البندقيه الرمسيس

[وليدعادل]

السلام عليكم كنت قريت هنا في المنتدي ان البندقيه الرمسيس مش بيركبلها منظار لحد ماصديق ليه صورلي البندقيه بتاعته و هيا عليها منظار




ياريت بقي لو حد يقولي ايه المنظار دا و بيتجاب من فين لان من احد الاسباب اللي مخلياني ابعد عن الرمسيس هو انها مش بيركبلها منظار ...... و شكرا مقدما

[القناص2010]

السلام عليكم
فعلا الرمسيس نمرة واحد ما يركبش عليها منظار اما نمرة 2 ودى الى فى الصورة واسمها المعادى يركب عليها منظار لان فى حزين فى جسم الكانون بيتثيت فيه المنظار عادى جدا لان بالنسبة للمعادى والرمسيس فالمنظار مش مؤثر للدرجة لان مداها وسرعتها ضعيفة التنشسن العادى كفاية جدا لان المنظار للبنادق الهاى بور لة تاثير كبير وملحوظ

[hoka]

ديه معادى ويتركب عليها تلسكوب
انما الرمسيس مفيهاش حزين للتلسكوب
وممكت تعملها الحزين دول عند اى حداد بس اهم شئ المقاس
والتلسكوب معاهم مش ممتع اوى لان معظم الاهداف قريبه وسهله

[وليدعادل]

طيب علي كده يبقي الرمسيس النمره 1 احسن بكتير من المعادي نمرة اتنين
و بعدين هو بيقولي عامل فيها تعديل بيصيب اهداف بعيده حبتين لذلك هو مركب عليها منظار

[xman]

get maadi 2 ,its got power & can get telescop

[lankash]

ياجماعة انا جديد وعاوز النصيحة اجيب معادى ولا رمسيس وواحد ولا 2 واسعارهم النهاردة ايه ارجو الرد

[سيدخالد]

الرمسيس نمرة واحد تكسب طبعا وربنا يوفقك

[وليدعادل]

طيب سؤال هيا البندقيه دي تجيب كام بالظبط لان صاحبها بيقولي خدها وانا مش عايز اظلمه هو مش فاهم فيهم اوي و شكله اضحك عليه جااامده ما جهه يشتريهم اصلا
حالتها كويسه زي ماهيا في الصوره بس للاسف مش هاعرف اجيب صور ليها تاني

[سيدخالد]

حسب حالتها ومغيرلها سوسته ولا جلبه وحالة الدبشك وكده؟

[وليدعادل]

ما للاسف ياستاذ سيد ماعرفش حاجه و مش عايز اساله بيني و بينك علشان هو بيقولي شاريها غالي من سنه ب 550 و المنظار ب 300 فانا مش عارف الكلام ده ازاي علي رمسيس انا عارض عليه 500 كلها علي بعضها كده و خلاص رميتهاله و هو ماردش عليا و بيني و بينك قولت احسن لحن يمسك في ال 500 و يقولي ماشي و يطلع فيها بلاوي بقي مانا مافهمش فيهم خالص