|
التعليمـــات | قائمة الأعضاء | المجموعات الإجتماعية | التقويم | البحث | مشاركات اليوم | اجعل كافة الأقسام مقروءة |
الموضوعات العامه الموضوعات الغير متعلقه بالصيد. |
أدوات الموضوع | إبحث في الموضوع | انواع عرض الموضوع |
12-02-13, 11:33 PM | #1 |
المشرف العام
تاريخ التسجيل: Mar 2011
المشاركات: 6,678
معدل تقييم المستوى: 437 |
يبقى انت اكيد فمصر (موضوع نكد مش هزار )
* عندما تلقى نظرة عامة فتجد الجميع يسير متجهما وع استعداد فطرى للتورط ف اى عراك ( بس انت شاور )
يبقى انت اكيد فمصر * عندما تقرأ ع الميكروباصات والتاكسيات جملا مكتوبة بخط اليد مثل : - ياسلام لو الناس تبطل كلام - ماتبصليش بأيامه .. دا انا بجرى ع يتامى - الحلو حلو ولو صحى من النوم - غدارين - الحاسد ربنا يعينه - ..... آه حبيبى - يابركة دعاكى يا أمى - يقينى بالله يقينى - إذا دعتك قدرتك ع ظلم الناس فتذكر قدرة الله عليك - كل واحد عاجبه عقله المجروحين يمسكوا يمين - محدش فاهم حاجة - الكريم لا يضام - لا افتخار ولا غنى دى من ربنا - للبيع علشان ترتاحوا - العين صابتنى .. ورب العرش نجانى - انا المعلم .. انت مين؟! يبقى انت اكيد فمصر * عندما يسألك شخص ما عن اى شئ بصيغة دينية مثل " الساعه كام ولله " أو " و النبى شارع طلعت حرب إزاى " فيجيبه أحد الاشخاص " ع طول إن شاء الله " يبقى انت اكيد فمصر * عندما تشاهد مواطنا يعبر الشارع بين السيارات المسرعه بمهارة لاعبى السيرك حتى يصل إلى منتصف الطريق فتهاجمه سيارة مندفعة فيراوغها ويعود إلى النقطة الأولى التى كان يقف عندها بمهارة اكبر .. ثم يعيد المحاولة من جديد ( أحيانا تكون هذه المراوغة جماعية ) يبقى انت اكيد فمصر * عندما تتوقف بسيارتك ف الإشارة إلى جوار ميكروباص فتجد جميع الركاب ينظرون إليك ف وقت واحد ... نظرة لا معنى لها يبقى انت اكيد فمصر * عندما تجد شخصا يتحدث ف كابينة ميناتل ف الشارع وتجد شخصا اخر ( واقف ف ودن اللى بيتكلم ) ويمسك بكارت ينتظر دوره .. ويتسلى بمتابعه من يتحدث .. بل إنه قد يسمع من هذا الحديث جملة تدفعه للاستغفار فيأخذ خطوة إلى الخلف وهو يضرب كفا بكف .. ( أستغفر الله العظيم ) يبقى انت اكيد فمصر * عندما تنتشر فرق " الافطار " السريع ف الشوارع لحظة آذان المغرب لتمد الصائمين العابرين وقتها " بأكياس البلح " .. وترى شابا منهم متحمسا يقف لك ف منتصف الطريق ( ماعندوش مانع إنك تدوسه .. المهم تفطر" عظيمة يامصر بجد يبقى انت اكيد فمصر * عندما يهتف السايس بقوة وثقة لسيارة ترجع إلى الخلف قائلا " تعالى .. تعالى .. تعالى " وعينه تراقب سيارة أخرى يفكر صاحبها ف الوقوف .. فيتركك وأنت ف منتصف " الركنة " ويجرى ناحية الاخرى والنتيجة معروفة طبعا.... بوووووووم..حاااااااااااااسب يبقى انت اكيد فمصر * عندما تبحث عن مصدر التلوث والعوادم والادخنة الهائجة التى اصابت وجه العاصمة بشيخوخة مبكرة فتجد أن المصدر هو السيارات التابعه للحكومة .. اتوبيسات هيئة النقل العام ، شاحنات الامن المركزى ، سيارات نقل المساجين ، سيارات نقل العاملين ف جهات حكومية مثل ( بنك التنمية والائتمان الزراعى - مصنع 54 الحربى - اتوبيس نقل العاملين بوزارة البيئة ) يبقى انت اكيد فمصر * عندما يسعى قائد سيارة لتجاوز السيارة التى امامه بينما الإشارة واقفة يبقى انت اكيد فمصر * عندما تصبح الإشارة حمراء فجأة فتتوقف السيارات المسرعه ببطء وتجد معظم قائديها يجذبون أحزمة الأمان بيد ويلقون الموبايل من اليد الآخرى ويتحاشون النظر ناحية أمين الشرطة يبقى انت اكيد فمصر * عندما تشاهد أعمدة الإنارة مضاءة ف وضع النهار وقد تألقت بنورها الأصفر مثل أكواب ينسون ايزيس اورجانيك يبقى انت اكيد فمصر * عندما تشاهد الأعمدة نفسها مطفأة ليلاً يبقى انت اكيد فمصر * عندما تقرأ أسماء الشوارع " وماتعرفش مين الناس ديه ؟! " .. ميدان لاظوغلى - شارع نوال - شارع ابن الوز عوام شارع محمد سعيد يبقى انت اكيد فمصر * عندما تجد ان عسكرى المرور .. ( هو اللى معطل المرور ) يبقى انت اكيد فمصر * عندما ترى من شباك سيارتك عروسين وقفا لالتقاط صورة تذكارية بملابس الفرح أمام نافورة جامعه القاهرة أو فوق كوبرى الوراق او كوبرى أكتوبر أو كوبرى قصر النيل او أمام دبابة ( يندر أن ترى هذا المشهد فوق كوبرى 15 مايو او كوبرى الجلاء ) يبقى انت اكيد فمصر * عندما تجد سيارة ترجع إلى الخلف ع كوبرى أكتوبر لأن قائدها ( ما أخدش باله من نزلة غمرة ) يبقى انت اكيد فمصر * عندما ترى " كوبرى علوى " يقطع أحد الطرق السريعه فتعرف انه ف هذا المكان قتل المئات ع مر السنين حتى اقتنعت الحكومة بأن أهل هذه المنطقة ف حاجة إلى الكوبرى العلوى بجد .. المضحك ان سكان هذه المنطقة أصبحوا يعبرون الطريق من تحت الكوبرى يبقى انت اكيد فمصر * عندما تتابع سيارة القمامة وهى تخترق الشارع والقمامة التى جمعوها تتساقط منها يميناً ويساراً يبقى انت اكيد فمصر فعلا لكى الله يا مصر
__________________
|
sponsor links |
12-02-13, 11:34 PM | #2 |
صياد قديم
تاريخ التسجيل: Jun 2011
المدينه: القطاميه
المشاركات: 3,916
معدل تقييم المستوى: 0 |
رد: يبقى انت اكيد فمصر (موضوع نكد مش هزار )
يابنى ياحبيبى اتهد بقى عاوز اقوم انام
بس انت ظبط نفسك وهبقى اشوفهوم الصبح بقى ليلتك موزه يا حماده
__________________
((فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّارًا يُرْسِلِ السَّمَاء عَلَيْكُم مِّدْرَارًا وَيُمْدِدْكُمْ بِأَمْوَالٍ وَبَنِين َ وَيَجْعَل لَّكُمْ جَنَّاتٍ وَيَجْعَل لَّكُمْ أَنْهَارًا))
اللهم انى استغفرك واتوب اليك *اللهم انت ربى لا اله الا انت سبحانك خلقتنى وانا عبدك وانا على عهدك ووعدك ما استطعت اعوذ بك من شر ماصنعت ابوء لك بنعمتك على وابوء لك بزنبى فأغفر لى فأنهه لايغفر الزنوب الا انت * |
12-02-13, 11:35 PM | #3 |
المشرف العام
تاريخ التسجيل: Mar 2011
المشاركات: 6,678
معدل تقييم المستوى: 437 |
رد: يبقى انت اكيد فمصر (موضوع نكد مش هزار )
فحفظ الله يا دوله
اتمنالك كوابيس مزعجه هههههههههههههههههههههههههههههههههه هههههههههههههههههههههههههه ههههههههههههههههههه ههههههههههههههه ههههههههههه
__________________
|
12-02-13, 11:39 PM | #4 |
صياد قديم
|
رد: يبقى انت اكيد فمصر (موضوع نكد مش هزار )
يا عم فكك من مصر اليلادي واعمل لينا حاجة للفالنتين
__________________
✔ Professional Hunter Vertified ║▌│█│║▌║││█║▌║▌▌ لــــــــــافـــيــنــي ســـلــاح وعــد الجـــثــث
|
12-02-13, 11:40 PM | #5 |
المشرف العام
تاريخ التسجيل: Mar 2011
المشاركات: 6,678
معدل تقييم المستوى: 437 |
رد: يبقى انت اكيد فمصر (موضوع نكد مش هزار )
شايف كده يا عم رامى
طيب هابى فاكن فلانتين داى ههههههههههههههههههه
__________________
|
12-02-13, 11:54 PM | #6 |
عضو مميز جداً
|
رد: يبقى انت اكيد فمصر (موضوع نكد مش هزار )
ههههههههههههههههههههههه
والله ماعارف امسك نفسي من الضحك انت جبت الكلام الجامدة دة منين اكيد اللى غششك الكلام دة واحد مصري ههههههههههههههههههه
__________________
|
12-02-13, 11:56 PM | #7 | |
المشرف العام
تاريخ التسجيل: Mar 2011
المشاركات: 6,678
معدل تقييم المستوى: 437 |
رد: يبقى انت اكيد فمصر (موضوع نكد مش هزار )
اقتباس:
صدقنى كل اللى فوق ده بشوفه بعينى كل منزل الشارع وعشان كده مش عاوز انزل الشارع واسال رامى فشتك على المهازل اللى شافها معايا واحنا ماشيين قوله بامارة الراجل اللى كان عاوز ينتحر ويرمى نفسه قصادكم تحياتى ومبسوط انى رسمت بسمه على وشك
__________________
|
|
12-02-14, 12:00 AM | #8 |
صياد قديم
|
رد: يبقى انت اكيد فمصر (موضوع نكد مش هزار )
يا حبيبتى يا مصر قلبت علينا المواجع يا استاذ محمد
__________________
اذا اكتمل العقل قل الكلام خلقنا باذنين و فم واحد لنسمع اكثر ما نتكلم مصطفى
|
12-02-14, 12:02 AM | #9 |
صياد متقدم
تاريخ التسجيل: Oct 2011
المدينه: دمياط
المشاركات: 866
معدل تقييم المستوى: 9 |
رد: يبقى انت اكيد فمصر (موضوع نكد مش هزار )
والله البلد دى تستاهل احسن من كده .. ما يعرفش قيمتها الا اللى اتغرب
__________________
انا من نظر الاعمى الى ادبى واسمعت كلماتى من به صمم |
12-02-14, 12:10 AM | #10 |
صياد قديم
|
رد: يبقى انت اكيد فمصر (موضوع نكد مش هزار )
ههههههههههههههههه
كلامك كله فعلا بيحصل والله تسلم ايدك حاجات رووووووووووووعه
__________________
المهارة تصيب هدفاً لايمكن لأحدٍ أن يصيبه..أما العبقرية فتصيب هدفاً لايمكن لأحدٍأن يراه ツ |
12-02-14, 12:24 AM | #11 | ||
المشرف العام
تاريخ التسجيل: Mar 2011
المشاركات: 6,678
معدل تقييم المستوى: 437 |
رد: يبقى انت اكيد فمصر (موضوع نكد مش هزار )
معلش يا درش لازم نشوف الوحش عشان نحاول نغيره
اقتباس:
اقتباس:
انا لو قعدت افتكر واكتب مش حنخلص ده الميكروباضات والتكاتك عاوزين 100 موضوع لوحدهم
__________________
|
||
12-02-14, 11:02 AM | #12 | |
عضو مميز جداً
|
رد: يبقى انت اكيد فمصر (موضوع نكد مش هزار )
اقتباس:
انا كنت مفكركم بتهزروا ههههههههههههه هي الناس خلاص لسعت ولا ايه
__________________
|
|
12-02-14, 11:16 AM | #13 |
صياد متقدم
تاريخ التسجيل: Jul 2011
المشاركات: 952
معدل تقييم المستوى: 9 |
رد: يبقى انت اكيد فمصر (موضوع نكد مش هزار )
هههههههههههه شر البلية ما يضحك وايه حكاية الراجل اللى كان عاوز ينتحر ده
__________________
سبحان الله وبحمده سبحان الله العظيم |
12-02-14, 02:00 PM | #14 |
Banned
|
رد: يبقى انت اكيد فمصر (موضوع نكد مش هزار )
مالك اليومين دول كدة يا محمد مش طايق البلد ليه
هي مش ناقصة خليها في اللي فيها |
12-02-14, 02:05 PM | #15 |
صياد متقدم
تاريخ التسجيل: May 2011
المدينه: القاهرة
المشاركات: 997
معدل تقييم المستوى: 13 |
رد: يبقى انت اكيد فمصر (موضوع نكد مش هزار )
بص كام مشاهدة وكام كومنت وعدت عليهم (شارع محمد سعيد) هههههههههههههههههههههه
__________________
"ابتعد عن الأشخاص الذين يحاولون التقليل من طموحاتك بينما الناس العظماء هم الذين يشعرونك أنك باستطاعتك أن تصبح واحدا منهم |
12-02-14, 04:18 PM | #16 | ||||
المشرف العام
تاريخ التسجيل: Mar 2011
المشاركات: 6,678
معدل تقييم المستوى: 437 |
رد: يبقى انت اكيد فمصر (موضوع نكد مش هزار )
اقتباس:
اقتباس:
وماشى شايف واحد من بعيد بيتزائم وبيبص رحت رازعه سرينه شرطه المعلم اتسمر ولما قربنا منه راح ناطط من قصادنا المهم فاديته بالعافيه يبقى ده ايه بيهزر طبعا سمع اللى فيه النصيب والمعلم رامى قاعد يضحك ورايا اقتباس:
اقتباس:
انا كنت مستنى اشوف مين البرنس اللى حياخد باله ههههههههههههههه حبيبى يا سمسم
__________________
|
||||
12-02-14, 04:36 PM | #17 |
ادمن صفحة المنتدى
تاريخ التسجيل: Dec 2011
المدينه: في بلاد الله الواسعة
المشاركات: 1,581
معدل تقييم المستوى: 140 |
رد: يبقى انت اكيد فمصر (موضوع نكد مش هزار )
فعلا
يا حببتي يامصر ههههههههههههههههههههههههه هطلقها قريب مصر دي
__________________
لا تحزن اذا لم يتذكرك الناس الا وقت الحاجة ..... بل ابتسم لأنك كالشمعة ان اظلمت حياتهم اسرعوا اليك
|
12-02-14, 04:41 PM | #18 | |
المشرف العام
تاريخ التسجيل: Mar 2011
المشاركات: 6,678
معدل تقييم المستوى: 437 |
رد: يبقى انت اكيد فمصر (موضوع نكد مش هزار )
اقتباس:
هى دى مصر حبيبى يا ميزو
__________________
|
|
12-02-14, 09:27 PM | #19 |
صياد متفاعل
تاريخ التسجيل: Sep 2011
المشاركات: 68
معدل تقييم المستوى: 5 |
رد: يبقى انت اكيد فمصر (موضوع نكد مش هزار )
بس فيه حاجات فى مصر يا ريس مش فى اى بلد تانيه
و الى احنا فيه ده يتصلح و يومين و يعدوا و بكره نفتكرهم و نضحك عليهم |
12-02-14, 09:28 PM | #20 | |
المشرف العام
تاريخ التسجيل: Mar 2011
المشاركات: 6,678
معدل تقييم المستوى: 437 |
رد: يبقى انت اكيد فمصر (موضوع نكد مش هزار )
اقتباس:
مشكور على المرور يا باشا
__________________
|
|
12-02-26, 10:38 PM | #21 |
صياد قديم
|
رد: يبقى انت اكيد فمصر (موضوع نكد مش هزار )
كل ده انا بشوفه واكتر كمان
__________________
الطيبة ليست غباء
انما نعمة فقدها الاغبياء |
12-02-27, 12:18 AM | #22 |
ادمن صفحة المنتدى
|
رد: يبقى انت اكيد فمصر (موضوع نكد مش هزار )
واحب اضيف بعد اذن استاذ محمد سعيد انك لماتلاقى توكتوك مكتوب عليه مطلوب انسة للعمل يبقى انتا اكيد فى مصر (هاتشتغل اييييييييييه فى التوكتوك)
|
12-02-27, 10:57 PM | #23 |
صياد جديد
تاريخ التسجيل: Feb 2012
المدينه: القليوبيه بنها
المشاركات: 4
معدل تقييم المستوى: 0 |
رد: يبقى انت اكيد فمصر (موضوع نكد مش هزار )
موضوع جميل جدااااا
|
12-02-28, 09:33 AM | #24 |
صياد نشيط
تاريخ التسجيل: Nov 2011
المدينه: الاسكندرية ( حاليا دمياط )
المشاركات: 459
معدل تقييم المستوى: 7 |
رد: يبقى انت اكيد فمصر (موضوع نكد مش هزار )
هههههههههههههههههههههههههههههههههههههههههه
__________________
سبحان الله وبحمده ******* سبحان الله العظيم |
12-02-28, 12:22 PM | #25 |
صياد متقدم
تاريخ التسجيل: Oct 2011
المدينه: tanta
المشاركات: 811
معدل تقييم المستوى: 14 |
رد: يبقى انت اكيد فمصر (موضوع نكد مش هزار )
مش عارف امتى هتتغير البلد دي .. !
__________________
A BeND In ThE Road Is NoT ThE END oF ThE Road Unless YoU Failed To MaKE ThE TuRN Blue , You Are One Of The Best I've Ever Met On The internet |
sponsor links |
أدوات الموضوع | إبحث في الموضوع |
انواع عرض الموضوع | |
|
|
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
شوية هزار | ahmed yasser | الموضوعات العامه | 6 | 12-01-15 02:36 PM |
الموضوع ده بجد ولا هزار؟؟ | kiko_2015 | الموضوعات العامه | 13 | 11-12-19 10:34 PM |
حد عنده تاجر أثار بجد مش هزار | hogan | ادوات الصيد الثقيله | 21 | 11-09-17 12:32 PM |