اين تجد اليمام والحمام الان؟
اعزائى الصيادين العظام السلام عليكم ورحمة الله....فى هذة الشهور 10/11/12/1/2 اين تجد اليمام والحمام....الفترة دى الاراضى الزراعية منزرعة قمح....او برسيم ....ولا يوجد حبوب لليمام او الحمام للتغذى عليها وبالتالى تقل الاعداد ويصبح الصيد مرهق..... اليمام والحمام بيكون سارح بعيد عن الاراضى الزراعية ويتواجد قريب من الانسان للتغذى على بقايا الحبوب مثلا يتواجد قرب المدارس ليتغذى على بقايا الحبوب كالفشار واللب ........يتواجد بالقرب من مزارع الطيور ...يتواجد صباحا بين العمارات السكنية على الارض فى فترة الصباح الباكر ....اذن هذة هى اماكن تواجد اليمام فى هذة الفترة من خلال تجربتى العملية والخبرة.....فترة الظهيرة اليمام بيكون مريح فى الاشجار اللى بيبات فيها يعنى ممكن حضرتك لو هاتصتاد فى الوقت دة من الظهر وحتى العصر تلبد تحت الاشجار دى وتستنى اليمام وهو جاى يريح فى الوقت دة.....لان اليمام بيسرح تانى عشان ياكل العصر ويرجع المغرب يبيت......الحمام البرى بتاع الابراج نادرا ما تجدة الان لان اصحاب الابراج بيرموله الحبوب فى البرج لانه ما بيسرحش فى الاراضى ممكن بردة تلاقية بجوار مزارع الطيور والمطاحن والمصانع ومضارب الارز......دى ملاحظتى وخبرتى اللى حبيت اتبادلها معكم ومستعد لاى استفسار من حضراتكم
|
14-12-16, 11:03 PM
العرض الشجري