إستفسار عن نوع طائر

[hanitarek]

الإخوة الصيادين , برجاء الإفادة عن نوع الطائر الموجود بالمرفقات , تم صيده فى مدينة الشروق و هو أكبر من الحمام و له أرجل طويلة نوعاَ ما , شوفته قبل كده فى المزارع بوادى النطرون.

ولكم جزيل الشكر

[ahmed tawfik]

السلام عليكم ورحمة اللة وبركاتة
هذا الطائر يسمى الطقطاق

[hanitarek]

شكراَ يا أستاذ أحمد , يا ريت تقولى هل هو بيتاكل و لا بلاش أصطاده تانى

[ابو مروان]

اسمة القطقاط ولو حضرتك بحثت عن الاسم دة هاتلاقى اكتر من نوع من القطقاط ودة بنسمية مجازا القطقاط المصرى انا ما ضربتوش قبل كدة والا اكلتة بس تقريبا فية ناس اكلتة

[مختار]

بالفعل اسمه القطقاط وبعض الناس بيطلقو عليه اسم (وج) وهو يؤكل

[msa_79]

اخي العزيز الطائر هو فعلا القطقاط ويطلق عليه في مصر الظفر وسمي بذلك لوجود ظارفين حادين جداا وقويين في منتصف كل جناح من جناحيه وهو علي حد علمي طائر جارح فهو يقوم بضرب فريسته بهذين الظفرين وقد شاهدته عدة مرات يطارد الحمام واليمام في الجو لذلك لم اطمئن إلي أكله خاصة وأن رائحته بشعه

[hanitarek]

ألف شكر للإفادة , لا ننحرم مروركم الكريم

[ابو مروان]

واللة القطقاط دة غلبنا معاة_ناس قالت بيتاكل وناس بتقول لا لانة جارح _اللة اعلم_بس انا باشوفة دايما فى الاراضى الزراعية وبيكون اكتر من واحد وما اعتقدش انة جارح

[hanitarek]

والله يا جماعة أنا اصتادته عند سور , كنت معدى عليه من 4 أيام كان مليان عن آخره حمام ماكانش فيه طائر القطقاط و اليوم اللى اصتطاد فيه القطقاط ما كانش فيه حمامة واحدة , و ده بيتهيألى يأكد كلام أستاذ msa - 79 .

الواحد ميصطادوش أسلم و أستغفر الله على صيده و دى آخر مرة أصطاد فيها حاجة معرفهاش , الحمام و اليمام أحسن.

وشكراَ لكم جميعاَ

[talha]

هو ده فعلا القطقاط

[محمود]

طائر الزقزاق البلدى وهو من الطيور المقيمة فى مصر وحلال اكله مع انه ياكل الحشرات

[محمود]

طائر الزقزاق البلدى وهو من الطيور المقيمة فى مصر وحلال اكله مع انه ياكل الحشرات

[صائد البوم]

اعتقد ان الطائر المحرم هو الي لديه مخلب فقط بغض النظر عما ياكل وبعدين الحشرات مش حرام اكلها في حشرات كتير بتتاكل وفي كمان حاجات معظمنا بياكلها وهي تنتمي للحشرات فاكل الحشرات مش حرام بس ممكن واحد يارف ياكلها وواحد عادي ذيها ذي اي اكل والمخلب بيكون في رجل الطائر من اعلي وبيكون واضح وغالبا بيكون هو الخامس والله اعلم

[chemist ahmed fathy]

المشاركة الأصلية كتبت بواسطة صائد البوم

اعتقد ان الطائر المحرم هو الي لديه مخلب فقط بغض النظر عما ياكل وبعدين الحشرات مش حرام اكلها في حشرات كتير بتتاكل وفي كمان حاجات معظمنا بياكلها وهي تنتمي للحشرات فاكل الحشرات مش حرام بس ممكن واحد يارف ياكلها وواحد عادي ذيها ذي اي اكل والمخلب بيكون في رجل الطائر من اعلي وبيكون واضح وغالبا بيكون هو الخامس والله اعلم

السلام عليكم
بص يا اخى موضوع الحشرات ده مهم جدا لان ربنا وحده هو الى واسع العلم بكل مخلوقاته فى الحياه باكلهم وشربهم واحنا مهما اوتينا من علم ففى الى اعلم مننا انا حبينلك ازاى موضوع اكل الحشرات دى مهم , فى سمكه عندنا فى الاسكندريه اسمها الارانب او القراض السمكه دى سممت ناس كتيره لما جم اكلو لحمها بسبب وجود سم فى مرارتها والمفروض المراره والكبد والكلى بيتشالو علشان السم ده المهم العلماء لما جم يدوروا على سبب سميه السمكه دى لقو انها بتتغذى على نوع معين من الطحالب الخضراء وهى سامه فالسمكه بتروح مخزنه السم فى مرارتها , فالله سبحانه وتعالى اعلم بما تاكله هذه الطيور من حشرات هل هى سامه ام غير سامه وهل لو سامه حد يضمن ان سمها ميتختزنش فى جسم الطائر الى بيكلها زى ما بيحصل فى سمكه القراض انا حبيت اوضح النقطه دى علشان الجميع وحضرتك يستفيدو بيها وميستهونوش بالحشرات الى بتاكلها انواع معينه من الطيور وارجو تقبل مرورى .

[صائد البوم]

الف شكر علي هذا التوضيح وانا كنت عايز اوضح انه بوجه عام مش لازم نحكم علي ان الحاجه الي تاكل حشرات فهي بيالضروره لا يصلح اكلها ثم ان بعض الطيور بتاكل الاسماك التي منها السام كما ذكرت وبالغم من ذلك بتكون اشهي الطيور وافضلها وبعدين في طيور ويمكن تكون بنربيها في بتنا البط البكيني مثلا بياكل الي يجي ادامه حبوب حشرات لحوم كله وبالرغم من كده الناس بتصطاد البط وبتاكل وفي بعض الول طبقها الشعبي هو الحشرات مثل تايلاند والصين ومعظم شرق اسيا.....(لكل قاعده شواذ فلا تبني فكره الا علي الاساس) شكرا وتقبلو مروري.

[chemist ahmed fathy]

طبعا لكل قاعده اختلافات بس البط والامور يا اخى الى بتقول عليها ليها ضوابط فى ديننا الحنيف هما يكلو حشرات زى ما هما عيزين لو ديننا حللنا اننا نكلوها مفيش مشكله لكن مش معنى انهم بيكلوها تبقى فيها فائده ليهم لان فى حجات كتيره الناس بره بتكلها زى القطط والكلاب والخنازير وعندهم عادى جدا اما ديننا منعها عننا لان ربنا سبحانه وتعالى عارف مضارها الصحيه علينا اما بخصوص قول حضرتك البط البكينى بياكل الى بيجى قدامه من حشرات فده مش طعامه الاساسى دى حشره او اتنين لو شفها اصلا قدامه بيكلها وجسمه بعد كده بيطهر من الاكل العادى الى بندهوله وبعدين فين يا اخى فى الله الطيور الى احنا بنكلها وبتاكل اسماك سامه اظن ان الطيور المائيه الى نعرفها معدوده على اصابع الايدى زى فرخه الغيط او ديك البوردى او طائر الرفراف ودى مصدرها السمكى معروف فاطمان يا اخى فى الله انا مبنتش كلامى الا على الاساس لو ده قصد حضرتك ارجو انك تكون فهمت مغزى كلامى وشكرا .

[Consul]

بارك الله فيكم يا شباب...معلومات جميلة ومفيدة...وكما ذكر أخونا العزيز الكيميائي أحمد فتحي...الحشرات ليست الغذاء الرئيسي للبط...ولا يعيش عليها فقط...ويتخلص منها في الفضلات...والأشياء الضارة التي لا يستطيع جسمه التخلص منها يحتفظ بها في الدهون تحت الجلد...لذلك ينصح دائما بالتخلص من الجلد والدهون ( في الطيور والحيوانات عموما ) وعدم أكلها لمضارها...خالص تحياتي...

[صائد البوم]

انا حاسس ان حضرتك خدت كلامي علي محمل اخر انا كل ما قصدته هو ان الناس تطمئن لاكل الطيور ولا تبحث كثيرا عما ياكله هذا الطير وذاك طالما انه ليس ذي مخلب اي من الطيور الجارحه هذا علي حد علمي والله اعلي واعلم امابالنسبه ان الطيور المائيه معدوده فهذا كلام غير معقول ففي مصر وبالتحدييد بالبحيره التي اسكنها يوجد العديدمن الطيور ولو انها اصبحت قليله في الفتره الاخيره مثل النورس والبجع و الغر والظي والبلبل والشرشر والحوام والغر والبلشون وغيرها من الطيور التي لا اتذكرها الان كمنا ان فرخه الغيط هذه ليست من الطيور المائيه بل هو طائر مشهور عندنا في الجناين وهو قريب للغراب في الحجم صوته جميل عيناه حمراءقليلا ويتغذي علي الحشرات ولاكن ما يمكن قوله بخصوص اكلات الحشرات انها غير مفضله لمعظم الناس لان لحمها بيكون (زفر) بعض الشيئ ولاكن ليس حرام وتقبل مروري واتمني ان تتقبل كلامي شكرا استاذ احمد وايضا اشكر سياده القنصل علي مروره الطيب