سؤال غريب شويه بس مهم بالنسبه لى

[Godzalla]

كان عندى سؤال غريب شويه بس بالنسبالى ( كمبتدئ ) مهم جدا جدا

النشنكان عايز افهم تحركاته

يعنى لما ارفعه لفوق انا كدا بفك المسمار فالنشنكان نفسه بيطلع لفوق

و لما بنزله لتحت انا بربط المسمار فبينزل النشكان لتحت

ايه الفكره او الهدف من كله حركه

و بردو فيه حركتين لليمين و الشمال ايه الهدف منهم ؟؟

معلش هو سؤال غريب شويه بس متنسوش انى لسه مبتدء

[simsim1996]

انا كمان مبتدئ وفى انتظار الاجابه على نفس السؤال من اساتذتنا الكبار مقاماً وخبره فى المنتدى
والسؤال تحديداً عندما اقوم بالنيشان على نقطة الهدف فتصيب الطلقه يمين نقطة الهدف هل يتم تحريك النيشان يمين ام يسار ؟
وكذا لو اصابت الطلقه اعلى نقطة الهدف هل اقوم برفع او خفض النيشان ؟؟

وشكرا جزيلاً

[imh8389]

علي فكره الرد علي السؤال ده بسيط جدا ولكن انا ليا راي تاني خالص
انا صنعتي مهندس والمهندسين بيكرهوا الحفظ عمي والاطباء بيحبوا الحفظ
لذلك انصحك يا اخي انك تعمل التجربه بنفسك بمعني لف المسمار علي الاخر يمين وشوف ايه اللي حيحصل وبعدين لفه علي الاخر شمال وشوف ايه اللي حيحصل وكذلك لفه للاخر اعلي وشوف وبعدين لفه علي الاخر اسفل
بكده تكون اتعلمت ازاي تظبط بندقيتك بايدك
ولو كنت خايف تجرب احسن ما تعرف تظبطها تاني يبقي اعمل زي الفلبينين اعمل علامه علي الوضع الصحيح علشان ترجع له
يارب يعجبكم رايي

[momo44]

الاجابة على السؤال الاول
انت لما بتربط الصامولة .... الناشنكاه الخلفى بينزل لتحت
وبالتالى انت عشان تساوى الناشنكاه الامامى مع الخلفى هترفع البندقية من الخلف
وبناء عليه سيتغير اتجاه الماسورة الى اسفل
والعكس صحيح بالنسبة لفك الصامولة
وايضا نفس النظرية لما تحرك سن نملة الدبانة لليمين
لازم عشان تساوى الناشنكاه الامامى مع الخلفى تحرك الماسورة فى الاتجاه الافقى ناحية اليمين
وبالتالى سيتحرك اتجاه التصويب الى اليمين
انا عارف ان الكلام ملخبط شوية
بس عملى اسهل من كده بكتير
الاجابة على السؤال التانى
نتيجة شرح الاجابة على السؤال الاول
لما الطلقة تيجى يمين الهدف يبقى نحرك سن نملة الدبانة الى اليسار والعكس صحيح
ولما الطلقة تيجى اعلى الهدف يبقة ننزل سن نملة الدبانة لاسفل عن طريق ربط الصامولة
يعنى التصحيح فى عكس اتجاه الخطأ

ان شاء الله هحاوول اعمل صورة توضح الكلام ده وتسهل فهمه ان شاء الله

[Godzalla]

المشاركة الأصلية كتبت بواسطة imh8389

علي فكره الرد علي السؤال ده بسيط جدا ولكن انا ليا راي تاني خالص
انا صنعتي مهندس والمهندسين بيكرهوا الحفظ عمي والاطباء بيحبوا الحفظ
لذلك انصحك يا اخي انك تعمل التجربه بنفسك بمعني لف المسمار علي الاخر يمين وشوف ايه اللي حيحصل وبعدين لفه علي الاخر شمال وشوف ايه اللي حيحصل وكذلك لفه للاخر اعلي وشوف وبعدين لفه علي الاخر اسفل
بكده تكون اتعلمت ازاي تظبط بندقيتك بايدك
ولو كنت خايف تجرب احسن ما تعرف تظبطها تاني يبقي اعمل زي الفلبينين اعمل علامه علي الوضع الصحيح علشان ترجع له
يارب يعجبكم رايي

انا معاك فى دا جدا جدا جدا لانى مهندس معمارى بردو و انا فعلا جربت ربط المسمار للاخر و فكيته للاخر و بالفعل زى ما مومو44 قال مكان وضع راسى على الدبشك اختلف تماما فى كل مره و فعلا الاصوره بقت مره مصوبه لتحت و مره لفوق و اليمين و الشمال كذلك

بس بردو ليه موجوده فى البندقيه ؟؟ يعنى ايه الهدف منها ماهو لو كدا يبقى افضل و اصح وضع هو منتصف الاتجاه الافقى و منتصف الاتجاه الراسى بكدا البندقيه هتبقى مضبوطه النشانين مع بعض على الهدف و قاعدة التنشين هتبقى منفذه بالحرف

لاكن بردو ليه ؟؟ يعنى هو مجرد امكانيات اعلى لضبط النشان ليس الا يعنى ولا ليها علاقه ببعد او قرب الهدف و اليمين و الشمال ايه لزمتهم منا ممكن بسهوله جدا و انا بنشن اتحرك بزاويه التنشين بالبندقيه كلها فى الاتجاه الانا عايزه !!

المشاركة الأصلية كتبت بواسطة momo44

الاجابة على السؤال الاول
انت لما بتربط الصامولة .... الناشنكاه الخلفى بينزل لتحت
وبالتالى انت عشان تساوى الناشنكاه الامامى مع الخلفى هترفع البندقية من الخلف
وبناء عليه سيتغير اتجاه الماسورة الى اسفل
والعكس صحيح بالنسبة لفك الصامولة
وايضا نفس النظرية لما تحرك سن نملة الدبانة لليمين
لازم عشان تساوى الناشنكاه الامامى مع الخلفى تحرك الماسورة فى الاتجاه الافقى ناحية اليمين
وبالتالى سيتحرك اتجاه التصويب الى اليمين
انا عارف ان الكلام ملخبط شوية
بس عملى اسهل من كده بكتير
الاجابة على السؤال التانى
نتيجة شرح الاجابة على السؤال الاول
لما الطلقة تيجى يمين الهدف يبقى نحرك سن نملة الدبانة الى اليسار والعكس صحيح
ولما الطلقة تيجى اعلى الهدف يبقة ننزل سن نملة الدبانة لاسفل عن طريق ربط الصامولة
يعنى التصحيح فى عكس اتجاه الخطأ

ان شاء الله هحاوول اعمل صورة توضح الكلام ده وتسهل فهمه ان شاء الله

لا بالعكس الكلام ميلخبطش ولا حاجه دا شرح مفصل لضبط النشان ربنا يكرمك

بس بقيت سؤالى هو ايه الفائده ؟؟ هل مقترنه ببعد او قرب الهدف يعنى لو الهدف على بعد 10 متر هبقى بنشن بنفس ضبط زوايا التنشين الافقيه و الراسيه لو الهدف على بعد 30 - 40 متر !!

الف شكر اخوانى على التوضيح و المساعده الدائمه

[prince of hunt]

المشاركة الأصلية كتبت بواسطة godzalla

بس بقيت سؤالى هو ايه الفائده ؟؟ هل مقترنه ببعد او قرب الهدف يعنى لو الهدف على بعد 10 متر هبقى بنشن بنفس ضبط زوايا التنشين الافقيه و الراسيه لو الهدف على بعد 30 - 40 متر !!

الف شكر اخوانى على التوضيح و المساعده الدائمه

معلش انا مبتداء بس عارف اجابة السؤال فعلا مسافة الهدف بتختلف فى النشان وكل لما الهدف يبعد الرشة بتنزل لتحت بسبب الجازبية الارضية

[simsim1996]

المشاركة الأصلية كتبت بواسطة momo44

يعنى التصحيح فى عكس اتجاه الخطأ

هى الجمله دى اللى كنت مستنيها عكس اتجاه الخطأ والا فى اتجاه الخطأ شكرا جزيلاً ياباشا

[momo44]

المشاركة الأصلية كتبت بواسطة simsim1996

هى الجمله دى اللى كنت مستنيها عكس اتجاه الخطأ والا فى اتجاه الخطأ شكرا جزيلاً ياباشا

العفو يا باشا

[Youssef]

المشاركة الأصلية كتبت بواسطة momo44

الاجابة على السؤال الاول
انت لما بتربط الصامولة .... الناشنكاه الخلفى بينزل لتحت
وبالتالى انت عشان تساوى الناشنكاه الامامى مع الخلفى هترفع البندقية من الخلف
وبناء عليه سيتغير اتجاه الماسورة الى اسفل
والعكس صحيح بالنسبة لفك الصامولة
وايضا نفس النظرية لما تحرك سن نملة الدبانة لليمين
لازم عشان تساوى الناشنكاه الامامى مع الخلفى تحرك الماسورة فى الاتجاه الافقى ناحية اليمين
وبالتالى سيتحرك اتجاه التصويب الى اليمين
انا عارف ان الكلام ملخبط شوية
بس عملى اسهل من كده بكتير
الاجابة على السؤال التانى
نتيجة شرح الاجابة على السؤال الاول
لما الطلقة تيجى يمين الهدف يبقى نحرك سن نملة الدبانة الى اليسار والعكس صحيح
ولما الطلقة تيجى اعلى الهدف يبقة ننزل سن نملة الدبانة لاسفل عن طريق ربط الصامولة
يعنى التصحيح فى عكس اتجاه الخطأ

ان شاء الله هحاوول اعمل صورة توضح الكلام ده وتسهل فهمه ان شاء الله

مشكور يا اخ مومو على الشرح الممتاز ولاكن اعتقد انك تقصد الناشنكاه الخلفى وليس سن نمله الدبانه لآنها ثابته لا ببتروح يمين ولا شمال ولا فوق ولا تحت مش كده
بالتوفيق

[Youssef]

بعد اذن الأستاذ مومو طبعاً انا مش هعرف اشرح زيه بس لو ثبتنا ارتفاع الناشنكاه الخلفى ومحاذاة اكتافه مع الناشنكاه الأمامى -الشكل الأول بالمشاركة الأخيرة للأستاذ مومو- اسمحو لى بعرض هذه الطريقة لضبط الإرتفاع والإنخفاض للناشنكاه الخلفى:
أعتقد ان كل صياد المفروض بيعمل معايرة لبندقيته بمعنى بتثبيت كل المتغيرات
( الصياد , البندقيه , نوع الرش المستخدم).

1- المفروض كل صياد يعرف انه لو صوب تجاه هدف محدد من على مسافة 10م ثم 20م ثم 30م الخ (الصياد هو اللى بيرجع للخلف كل مرة) طبعا الإصابه هتنخفض عن الهدف لما الصياد هيرجع للخلف.
2- فى كل زياده للمسافة 10 متر الصياد هينزل مستوى الناشنكاه الخلف (درجة أو أكثر) بالقدر اللى يمكنه من اصابة الهدف وبعدين يشوف الرقم اللى على بكرة التحكم فى ارتفاع الناشنكاه الخلفى كام ويسجل.
3- يكرر الصياد هذه العمليه كل 10 متر ويسجل رقم الناشنكاه الخلفى كل مرة.
ويسمح لى الأخ اللى ما بيحبش الحفظ انه يحفظ على فكرة انا كمان مهندس معمارى
بكدة يبقى انت فهمت وحفظت وصاحبت بندقيتك وعرفت ضبط الناشنكاه الخلفى ارتفاعا وانخفاضا يبقى كام كلما اختلفت مسافة الهدف.
أرجو ان اكون عرفت اوضح وبالتوفيق

[simsim1996]

المشاركة الأصلية كتبت بواسطة youssef

بعد اذن الأستاذ مومو طبعاً انا مش هعرف اشرح زيه بس لو ثبتنا ارتفاع الناشنكاه الخلفى ومحاذاة اكتافه مع الناشنكاه الأمامى -الشكل الأول بالمشاركة الأخيرة للأستاذ مومو- اسمحو لى بعرض هذه الطريقة لضبط الإرتفاع والإنخفاض للناشنكاه الخلفى:
أعتقد ان كل صياد المفروض بيعمل معايرة لبندقيته بمعنى بتثبيت كل المتغيرات
( الصياد , البندقيه , نوع الرش المستخدم).

1- المفروض كل صياد يعرف انه لو صوب تجاه هدف محدد من على مسافة 10م ثم 20م ثم 30م الخ (الصياد هو اللى بيرجع للخلف كل مرة) طبعا الإصابه هتنخفض عن الهدف لما الصياد هيرجع للخلف.
2- فى كل زياده للمسافة 10 متر الصياد هينزل مستوى الناشنكاه الخلف (درجة أو أكثر) بالقدر اللى يمكنه من اصابة الهدف وبعدين يشوف الرقم اللى على بكرة التحكم فى ارتفاع الناشنكاه الخلفى كام ويسجل.
3- يكرر الصياد هذه العمليه كل 10 متر ويسجل رقم الناشنكاه الخلفى كل مرة.
ويسمح لى الأخ اللى ما بيحبش الحفظ انه يحفظ على فكرة انا كمان مهندس معمارى
بكدة يبقى انت فهمت وحفظت وصاحبت بندقيتك وعرفت ضبط الناشنكاه الخلفى ارتفاعا وانخفاضا يبقى كام كلما اختلفت مسافة الهدف.
أرجو ان اكون عرفت اوضح وبالتوفيق

شكراً ياباشا على التوضيح بس المشكله هنا منين اجيب 30 متر اظبط فيها البندقيه ده الواحد اول ما ينزل من العماره تلاقى الشارع كله اتلم عليه زى مايكون فيه تصوير فيلم والكل عايز يتفرج على البندقيه ويجربها يعنى هاتبوظ قبل ما اظبط نيشانها

[Youssef]

المشاركة الأصلية كتبت بواسطة simsim1996

شكراً ياباشا على التوضيح بس المشكله هنا منين اجيب 30 متر اظبط فيها البندقيه ده الواحد اول ما ينزل من العماره تلاقى الشارع كله اتلم عليه زى مايكون فيه تصوير فيلم والكل عايز يتفرج على البندقيه ويجربها يعنى هاتبوظ قبل ما اظبط نيشانها

أنا مقدر طبعاً بس لأجل الورد يتسقى العليق هههههههه
بص يا استاذ سمسم لازم تتعب شويه علشان تضبط سلاحك صح وتتصاحب عليه ده ممكن حتى يكون فى أول طلعه صيد ليك فى مكان مفتوح يتم الضبط وأظن الأماكن المفتوحه كتير.
لكن اعذرنى الضبط على مسافات صغيرة زى عدمه لآن زى ما حضرتك عارف ان معامل الخطأ بيظهر ويتجلى ويعمل عمايله على المسافات الكبيرة.
بالتوفيق

[momo44]

المشاركة الأصلية كتبت بواسطة youssef

مشكور يا اخ مومو على الشرح الممتاز ولاكن اعتقد انك تقصد الناشنكاه الخلفى وليس سن نمله الدبانه لآنها ثابته لا ببتروح يمين ولا شمال ولا فوق ولا تحت مش كده
بالتوفيق

ايوة يا باشا انا قصدى على الناشنكاه الخلفى

المشاركة الأصلية كتبت بواسطة youssef

بعد اذن الأستاذ مومو طبعاً انا مش هعرف اشرح زيه بس لو ثبتنا ارتفاع الناشنكاه الخلفى ومحاذاة اكتافه مع الناشنكاه الأمامى -الشكل الأول بالمشاركة الأخيرة للأستاذ مومو- اسمحو لى بعرض هذه الطريقة لضبط الإرتفاع والإنخفاض للناشنكاه الخلفى:
أعتقد ان كل صياد المفروض بيعمل معايرة لبندقيته بمعنى بتثبيت كل المتغيرات
( الصياد , البندقيه , نوع الرش المستخدم).

1- المفروض كل صياد يعرف انه لو صوب تجاه هدف محدد من على مسافة 10م ثم 20م ثم 30م الخ (الصياد هو اللى بيرجع للخلف كل مرة) طبعا الإصابه هتنخفض عن الهدف لما الصياد هيرجع للخلف.
2- فى كل زياده للمسافة 10 متر الصياد هينزل مستوى الناشنكاه الخلف (درجة أو أكثر) بالقدر اللى يمكنه من اصابة الهدف وبعدين يشوف الرقم اللى على بكرة التحكم فى ارتفاع الناشنكاه الخلفى كام ويسجل.
3- يكرر الصياد هذه العمليه كل 10 متر ويسجل رقم الناشنكاه الخلفى كل مرة.
ويسمح لى الأخ اللى ما بيحبش الحفظ انه يحفظ على فكرة انا كمان مهندس معمارى
بكدة يبقى انت فهمت وحفظت وصاحبت بندقيتك وعرفت ضبط الناشنكاه الخلفى ارتفاعا وانخفاضا يبقى كام كلما اختلفت مسافة الهدف.
أرجو ان اكون عرفت اوضح وبالتوفيق

يا باشا مش لازم الطلقة تنخفض كل لما ترجع 10 متر
انت ممكن تضرب على مسافة 10 متر وحتى 50 او كمان 70 بدون ما الطلقة تنزل لاسفل
الموضوع ده يختلف من بندقية لاخرى نتيجة اختلاف المرمى المؤثر
يعنى النوريكا 56 مش زى الديانا 52

[Youssef]

المشاركة الأصلية كتبت بواسطة momo44

ايوة يا باشا انا قصدى على الناشنكاه الخلفى



يا باشا مش لازم الطلقة تنخفض كل لما ترجع 10 متر
انت ممكن تضرب على مسافة 10 متر وحتى 50 او كمان 70 بدون ما الطلقة تنزل لاسفل
الموضوع ده يختلف من بندقية لاخرى نتيجة اختلاف المرمى المؤثر
يعنى النوريكا 56 مش زى الديانا 52

طبعا النوريكا مش زى الديانا 52 ما هو علشان كدة انا قلت فى مشاركتى ان فى عوامل بنثبتها فى ضبط النشان (أحدها البندقيه يا استاذ مومو) لأن فى النهايه كل صياد هيذاكر ويحفظ بندقيته هوه مش بندقيه حد تاني

[الجزار]

كلام الاخ مومو44صحيح ومقنع

[imh8389]

كانوا بيعلمونا في اعدادي فنيه عسكريه سنه 76 اني انشن علي اسفل منتصف الهدف
لكن سؤالك جميل جدا وبيدل علي انك فعلا مهندس ولما دخلت الفنيه العسكريه جالنا عميد مهندس يدرس لنا ماده الوصفيه طبق الاصل من شكل رشدي اباظه اسمه حسن فتح الباب وفي اول محاضره قال لنا علشان تبقي مهندس لازم كل ما حد يقول لك حاجه تقول ليه علشان تفهم
وسؤالك جميل جدا طالما البندقيه مظبوطه ليه عاملين لنا الخلوص ده؟
انا اعتقادي ان انواع الرش بتختلف واوزانها وكمان اتجاهات الرياح
يعني المصنع اللي ظبط البندقيه ظبطها علي نوع محدد من الرش ممكن انك تستعمل غيره
وعوامل الجو واتجاهات الرياح لها تاثير كبير جدا علي انحراف الطلقه وخصوصا علي المسافات البعيده
ده اعتقادي ولكن ممكن يكون للساده اعضاء معلومه افضل
مهندس ابراهيم مختار

[المستشار]

كل طلعه بتحتاج ظبط السلاح لانه نتيجه للضرب سعات بيخلف او تغير الرش ولكن الظبط المحترم بيكون على بعد 15 متر ولما تيجى تضرب ابعد بتوازن بين الضربه والهدف وممكن تعلى سنه او تنزل سنه لكن الظبط الافقى غالبا بيبقى ثابت وفى موضوع فى المنتدى اسمه منحنى الرمايه وتاثيره على الاهداف وتفضل بزيارته واحنا فى خدمه كل الاعضاء
http://www.egypthunt.net/showthread.php?t=2523

[momo44]

مادام الكلام واضح يبقى ملهاش لزمة الصور
نيجى بقى لاجابة السؤال الثالث
ايه فايدتها
الفائدة الاولى
زى ما قال الاخوة الاعضاء
الضرب بانواع مختلفة من الرش لكل نوع منهم وزنه ...مع الجاذبية بيتغير الكيرف بتاع كل نوع
ولكن ده فى الاتجاه الراسى (يعنى فوق وتحت) طيب ايه فائدة اليمين واليسار (هنعرف دلوقتى)
الفائدة الثانية
الضرب من على مسافات مختلفة
كل لما تضرب على مسافة اكبر كل لما تحط الهدف على نقطة اسفل النقطة الاصلية من على الناشنكاه
فى هذه الصورة وضع الناشنكاه الطبيعى عند الضرب على الاهداف القريبة

ولكن هنا لما نضرب على هدف بعيد لازم نرفع الماسورة قليلا لان مع المسافة البعيدة تكون الطلقة فى كيرف الهبوط
ونحدد المسافة على الناشنكاه
وهذه الصورة توضح ما اقوله(برده ديه الفائدة من الصامولة بتاعة الظبط الرأسى)


الفائدة الثالثة (الاهم)(فائدة الظبط الرأسى والأفقى )
في حاجة اسمها لازمة الصياد
يعنى كل لما ييجى يضرب ايده تتحرك يمين او يسار او فوق او تحت
ونتيجة هذه اللازمة ان الطلقة مبتجيش فى الهدف
هنا بقى فائدة الظبط الافقى والرأسى لظبط الطلقة عشان تيجى فى منتصف الهدف بالظبط
وطبعا الازمة دى تختلف من شخص لاخر عشان كده لازم وجود الناشنكاه والظبط الرأسى والأفقى
وعلى فكرة اسمها لازمة عشان هية ملازمة للصياد فى ضربه
ارجو ان اكون وفقت فى الاجابة على اسئلتك

[hassan_11176]

المشاركة الأصلية كتبت بواسطة momo44

مادام الكلام واضح يبقى ملهاش لزمة الصور
نيجى بقى لاجابة السؤال الثالث
ايه فايدتها
الفائدة الاولى
زى ما قال الاخوة الاعضاء
الضرب بانواع مختلفة من الرش لكل نوع منهم وزنه ...مع الجاذبية بيتغير الكيرف بتاع كل نوع
ولكن ده فى الاتجاه الراسى (يعنى فوق وتحت) طيب ايه فائدة اليمين واليسار (هنعرف دلوقتى)
الفائدة الثانية
الضرب من على مسافات مختلفة
كل لما تضرب على مسافة اكبر كل لما تحط الهدف على نقطة اسفل النقطة الاصلية من على الناشنكاه
فى هذه الصورة وضع الناشنكاه الطبيعى عند الضرب على الاهداف القريبة

ولكن هنا لما نضرب على هدف بعيد لازم نرفع الماسورة قليلا لان مع المسافة البعيدة تكون الطلقة فى كيرف الهبوط
ونحدد المسافة على الناشنكاه
وهذه الصورة توضح ما اقوله(برده ديه الفائدة من الصامولة بتاعة الظبط الرأسى)


الفائدة الثالثة (الاهم)(فائدة الظبط الرأسى والأفقى )
في حاجة اسمها لازمة الصياد
يعنى كل لما ييجى يضرب ايده تتحرك يمين او يسار او فوق او تحت
ونتيجة هذه اللازمة ان الطلقة مبتجيش فى الهدف
هنا بقى فائدة الظبط الافقى والرأسى لظبط الطلقة عشان تيجى فى منتصف الهدف بالظبط
وطبعا الازمة دى تختلف من شخص لاخر عشان كده لازم وجود الناشنكاه والظبط الرأسى والأفقى
وعلى فكرة اسمها لازمة عشان هية ملازمة للصياد فى ضربه
ارجو ان اكون وفقت فى الاجابة على اسئلتك

الله عليك يا محمود ايه الحلاوه دى الله يباركلك

[momo44]

المشاركة الأصلية كتبت بواسطة hassan_11176

الله عليك يا محمود ايه الحلاوه دى الله يباركلك

شكرااا يا باشا

[hoka]

بص يا باشا
انا طبعا مقدرش اتكلم عن شئ بعد اساتذتنا ما اتكلمو
بس انا هاقولك انا اتعلمت ازاى
بص
هو الصح ان سنه نمله الدبانه يبقى مكمل لفتحه النشنكان زى اول صوره حطها مومو
اشطه؟؟
نيجى بقى لليمين والشمال فده علشان تظبط النشنكان ع الوضع ده لانه بيتحرك
طب ليه الشركه ما نزلتهوش ثابت ومظبوط؟؟؟
لعده اسباب اولها ان مش كل الصيادين بيضربو بالطريقه ديه فيه صيادين بيخلو سن نمله الدبانه اعلى من الفتحه وفيه تانيين بيخلوه اوطى منها واليمين والشمال علشان النشنكان الامامى ساعات بيتهز فبيتحرك
لكن لو ع الاهداف البعيده
فعلشان الرشه هاتفقد سرعتها وبالتالى هاتنزل عن مسارها
فاحنا بنعمل حاجه من اتنين
اما تعلى البندقيه فوق الطير او على دماغه غلشان تضمن انها لما تنزل بفعل الهوا تيجى فى صدره
او زى ما مومو قالك تعلى سن نمله الدبانه فى الفتحه شويه
وطبعا ده نادرا ما هاتعمله لان البنادق الحمد لله بتجيب
وفيه بندقيه بام مع واحد صاحبى النشنكان بتاعها علشان تظبطه صح
بتجيبه اقصى اليمين متعرفش ليه
بس هى كده رخامه
ههههههههههههههههههههههه
وبس

[simsim1996]

شكرا جزيلا اخى Godzalla على طرحك لهذا السؤال وشكراً لكل الاخوه الافاضل ممن اسهموا فى التوضيح بالشرح ووضع الصور لمزيد من الايضاح
وجزاكم الله خيراً

[هشام سمير]

بكر النشنكاه محطوط علشان اختلاف انواع الرش والمسافات والفروق الفرديه للرامى من طول وعرض وكيفيه مسك البندقيه والفروق الفرديه وهى الاهم
لاننا نلاحظ ان صاحب البندقيه بأمكانه ان يصيب الهدف بقاعده النشان المعروفه واذا قام احد غيره بالتصويب بنفس قاعده النشان فأنه عادة لا يصيب الهدف وذلك لاختلاف الفروق الفرديه بين رامى وآخر

[rock]

الله ينور عليكم .... كلام جميل .... تحياتى .