كلها كويسة نفس الكلام فى الجيش نفس الكلام فى المتظاهرين دطبعا بتكلم عن 6 ابريل وغيرهم


ومصر مش مستحملة انفلات امنى تانى والمرة دى نازلين ومش ناويين علي الخير من اللى الواحد بيشوفة فى الجروبات + ناويين علي الجيش وصدقونى بجد الجيش طالع عين امهم انا كنت فى الجيش من سنتين ودلوقتى زمايلي فية بيحكوا لى حاجت وفية تجاوزات كتيييرة جدا بتحصل من المتظاهرين واستفزاز وكل دة بيحصل علشان الجيش يضر ب ويتدخل وقتها كلة هيتصور هيصور اية هيصور الاعتداءات علي المتظاهرين بس مش هيطلع التانى ولا هيطلع العربيات اللى بتتكسر بتاعه الاهالي ولا المحلات اللى بتسسرق زى ما حصل فى مبارة اللى من يومين عربيات خاصة كتيرة اتكسرت مين كسرها ؟

[YOSSEF EL MASRY]

لكي الله يامصر

[koktal]

أى واحد هيقرب من المبانى الحكوميه أو تابعه للقوات المسلحه هيتم التعامل معاه بكل عنف وشده .. وياريت اللى نازل يطالب برقبة مبارك .. عشان نخلص من الموال ده ..

[SMART141366]

يا اخوانى احنا هنا فى المنتدى بنمثل شريحة كبيرة من المجتمع المصرى الطالب والمحاسب والمهندس والتاجر والعامل من بحرى وقبلى وحاجات كثير وان لم تكن كل الشرائح فهى اغلبهم وواضح من مشاركاتنا ان محدش عندة ميول يكسر او يعتدى او يخرب او يستولى على معدات او خلافة يبقا الخوف من مين يعمل الحاجات دى ؟؟؟؟ اذا كان اغلب طوائف الشعب الحمد للة واعية ممثلة فى النموذج المصغر للمنتدى واعضاءة واذا كان فى مجموعة مرتزقة فأكيد اعدادهم قليلة نسبيا لو حاولت تقود لتخريب او تدمير اكيد الناس هتوقفها المليونيات وثورة يناير كانت بتقاد لاعتصام لمسيرة سلمية وعنف فى اوقات قليلة مع شرطة ظالمة فاسدة ابتدت بالعنف لكن لو حد كان وقتها حاول يواجة الجيش او يحرق منشأت حيوية او يدمر مصر مكنش حد هيبقا معاة وكلنا هنقفلة عشان كدة نطمن لكن المهم نوصل رسالة للنظام الفاسد المتوغل فى مصر ان وقت الفساد انتهى وكفاية ظلم من الداخلية لان فسادها مستمر وسياستها واحدة لحد اللحظة الى بكلمكم فيها دلوقتى

[احمد قبيصى احمد]

انا فى رايى انه تم تجميييد الثوره وتم تروييض الشعب على حساب كلمه ( لقمه العيش وعايزين نشوف حالنا بقه ) وتم تقسيم السياسين الى شيع ( كل واحد فرحان باللى معاه ) على حساب مصلحه البلد


فهى ياما ثووره ولم تكتمل بعد ويبقى قدامها لسه كتييييييييير
ياما هى قامت وخلصت من زمااان وخلصت يوم 11-فبراير يوم التنحى

[نور المسلم]

المشاركة الأصلية كتبت بواسطة mman2005

علشان كده المفروض مفيش أى حد ينزل يوم 9/9 عمر عفيفى ده بيحرض على إقتحام وزارة الدفاع والوحدات العسكرية، تخيل بقى لما تقتحم هذه المقرات، يبقى سلملى على الأمن القومى المصرى، وإسرائيل تدخل مستريحة سينا من غير ما ينضرب عليها طلقة بلى واحدة.

عشرة علي عشرة كلامك ده ده ولا حتة صاروخ من ابو بريزة ربنا يسترعلي بلدنا

[ahmedmh_ali]

لا تعليق .. ( كالعادة رجع الأنقسام من اول و جديد زى يوم 25 )

[loot-ait]

ما ده الى القنوات الخاصة و برامج التوكشو عملتوا عماله تشحن و تشتم فى الناس و تسخن ده على ده و الشعب المصرى 99% منه قاعد مبحلق فى التلفزيون و عمال يشحن و لا كأننا مكناش عايشين قبل 25 يناير ايه يا جدعان الناس ديه كلها كانت موجوده قبل 25 يناير و كانت بترأى و بتكذب و عايشه حياتها و كلهم من اغنى اغنياء مصر دلوقتى بيشوفوا ايه الى يجيب فلوس و بيعملوه و يجبلك و احد يقعد يقول انا ابنى حمؤؤا كل العيال فى الشارع بتحبوا و الشرطة بنت التيييت قتلتوا ابنى شهيد ايه يا بشر شغلوا دماغكوا شويه كده حتعرفوا ان 3/4 الى بيتقال افلام هندى و تسخين فى الناس و الناس تنزل اشغالها مهمومه و تركب المواصلات تلاقى و احد معاه جرنان و الناس كلها ضربه غوطس معاه و كله عمال يتشحن معلش يا جماعة اعذرونى فى التشبيه الى حقولى ده"هو الموضوع كأنوا صندوق زبالة بقالوه سنين مليان زبالة و حدش شالها و كانت عمالى تزيد وهووب و احد راح مدى الصندوق ده بالرجل...وقابل بقه يا عم صراصير هنا....فران بتجرى هناك....وريحه اجارك الله"...حنقول ايه ربنا يرحمنا برحمتوا

[ahmadkader]

المشاركة الأصلية كتبت بواسطة smsmn8888

بصراحة حاجة تقرففففففففففففففف
البلد بتقع علي الاخر كام واحد مرتبة نزل كام شركة اعلنت افلاسها كام مصنع سرح العمال وقفل بصراحة كفايةةةةةةةةةةة عايزين نعيشششش
انا عارف ان في استعباط في المحاكمات وفي كلام مينفعش نقولة هنا بس كفاية برضو المهم نشوف النهاية البلد بتولع ربنا يسامحكووووووووو

المشاركة الأصلية كتبت بواسطة gamopt80

على فكره اي قلق بيحصل في البلد كلنا بنتضرر , انا لي قرايبي شغالين في السياحه اتخرب بيتهم
بس هنعمل ايه هو الاستهبال من الطرفين, من الحكومة ومن فئه من الشعب
ولازم احنا نبقى في النص نوزن الامور

بصوا يا جماعة ، إنتوا جيبتوا كدا الخلاصة : حالة من التراخى و الإستعباط من القيادات ، و ده مش معناه إنهم خونة ، هو مين فى البلد دى مش بيستعبط ؟ مع إحترامى بقى .... ال 80 مليون كلهم بيستعبطوا : يعنى الفران اللى معندوش ضمير و اللا الموظف اللى بيشرب شاى و بيقزقز لب طول النهار ، مبيض المحارة اللى يديلك مليون معاد و يفرقعك ، الطبيب اللى بيبيعلك سلعة مش بيقدملك خدمة ، الطيار اللى بيتعامل مع الركاب على أساس جوازاتهم منين ، الميكانيكى اللى بيلصم العربية بجوانات كرتون ، الجناينى اللى بيسيب حنفية الجنينة شغالة ليل و نهار ، السواق اللى بيمشى عكسى ، التاجر اللى بيبيع الحاجة ب 4 أضعاف تمنها ، الجزار اللى بيبيع اللحمة المستوردة ف وسط البلدى ، المطاعم اللى بتشوى الفراخ الميتة ، الباحث اللى بيضرب بحث زميله ،،،،،،،، أكمل و اللا زهقتوا ؟؟؟؟؟ كل الشرايح دى و غيرها بيستهبلوا و اللا مبيستهبلوش ؟ و كام واحد بيعانى كل يوم من نتيجة إستهبالهم ؟
يا ريت نسيب الناس تشتغل بقى ،،،، هو المجلش العسكرى دول يا جماعة إيه ؟ بتتعاملوا معاهم على إنهم خونة ليه ؟ هما فى تاريخهم العسكرى و اللا حتى السياسى طول أكتر من 200 سنة ، من أيام حتى محمد على اللى مكانش فى الأصل مصرى ، من إمتى و الجيش المصرى خان ولاده بلده ؟ فوقوا ،،،، ولادنا و إخواتنا أولى بمساندتنا ليهم ، إفتكروا يا جماعة أيام اللجان الشعبية و سهرنا ف وسطيهم على المدرعات ، فاكرين و اللا ناسيين ؟ يا جدعان حرام بقى ،،، ده العسكرى المصرى فى موقف مش هنساه فى حياتى ، كانت كل المحلات قافلة تماما ، و مش لاقى حتة يقضى فيها حاجته و كان بيبقى مكسوف يطلب من حد مننا إنه يدخل عنده دورة المياه !! قارنوا الناس دى بقى بالناس اللى بتقتل فى أهلها و بيغتصبوهم فى سوريا و ليبيا و اليمن !!! هاااااه فيه مقارنة ؟؟؟
أرجوكم يا جماعة الهدووووء ، لغاية ما نعدى ل بر الأمان
أما بالنسبة للأخ اللى فى أول الموضوع اللى قال على تفكيرى أنانى و قاللى متزعلش ، أحب اقوله لأ أزعل طبعا ، و إزاى تتعامل مع قواتنا المسلحة بنفس المبدأ اللى بتتعامل بيه مع أعداءك !!! يعنى لو أخوك قصر معاك فى حاجة تتحاور معاه و اللا تضربه فى وسط الشارع ؟ ... الناس اللى نازلة دى بقى مش ناويين على خير ، إقرأ كلام البطل المغوار عمر عفيفى على صفحته بتاعة الفيسبوك و إنتا تتصدم
الرجاء يا جماعة أنا أطالبكم بالهدوء و ليس الصمت ، أطالبكم بالمطالبة بحقوقكم و ليس الجعجعة الفاضية و السلام ، أطالبكم بالموضوعية و ليس الجدال العقيم ، أطالبكم بالعمل على نهضة مصر مش خرابها المستعجل ، أطالبكم بقراءة التاريخ و ليست قراءة الجرائد اللة نصفها كدب ، أطالبكم تحبوا بعض نفس الحب اللى شوفته فى عيون الناس لبعضها يوم 28 يناير

[loot-ait]

للعلم يا سمسم باشا نا من الناس الى شغالة فى السياحة الى اتخرب بيتها و الله يا حماعة كل ما الامور يبدأتهدى و الأشغال هه يبدا يعلى سبحان الله الناس الى بتعمل المواضيع ديه يا حماعة و الله منشنين لما البلد تبدا هه تشتغل و تجيب فلوس يروحوا عاملين مليونية جمعة ثورة مش عارف ايه تروح الدنيا خربانا تانى و تخودلها بتاع 3 شهور عبال متبدا هه تشتغل تانى يوحوا عاملين تانى و لو تفتكر يا استاذ احمد حوارنا قبل كده يجى من 3 شهور لما كان قى 8 يوليو ثورة الغضب التانية و قولتلك على الى بيحصل اديه بيتكرر تانى

[سامح عاشور]

مع إني نزلت الجمع اللي فاتت بس مش هنزل المرة دي, حاسس إني في حاجة غلط.

إن شاء الله هعمل لجنة شعبية صغيرة على أول الشارع إن شاء الله لو لوحدي وربنا يستر.

[loot-ait]

انشاء الله مفيش حاجة حتحصل بأذن الله

[ابو علي]

والله لا أرى المسلمين اليوم إلا كما قال صلى الله عليه وسلم ...

.... بل أنتم يومئذ كثير ولكنكم غثاء كغثاء السيل ....

[ebrahem]

يسمع منك ربنا

[ebrahem]

المشاركة الأصلية كتبت بواسطة loot-ait

انشاء الله مفيش حاجة حتحصل بأذن الله

يسمع منك ربنا : آمنين اللهم آمين

[omarara]

فيه تهريج على الفيس بوك اننا نقتحم وزارة الدفاع ونتسلح وديه اسمها حماقة وخيانة وقلت ادب وانا ضدها بس انا نازل 9-9 ثورتنا سلمية ولا للإنقلابات العسكرية وعلى فكرة ديه إشاعات اصلاً موضوع ان فيه ظباط انشقوا والكلام ده

[raghd.b]

بصراحة كدة التيار الدينى هو التيار القادر على جمع الناس وهو التيار الاكثر تنظيما بين جميع القوى السياسية , وطالما اعلن انه لن يشارك فلن يكون هناك مليونية حقيقية وانما تجمع لا يرقى الى حجم الدعوات وكمان انا متاكد انه هيكون هناك نوع من عدم التنظيم والاضطراب ولو عدد الناس كان قليل ممكن يحصل استفزاز من قبل المتظاهرين تجاه الامن او الجيش لدفعهم للعنف وبالتالى نزول الناس للشارع . هذا رايى هناك من يختلف معه ومن يعترض عليه لكن المليونيات السابقة خير شاهد

[عراف]

السلام عليكم
هيحصل أنقلاب ؟؟ ماشى ........ و هينجح ؟؟؟ !!! ماشى طب مين اللى هيمسك البلد ساعتها ؟؟
أسأل نفسك و جاوب
ثورة المصريين على نظام مبارك حققت حاجات .... أكثرنا تفاؤلا لم يكن يحلم بها
1 الرئيس المصرى تم خلعه و يحاكم حاليا بعدة تهم كل تهمة أسخم من أختها
2 تم أيقاف نظام التوريث
3 تم بث رسالة من الشعب المصرى للرئيس القادم مفادها ( أحذر فأنت مراقب .. و الشعب قادر على التغيير )
4 فرملة مشاريع الفساد على مستوى الدولة بالكامل و المنحرف لو وقع هياخد عقابه ( بخلاف الوضع سابقا )
5 تم هز جهاز الشرطة بالكامل ........ و أعتقد أنها هزة كلنا كنا محتاجينها و صحية
لو الثورة لم تحقق غير السابق ذكره من نقاط ....... فيكفيها شرفا ما تقدم
يبقى أنا أنزل أتظاهر ليه ؟؟ و ضد مين ؟؟ !!! و أكون وقود حرب ليس لى ناقة فيها ولا جمل
طب أساهم فى حرب أهلية و خراب بلادى ليه ؟؟
واحد ها يقوللى الشرطة مش بتحترمنا و راجعة زى زمان
ها يقوللى مش لاقى شغل و مافيش عدالة أجتماعية
ها يقوللى ما فيش حاجة أتغيرت فى البلد
طب كل الكلام ده جميل ..... بس أنت متوقع نلاقى كل الحلول فى يوم وليلة مثلا ؟؟
يجب على كل مصرى غيور على بلده تفويت الفرصة على من يسعون للحكم بالقوة و نحن وقود معركتهم
يجب على كل مصرى غيور على وطنه عدم الأضرار بالشرطة بل و مساعدتهم فى مهمتهم الثقيلة لحفظ أمننا جميعا
للأسف الأعتداء على الشرطة أصبح تقليد وعرف سائد ....... و يغذى هذا الأتجاه من هم أساسا مستفيدون من الأنفلات الأمنى الذى نعانى جميعا من ويلاته
أرجوك فكر بعقل و لا تكون ترسا فى الخراب
أخيرا ....... أنا أنسان بسيط أطلب الحرية و الأمن و لقمة العيش الكريمة
تحياتى

[ahmadkader]

المشاركة الأصلية كتبت بواسطة عراف

أخيرا ....... أنا أنسان بسيط أطلب الحرية و الأمن و لقمة العيش الكريمة
تحياتى

يا راجل بقى كل الأفكار المتسلسلة و التحليل العلمى و الإستدلالات المنطقية دى كلها و تقول برضه على نفسك بسيط ؟ يا باشا يا ريت بس فيه 10 مليون إنسان بسيط زى حضرتك كدا و بنفس أسلوب تفكيرك ده

[mena]

انا معاك يا استاذ عراف

بس مع الاسف البلد من سىء لاسواء

و الحكومة ما بتعملش حاجة الا بضغط و مليونيات و لا مش فاكرين المحاكمات العلنية الى ما جتش الا بعد مليونية و حق الشهداء و و و و .....

اكيد الثورة بكرة سلمية ان شاء اللة

انا نازل علشان اقول انا معترض من علشان احارب و اتخانق

[sayedlabib]

يعنى باختصار خير الامور الوسط
انزل وعبر عن رأيك لكن لا تعطل مصالح الناس ولا تخرب اى ممتلكات عامة او خاصة ولا تنجرف الى سباب او هجوم غير مبرر يعنى كن عاقلا هذا كل ما فى الامر وببساطة

[marwan]

تحذير : في ناس هتلبس لبس جيش من ملابس الجيش اللي اتسرقت في الانفلات الامني و هينزلوا يوم ٩-٩ يحتكوا بالمتظهرين و عشان الحجات دي تتصور و يسخنوا الناس على الجيش يا ريت كلنا ننشر التحذير ده عشان كل الناس تعرف
أرقام تليفونات مهمة : المنطقة العسكرية : 16037 الشرطة العسكرية: 16039 الاستغاثة : 16137 - 16138
و يا ريت من الاخر محدش ينزل و ده رأيي الشخصى ... البلد مش ناقصة مليونيات ولا اعتصامات ... البلد محتاجة للعمل و الاخلاص و حب بعضنا لبعض
تامر
كلة ينشرها يا جمااااعة بليييييز

[hoka]

هههههههههههههههههههههههههههههه
ضحكتنى يا مروان
اولا الجيش مش هاينزل بدون سلاح
يعنى اقل حاجه عصايه الكتريك
ودول مش هايعرفو يجيبو الحاجات ديه
وزى ما اتقال ع الثوره واننا جواسيس بردو هايتقال كل حاجه علشان يفرقو الشعب
اصل اصلا يعنى مفيش ضرر لو الشعب اتوحد وطالب بالسلطه بانتخابات نزيهه او ع الاقل طالب بحقه فى محاكمه مدنيه للمدنيين
لكن كل الضرر اننا نتفرق ونخون بعض ونشتم بعض ع القنوات ولا اكننا قلنا هانتغير ونغير مصر
صح ولا ايه؟؟
ياريت اللى مش عاوز ينزل ينزل مش علشان حاجه علشان يمنع ان البلد تتقلب العن من اللى فات لان صدقونى ديه خدعه
اللهم بلغت اللهم فاشهد
سلام عليكم

[سامح عاشور]

المشاركة الأصلية كتبت بواسطة marwan

تحذير : في ناس هتلبس لبس جيش من ملابس الجيش اللي اتسرقت في الانفلات الامني و هينزلوا يوم ٩-٩ يحتكوا بالمتظهرين و عشان الحجات دي تتصور و يسخنوا الناس على الجيش يا ريت كلنا ننشر التحذير ده عشان كل الناس تعرف
أرقام تليفونات مهمة : المنطقة العسكرية : 16037 الشرطة العسكرية: 16039 الاستغاثة : 16137 - 16138
و يا ريت من الاخر محدش ينزل و ده رأيي الشخصى ... البلد مش ناقصة مليونيات ولا اعتصامات ... البلد محتاجة للعمل و الاخلاص و حب بعضنا لبعض
تامر
كلة ينشرها يا جمااااعة بليييييز

بدأت أهه

http://www.ikhwanonline.com/new/Arti...30&ArtID=90679

[عراف]

المشاركة الأصلية كتبت بواسطة ahmadkader

يا راجل بقى كل الأفكار المتسلسلة و التحليل العلمى و الإستدلالات المنطقية دى كلها و تقول برضه على نفسك بسيط ؟ يا باشا يا ريت بس فيه 10 مليون إنسان بسيط زى حضرتك كدا و بنفس أسلوب تفكيرك ده

اشكرك يا استاذ احمد ...... مشاركتك أسعدتنى بقدر ما أخجلتنى
و تبقى الحقيقة فعلا أنى أنسان بسيط مثل معظم الناس اللى ممكن تقابلها يوميا و ليس لى تطلعات سوى ما ذكرت سابفا

[عراف]

المشاركة الأصلية كتبت بواسطة mena

انا معاك يا استاذ عراف

بس مع الاسف البلد من سىء لاسواء

و الحكومة ما بتعملش حاجة الا بضغط و مليونيات و لا مش فاكرين المحاكمات العلنية الى ما جتش الا بعد مليونية و حق الشهداء و و و و .....

اكيد الثورة بكرة سلمية ان شاء اللة

انا نازل علشان اقول انا معترض من علشان احارب و اتخانق

أهلا بك أخى mena
طبعا أنا معاك أن البلد من سئ لأسوأ ..... لكن عارف ليه ؟؟ بينا مش بغيرنا
التغيير يحتاج أزمنة طويلة نسبيا ....... ستة شهور أو حتى سنة .... لا تعتبر زمنا فى دورة حياة الشعوب
عموما أنا كل قصدى أننا نفوت الفرصة الجمعة دى بالذات على دعاة الحرب الأهلية اللى مفيش حد فينا ولا حتى أكثرنا ثورية يتمنى أن نصل لها ....... طب ليه نديهم فرصة أنهم يزودوا أعدادهم بينا ؟؟
و زى ما حضرتك بتقول ( انا نازل علشان اقول انا معترض من علشان احارب و اتخانق )
ده شئ داخلى فى النية لا يعلم به ألا صاحبه ..... و عند تلاحق الأحداث لا قدر الله سيختلط الحابل بالنابل و لن يتم التفرقة بين المتظاهرين السلميين و قارعى طبول الحرب
نفوت الجمعة دى بالذات ...... و ياسيدى الجمع الجاية كتير
سواء نزلت غدا أو أمتنعت عن النزول ....... أرجو لك السلامة
تحياتى

[marwan]

المشاركة الأصلية كتبت بواسطة hoka

هههههههههههههههههههههههههههههه
ضحكتنى يا مروان
اولا الجيش مش هاينزل بدون سلاح
يعنى اقل حاجه عصايه الكتريك
ودول مش هايعرفو يجيبو الحاجات ديه
وزى ما اتقال ع الثوره واننا جواسيس بردو هايتقال كل حاجه علشان يفرقو الشعب
اصل اصلا يعنى مفيش ضرر لو الشعب اتوحد وطالب بالسلطه بانتخابات نزيهه او ع الاقل طالب بحقه فى محاكمه مدنيه للمدنيين
لكن كل الضرر اننا نتفرق ونخون بعض ونشتم بعض ع القنوات ولا اكننا قلنا هانتغير ونغير مصر
صح ولا ايه؟؟
ياريت اللى مش عاوز ينزل ينزل مش علشان حاجه علشان يمنع ان البلد تتقلب العن من اللى فات لان صدقونى ديه خدعه
اللهم بلغت اللهم فاشهد
سلام عليكم

ههههههههههه انا لقيتها علي الفيس بوك مكتوب انشرها نشرتها

[adel152]

المشاركة الأصلية كتبت بواسطة عراف

السلام عليكم
هيحصل أنقلاب ؟؟ ماشى ........ و هينجح ؟؟؟ !!! ماشى طب مين اللى هيمسك البلد ساعتها ؟؟
أسأل نفسك و جاوب
ثورة المصريين على نظام مبارك حققت حاجات .... أكثرنا تفاؤلا لم يكن يحلم بها
1 الرئيس المصرى تم خلعه و يحاكم حاليا بعدة تهم كل تهمة أسخم من أختها
2 تم أيقاف نظام التوريث
3 تم بث رسالة من الشعب المصرى للرئيس القادم مفادها ( أحذر فأنت مراقب .. و الشعب قادر على التغيير )
4 فرملة مشاريع الفساد على مستوى الدولة بالكامل و المنحرف لو وقع هياخد عقابه ( بخلاف الوضع سابقا )
5 تم هز جهاز الشرطة بالكامل ........ و أعتقد أنها هزة كلنا كنا محتاجينها و صحية
لو الثورة لم تحقق غير السابق ذكره من نقاط ....... فيكفيها شرفا ما تقدم
يبقى أنا أنزل أتظاهر ليه ؟؟ و ضد مين ؟؟ !!! و أكون وقود حرب ليس لى ناقة فيها ولا جمل
طب أساهم فى حرب أهلية و خراب بلادى ليه ؟؟
واحد ها يقوللى الشرطة مش بتحترمنا و راجعة زى زمان
ها يقوللى مش لاقى شغل و مافيش عدالة أجتماعية
ها يقوللى ما فيش حاجة أتغيرت فى البلد
طب كل الكلام ده جميل ..... بس أنت متوقع نلاقى كل الحلول فى يوم وليلة مثلا ؟؟
يجب على كل مصرى غيور على بلده تفويت الفرصة على من يسعون للحكم بالقوة و نحن وقود معركتهم
يجب على كل مصرى غيور على وطنه عدم الأضرار بالشرطة بل و مساعدتهم فى مهمتهم الثقيلة لحفظ أمننا جميعا
للأسف الأعتداء على الشرطة أصبح تقليد وعرف سائد ....... و يغذى هذا الأتجاه من هم أساسا مستفيدون من الأنفلات الأمنى الذى نعانى جميعا من ويلاته
أرجوك فكر بعقل و لا تكون ترسا فى الخراب
أخيرا ....... أنا أنسان بسيط أطلب الحرية و الأمن و لقمة العيش الكريمة
تحياتى

كلام محترم ولاينبع الا من شخصية محترمة.
جزاك الله كل خير. وربنا يستر على بلدنا من الفتن.
خالص احترامى وتقديرى لحضرتك.