|
|
|||||||
| الموضوعات العامه الموضوعات الغير متعلقه بالصيد. |
 |
|
|
أدوات الموضوع | إبحث في الموضوع | انواع عرض الموضوع |
|
|
12-11-16, 01:46 AM
|
#1 |
|
صياد قديم
تاريخ التسجيل: Jan 2011
المدينه: القاهرة
المشاركات: 1,051
معدل تقييم المستوى: 12     |
قصة رومانسية
اقف فى البلكونة.. وبسأل امى
)اللى كانت واقفة تنشر الغسيل  هو فىحد هيسكن هنا وﻻ ايــه يامـا؟ قالتلى اه يا حبيبى دى الشقة اللى قصادنا قلتلها ويا ترى عرسان جداد وﻻ عيلة وبتعزل؟ ...قالتلى والله يابنى مانا عارفة قلتلها طيب.. يا خبر انهارده بفلوس.. بكرة يبقى بفلوس اكتر .. ... و بعد أسبوع...... أمى واقفة بتنشر الغسيل بردو.. وانا واقف جنبها بردو.. وبتقولى: مش السكان الجداد وصلوا خﻼص قلتلها يا شيـــــخة! قالتلى: اه.. مرات الراجل عدت عليا انهارده وسلمت عليا وعرفتنى بيهم قلتلها: ايــه بقى عرسان جداد؟؟ قالتلى ﻻ دول أسرة.. عندهم ولدين وبنت قلتلها خير.. خير) ..والشر طالع من عينيا( و أثناء الحديث الشيق ده.. طلعت مامت الوﻻد م البلكونه.. ولما شافت أمى هزت راسها - بتسلم على امى يعنى ..- وطبعا أمى ردتلها الهزة - بترد السﻼم يعنى - و بعدين طلع ولد صغير ابتسم لنا اول ما شافنا.... أصل البلكونة فى وش البلكونة , بس هم مركبين ستارة واحنا مش مركبين ستارة... بس باين عليهم ناس طيبين اوى... المهم.. اﻷم ندهت لبنتها... الحقيقة انا كنت أول مرة فى حياتى أسمع اﻻسم اللى هى ندهت به .. أول مرة أعرف ان فى بنت اسمها كده أصﻼ... اﻻم بتنده: يــــــا روفيدة )على وزن بثينة , بضم الراء يعنى( اسم جامد مووووووت... عجبنى اﻻسم اوى... وبدعى ربنا تكون رُفيدة حلوة زى اسمها.. و طلعت روفيدة من ورا الستارة فـى حركة Slow Motion من بتاعة اﻻفﻼم.. و انا متنح تتنيحة سوده... روفيدة طلعت احلى من اسمها.. جميلة جمال ﻻ يوصف... ناصعة البياض.. مش قادر ارفع عينى من عليها.. مينفعش ارفع عينى من عليها اصﻼ... فضلت متنح لحد ما شافتنا انا وامى.. لما شافت امى ابتسمت لها.. و لما شافتنى زى ما تكون شافت عفريت ودخلت على جوة جرى... و تمر اﻷيام.. و مشكلتى ان البلكونة بتاعتنا تدخلها من اوضتى.. عشان كده فى الرايحة والجاية ابص اشوف روفيده واقفة وﻻ ﻷ.. ساعة ما اﻻقيها واقفة.. اطلع البلكونة.. مرة اعمل نفسى بتكلم فى التليفون.. او بشم الهوا مثﻼ - مع إن الدنيا تراب وعفرة - او بلعب عشر ضغط.. اى تلكيكة والسﻼم الغريب انها كانت فى اﻻول لما تشوفنى تروح داخلة جرى على جوة.. لكن بعد فترة ﻻحظت انها مكانتش بتدخل اول ما تشوفنى.. وكانت بتفضل واقفة هى كمان... بقيت فى عز الشمس اقف.. لحد ما اعرق واجيب جاز.... فى عز البرد واقف بتكتك م البرد واقف بالساعات مدام روفيدة واقفة... ارمى نظرة.. ابتسامة.. أشاور و كانت هى بتكتفى باﻻبتسام وعﻼمات الخجل... و ف يوم من ذوات اﻻيام.. بشاورلها.. شاورتلى بقيت هطير م الفرحة.. روفيده شاورتلى يا جدعان... قعدت اطنطط ع السقف وأغنى وحياة قلبى وأفراحه.. و هبا إيـه هبا أاه.. إن شاء الله هنظبط امتى بقى اتكلم معاها ونهظر سوا... لحد ما جه اليوم... انا راجع م الكلية.. وعلى اول الشارع شفت أمى واقفة مع مامت روفيده.. و المفاجاة: روفيده واقفة معاهم لقيت نفسى بجرى زى شخصيات الكرتون.. نصى التحتانى بيجرى قبل نصى الفوقانى تشووووووووو... لحد ما بقيت عندهم.. عرقان طبعا وبنهج وحالتى حالة... نزلت عليهم زى الباراشوط.. ازيك ياما.. ازيك يا طنط عاملين ايه... و بصيت لرٌفيدة.. كانت بصالى وبتضحك.. كانت زى القمر اليوم ده.. وﻻبسة تى شيرت حماﻻت - اصل الجو كان حر اوى اليوم ده - قلتلها: ازيك يا روفيده؟! و كان رد فعلها غير متوقع بالمررررة... كان صدمة حقيقية بالنسبة لى.. لقيتها بتمد ايديها وبتسلم عليا... و بتقولى: الحمد لله.. ازيك انت؟؟! رحت مسلم عليها.... و قلتلها: الله يسلم قلبك يا روح قلبى.. و رحت بايس ايديها.... و رحت شايلها.. ......... و قلتلها: انتى عندك كام سنة بقى؟؟ " *********** " " " قالتلى عندى 3 سنين رحت بايسها تانى وانا هطير م الفرحة وفضلنا نلعب ونضحك ونهزر... لحد ما مامتها شالتها وطلعوا البيت و من يومها وانا وروفيده اصحاب... كل ما تطلع البلكونه نلعب ونهزر مع بعضينا وانتوا ﻻء اء اء ههههههههههههههه هههه تعيشو وتاخدو غيره 
__________________
يا شعب نايم ع الرصيف و بالمقشة بتتكنس فيك ناس بتشقى ع الرغيف و ناس بتتعب م التنس |
|
|
| sponsor links |
|
12-11-16, 05:13 PM
|
#2 |
|
صياد متقدم
تاريخ التسجيل: Apr 2011
المشاركات: 782
معدل تقييم المستوى: 13 |
رد: قصة رومانسية
فكرتنى بالذى مضى .. لحد قلى البيض
|
|
|
|
|
12-11-17, 07:46 AM
|
#3 |
|
صياد قديم
تاريخ التسجيل: Nov 2011
المدينه: الاسكندريه
المشاركات: 1,385
معدل تقييم المستوى: 17 |
رد: قصة رومانسية
وازي روفيده دلوقتي ؟
__________________
eng.farouk اشهد الا اله إلا الله و ان محمد رسول الله سبحان الله وبحمده سبحان الله العظيم |
|
|
|
|
| sponsor links |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| مكالمة رومانسية | omarmagic | الموضوعات العامه | 4 | 12-04-18 07:27 PM |
العرض المتطور
