في حاجة غريبة جدا اكتشفتها

[sniperff]

انا عندي البام 22 اول ماجبتها كانت البندقية مظبوطة و الناشنكاه الخلفي في المنتصف تقريبا...بعد فك البندقية و تركيبها مرة اخري اصبحت بترمي شماال اوي فالناشنكاه بقا في اقصي اليمين و بعد لما فكتها و ركبنها للمرة الثالثة اصبحت ترمي لليسار فأصبح الناشنكاة في اقصي اليمين....طيب هل ده طبيعي بعد كل فك و تركيب يحصل الكلام ده؟؟؟

[احمد فتحي]

هو انتا فكيت النشنكان الامامي

[bekhet]

دة مش طبيعى لأن دول مسمارين إتفكو وليهم خرمين ثابتين فى الكانون يبقى إزاى إتحرك والخطأ دة ممكن يكون ناتج من إحتمالين

1- تكون أثناء الفك حركت البكرة الى بتغير مكان فتحة الشيز فجت شمال وفى الحالة تحرك البكرة بحيث تتحرك فتحة الشيز يمين ومع المحاولة والخطأ لغاية متظبط معاك
2- ممكن تكون فكيت النشكاة الأمامى ولما جيت تركبة إتحرك سن نملة الدبانة يمين نتيجة عدم دقة الصناعة ممكن يكون فى خلوص

ملحوظة

لو البندقية بتحدف يمين تحرك فتحة الشيز شمال والعكس
لو البندقية بتحف فوق يبقى توطى فتحة الشيز والعكس

الكلام دة كلة معكوس لسن نملة الدبانة
بس عادة سن نملة الدبانة ثابت لكن البام فيها إمكانية تعلية وتوطية سن نملة الدبانة بالتحريك على المجرى بتعها
لكن يمين وشمال مفروض ثابت لكن نتيخة عدم دقة الصناعة ممكن يكون فى خلوص يحركو يمين وشمال علشان كدة لما بتفكو وترجع تركبة تلاقى البندقية خلفت

واللة أعلم

[sniperff]

مافيش حاجة من دي حصلت الاناشنكاه الخلفي زي ما هو و الامامي زي ماهو...الشكلة ان البندقية ضبطها بيختلف نهائي يعني مع كل فكة بظبطها من جديد علي شكل جديد خالص غير الي قبلو مع العلم انا بستخدم نفس نوع الرش

[badr]

انا هفيدك ودى هو السبب المشكلة فى مسمارين الدبشك من الامام عندك الفك والتركيب يجب ان تراعى ربط المسمارين بالتساوى غير كدة يحصل المشكلة الى عندك نفس المشكلة فى diana 350 magnum من رد الفعل المسامير تفك ويحصل انها تحدف يمين او شمال ارجو ان اكون وفقت فى الاجابة

[badr]

--------------------------------------------------------------------------------

انا هفيدك ودى هو السبب المشكلة فى مسمارين الدبشك من الامام عندك الفك والتركيب يجب ان تراعى ربط المسمارين بالتساوى غير كدة يحصل المشكلة الى عندك نفس المشكلة فى diana 350 magnum من رد الفعل المسامير تفك ويحصل انها تحدف يمين او شمال ارجو ان اكون وفقت فى الاجابة