عربيتي اتسرقت ..عاوز دعواتكم تكون جنبي

[mr vigo]

الحقوني يا جماعه عربيتي الاكسيل 95 نبيتي اتسرقت

اتسرقت في 16/4 اليوم الاسود ده كنت راكنها في فيصل محطة حسن محمد

طلعت الشركه نزلت مالقيتهاش

عاوز دعواتكم تكون جنبي وتلطف عليا الجو الزفت اللي انا فيه لأني حاسس بإكتئاب واحباط ويأس مابعده

عربيتي اكسيل 95 نبيتي لوحه رقم 459 ي ن ه

واتمنى تقفو جنب أخوكم

[illustrator]

لا اله الا الله
قدر الله وما شاء فعل
وان شاء الله ترجعلك

[dr_mohasan]

لا حول ولا قوة الا بالله
اصبر يا أخى و احتسب
و تذكر ان فى الصبر على الابتلاء ثواب كبير و أجر عظيم

قال تعالى [ وَبَشِّرِ الصَّابِرِينَ * الَّذِينَ إِذَا أَصَابَتْهُم مُّصِيبَةٌ قَالُواْ إِنَّا لِلّهِ وَإِنَّا إِلَيْهِ رَاجِعونَ *
أُولَئِكَ عَلَيْهِمْ صَلَوَاتٌ مِّن رَّبِّهِمْ وَرَحْمَةٌ وَأُولَئِكَ هُمُ الْمُهْتَدُونَ ] البقرة/154-156

و أحب أبشرك .. الشهر الماضى سرقت سيارة احد زملائى هيونداى فيرنا , والحمد لله تم اعادة السيارة اليه بعد أقل من شهر على سرقتها

و العام الماضى سرقت سيارة أخى و تم اعادتها بعد حوالى شهرين من السرقة

إصبر و ان شاء الله خير

[fadeel79]

السلام عليكم ، الانسان يبتلى على قدر دينه وربنا يلهمك الصبر ولعل هذا الموقف كان خير محدش كان يعرف ايه الى ممكن يحصل لا قدر الله .

وربنا يهدى الى سرقها

[مورو]

ربنا يكرمك يارب وتلاقيها

[هشام سمير]

اخونا الغالى تحلى بالصبر وان شاء الله خير
والله انا اعرف اكتر من واحد عربيته اتسرقت وربنا من عليه ورجعتله لدرجة ان فى ناس رجعتلهم بعد 5 شهور
عليك بالدعاء ولا تيأس ولا تقنط من رحمة ربنا وزى اخوتنا ما قولك لعل كده خير وربنا يكون مقدرلك الاحسن لك
(لو علمتم ما فى الغيب لخترتم الواقع )

[loverlover]

لاحول ولاقوة الا بالله
قدر الله وماشاء فعل أخي الكريم

ماتقولش غير الحمدلله ،، واكيد ان شاء الله ربنا هيعوضك
قول اللهم أجرني فى مصيبتى وأخلفني خيراً منها
وان شاء الله ربنا اكيد هيعوضك
الله اعلم الغيب كان فيه ايه وربنا فداك بسرقة العربية دي
اصبر .. وماصبرك الا بالله

ولربمـا اتسع المضيق *** وربما ضاق الفضـا
كم مسرور بنعمة هي داؤه, ومحروم من دواء حرمانه هو شفاؤه, كم من خير منشور وشر مستور, ورب محبوب في مكروه, ومكروه في محبوب قال تعالى:{وَعَسَى أَن تَكْرَهُواْ شَيْئاً وَهُوَ خَيْرٌ لَّكُمْ وَعَسَى أَن تُحِبُّواْ شَيْئاً وَهُوَ شَرٌّ لَّكُمْ وَاللّهُ يَعْلَمُ وَأَنتُمْ لاَ تَعْلَمُونَ }

قال تعالى {وَلَنَبْلُوَنَّكُمْ بِشَيْءٍ مِّنَ الْخَوفْ وَالْجُوعِ وَنَقْصٍ مِّنَ الأَمَوَالِ وَالأنفُسِ وَالثَّمَرَاتِ وَبَشِّرِ الصَّابِرِينَ{155} الَّذِينَ إِذَا أَصَابَتْهُم مُّصِيبَةٌ قَالُواْ إِنَّا لِلّهِ وَإِنَّـا إِلَيْهِ رَاجِعونَ{156} أُولَـئِكَ عَلَيْهِمْ صَلَوَاتٌ مِّن رَّبِّهِمْ وَرَحْمَةٌ وَأُولَـئِكَ هُمُ الْمُهْتَدُونَ}

[sameh123]

لا حول ولا قوة الا بالله
ربنا يرزقك الصبر ويارب ترجعلك

[mohamed2010habib]

ربنا يعوض عليك ... ولو فيها نصيب هترجع ان شاء الله

[THE BUTCHER]

ربنا يعوض عليك يا باشا وحسبيك علي الله وربنا يرزقك بأحسن منها بكتير

[ابو مروان]

ربنا يعوض عليك ولعلة خير.............قدر الله وماشاء فعل فقد يكون سرقتها فية رحمة لك وشر قد ابعد عنك بحدوث حادثة او مكروة بها....امر المؤمن كلة خير......ان شاء الله تجدها وردد دائما الدعاء الخاص بعودة الاشياء

[mr vigo]

ربنا يخليكم يا أخوتي
بجد كلامكم بيريح القلب جدا وربنا يتقبل دعواتكم لي بظاهر الغيب ويحققها لأخوكم الفقير الى الله

[MBadr]

ربنا يعوض عليك وان شاء الله ترجعلك وحصلت مع ناس معرفه ورجعتلهم بس انت قول الدعاء ده قول اللهم أجرني فى مصيبتى وأخلفني خيراً منها بيقين وتذكر دائما ان المؤمن مبتلى

[M.SHADY]

المشاركة الأصلية كتبت بواسطة dr_mohasan

لا حول ولا قوة الا بالله
اصبر يا أخى و احتسب
و تذكر ان فى الصبر على الابتلاء ثواب كبير و أجر عظيم

قال تعالى [ وَبَشِّرِ الصَّابِرِينَ * الَّذِينَ إِذَا أَصَابَتْهُم مُّصِيبَةٌ قَالُواْ إِنَّا لِلّهِ وَإِنَّا إِلَيْهِ رَاجِعونَ *
أُولَئِكَ عَلَيْهِمْ صَلَوَاتٌ مِّن رَّبِّهِمْ وَرَحْمَةٌ وَأُولَئِكَ هُمُ الْمُهْتَدُونَ ] البقرة/154-156

و أحب أبشرك .. الشهر الماضى سرقت سيارة احد زملائى هيونداى فيرنا , والحمد لله تم اعادة السيارة اليه بعد أقل من شهر على سرقتها

و العام الماضى سرقت سيارة أخى و تم اعادتها بعد حوالى شهرين من السرقة

إصبر و ان شاء الله خير

++++++++++++++++++++++++++++++++++++++++
و انا مع كلام دكتور محمد و ان شاء الله خير

[black_assassin1997]

لا حول ولا قوة ألا بالله
ربنا يعوضك و يديك أحسن منها أصبر بس و ربنا هيعوضك أن شاء الله
و ربنا يعاقب السرقها أن شاء الله

[وليد سعد زغلول]

لا حول ولا قوة إلا بالله
إن شاء الله هتلاقيها
وفيه دعاء لو حد راحت منه حاجة
يقول اللهم جامع الناس ليوم لا ريب فيه اجمع بيني وبين ضالتي
وإن شاء الله تلاقيها قريبًا بإذن الله تعالى

[tarekabasy]

ربنا يعترك فيها انشاء الله
بس يا ريت توضح احساسك الرئيسى بسبب السرقة
يعنى كنت سايب باب مفتوح
قزاز بينزل
الدركسيون مالوش مسوجر
الكوالين بايظة واى مفتاح بيفتحها

مثلا مشهور عن النوع دة ان اى مفتاح بيفتحة
او اى مفتاح بيدورة

علشان الناس تاخد بالها برضة
وتتوخى الحذر
واتمنى من كل قلبى ان رينا يعترك فيها وترجعلك
ويصلح حالك يا مصر

[mr vigo]

ربنا يكرمكم ويخليكم

وميحرمنيش من أعز اخوه واحبه هنا

العربيه اتسرقت وهي مقفوله والسنتر والسارينه كانو موجودين وشغالين لكن عرف ابن الحرام ده يفتحها ويجري بيها

[mr vigo]

بدعي والله وبحاول اتماسك وربنا يعينني ويقويني على البلاء ده

[afouad]

قدر الله وماشاء فعل وصدقنى كويس انها جت فى العربية إحمد ربنا وعربيتك غالبا هترجعلك إن شاء الله من متابعه سرقات العربيات فى الفترة الاخيرة .. ربنا يصبرك ولو علمتم الغيب لأخترتم الواقع .. نصيحتى لك بناء على خبرة فى مواضيع السرقات دى تااااااااااااابع تاااااااابع فى كل حته فى النيابة وفى القسم معاك طبعا رقم محضر تابع بيه وانا مش عارف انت عملته أمته بس لو عدى عليه وقت فغالبا النيابة حفظته لان مفيش متهم فخليك مع المباحث .. تابع بس وربنا يكرم عشان لو وصلوا لحاجة او حتى بالصدفة تكون انت فى دماغهم . بس نصيحة متعملهاش إعلانات وتحط تليفونك فيها عشان محدش يتصل يشتغلك الى سرقك لو عايز يساومك هيجيب رقمك من المحضر متقلقش وربنا يسترها علينا جميعا ويرجعهالك بالسلامة ان شاء الله

[mr vigo]

ربنا يكرمني واعتر عليها ياااااااااااااااااارب

[mr vigo]

المشاركة الأصلية كتبت بواسطة afouad

قدر الله وماشاء فعل وصدقنى كويس انها جت فى العربية إحمد ربنا وعربيتك غالبا هترجعلك إن شاء الله من متابعه سرقات العربيات فى الفترة الاخيرة .. ربنا يصبرك ولو علمتم الغيب لأخترتم الواقع .. نصيحتى لك بناء على خبرة فى مواضيع السرقات دى تااااااااااااابع تاااااااابع فى كل حته فى النيابة وفى القسم معاك طبعا رقم محضر تابع بيه وانا مش عارف انت عملته أمته بس لو عدى عليه وقت فغالبا النيابة حفظته لان مفيش متهم فخليك مع المباحث .. تابع بس وربنا يكرم عشان لو وصلوا لحاجة او حتى بالصدفة تكون انت فى دماغهم . بس نصيحة متعملهاش إعلانات وتحط تليفونك فيها عشان محدش يتصل يشتغلك الى سرقك لو عايز يساومك هيجيب رقمك من المحضر متقلقش وربنا يسترها علينا جميعا ويرجعهالك بالسلامة ان شاء الله

ربنا يخليك يا فؤاد

وربنا يتقبل منك يارب ووالله انا بتابع منتديات السيارات وكل جروبات العربيات المسروقه على الفيس

القسم ده بقه ماعندهمش الا كل مره يقولولي احنا شغالين ولو لقينا حاجه حنكلمك
وكلمني واحد نصاب و رن عليا برقم 122 كمان لكن نصاب لانه ماقاليش رقم الشاسيه

فححاول تاني مع المباحث لانهم ماشاء الله برطات ولا بيتحركو من مكانهم

[afouad]

شوف ياباشا أى معرفه لرئيس المباحث او حتى حد من المعاونين عشان يهتموا شوية لو فى أكتوبر والله كنت كلمتهملك

[alknas_mh]

إن بعد العسر يسر

[afouad]

وحتى لو برطات حركهم انت ومتتكسفش ده حقك

[mr vigo]

طيب يا فؤاد ماتعرفش حد من بتوع اكتوبر يكلم حد من بتوع الهرم ؟؟

اكيد كلهم عارفين بعض

دول بيتعاملو معايا بمنتهى التناااااااااكه والبروووود لدرجه فقعت مرارتي

لدرجة قولتله هو احنا مش مواطنين شرفاء ولينا حقوق تستحق الحمايه ؟؟ يقول احنا شغالين يابيه وكله بوقته

[afouad]

بص ياباشا انا لو عليا أبعتلى البيانات وانا اخدمك من عنيا بس الفكرة فى الحظ انهم يكونوا عارفين بعض .. إبعتلى على الخاص رقم المحضر أكيد هيكون متأيد جنح ابعتلى رقمه واسم المبلغ و التاريخ ورقم تليفونك وانا هتكل على الله وهديهم لحبايبى فى اكتوبر لو طلعوا عارفين بعض هتصل بك

[Mohamed Mahmoud]

المشاركة الأصلية كتبت بواسطة afouad

بص ياباشا انا لو عليا أبعتلى البيانات وانا اخدمك من عنيا بس الفكرة فى الحظ انهم يكونوا عارفين بعض .. إبعتلى على الخاص رقم المحضر أكيد هيكون متأيد جنح ابعتلى رقمه واسم المبلغ و التاريخ ورقم تليفونك وانا هتكل على الله وهديهم لحبايبى فى اكتوبر لو طلعوا عارفين بعض هتصل بك

ربنا يكرمك يا اخى
ويجعلة فى ميزان حسناتك

[mr vigo]

المشاركة الأصلية كتبت بواسطة afouad

بص ياباشا انا لو عليا أبعتلى البيانات وانا اخدمك من عنيا بس الفكرة فى الحظ انهم يكونوا عارفين بعض .. إبعتلى على الخاص رقم المحضر أكيد هيكون متأيد جنح ابعتلى رقمه واسم المبلغ و التاريخ ورقم تليفونك وانا هتكل على الله وهديهم لحبايبى فى اكتوبر لو طلعوا عارفين بعض هتصل بك

ربنا يخليك يا فؤاد بجد انت انسان محترم جدا وكتر خيرك يا غالي

انا لسه مكلم صديقي من شويه وقاللي ان اخوه ظابط في مباحث العريش

وحيروح معايا هو وأخوه بكره قسم الهرم ونكلم الظباط هناك لعل وعسى يشوفو حيعملو ايه في الحوار

ده وربنا يكرمنا ويسهلنا طريقنا قاااااااااااادر ياكريم

[fesal]

ربنا يعوضك بأحن منها وعامتا قول لاحمد لله بردوا أحسن ما تيجي في مرض او حادثه
الحمد لله علي كل شيء

[afouad]

المشاركة الأصلية كتبت بواسطة mr vigo

ربنا يخليك يا فؤاد بجد انت انسان محترم جدا وكتر خيرك يا غالي

انا لسه مكلم صديقي من شويه وقاللي ان اخوه ظابط في مباحث العريش

وحيروح معايا هو وأخوه بكره قسم الهرم ونكلم الظباط هناك لعل وعسى يشوفو حيعملو ايه في الحوار

ده وربنا يكرمنا ويسهلنا طريقنا قاااااااااااادر ياكريم

ياباشا إحنا إخوة .. عموما موضوع اخو صاحبك ده حاجة كويسه جدا فهمه الموضوع كويس وانت رايح وسيبه هو يتكلم فى الاول وإن شاء الله يقعدوا ويسمعوا منك كويس وغالبا مدام هو ظابط مباحث هيعرف يتكلم معاهم ويشوفلك سكة ودية يجيبوا بها العربية بس نصيحة حاول تعلم مع الناس اوى بكرة وتاخد تليفون رئيس المباحث عشان لما ترجعله تانى لوحدك ميعملش مش عارفك .. وإبقى طمنى وعلى أى حال انا فى الخدمة زى ما قولتلك .. ربنا يوفقك إن شاء الله.

[mr vigo]

المشاركة الأصلية كتبت بواسطة afouad

ياباشا إحنا إخوة .. عموما موضوع اخو صاحبك ده حاجة كويسه جدا فهمه الموضوع كويس وانت رايح وسيبه هو يتكلم فى الاول وإن شاء الله يقعدوا ويسمعوا منك كويس وغالبا مدام هو ظابط مباحث هيعرف يتكلم معاهم ويشوفلك سكة ودية يجيبوا بها العربية بس نصيحة حاول تعلم مع الناس اوى بكرة وتاخد تليفون رئيس المباحث عشان لما ترجعله تانى لوحدك ميعملش مش عارفك .. وإبقى طمنى وعلى أى حال انا فى الخدمة زى ما قولتلك .. ربنا يوفقك إن شاء الله.

ربنا يخليك يا فؤاد
وبجد انت اخ وزميل عزيز والله ويكفي احساسك الجميل ورغبتك في التعاون معايا
ربنا يكرمك ويسعدك ويوقفلك ولاد الحلال في اي مكان
بإذن الله سوف اعمل بكلامك وربنا يسهل ونتوصل لنتيجه بعد التعب ده كله ونتوصل للعربيه

[mr vigo]

ربنا يكرمكم يا احبتي ويخليكم

انتو بجد ونعم الاخوه والاحبه
ويارب نردهالكم في الفرح دايما

[محمد مكاوى]

ادعو الله العظيم من كل قلبى ان ترجعلك مرة اخرى ان شاء الله

انسان محترم

[hogan]

لاحول ولاقوة الا بالله
قدر الله وماشاء فعل

[afouad]

طمنى عملت ايه؟؟

[Mohamed zeid]

اصبر واحتسب
ان الله مع الصابرين اذا صبروا...وأدعوا الله انه يعترك فيها ويدلك على اللى يساعدك

ونصيحتى ليك تابع دايماً وادعى رربنا ......

ربنا معاك

[Mohamed zeid]

المشاركة الأصلية كتبت بواسطة afouad

طمنى عملت ايه؟؟

جزاكم الله خيراًعلى تعاونك وعلى روح الاخوه واحلى تقيييم ليك..

[afouad]

المشاركة الأصلية كتبت بواسطة mohamed zeid

جزاكم الله خيراًعلى تعاونك وعلى روح الاخوه واحلى تقيييم ليك..

جازانا الله وأياكم يا أ. محمود وده الواجب بينا كلنا اخوه