طريقه للحفاظ علي السلاح من الرطوبه و الصدأ

[msadiq]

التحيه الطيبه لأعضاء المنتدي الكرام و مالكي الاسلحه
انا من متابعي المنتدي من 2009/2010 و اتشغلت فتره و كان عندي حساب قديم و تقريباً اتقفل يمكن لعدم المتابعه ،
حبيت اشارك اعضاء المنتدي اللي زي و الفل جميعاً و بعتبار المنتدي ملتقي لهواه الصيد والسلاح بمختلف فئاته وانواعه و مصدر مفتوح لتبادل الخبرات و الافكار المتعلقه بالصيد و السلاح عاماً .
اي عضو او صياد بيبقي السلاح اللي معاه ليه مكانه خاصه عنده و اهتمام شديد بحالته والحفاظ عليه من التلف و حتي خدش صغير بيزعل عليه مهما كان السلاح او البنادق غالي او رخيص فليه عنايه خاصه من مالك السلاح دائماً،
كنت قرأت موضوع مثبت عن طريقه صبغ السلاح و فعلاً موضوع رائع و بشكر صاحب المشاركه علي تبادل المنفعه و العلم بين الصيادين المحترمين و هواه لهوايه من ارقي واسمي الهوايات علي الاطلاق ..... وكان فيه جزء من الموضوع او عمليه الصبغ متعلقه بالترطيب و من هنا حبيت اشارك طريقه للترطيب او التحكم في درجه الرطوبه لاي سلاح او شئ تحب تحافظ عليه سواء مرطب او جاف او تحت درجه رطوبه معينه حضرتك عايزها بمعني لا تذيد ولا تقل عن المطلوب ،
اولاً : لازم حضرتك تحفظ سلاحك دايماً في صندوق خشب متفصل للسلاح ودي سهله محتاجه من حضرتك ترفع المقاسات و تروح مغلق الخشب او نجار وتقوله يفصله
ثانياً : للتحكم في الرطوبه حضرتك محتاح جهاز قياس الرطوبه و درجه الحراره hygrometer و ده غالباً متاح عند radioshack او تقدر تجيبه من بره اون لاين لو حبيت ، انا عندي علشان بستخدمه لل humidor ، حتلاقيه علي ebay او اي موقع تجاري او حتي محلات السيجار اللي في وسط البلد والزمالك و ممكن تلاقي في ontheruun و عن طريقه تقدر تعرف الرطوبه ذياده او لا
ثالثاً الترطيب او التحكم في الرطوبه ليها طريقتين
1- السيليكا او بمعني اصح الورقه اللي فيها حبيبات صغيره بتلاقيها دايماً في اي حاجه جديده مثلا زي الاحذيه و الاجهزه و الخ... و دي علشان تمتص الرطوبه من المكان المحيط بيها و تحفظ الاغراض و تمتص الرطوبه و تفضل دايماً جافه من غير رطوبه
2- لو حضرتك عايز ترطب الصندوق ممكن عن طريق humidifier وده ليه اشكال وانواع كتير :
- باكت زي boveda بدرجات مختلفه مثلاً 60/62/65/69/70/72/75 زي مانت عايز
- humidifier stick او في منه بيبقي سفنج بدل حبيبات الكريستال crystal beeds
- في منه كريستال جيل في علبه بتحتها وسط اي حاجه محتاجه ترطيب بدرجات مختلفه
- او لو مفيش اي حاجه من اللي فات ممكن تحط قطن مبلول في علبه صغيره في الصندوق مثلاً
وده بيختلف من مكان او منطقه لاخري زي المناطق الصحراويه غير البحريه غير الدلتا مثلا في درجات الرطوبه
و ده اللي انا كنت عايز اشارك بيه سواء للحفاظ علي السلاح من الرطوبه او التحكم في الرطوبه او زياده الرطوبه لغرض ما اي كان
و اسف للاطاله علي حضراتكم ...

[ابو مروان]

نورت المنتدى من جديد وموضوع مهم وجميل شكرا ليك

[msadiq]

المشاركة الأصلية كتبت بواسطة ابو مروان

نورت المنتدى من جديد وموضوع مهم وجميل شكرا ليك

المنتدي منور بيكم و بكل الاعضاء المحترمين و شكراً لردك و اهتمامك