حسبى الله ونعم الوكيل فالشرطه

[pooforever_2010]

قبل اى حاجه انا مش بسخن ولا حاجه
بس بجد الكلام اللى حتقروة لا يرضى رب ولا عبد
ولا مسلم ولا مسيحى ولا حتى يهودى
والحكم ليكم



مواطن مصري : الضباط عزبوني بقسم الشرطة وأدخلوا العصا في اعضائي الحساسة ..بالصور


القاهرة – مصر : على الرغم من أن الثورة المصرية قامت من أجل تصحيح الأوضاع في مصر على كافة المستويات السياسية والمجتمعية والاقتصادية إلا أنه يبدو أن الوضع مازال سئ على كافة المستويات .

وكان المواطن المصري السيد ابو المعاطي السيد احدث ضحايا التعذيب وهتك العرض داخل أقسام الشرطة المصرية ، حيث خرج أمس الأحد السيد ابو المعاطي السيد في اتصال هاتفي مباشر على قناة دريم الفضائية وتحدث لبرنامج “90 دقيقة ” عن التعذيب الذي تعرض له ، وقال أنه لم يستطيع النظر في عين زوجته واسرته ولا يقدر على أن ينظر لها كرجل وينام معها على سرير واحد ويشعر أن عينه مكسورة .

ومن جانيه قال قال المذيع محمود الروراوي مقدم البرنامج أنه مستاء جداً من استمرار جهاز الشرطة على نظامه في التعذيب بالشرطة وقال : نحن مع الشرطة ولكن إذا قامت الشرطة بمثل هذه الأفعال فنحن لها بالمرصاد ولن نرضى عنها ، ونوجه رسالة إلى وزير الداخلية محمود العيسوي ونقول له كيف ترضى ياسيادة الوزير ان يحدث ذلك في جهازك بعد الثورة المصرية ؟.

وما تردد عن السيد ابو المعاطي السيد أنه رجل مشكوك في سلوكه دخل السجن اكثر من مره ويسكن ابو المعاطى السيد، 45 سنه، تاجر إكسسوارات عربيات فى شارع باحثة البادية بروض الفرج .

ويقول السيد ابو المعاطي السيد : في يوم 30 يونيو 2011 بعد الثورة وبعد إلغاء حظر التجول، الساعة 5.30 الفجر كنت سهران في فرح خرجت أشترى سجاير، لقيت عربيتين بوكس واحده بها ستيفه وواحده لابسين ملكى، الضباط عارفيني لأن كان عليا قضية خناقة من 15 سنة. نادوا عليا وسألوني عن واحد اسمه طاهر كان هربان من السجن. قلت ما أعرفش هو فين.

واوضح : قبضوا عليا وفضلوا يضربوا فيا عشان أجيب طاهر. نزل أمين شرطه اسمه على ماهر والثانى اسمه سيد شعراوى وقاموا بتقطيع هدومى ومعهم فرد شباشب ضربونى جامد على ظهرى. على ماهر مسك ماكينة حلاقة وقعد يحلق في أجزاء من شعري وحلق حواجبي وشنبى وقال لى وحياة — أمك هاتجيب طاهر. وبقى يولع سيجاره ويشرب نصفها ويطفيها فى وشى وضهرى وصدرى…

واشار : اتنقلت على مكتب ثانى فيه 15 مخبر قلعونى الهدوم وفتحوا رجليا وداسوا عليها و”على ماهر” أمين الشرطة جاب عصاية ودخلها وبقيت عمال اصرخ زى الولايا

واكمل : الضباط النقيب احمد معتز والنقيب احمد جمعه قالوا عقلت ولا لسه؟ عارف المنظر ده انا هاجيب ناس من الشارع وتعمل فيك حاجات مش حتتوقعها. فضلت قدام الضابط. قلت له: ارحمني يا باشا. قال لى: قدامك مهلة 24 ساعه تجيب طاهر يا هاجيبك ثانى. وسابونى كانت الساعه بقت سابعه ونصف.

واضاف :خرجت من القسم على ميدان التحرير بتحامى فى الناس إلى أن يأتي المحامى وهناك قابلته المسعفة بيسان والدكتورة بسمه عبد العزيز، أخذوا الشهادة والتقطوااللصور ثم تحركت مع المحامي لتسجيل شكوى في الداخلية ثم التقينا بالأستاذ طاهر أبو النصر عند المحامى العام.

وادى رابط الموضوع (بعد اذن الادارة )
وفيها الصور
http://yamazaj.com/news/81307

والناس اللى حتقول ده مجرم
عشان اتحبس قبل كده
يا جماعه ده مش ممسوك بحاجه
وحتى لو قاتل فيه قانون عقوبات مش اللى حصل ده
ولا ايه :mad:
تحياتى

[m777md62]

الواحد مش هيقول غير حاجة واحدة : (( حسبى الله ونعمة الوكيل ))

[boody]

اوبااااا البلد مش مستقرة نهائى مش عارفين احنا رايحين فين

[pooforever_2010]

والله يا جماعه انا نفسيتى تعبت ودموعىى نزلت من الموضوع ده
تخلت انه ممكن يحصل مع اى حد والدى اخويا جارى صديق او اى حدمعرفوش
بس فالاخر انسان زى زيه
بجد حرااااااااااااااااااااااااااااااااااااام

[trainman]

نرجو تأكيد الخبر من أى عضو يكون شاهد البرنامج.

[pooforever_2010]

سيدى الفاضل الحكايه باينه من غير تاكيد كفايه الصور واظن مفيح حد يقول كده على نفسه
رمى بلى ولا ايه

[ahmadkhalaf]

ياولاد الـ تم الحذف لعدم التجريح لاحد

ودلوقتى عمالين يفرجوا عن القتلة وكأن ابوى اللى قتل المتظاهرين
دول عايزينلهم مظاهرة تانية
باذن الله يوم الجمعة اللى جاية فى مظاهرة ..... وفرض على الشعب المصرى بنزلها

[dr mohamed kamal]

فين الناس اللى بتقول كفاية تسخين ,وفين الناس اللى بتقول البلد مش مستحمله ,فين الادارة التى حذفت موضوع مشابه لى لان مش عجبها الاسلوب بس الواضح إن الافعال التى ترتكبها الشرطة عجباهم ,لا حول و لا قوة إلا بالله

[sultan]

يجماعه لى تعليق صغير من وجهه نظرى المحدوده انا مش بشكك فى حاجه ولا ليا مصلحه مع الشرطه انا بكرههم بس نرجع ونقول ليه الموضوع ده حصل قبل يوم الجمعه الى جايه وليه الراجل خرج من القسم على ميدان التحرير للمتظاهرين يتحاما فيهم ممكن يكون ده حصل وناس فى جهاز الشرطه عايزه تحصل نصيبه يوم الجمعه وهيه الى رتبت لده بعلم المجنى عليه او بدون علمه يعنى وجههوه من غير ما يحس والله اعلى واعلم

[sultan]

وبعدين انا عندى طلب اى واحد شاف الصور بتاعت الراجل ده يدقق شويه فى الشرت الى مليان دم ده منظر شرت بتاع واحد كان محجوز فى القسم ده لسه مفتوح من كيسه ولا ايه انا كل غرضى نفكر شويه ومنندفعش فى الحكم على اى موضوع

[فيلمعربى]

بصوا من الاخر كدة لو الشرطة عملت حاجة فى حد او معملتش بلاش اى كلام يتناول الافعال دية عايزين البلد تهدى بلاش تسخين وتوليع
البلد على كف عفريت وبترجع للوراء

[فيلمعربى]

بلاش اللعب على الوتر الحساس دلوقتى ومفيش داعى نجيب سيرة الشرطة كل شوية ومفيش داعى لذكر الشرطة اصلان

[dr mohamed kamal]

المشاركة الأصلية كتبت بواسطة فيلمعربى

بلاش اللعب على الوتر الحساس دلوقتى ومفيش داعى نجيب سيرة الشرطة كل شوية ومفيش داعى لذكر الشرطة اصلان

سيدى الفاضل حضرتك نسيت إن الثورة كانت بالاساس ضد الشرطة ,و الوضع لم يتغير كثيرا عن سابقه حتى تاريخة, إذا فلتذهب الثورة إلى الجحيم ,ونفضها سيرة

[pooforever_2010]

المشاركة الأصلية كتبت بواسطة dr mohamed kamal

سيدى الفاضل حضرتك نسيت إن الثورة كانت بالاساس ضد الشرطة ,و الوضع لم يتغير كثيرا عن سابقه حتى تاريخة, إذا فلتذهب الثورة إلى الجحيم ,ونفضها سيرة

++++++++++++++1
معاك يا دكتور عندك حق
وبعد احترامى لاحد حد بيقول بلاش تسخين والوتر الحساس وكل الكلام ده
( اسف انت مش حاسس بالغلابه ولا فاهم حاجه )

[pooforever_2010]

شكر خاص لكل الاخوه اللى حاسه باهميه الموضوع
حاسه بالام الغلابه
ربنا يحميكم ولا يوريكم هذه الافعال يا رب

[كفافى1]

حسبنا الله ونعم الوكيل

[koktal]

لو حد يعرف ياخد أسامى الأمناء والظباط دول ويقدم فيهم بلاغ للوزير نفسه لأن دى شغلته بهتك عرض مواطن .. يبقى كتر خيره ..

[Ahmed El Sarky]

المشاركة الأصلية كتبت بواسطة sultan

يجماعه لى تعليق صغير من وجهه نظرى المحدوده انا مش بشكك فى حاجه ولا ليا مصلحه مع الشرطه انا بكرههم بس نرجع ونقول ليه الموضوع ده حصل قبل يوم الجمعه الى جايه وليه الراجل خرج من القسم على ميدان التحرير للمتظاهرين يتحاما فيهم ممكن يكون ده حصل وناس فى جهاز الشرطه عايزه تحصل نصيبه يوم الجمعه وهيه الى رتبت لده بعلم المجنى عليه او بدون علمه يعنى وجههوه من غير ما يحس والله اعلى واعلم

انت كدة جبت من الاخر......... مواضيع التسخين كترت اوى و ممكن فعلا يكون يوم الجمعة دة مترتبلة بجد من الشرطة او عيرها ....و ايضا تزامن البراءة لبعض الوزراء ......

[سيدخالد]

ربنا المنتقم الجبار .......انشاء الله ربنا هيجزيهم عما فعلوه فى هذا الرجل ....

[فيلمعربى]

اللى اسمة pooforever _2010 عايز اءقولة انك انتا الى مش فاهم اى حاجة وبتردد الكلام وخلاص
لان اى كلام عن الشرطة وما تفعلة الان يعتبر خط احمر لايمكن ان اى حد يتجاوزة لانك بكدة هتسخن الدنيا اكتر لان مهما قلت واتكلمت عن الشرطة ومهما اى حد اتكلم دة لايزيد ولا هينقص فى حاجة بل بالعكس الدنيا هتولع اكتر
وهدى كدة اعصابك

[محمد المهدى]

عفوا انا مع التهدئة و عدم الانسياق لاى تهييج ضد الشرطة و لاكن العمل على تنظيف الجهاز من الداخل ارجو من شرفاء الشرطة التحقيق فى الامر و اتخاذ اللزم انا شخصيا غير مصدق و شكرا دة حافظ الاسماء كأنة واحد منهم ؟

[smsmn8888]

راي الشخصي
1-للاسف مسجلين الخطر واصحاب السوابق مفيش حل معاهم الا كدا والا محدش يسال علي حاجة عند الشرطة يعني لو اتسرقت مش هترجع شئ لو قاتل وهارب مش هيرجع لا الاسلوب تا الوحيد الذي جاب نتيجة مع الاشكال دي للاسف
2-الناس الذي بيقولة ان دول بشر ومواطنين والكلام تا اقولهم حاجة بسيطة قسم مصر القديمة لم قامو بعمل حملة لضبط المسجلين والهاربين وطلعو بيهم علي القسم الذي حصل اة اهالي المسجلين تجمعو وهجمو علي القسم بالقوة ما هي فوضي وحرية وديمقراطية يعني انا مسجل وهارب ومش هسلم نفسي الا بمذاجي تا المقصود الان
3-البلطجية والمسجلين والحرامية بيحولو بكل قوة ان الشرطة مترجعش تاني ابداا وبيستغلو شباب الثورة علي كدا وللاسف اكتر ناس تاثرو بيهم هم شباب الثورة والدليل ما حدث في التحرير من كام يوم المتشردين والبائعين الجائلين وطبعا شوية بلطجية الذي مش هتفرقهم عن بعض اصلا ضربو الشباب علقة سخنة لية اعتبرو الميدان تا بتاعهم خلاص هي دي الحرية
مش عارف اقول اة بس الذي انا اعرف ان لم بيجيو ياخدو حد من بيتة لو هو مسجل او مجرم من قبل بيتاخد باسلوب غير حضاري لان تا مكانة في المجتمع والذي هيقول تا انسان والكلام تا اقولة لا معلش المرة دي
لم بيجو ياخدو انسان هم عارفين انة مواطن محترم الموضوع بيختلف
طبعا لازم نضع في الاعتبار ان الشرطة بشر مش طبيعين يعني في منهم المعقد والسئ والشرير وفي الشرطي الصالح المحترم وللاسف مينفعش تا يشتغل من غير تا
ارجو ان اكون وضحت وجة نظرى الخاصة بيا انا واعتقد بناس كتير برضو في المجتمع
وياليت نفكر في مصر شوية البلد بجد بتنهاررررررررررر

[dr mohamed kamal]

المشاركة الأصلية كتبت بواسطة smsmn8888

راي الشخصي
1-للاسف مسجلين الخطر واصحاب السوابق مفيش حل معاهم الا كدا والا محدش يسال علي حاجة عند الشرطة يعني لو اتسرقت مش هترجع شئ لو قاتل وهارب مش هيرجع لا الاسلوب تا الوحيد الذي جاب نتيجة مع الاشكال دي للاسف
2-الناس الذي بيقولة ان دول بشر ومواطنين والكلام تا اقولهم حاجة بسيطة قسم مصر القديمة لم قامو بعمل حملة لضبط المسجلين والهاربين وطلعو بيهم علي القسم الذي حصل اة اهالي المسجلين تجمعو وهجمو علي القسم بالقوة ما هي فوضي وحرية وديمقراطية يعني انا مسجل وهارب ومش هسلم نفسي الا بمذاجي تا المقصود الان
3-البلطجية والمسجلين والحرامية بيحولو بكل قوة ان الشرطة مترجعش تاني ابداا وبيستغلو شباب الثورة علي كدا وللاسف اكتر ناس تاثرو بيهم هم شباب الثورة والدليل ما حدث في التحرير من كام يوم المتشردين والبائعين الجائلين وطبعا شوية بلطجية الذي مش هتفرقهم عن بعض اصلا ضربو الشباب علقة سخنة لية اعتبرو الميدان تا بتاعهم خلاص هي دي الحرية
مش عارف اقول اة بس الذي انا اعرف ان لم بيجيو ياخدو حد من بيتة لو هو مسجل او مجرم من قبل بيتاخد باسلوب غير حضاري لان تا مكانة في المجتمع والذي هيقول تا انسان والكلام تا اقولة لا معلش المرة دي
لم بيجو ياخدو انسان هم عارفين انة مواطن محترم الموضوع بيختلف
طبعا لازم نضع في الاعتبار ان الشرطة بشر مش طبيعين يعني في منهم المعقد والسئ والشرير وفي الشرطي الصالح المحترم وللاسف مينفعش تا يشتغل من غير تا
ارجو ان اكون وضحت وجة نظرى الخاصة بيا انا واعتقد بناس كتير برضو في المجتمع
وياليت نفكر في مصر شوية البلد بجد بتنهاررررررررررر

الحمد لله إن ده رأيك الشخصى ,

[Yasser Arafa]

يا جماعة مش من مصلحة البلد أن الشرطة تنهار

الشرطة يعنى أخواتنا و أهلنا و اللى بيحمونا

درء المهالك لة أولوية عن جلب المنافع و الهلاك دلوقتى فى إنهيار الشرطة للأبد

إنهيار الشرطة فى مصلحة البلطجية و الحرامية فقط

[فيلمعربى]

اى حد بيتكلم على الشرطة بالسوء انا فى رايى انة ياما يكون بلطجى او من اهالى البلطجية لية بقة
لانهم من مصلحتهم اوى ان يكون مفيش شرطة علشان يعملوا اللى هما عايزينو وفى اى وقت بل اكتر من كدة كمان سعتها هيحكمة البلد
وانا عايز اسال سوال للناس اللى عمالة تهاجم الشرطة افرض ان مفيش شرطة خالص هيكون اية الحال لو تم مهاجمة المنازل واقتحامها او فرض الاتاوات على الناس اللى ماشية فى الشارع واللى مش هيدفع هيموت على طول
ثم اى عضو هنا بيهاجم الشرطة عايز اءقولة لية هل الشرطة تعرضت للعضو دة شخصيا اكيد لاء ولئلا مكناش سمعنا صوتة هنا يجدعان ارجو محدش يجيب سيرة الشرطة خالص وممنوع الكلام عليها خالص

[pooforever_2010]

المشاركة الأصلية كتبت بواسطة فيلمعربى

اى حد بيتكلم على الشرطة بالسوء انا فى رايى انة ياما يكون بلطجى او من اهالى البلطجية لية بقة
لانهم من مصلحتهم اوى ان يكون مفيش شرطة علشان يعملوا اللى هما عايزينو وفى اى وقت بل اكتر من كدة كمان سعتها هيحكمة البلد
وانا عايز اسال سوال للناس اللى عمالة تهاجم الشرطة افرض ان مفيش شرطة خالص هيكون اية الحال لو تم مهاجمة المنازل واقتحامها او فرض الاتاوات على الناس اللى ماشية فى الشارع واللى مش هيدفع هيموت على طول
ثم اى عضو هنا بيهاجم الشرطة عايز اءقولة لية هل الشرطة تعرضت للعضو دة شخصيا اكيد لاء ولئلا مكناش سمعنا صوتة هنا يجدعان ارجو محدش يجيب سيرة الشرطة خالص وممنوع الكلام عليها خالص

شكرا على التهام بس اظن انى اتكلمت معاك قبل كده على العام والخاص
واظن من كلامى معاك انى مش بلطجى
ولا ليك رأى تانى
وكمان مظنش انت المنتدى فيه بلطجيه
يا ريت تحسن اسلوبك شويه
ومتغلطش فاخواتك
وشكرا

[dr mohamed kamal]

<p>

المشاركة الأصلية كتبت بواسطة yasser arafa

يا جماعة مش من مصلحة البلد أن الشرطة تنهار</p>
<p>&nbsp;</p>
<p>الشرطة يعنى أخواتنا و أهلنا و اللى بيحمونا</p>
<p>&nbsp;</p>
<p>درء المهالك لة أولوية عن جلب المنافع و الهلاك دلوقتى فى إنهيار الشرطة للأبد</p>
<p>&nbsp;</p>
<p>إنهيار الشرطة فى مصلحة البلطجية و الحرامية فقط

أخى الفاضل ,حضرتك تعرف لو الحرامية و البلطجية ظلوا يسرقوا ثلاثين سنة قادمه مش حيسرقوا مليار جنيه واحد وحيشبعوا , والامور حتبقى فل الفل والاقتصاد حيبقى فل الفل و الدخل حيبقى فل الفل و الجنيه حيبقى فل الفل فى ظل الحرامية دول ,لان كل واحد منهم عايز اللى يعيشه فقط,مش عايز يجوع شعب ,أما الذين سرقوا مئات المليارات وكنا مثل الحمل الوديع ,نقول سمعنا وطاعة فى ظل الشرطة الفاسدة التى كانت تساعدهم على ذلك بتكميم الافواه وقصف الاقلام,دول نهبوا ثروة الشعب لقرون قادمة بحماية هذه الشرطة الفاسدة,ليس من أجل أن يعيشوا إنما من أجل دمار البلد وخراب ثرواته و نهبها عرفت الفرق بين الحرامية إللى إنت خايف منهم ,و من تريد أن تهدى من أجلهم

[sadaany]

المشاركة الأصلية كتبت بواسطة smsmn8888

راي الشخصي
1-للاسف مسجلين الخطر واصحاب السوابق مفيش حل معاهم الا كدا والا محدش يسال علي حاجة عند الشرطة يعني لو اتسرقت مش هترجع شئ لو قاتل وهارب مش هيرجع لا الاسلوب تا الوحيد الذي جاب نتيجة مع الاشكال دي للاسف
2-الناس الذي بيقولة ان دول بشر ومواطنين والكلام تا اقولهم حاجة بسيطة قسم مصر القديمة لم قامو بعمل حملة لضبط المسجلين والهاربين وطلعو بيهم علي القسم الذي حصل اة اهالي المسجلين تجمعو وهجمو علي القسم بالقوة ما هي فوضي وحرية وديمقراطية يعني انا مسجل وهارب ومش هسلم نفسي الا بمذاجي تا المقصود الان
3-البلطجية والمسجلين والحرامية بيحولو بكل قوة ان الشرطة مترجعش تاني ابداا وبيستغلو شباب الثورة علي كدا وللاسف اكتر ناس تاثرو بيهم هم شباب الثورة والدليل ما حدث في التحرير من كام يوم المتشردين والبائعين الجائلين وطبعا شوية بلطجية الذي مش هتفرقهم عن بعض اصلا ضربو الشباب علقة سخنة لية اعتبرو الميدان تا بتاعهم خلاص هي دي الحرية
مش عارف اقول اة بس الذي انا اعرف ان لم بيجيو ياخدو حد من بيتة لو هو مسجل او مجرم من قبل بيتاخد باسلوب غير حضاري لان تا مكانة في المجتمع والذي هيقول تا انسان والكلام تا اقولة لا معلش المرة دي
لم بيجو ياخدو انسان هم عارفين انة مواطن محترم الموضوع بيختلف
طبعا لازم نضع في الاعتبار ان الشرطة بشر مش طبيعين يعني في منهم المعقد والسئ والشرير وفي الشرطي الصالح المحترم وللاسف مينفعش تا يشتغل من غير تا
ارجو ان اكون وضحت وجة نظرى الخاصة بيا انا واعتقد بناس كتير برضو في المجتمع
وياليت نفكر في مصر شوية البلد بجد بتنهاررررررررررر

افضل كلام اتقال واصح كلام واى حد اتعامل مع مجرمين وتجار مخدرات وشبيحه يعرف فعلى ان دول مش بنى ادمين والدين السلامى قال ان اللى بيفسدو فى الارض ويسعون فيها فساد يجب ان تقطع ايديهم ويقتلوا كمان يعنى مع احترامى للجميع اللى مشعجبه اللى بتعمله الشرطه فى المسجلين وولاد ال.......... اللى اقل مايجب ان الواحد لو شاف حد منهم على الطريق اقل واجب تجيبه تحت عربيتك وميصعبش عليك كمان لاكن لو قطه او كلب يصعبوا علينا لانهم حيوانات اليفه ومع احترامى للاساتذه اللى بتتكلم بأسم الشرطه حضرتك ليه عممت وقلت الشرطه مقلتش ليه ان الاشخاص اللى عمله المشكله دى هيا اللى تتحاكم مثلآ يعنى حضرتك طبيب او دكتور فى اى مجال مثلآ مافيه دكاتره كتير معندهاش ضمير ومش قليلين اقول الدكاتره معندهمش ضمير ووزاره الصحه باللى فيها عايزه الحرق والصيادله اللى انا منهم فى نسبه غير هينه معندهمش ضمير وبتاجروا فى المخدرات والادويه المغشوشه اقول دى مشكله وزاره الصحه والصيادله بشكل مطلق ياريت نتكلم بعقل وبحكمه وفى حاجه اسمها الضرر والضرر الاكبر وايهما افضل منظومه شرطه فىها تجاوزات وقابله للتعديل والتطوير اللى ابتدينا نلاحظه حتى وان لم يكن كافى ولا نعمل زى محضرتكم بتقولوا ونقول تسقط الشرطه والوزير والوزاره واحنا مشعايزنكم ويسيطر على الشارع البلطجيه والحرميه اللى كان اغلبهم عملين لجان شعبيه بيتسلوا بيها على الناس ويسرقوهم ويشربوا المخدرات علنى فى كل حته ليل ونهار واى عربيه ممكن تتسرق واى محل يتفتح زى مشفنا وبعدين مين قال ان قصه الراجل ده حقيقيه اصلآ وانه مش مسجل او ان اللى عمل فيه كده امناء شرطه ممكن يكون الموضوع تمثيليه اتعمل عليها هليله وبنتكلم فى ثوره واى حد ياخد رصاصه بقى شهيد ويتصرفله تعويض ومنهم اللى نازل يتفرج واللى نازل يتسول واللى نازل يسرق واللى نازل يتحرش وكلهم هيخدوا تعويض على قفانا انا مبقلش ان كلهم كده بس كتير جدآ من اللى ماتوا مكنش ليهم لا فى الطور ولا الطحين بس اللى عند الله مش هيضيع ان شاء الله واللى عايز ياكل حرام بالشفى

[pooforever_2010]

اللى محدش واخد باله ان المعامله بعد متخلص مع المجرمين ( ولو ان ده مش مجرم )
حتلف وتيجى علينا ا حنا كمان
والايام بيننا وحتبين
شكرا لكل الاخوه المعارض قبل اللى مع الموضوع

[فيلمعربى]

حبيبى انا مقصدكش انتا خالص والله
انا بقول عموما انا عمرى ما اغلط فى حد على المنتدى دة انا بعتبر الكل هنا اخواتى
انا بقول عموما لان انا قريت اخبار كتير عن اعتداء ناس على الشرطة لما ابتدت تنزل الشارع بعد الثورة وكان فية حركة اهالى البلطجية بيعملوها بس اتعرفت خلاص وهى ان لما بيجى يتم القبض على احد ذويهم من البلطجية كانوا بيشحنوا الناس الى ماشية فى الشارع ضد الشرطة على اساس الذى يتم القبض علية دة واحد مظلوم وتبين بعد كدة ان دول كانوا اهالى البلطجية
انا معاك يا اخى الفاضل فى ان الشرطة ليها تجوزات بس صدقينى مش الشرطة كلها فية الكويس وفية الوحش وعمر ما ضابط او عسكرى هيعتدى على حد مظلوم طيب لمصلحة مين
طيب اهو النظام اتخلع خلاص ومحدش موجود اللى يحميهم دلوقتى بقة لما هنشوف واحد بيحكى حكاية عن انة اتظلم من الشرطة وانهم اعتدوا علية طيب اشمعنى دة اللى اعتدوا علية ومعتدوش على او عليك او على اللى كان واقف جنبة لحظة القبض علية
انا عايز اءقول ان المجرمين والبلطجية فى مصلحتهم انهيار الداخلية ولو حصل كدة صدقونى البلد هتتدخل فى طريق مظلم وهتهتك اعراض النساء والسرقات هتنتشر والقتل هيزيد عايزين نسامح الشرطة يا اخوانا فى الوقت الحالى ومفيش داعى للعتاب دلوقتى

[pooforever_2010]

المشاركة الأصلية كتبت بواسطة فيلمعربى

حبيبى انا مقصدكش انتا خالص والله
انا بقول عموما انا عمرى ما اغلط فى حد على المنتدى دة انا بعتبر الكل هنا اخواتى
انا بقول عموما لان انا قريت اخبار كتير عن اعتداء ناس على الشرطة لما ابتدت تنزل الشارع بعد الثورة وكان فية حركة اهالى البلطجية بيعملوها بس اتعرفت خلاص وهى ان لما بيجى يتم القبض على احد ذويهم من البلطجية كانوا بيشحنوا الناس الى ماشية فى الشارع ضد الشرطة على اساس الذى يتم القبض علية دة واحد مظلوم وتبين بعد كدة ان دول كانوا اهالى البلطجية
انا معاك يا اخى الفاضل فى ان الشرطة ليها تجوزات بس صدقينى مش الشرطة كلها فية الكويس وفية الوحش وعمر ما ضابط او عسكرى هيعتدى على حد مظلوم طيب لمصلحة مين
طيب اهو النظام اتخلع خلاص ومحدش موجود اللى يحميهم دلوقتى بقة لما هنشوف واحد بيحكى حكاية عن انة اتظلم من الشرطة وانهم اعتدوا علية طيب اشمعنى دة اللى اعتدوا علية ومعتدوش على او عليك او على اللى كان واقف جنبة لحظة القبض علية
انا عايز اءقول ان المجرمين والبلطجية فى مصلحتهم انهيار الداخلية ولو حصل كدة صدقونى البلد هتتدخل فى طريق مظلم وهتهتك اعراض النساء والسرقات هتنتشر والقتل هيزيد عايزين نسامح الشرطة يا اخوانا فى الوقت الحالى ومفيش داعى للعتاب دلوقتى

حصل خير يا باشا
احترم وجهه نظرك رغم الاختلاف
طيب ايه رايك فحادذه جامعه الدول
لما الظابط ضرب بنت بحجه انها مش لابسه حجاب
دى برضه كانت مجرمه ولا دى من اختصاصاته اصلا
تحياتى

[ahmadkhalaf]

يارجالة الحل للمشكلة دى ان الشرطة تعرف تفرق بين البلطجى والمواطن الشريف مش اكتر ولا اقل

[فيلمعربى]

يا باشا ضرب البنت
هل بكدة تعتبر الشرطة كلها مجرمة
طيب انتا اية رايك فى الضابط اللى انقذ المذيعة فى ميدان التحرير بعد ما كان هيتم التحرش بيها وجعل حياتة معرضه للخطر واللى عرفتة انة بسبب الدفاع عنها ومقاومتة للبلطجية جالة مايسمى بالارتجاج فى المخ
طيب اية رايك فى البنت اللى كان البلطجية هيتحرشوا بيها فى البحيرة ودخلت البنت تجرى داخل محطة القطار واللى انقذها افراد الشرطة اللى داخل المحطة بعد ما تم تبادل لاطلاق النار بين الشرطة والبلطجية

[pooforever_2010]

المشاركة الأصلية كتبت بواسطة فيلمعربى

يا باشا ضرب البنت
هل بكدة تعتبر الشرطة كلها مجرمة
طيب انتا اية رايك فى الضابط اللى انقذ المذيعة فى ميدان التحرير بعد ما كان هيتم التحرش بيها وجعل حياتة معرضه للخطر واللى عرفتة انة بسبب الدفاع عنها ومقاومتة للبلطجية جالة مايسمى بالارتجاج فى المخ
طيب اية رايك فى البنت اللى كان البلطجية هيتحرشوا بيها فى البحيرة ودخلت البنت تجرى داخل محطة القطار واللى انقذها افراد الشرطة اللى داخل المحطة بعد ما تم تبادل لاطلاق النار بين الشرطة والبلطجية

تمام تمام
انت بتقول الحق
انا مش بتهم كل الشرطه بس انا مع التطهير ومتنشاش
لما كانت المقدم بيضرب البنت حاش عنها ملازم اول واتضرب معاها
بس السئ اكتر من الكويس
ولو حتى قليل
النقطه السوا تبان فالتوب الابيض
تحياتى لي يا كبير

[dr mohamed kamal]

إخوانى الافاضل ,لكل ثورة ثمن و لان أعداء الثورة سيحاولون بشتى الطرق لإفشالها ,حتى تمر الثورة بخسارة كبيرة وثمن اكبر ويندم الشعب على القيام بها ,كما تقولون الان ,ما رائيكم فى ثورة ليبيا و اليمن ومدى الخراب فى ليبيا ,هل نقول الشعب الليبى غلطان أنه قام بالثورة ,و خرب البلد أم نقول أعداء الشعب الليبى أحكموا قبضتهم على الثورة لإستنزافها و إفشالها ,إخوانى أعداء الثورة كثر ولابد من القضاء عليهم سريعا حتى لا تتفاقم الخسائر وتستنزف الثورة, و من أمثال أعداء الثورة رجال الاعمال المتورطون ورجالهم الموجدون خارج السجون ينشرون الفوضى والرعب,كذلك قيادات الشرطة التى طالما حمت الفاسدين ونكلت بالامنين من أجل عيون النظام السابق و أعوانه من رجال الاعمال والفاسدين

[pooforever_2010]

المشاركة الأصلية كتبت بواسطة ahmadkhalaf

يارجالة الحل للمشكلة دى ان الشرطة تعرف تفرق بين البلطجى والمواطن الشريف مش اكتر ولا اقل

للاسف مش بيعرفوا يفرقوا غير قصاد الكاميرات بس

[pooforever_2010]

المشاركة الأصلية كتبت بواسطة dr mohamed kamal

إخوانى الافاضل ,لكل ثورة ثمن و لان أعداء الثورة سيحاولون بشتى الطرق لإفشالها ,حتى تمر الثورة بخسارة كبيرة وثمن اكبر ويندم الشعب على القيام بها ,كما تقولون الان ,ما رائيكم فى ثورة ليبيا و اليمن ومدى الخراب فى ليبيا ,هل نقول الشعب الليبى غلطان أنه قام بالثورة ,و خرب البلد أم نقول أعداء الشعب الليبى أحكموا قبضتهم على الثورة لإستنزافها و إفشالها ,إخوانى أعداء الثورة كثر ولابد من القضاء عليهم سريعا حتى لا تتفاقم الخسائر وتستنزف الثورة, و من أمثال أعداء الثورة رجال الاعمال المتورطون ورجالهم الموجدون خارج السجون ينشرون الفوضى والرعب,كذلك قيادات الشرطة التى طالما حمت الفاسدين ونكلت بالامنين من أجل عيون النظام السابق و أعوانه من رجال الاعمال والفاسدين

بجد يا دكتور كلامك جميل جدا وعين العقل
اتمنى اتشرف بمعرفه سيادتك
تحياتى

[dr mohamed kamal]

المشاركة الأصلية كتبت بواسطة pooforever_2010

بجد يا دكتور كلامك جميل جدا وعين العقل
اتمنى اتشرف بمعرفه سيادتك
تحياتى

الشرف لى أخى الكريم

[pooforever_2010]

بعد اذنكم بصوا كده
عشان تعرفوا ان الشرطه فيها (بعض وليس الكل ) ناس مش مسئوله
http://www.youm7.com/News.asp?NewsID...=203&IssueID=0
تحياتى

[pooforever_2010]

والعكس هنل
http://www.youm7.com/News.asp?NewsID...=203&IssueID=0
يا رب يبقوا كلهم كده
قولوا امين

[فيلمعربى]

حبيبى يا pooforever_2010 صدقنى ان العكس هو الصحيح السىء فى الداخلية قليل جدن جدن والكويس هما الكتير
انا اءقولك السىء بنسبة 4 فى المائة وال96 فى المائة هما الكويسين بدليل ان لو زى ما بتقول كدة ان الداخلية كلها سوداء مكنش حد هيعرف يمشى فى الشارع من كتر الاعتداءات اللى هتكون علية من الشرطة وصدقنى لو الشرطة وحشة اوى كدة مكنتش انقذت حد يستغيث او دافعت عن حد بص انا عايزك تدخل دلوقتى على موقع جريدة اليوم السابع فى قسم الحوادث واقرا كمية الحوادث وازاى ان الشرطة بتتعامل مع المجرمين بكل حزم وقوة
لسة قارى حالا حادثة عن ان فية ملازم اول من قسم شرطة ميت غمر كان بيتفقد الحالة الامنية وسمع صوت استغاثة وتبين انها لسائق نقل محملة بالالبان وهجم علية تلاتة من البلطجية والمجرمين احدهم يحمل سيف والاخر يحمل طبنجة ويريدون منة ان يسرقوا كل ما معة هو والتباع اللى معاة فتم التعامل معاهم وتم تبادل لاطلاق النار اسفر عن اصابة احد هولاء البلطجية والاتنين الاخرين هربوا وجارى البحث عنهم
حادثة اخرى عن اقتحام مجموعة من البلطجية مصنع للكارتون فى العبور ويهددون العاملين بة بالقتل حال رفضهم اعطائهم النقود فقامت قوة من المباحث الى مكان الواقعة وتم تبادل لاطلاق النار اسفر عن اصابة احد المخبرين بطلق نارى فى قدمة ومقتل احد المجرمين والقبض على باقى التشكيل العصابى دة

[pooforever_2010]

المشاركة الأصلية كتبت بواسطة فيلمعربى

حبيبى يا pooforever_2010 صدقنى ان العكس هو الصحيح السىء فى الداخلية قليل جدن جدن والكويس هما الكتير
انا اءقولك السىء بنسبة 4 فى المائة وال96 فى المائة هما الكويسين بدليل ان لو زى ما بتقول كدة ان الداخلية كلها سوداء مكنش حد هيعرف يمشى فى الشارع من كتر الاعتداءات اللى هتكون علية من الشرطة وصدقنى لو الشرطة وحشة اوى كدة مكنتش انقذت حد يستغيث او دافعت عن حد بص انا عايزك تدخل دلوقتى على موقع جريدة اليوم السابع فى قسم الحوادث واقرا كمية الحوادث وازاى ان الشرطة بتتعامل مع المجرمين بكل حزم وقوة
لسة قارى حالا حادثة عن ان فية ملازم اول من قسم شرطة ميت غمر كان بيتفقد الحالة الامنية وسمع صوت استغاثة وتبين انها لسائق نقل محملة بالالبان وهجم علية تلاتة من البلطجية والمجرمين احدهم يحمل سيف والاخر يحمل طبنجة ويريدون منة ان يسرقوا كل ما معة هو والتباع اللى معاة فتم التعامل معاهم وتم تبادل لاطلاق النار اسفر عن اصابة احد هولاء البلطجية والاتنين الاخرين هربوا وجارى البحث عنهم
حادثة اخرى عن اقتحام مجموعة من البلطجية مصنع للكارتون فى العبور ويهددون العاملين بة بالقتل حال رفضهم اعطائهم النقود فقامت قوة من المباحث الى مكان الواقعة وتم تبادل لاطلاق النار اسفر عن اصابة احد المخبرين بطلق نارى فى قدمة ومقتل احد المجرمين والقبض على باقى التشكيل العصابى دة

هههههههههههههه
انا نزلت الخبر فمشاركتى السابقه توارد خواطر يا باشا

[فيلمعربى]

ادة انتا بتدخل على موقع اليوم السابع من ورايا
يا عفريت ههههههههههههههههههههههههههههههههههههههههههه

[فيلمعربى]

خيانة خيانة

[pooforever_2010]

بس فيه حاجه غريبه فالموقع انا متابع ليه من اكتر من 3 شهور
بس فالفتره الاخيرة حاسس ان الحاجات بتتكرر
مع اختلاف المكان
وبالذات خبر عصابه الموتسيكلات مرة فالغردقع ومره فشرم واخيرنا فالشرقيه
وكذا حاجه زى كده
حاسس ان الفبركه بدأت تانى

[dr mohamed kamal]

المشاركة الأصلية كتبت بواسطة فيلمعربى

حبيبى يا pooforever_2010 صدقنى ان العكس هو الصحيح السىء فى الداخلية قليل جدن جدن والكويس هما الكتير
انا اءقولك السىء بنسبة 4 فى المائة وال96 فى المائة هما الكويسين بدليل ان لو زى ما بتقول كدة ان الداخلية كلها سوداء مكنش حد هيعرف يمشى فى الشارع من كتر الاعتداءات اللى هتكون علية من الشرطة وصدقنى لو الشرطة وحشة اوى كدة مكنتش انقذت حد يستغيث او دافعت عن حد بص انا عايزك تدخل دلوقتى على موقع جريدة اليوم السابع فى قسم الحوادث واقرا كمية الحوادث وازاى ان الشرطة بتتعامل مع المجرمين بكل حزم وقوة
لسة قارى حالا حادثة عن ان فية ملازم اول من قسم شرطة ميت غمر كان بيتفقد الحالة الامنية وسمع صوت استغاثة وتبين انها لسائق نقل محملة بالالبان وهجم علية تلاتة من البلطجية والمجرمين احدهم يحمل سيف والاخر يحمل طبنجة ويريدون منة ان يسرقوا كل ما معة هو والتباع اللى معاة فتم التعامل معاهم وتم تبادل لاطلاق النار اسفر عن اصابة احد هولاء البلطجية والاتنين الاخرين هربوا وجارى البحث عنهم
حادثة اخرى عن اقتحام مجموعة من البلطجية مصنع للكارتون فى العبور ويهددون العاملين بة بالقتل حال رفضهم اعطائهم النقود فقامت قوة من المباحث الى مكان الواقعة وتم تبادل لاطلاق النار اسفر عن اصابة احد المخبرين بطلق نارى فى قدمة ومقتل احد المجرمين والقبض على باقى التشكيل العصابى دة

أخى العزيز النسب التى ذكرتها دى نسب نجاح الحزب الوطنى فى الانتخابات الاخيرة,أما المواقف التى ذكرتها حضرتك,أفراد الشرطة دول هم نسبة 4% التى ذكرتها حضرتك وده شغلهم الذى يدفع الشعب لهم عليها مرتباتهم و ليس تجبى منهم ,الاحوال تغيرت ولابد أن يعرف كل واحد ما له وما عليه

[فيلمعربى]

يمكن تكون فبركة فعلان
وما اكثر الاشاعات يا باشا بس اللى انا لاحظتة ان من سعات ما الثورة قامت بقة فية حوادث بتكرر لفترة وبعد كدة تنتهى
يعنى مثلا لما كانت اقسام الشرطة بتقتحم والمساجين يخرجوا لاحظت ان كان كل ساعة يتم اقتحام قسم وخروج المساجين اللى فية بل وكل يوم وانتهت
ظاهرة تانية برضة كانت منتشرة وهى اقتحام البلطجية لعدد من العمارات اللى تحت الانشاء والاستيلاء عليها وبرضة الظاهرة دية انتهت كدة يعنى

[فيلمعربى]

يعنى انتا عايز تفهمنى يا dr mohamed kamal ان الشرطة بتاخد مرتبتها من الشعب لاء طبعا غير صحيح
بدليل ان مرتباتهم ضعيفة جدن ولو على اللى انتا بتقولة انهم بياخدوا مرتباتهم من الشعب مكنوش هيكونوا فى احتياج للنظام البائد اصلان ولا كانوا هيسالوا فى حد من اعضاء الحزب الوطنى لان الولاء كان هيكون للشعب وفقط
هما يعتبروا طبقة زى طبقات الشعب بالضبط ومش زى ما انتا بتقول كدة
بس سيبك انتا
دانا رحت مع واحد قريبى لدكتور الفيزا بتاعتة كانت ب 50 جنية واسمة انف واذن وحنجرة سيبك انتا محدش واخد منها حاجة

[أميجو]

حسبى الله ونعمة الوكيل

[dr mohamed kamal]

المشاركة الأصلية كتبت بواسطة فيلمعربى

يعنى انتا عايز تفهمنى يا dr mohamed kamal ان الشرطة بتاخد مرتبتها من الشعب لاء طبعا غير صحيح
بدليل ان مرتباتهم ضعيفة جدن ولو على اللى انتا بتقولة انهم بياخدوا مرتباتهم من الشعب مكنوش هيكونوا فى احتياج للنظام البائد اصلان ولا كانوا هيسالوا فى حد من اعضاء الحزب الوطنى لان الولاء كان هيكون للشعب وفقط
هما يعتبروا طبقة زى طبقات الشعب بالضبط ومش زى ما انتا بتقول كدة
بس سيبك انتا
دانا رحت مع واحد قريبى لدكتور الفيزا بتاعتة كانت ب 50 جنية واسمة انف واذن وحنجرة سيبك انتا محدش واخد منها حاجة

و شفيت الحمد الله ولا إيه ,يبقى فى دهية ال 50 جنيه وتخف وتشفى ,طب إيه رأيك فيه كشف وصل 300 دولار و دكتور نفسى كمان يعنى مريض يشكو من أرق ونأح الضمير ,دول بعيد عنك حرامية الشعب الكبار ,إحمد ربنا وبوس إيدك ,على ال 50 جنيه وقول الحمد لله

[fidodido]

الشرطه دول "حسبى الله ونعم الوكيل فى كل ظالم فيهم"

[الجزار]

يعني نعمل ايه اكتر من كده ولعنا في الشرطه وادناهه اكبر قلم عاوزين ايه تاني

[smsmn8888]

المشاركة الأصلية كتبت بواسطة dr mohamed kamal

<p> أخى الفاضل ,حضرتك تعرف لو الحرامية و البلطجية ظلوا يسرقوا ثلاثين سنة قادمه مش حيسرقوا مليار جنيه واحد وحيشبعوا , والامور حتبقى فل الفل والاقتصاد حيبقى فل الفل و الدخل حيبقى فل الفل و الجنيه حيبقى فل الفل فى ظل الحرامية دول ,لان كل واحد منهم عايز اللى يعيشه فقط,مش عايز يجوع شعب ,أما الذين سرقوا مئات المليارات وكنا مثل الحمل الوديع ,نقول سمعنا وطاعة فى ظل الشرطة الفاسدة التى كانت تساعدهم على ذلك بتكميم الافواه وقصف الاقلام,دول نهبوا ثروة الشعب لقرون قادمة بحماية هذه الشرطة الفاسدة,ليس من أجل أن يعيشوا إنما من أجل دمار البلد وخراب ثرواته و نهبها عرفت الفرق بين الحرامية إللى إنت خايف منهم ,و من تريد أن تهدى من أجلهم

نعم لية لو بنك واحد او بلاش هو الشرف بيقدر بمال يا دكتور وعمليات الاغتصاب غير معلش لو دخل عليك حرامي جو البيت وخد الذي هو عايزة ممكن الموقف تا امام اولاد الفلوس تعوضة بلاش بقي الاسلوب تا

[sultan]

وبعدين انا عندى طلب اى واحد شاف الصور بتاعت الراجل ده يدقق شويه فى الشرت الى مليان دم ده منظر شرت بتاع واحد كان محجوز فى القسم ده لسه مفتوح من كيسه ولا ايه انا كل غرضى نفكر شويه ومنندفعش فى الحكم على اى موضوع

[ابو علي]

لا حول ولا قوة إلا بالله ..
اللهم اعفو عنا وارحمنا ولا تؤاخذنا بما فعل السفهاء منا . والطف بنا يا لطيف .