![]() |
|
الصيد بالكلاب كل ما يخص كلاب الصيد. |
![]() |
أدوات الموضوع | إبحث في الموضوع | انواع عرض الموضوع |
![]() |
#1 |
صياد نشيط
تاريخ التسجيل: Mar 2011
المشاركات: 367
معدل تقييم المستوى: 6 ![]() ![]() ![]() ![]() ![]() |
![]()
اخوانى الأعزاء انا بكتب الموضوع ده عشان الأفادة لكل الزملاء فى المنتدى.المهم …انا كنت بدور على جرو اشتريه يكون نوع من الأتنين يا دوبر مان يا جيرمن..انا من سكان الأسكندرية الجميلة فقولت وابداء بالمعارف و الصحاب فسألت ناس كتير و وروحت محلات برضوا وسألت.
الموضوع بداء ان انا روحت سوق الجمعة عندنا فى الاسكندرية فى محطة مصر ورا الدمبوسكو و السوق روحتوا كذا يوم عشان اشوف الدنيا ماشية ازاى روحت حوالى تلات جمع ورا بعض الملاحظ بقا ان مش كل يوم تلاقى حاجات حلوة ولاكن مرة كدة ومرة كده و كان فيه حاجات عالية قوى وبأسعار حلوة جدا 1000 او 800 و ده كان اول كلام لاكن طبعا عند الشراء ممكن الفصال.وروحت بعض محلات فى الأسكندرية منهم الراجل بتاع الداون تاون و فى واحد فى الأبراهمية شارع ابو قير ورا نقطة الأبراهيمية.وده تقريبا ال كان فاتح فى جرين بلازا زمان.والراجل بتاع شارع شريف فى المنشية ال جنب عمر افندى.ومن خلا زياراتى للمحلات لقيت ان المستويات هيا هيا ال فى سوق الجمعة بس اعلى فى السعر بحوالى 500 جنيه …ومش كلهم عهندهم بضاعة حاضرة ماعدا بتاع الداون تاون ده ال بلاقى حاجات كل ما روحلوه رحتلوا بتاع مرتين كده….المهم ما طولش عليكوا…جاتلى سفرية القاهرة اسبوع قولت فرصة جامدة جدى…هاهاهاها. قولت فرصة وانا مسافر الف و اشوف الكلام فى القاهرة عامل ازاى.قبل مسافر كنت قريت فى المنتدى عن مزارع الكلاب و ان الحاجات ال فيها بتبقى جامدة المهم كنت قارى ان فى مزرعة فى الريف الأوروبى على الصحراوى كده قبل مدخل ستة اكتوبر بشوية…المهم وقفت على البوابة بتاعت الرف الأوروبى وسألت الأمن فين يا جماعة مزرعة الكلاب ال هنا يا جماعة قالولى بص يا باشا انت تخش البوابة و تمشى حوالى 10 كيلو؟!!!!!!!!! قولت نعم طبعا الحمد لله كان معايا عربية…..المهم تفضل ماشى فى شارع طويل مسفلت كده وفى جزيرة فى النص و فلل يمين و شمال و مزارع ودنيا تانية المهم تفضل ماشى لحد متلاقى مزارع "بولنيا" تخوش من عندها يمين و تمشى حوالى كيلو برضوا طريق اسفلت لحد متلاقى مزرعة الدكتور "سعود سيلاجور"..اه هو اسمه كده متسغربوش زى منا استغربت "ولا اى اندهاش" هو تقريبا مش مصرى المهم.وصلت على حسب الوصفة خبطت على باب المزرعة طلعلى الحارس و معاه شويه كلاب لولو قعدت تتنطط و كان فى نتاية بتبول جامدة برضوا كل ده على باب المزرعة المهم قلت له انا عاوز اشترى جرو قالى طب ثوانى اناديلك المسؤل عن الكلاب المهم طلعلى و احد قالى اتفضل يا باشا من الناحية التانية نروح المزرعة .لفينا وقولتله على طلبى قالى للأسف كل ال عندى كبير معنديش جراوى.اصغر حاجة عندى ذكر دنواه عنده ست شهور المهم فرجنى الصراحة حاجة فخمة وسعره حلو قوى 2500 جنية وعلى فكره كانوا عرضينه على المنتدى قبل كده بس تقريبا متبعش عشان المشوار بتاعم علقة فعلا….وكان بسم الله ماشاء الله عندهم حاجات عالية كتير بس كله كبيرة مش طلبى.المهم قلتله حفكر و اشوف وانا راجع ان شاء الله افوت عليك اخده منك لو ربنا موفقنيش فى طلبى.انا طولت عليكوا بس الرحلة فعلا كانت مهمة و مفيدة ولسة فيها كلية الشرطة وكده يعنى.... |
![]() |
![]() |
sponsor links |
![]() |
#2 |
صياد نشيط
تاريخ التسجيل: Mar 2011
المشاركات: 367
معدل تقييم المستوى: 6 ![]() ![]() ![]() ![]() ![]() |
![]()
نكمل بقى....
وصلت القاهرة قولت استغل قاعدتى اسبوع و برضوا اشوف طلبى المهم الحمد لله كنت عايش فى القاهرة حوالى سنتين و لسه راجع اسكندرية من حوالى 3 شهور فده الحمد لله ساعدنىة فى اللف هناك المهم.المهم روحت حوالى 3 اماكن فى القاهرة "سوق الجمعة بتاع السيدة عيشة,وكلية الكلاب فى العباسية و محل فى اول شارع القصر العينى كده" المهم نبداء بكلية الشرطة روحت ولفيت شوية لحد ما وصلت لأن كلية الكلاب فى ظهر كلية الشرطة القديمة فى العباسية المهم وصلت الحمد لله سألت العسكرى ال على الباب قلتله عاوز اشترى كلب قالى ايه يا باشا قلتله ياعم الحاج اليافطة ال على الباب بتقول بيع و استضافة و تطعيم و خدمات بيطرية الخخخ.المهم قالى طب اتفضل جوه لأحمد بيه المهم دخلت بسم الله ماشاء الله مزرعة نضيفة جدااااااااااااااااااااااا انضف مكان شوفته فى الرحلة كلها عندهم انواع كتير قوى فى اقفاص كلاب جيرمن على روت على لابرادور بس تقريبا كلهم مش للبيع.المهم وصلنا لحد المكتب قلتولوا عاوز اشترى جرو قالى احنا حاليا معندناش غير جيرمن قولتلوا فل انا عاوز من ده...هاهاها قالى طب ثوانى"يا عبد الله" فرج الباشا على الجرو الجيرمن روحت مع عبد الله اتفرج قام مطلعلى حاجة كدة لو فى سوق الجمعة متدفعش فيها اكتر من 600قولوا بقى كل الهيلمان ده عشان ده.هاهاهاا.المهم قولتلوا يعنى مفيش حاجة تانية قالى لا و الله وده بكام ان شاء الله قالى 2000 ج قلتوا ايه طب شكرا وروت واخد ديلى فى سنانى وقولت يا فكيك. |
![]() |
![]() |
![]() |
#3 |
صياد نشيط
تاريخ التسجيل: Mar 2011
المشاركات: 367
معدل تقييم المستوى: 6 ![]() ![]() ![]() ![]() ![]() |
![]()
المهم تانى يوم طلعت على سوق السيدة عيشة و شوفت بقى السوق على اصولوه كان فى كلاب كتير قوى و كان الروت فيلر ده بالهبل و مستوايات عالية بس كله كبير و اسعار كانت من 2500 و انت طالع و كان فيه و احد شكلة نضيف معاه ابوه كان ماسك كلب روت و الله لو فى محل او مزرعة مش حيقول اقل من 15000 بيتلكم فى كام بقى
5000 و الله حتة كلب بسم الله ما شاء الله و حشش وحشش يعنى المهم بقى كان فى حاجات كتير بس انا لللأسف مينفعش اخود الكلب و اشيله عشان مكنتش راجع على الأسكندرية.المهم بقى الأسعار من 1000 و انت طالع للحاجات النضيفة و كان فى حاجات مضروبة بالهبل.وكان فى نتاية دوبر جرواية يعنى تقليب عالى قوى قوى و كانت طالعة من عينى و كان اول كلام فيها 1000 جنيه و كان فيه ولدة بوكسرات بسم الله ما شاء الله التجار وسماسرة السوق كانوا بيتعاركوا عليها مقولوكومش اتباع الجرو للتاجر ب 3500 تخيلوا بس بسم الله ماشاء الله لو فى محل مش اقل من 5000 المهم خدت لفتى وكان برضوا فيه بتبول كتير جراوى بس مش باين تقليبهوم لصغر سنهم تخيلوا جراوى و الله عمر اسبوع و اسبوعين العيال شيلاها عشان تبيعها افترا.الجيرمن بقى مكنش كويس او مكانش فيه حاجات عالية الا مع التجار فى الأقفاص.وكانوا بيتكلموا فى 1000جنيه.وانا هنا بتكلم عن الجراوى لاكن الكبير كان فيه كتير و حاجات عالية قوى كمان بس الاسعار 2000 و انت طالع.المهم خدت لفتى و انا راجع من بره بليل فوت على الراجل بتاع القصر العينى قالى انا اجبلك ال انت عاوزوه و خد نمرة تلفونى و قالى حرض عليك و الأسعار من 1000 و انت طالع برضوا ... |
![]() |
![]() |
![]() |
#4 |
صياد نشيط
تاريخ التسجيل: Mar 2011
المشاركات: 367
معدل تقييم المستوى: 6 ![]() ![]() ![]() ![]() ![]() |
![]()
وانا فى رحلة رجوعى للأسكندرية كنت من فترة عارف ان فيه فى قرية الأسد بيبعوا كلاب قولت افوت بالمرة المهم دخلت خدت لفتى لقيت عندهم فى الأقفاص كلاب بس تعبانة كوكر و سانت برنارد و هاسكى بس كلها شكلها تعبان المهم سقلت الواد فين يا عم مسؤل الكلاب هنا قالى انا قولتولوا نعم عيل عندوا بتاع 10 سنين المهم قولتلوا انا عاتوز اشترى كلب يبنى قالى و الله يا باشا احنا ما بنبعش دلوقتى الكلام ده كان زمان و فعلا المرة ال فاتت و كان من تللت سنين كانوا عارضين الكلاب جميلة .المهم مشيت و انا راجع قولت افوت على مزرعة احمد عثمان قبل كارقور و ده من اشهر المزارع فى الوجه البحرى كله.المهم دخلتها كده من الطريق الصحراوى قبل كارفور و كوبرى الدولى بشوية فى دخلة لأبيس بعد كوبرى صغير كده يمين و انت حاى على اسكندرية.المهم دخلت و قاعدت ماشى ماشى ماشى ولا بيدى هاهاهاهاا, الترعة على يمينك و زرع على شمالك وملاحات و فيه وى جمالون ازرق كبير كده بتشوفوه من على الصحراوى على شمالك و الترعه على يمينك المهم لقيت كشك سالت و احد فين يا عم مزرعة احمد عثمان قالى بتاعت الكلاب قلتولوا اه قالى بص تفضل ماشى يجى اتنين كيلوا كده حتلاقيها على شمالك.المهم فضلت ماشى و الطريق مقلوكمش مكسر و زى الزفت انا مشيت ال اتنين كيلو دول فى يجى نص ساعة اه و الله المهم الحمد لله و صلت مزرعة ليها سور كبير و باب اسود المهم خبتط على الباب طلعلى و احد قولتوا انا عاوز اشوف الجراوى ال عندكوا عشان اشترى قالى طب تعالى من الباب ال فى الجنب قولت فى سرى هو ايه موضوع الباب ال فى الجنب ده هاهاهااها زى مزرعة الربف الأوروبى.المهم قولتلوا انا عاوز جرو جيرمن او دوبر قالى معنديش دكوره كلة نتى و الجبرمن مفيش غير جرو واحد عند اسبوعين المهم طب فرجنى يا عم قالى مش حينفع عشان صغير انا ممكن اوريك الأم قولتلوا ماشى يا عم اى حاجة يبقى على الأقل عرفت حاجة بدل المشوار المهبب ده و على الفاضى المهم قالى طب استنى هنا حضرتك قولت ماشى المهم دخل و غاب وبعدين طلعلى بالأم حاجة بسم الله ما شاء الله حلوة.المهم قلتلوا طب بكام يا عم الحج قالى السعر مع الحاج احمد عثمان قلتولوا طب نكلموا المهم كلمناه قالى السعر حسب التقثليب و الولدة لسة ما بنتش لأن الأم متجوزة من دكرين و احد مستورد والتانى محلى و السعر حيبقى فى ربنج 2000 ل 5000 حسب التقليب قولتلوا طب شكرا و خدت بعضى و روحت ماشى .
المهم ديه كانت ملخص الرحلة....ومازال البحث جاريا هاهاهاهاهاهااه ملخص الموضوع ان سوق الجمعة سواء فى القاهرة او اسكندرية ممكن تجيب حاجة حلوة بس تكون بتفهم فيهم المزارع و المحلات بتبيع غالى بس فى المقابل حاجة مضمونة و ممكن تمسك فى رقبتهم لو فى حاجة حصلت. ارجوا تكونوا استفدتوا من الموضوع و انا على اتم استعداد للأجابة على استفسار |
![]() |
![]() |
![]() |
#5 |
صياد نشيط
تاريخ التسجيل: Apr 2012
المشاركات: 469
معدل تقييم المستوى: 41 ![]() ![]() ![]() ![]() ![]() ![]() ![]() ![]() ![]() ![]() ![]() |
![]()
رحلة جميلة يا باشا وكنت متابعها معاك كويس
وحلوة بتاعت الباب الي من الجنب دي كل شوية ههههههههه اانا من رايي انك تشتري من اي مكان بس اهم حاجة تفهم فيهم كويس اوي علشان تعرف تدخل وتنقي وتشتري الي انت عايزة او تشتري من حد من اصحابك ومعارفك وهو يجيبلك حاجة كويسة وتقليب عالي واكيد هتبقي في وشة لو كبر وظهر انه مش كويس |
![]() |
![]() |
![]() |
#6 |
مشرف قسم السوق و المسابقات
|
![]()
موضوع فوق الممتاز . و طريقه سرد جميله
و احلى تقييم منى ليك يا معلم
__________________
http://img849.imageshack.us/img849/600/o642.jpg اللهم لك الحمد كما ينبغى لجلال وجهك و عظيم سلطانك
|
![]() |
![]() |
![]() |
#7 |
صياد نشيط
تاريخ التسجيل: Mar 2011
المشاركات: 367
معدل تقييم المستوى: 6 ![]() ![]() ![]() ![]() ![]() |
![]()
الف شكر يا جماعة
|
![]() |
![]() |
![]() |
#8 |
صيــــــــــاد محــــترف& عضو ذهبى
تاريخ التسجيل: Feb 2012
المدينه: مصـــر أم الدنيـــا
المشاركات: 2,759
معدل تقييم المستوى: 560 ![]() ![]() ![]() ![]() ![]() ![]() ![]() ![]() ![]() ![]() ![]() |
![]()
معلش يا باشا إن شاء الله تلاقي طلك
__________________
سبحان الله و بحمده سبحان الله العظيم [CENTER]
|
![]() |
![]() |
![]() |
#9 |
قنـــاص من الدرجه الاولى
|
![]()
رفيقى فى البحث انا كمان بدور على حاجه جيرمن عاليه ومش لاقى خالص
|
![]() |
![]() |
![]() |
#10 | |
صيــــــــــاد محــــترف& عضو ذهبى
تاريخ التسجيل: Feb 2012
المدينه: مصـــر أم الدنيـــا
المشاركات: 2,759
معدل تقييم المستوى: 560 ![]() ![]() ![]() ![]() ![]() ![]() ![]() ![]() ![]() ![]() ![]() |
![]() اقتباس:
يا برنس ما أنا قلت لك إجهز و طلبك عندي
__________________
سبحان الله و بحمده سبحان الله العظيم [CENTER]
|
|
![]() |
![]() |
![]() |
#11 |
صياد نشيط
تاريخ التسجيل: Mar 2011
المشاركات: 367
معدل تقييم المستوى: 6 ![]() ![]() ![]() ![]() ![]() |
![]()
الحمد لله ربنا كرمنى و اشتريت النهاردة جرو بيتبول عنده شهرين و ربنا يطرح فى البركة ان شاء الله
الكلب عمره شهرين, و جبته من عند المحل ال فى الداون تاون. والسعر 1500 و كان اول كلام 2000 و فاصلت معاه لحد المبلغ ده. ونسيت اكتب كمالة الرحلة. كنت رحت بالترتيب كده خلال الأسبوع ال فات : 1-نجيب بتاع ميامى ال عند بير مسعود و ده راجل محترم و معاملته حلوة اوى بس للأسف مكنش عنده طلبى و حاول المساعدة على اد ميقدر. 2- توسكا بتاع ميامى وده كان فى نفس اليوم وبرضوه كان عنده حاجات حلوة بس مش عارف مكنتش مستريح ان اشترى منه. 3- حمادة الوردانى بتاع الديب مول و كان عنده برضو جراوى حلوة جيرمن ب 1500 بس مش عارف مشترتش ليه هاهاهاا. اخر حاجة كان سوق الجمعة امبارح و كان السوف فيه جراوى جيرمن حلوة دباديب و عمر 3 شهور يعنى الجرو باين.وكان فيه حتتين بس فى السوق كله ال عليهم الطلب واحد بيتكلم فى 2000 و نزل لحد 1500 وواحد باين عبيط مش عارف انه و اقف فى سوق الجمعة بيتكلم فى 4000 بس بسم الله ماشاء الله حاجة حلوة و طبعا حتسئلوا طب ليه مخدتش ال 1500.لأن انا مدفعش فى حاجة فى سوق الجمعة المبلغ ده لاكن ممكن ادفع ازيد فى حلجة من عند حد معروف واعرف ارجعله لو لا قدر الله حاجة حصلت. وارجوا تكونوا استفدتوا من الموضوع من الأول للأخر و لو عاوزين ارقام تليفونات التجار دول ممكن اكتبهم بعد استأذان ادارة المنتدى......شكرا جزيل |
![]() |
![]() |
![]() |
#12 |
صياد قديم
تاريخ التسجيل: Feb 2011
المشاركات: 1,366
معدل تقييم المستوى: 18 ![]() ![]() ![]() ![]() ![]() ![]() ![]() ![]() ![]() ![]() ![]() |
![]()
رحله جميله
موضوع ممتاز وربنا يبارك لك فى البيتبول |
![]() |
![]() |
![]() |
#13 |
صيــــــــــاد محــــترف& عضو ذهبى
تاريخ التسجيل: Feb 2012
المدينه: مصـــر أم الدنيـــا
المشاركات: 2,759
معدل تقييم المستوى: 560 ![]() ![]() ![]() ![]() ![]() ![]() ![]() ![]() ![]() ![]() ![]() |
![]()
مبروك الكلب الجديد يا باشا ربنا يعطيك خيره و يكفيك شره
__________________
سبحان الله و بحمده سبحان الله العظيم [CENTER]
|
![]() |
![]() |
![]() |
#14 |
صياد نشيط
تاريخ التسجيل: Mar 2011
المشاركات: 367
معدل تقييم المستوى: 6 ![]() ![]() ![]() ![]() ![]() |
![]()
الله يخليكوا كلوكا يا جماعة.ويصلح حال مصر و يلم شمل المصريين
|
![]() |
![]() |
![]() |
#15 |
صياد متقدم
|
![]()
ألف ألف مبروك علي البيتبول يا ريس و موضوع فوق الممتاز فععععلا
![]() ![]() طب يا ريت لو صور للجرو الجديد بس أهو تورينا بالبيتبول الحلو ده ![]()
__________________
الكلية الجوية بيتي و عنواني عندما ترى طائرات العدو تسقط كالمطر وصواريخ تطلق بدقة فائقة و مهارة فريدة نادرا ما تري في القتال و المناورة 3> فأعلم أن نسور الجو يقاتلون 3> ****************************************** " القوات الجوية المصرية " عشقي هو الطيران بيتي هو السحاب إلى العلا في سبيل المجد تحيا قواتنا المسلحة درع الوطن و الشعب فذلك الجند خير أجناد الأرض تحياتي لكل أفراد قواتنا المسلحة, محمد قطب الدكاماوي |
![]() |
![]() |
![]() |
#16 |
صياد قديم
تاريخ التسجيل: Jun 2011
المدينه: القطاميه
المشاركات: 3,916
معدل تقييم المستوى: 0 ![]() ![]() ![]() ![]() ![]() ![]() ![]() ![]() ![]() ![]() ![]() |
![]()
موضوع جميل جدا تسلم ايدك وربنا يكفيك شره ويعطيك خيره ويباركلك فييه
__________________
((فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّارًا يُرْسِلِ السَّمَاء عَلَيْكُم مِّدْرَارًا وَيُمْدِدْكُمْ بِأَمْوَالٍ وَبَنِين َ وَيَجْعَل لَّكُمْ جَنَّاتٍ وَيَجْعَل لَّكُمْ أَنْهَارًا))
اللهم انى استغفرك واتوب اليك *اللهم انت ربى لا اله الا انت سبحانك خلقتنى وانا عبدك وانا على عهدك ووعدك ما استطعت اعوذ بك من شر ماصنعت ابوء لك بنعمتك على وابوء لك بزنبى فأغفر لى فأنهه لايغفر الزنوب الا انت * |
![]() |
![]() |
![]() |
#17 |
صياد نشيط
تاريخ التسجيل: Mar 2011
المشاركات: 367
معدل تقييم المستوى: 6 ![]() ![]() ![]() ![]() ![]() |
![]()
الف شكر ياجماعة وان شاء الله ارفع الصور
|
![]() |
![]() |
![]() |
#18 |
صياد جديد
تاريخ التسجيل: Mar 2014
المدينه: الاسكندرية
المشاركات: 19
معدل تقييم المستوى: 4 ![]() |
![]()
رحله طويله وشاقه اكيد بس الحمد لله انك لقيت طلبك وربنا يعطيك خيره ويكفيك شره
![]() ![]() |
![]() |
![]() |
![]() |
#19 |
صياد نشيط
تاريخ التسجيل: Mar 2011
المشاركات: 367
معدل تقييم المستوى: 6 ![]() ![]() ![]() ![]() ![]() |
![]()
اهلا وسهلا بيك يا محمد.بس الموضوع دلوقتى اختلف شوية.النت سهل كتير قوى العملية ممكن تتفرج على دوبيزل و تلاقى طلبك بسهولة دون عناء
|
![]() |
![]() |
![]() |
#20 |
صياد متقدم
تاريخ التسجيل: Oct 2013
المدينه: القاهرة - الاميرية
المشاركات: 729
معدل تقييم المستوى: 8 ![]() ![]() ![]() ![]() ![]() ![]() ![]() ![]() |
![]()
أوفى صديق هو الكلب . ممكن تصاحب واحد تعطى له عمرك وتخدمه خدمات لا تقدر . وتسئ اليه مرة واحدة . فينسى كل هذا
المعروف ويتذكر الاساءة الوحيدة . الا الكلب يحب صاحبه مهما فعل فيه . مبروك الصديق الوفى الذى هو الكلب . |
![]() |
![]() |
![]() |
#21 |
صياد متقدم
تاريخ التسجيل: Apr 2011
المشاركات: 782
معدل تقييم المستوى: 13 ![]() ![]() ![]() ![]() ![]() ![]() ![]() ![]() ![]() ![]() ![]() |
![]()
الموضوع شيق لى كقارىء بس يا سلام لو كنت اتحفتنا بصور.. انت اتكلفت مجهود وبنزين عشان توصل لنتيجة و تفيد غيرك كمان .. الكلاب مهمة فى اى مزرعة أو فيلا متطرفة.. لكنى بفهمش فيهم خالص .. وعشان كدة هديكم مجموعة صور للخبراء يعرفونا انواع الكلاب الى فيها و حراسة ولا زينة؟؟ بس متغيرش رأيك فموضوع الشرا...
![]() http://im44.gulfup.com/JOWjzJ.jpg http://im44.gulfup.com/cS5Otj.jpg http://im44.gulfup.com/Uu1o0h.jpg http://im44.gulfup.com/BVGsz7.jpg http://im44.gulfup.com/dvEO9w.jpg http://im44.gulfup.com/3OVHzT.jpg http://im44.gulfup.com/Q9OV8o.jpg http://im56.gulfup.com/8PM0m2.jpg |
![]() |
![]() |
![]() |
#22 |
صياد جديد
تاريخ التسجيل: Mar 2014
المدينه: الاسكندرية
المشاركات: 19
معدل تقييم المستوى: 4 ![]() |
![]() |
![]() |
![]() |
![]() |
#23 | |
صياد جديد
تاريخ التسجيل: Mar 2014
المدينه: الاسكندرية
المشاركات: 19
معدل تقييم المستوى: 4 ![]() |
![]() اقتباس:
واللي في اللينك التاني ده نوعه شيواوه تقريبا وده زينه واللي في اللينك التالت ده نوعه جيرفون او لولو يعني وده زينه واللي في اللينك الرابع ده انا الصراحه معرفش نوعه وغالبا بيتبول وده حراسه واللي في اللينك الخامس الصوره مش موضحه نوعه واللي في اللينك السادس ده نوعه دنواه او جريت دان وده للحراسه واللي في اللينك السابع ده نوعه هاسكي وده للحراسة واللي في اللينك الثامن ده نوعه بيكنواه وده زينه ..................... هذا والله اعلم ![]() |
|
![]() |
![]() |
![]() |
#24 | |
صياد متقدم
تاريخ التسجيل: Apr 2011
المشاركات: 782
معدل تقييم المستوى: 13 ![]() ![]() ![]() ![]() ![]() ![]() ![]() ![]() ![]() ![]() ![]() |
![]() اقتباس:
|
|
![]() |
![]() |
![]() |
#25 | |
صياد جديد
تاريخ التسجيل: Mar 2014
المدينه: الاسكندرية
المشاركات: 19
معدل تقييم المستوى: 4 ![]() |
![]() اقتباس:
![]() ![]() |
|
![]() |
![]() |
![]() |
#26 |
صياد متقدم
تاريخ التسجيل: Apr 2011
المشاركات: 782
معدل تقييم المستوى: 13 ![]() ![]() ![]() ![]() ![]() ![]() ![]() ![]() ![]() ![]() ![]() |
![]()
فى كلب عند جار ليا فى الشارع الى ورايا زى الكلبين الضخمين الى كانوا فى فيلم أوعى وشك الى لونهم ابيض منقط باسود..كل يوم ينزل فى ساعة محددة يفسح حضرت الكلب المندفع الى عايز يجرى ولا هامة العربيات ممكن اعرف الكلب دة نوعه اية وبيعمل كام و بيتميز بإية خصوصا انى مشفتش النوعية دى فى تصنيفات كلاب الحراسة قبل كدة.. وكنت عاوز اسأل اهم سؤالين .. الأول اية اكتر انواع الكلاب المصحصحة الى تنفع فى حماية المزارع من دخول الغرباء نهارا او ليلا.. وإية نوع الكلاب الى بيخلى التعالب والديابة متقدرش تخش المزرعة؟ وهل يفضل ان الواحد يشترى للحراسة ذكور ولا اناث؟
|
![]() |
![]() |
![]() |
#27 | |
صياد جديد
تاريخ التسجيل: Mar 2014
المدينه: الاسكندرية
المشاركات: 19
معدل تقييم المستوى: 4 ![]() |
![]() اقتباس:
![]() |
|
![]() |
![]() |
![]() |
#28 |
صياد متقدم
تاريخ التسجيل: Apr 2011
المشاركات: 782
معدل تقييم المستوى: 13 ![]() ![]() ![]() ![]() ![]() ![]() ![]() ![]() ![]() ![]() ![]() |
![]()
مشكور عالمعلومات القيمة سؤال اخير .. هل ممكن تربية جيرمن مع بيتبول مثلا وتستفيد بمميزات الاتنين ولا يقطعوا بعض؟ دا غير انى شفت عمى كان مربى كلب و حابسة فى الشركة ولما جة موسم التزاوج محدش خد باله ان الكلب مربوط وبقى شرس وبيعض العمال وفى ناس افتكرتة سعران وضربتة
|
![]() |
![]() |
![]() |
#29 | |
صياد جديد
تاريخ التسجيل: Mar 2014
المدينه: الاسكندرية
المشاركات: 19
معدل تقييم المستوى: 4 ![]() |
![]() اقتباس:
![]() |
|
![]() |
![]() |
![]() |
#30 |
صياد جديد
تاريخ التسجيل: Mar 2015
المشاركات: 18
معدل تقييم المستوى: 4 ![]() |
![]()
الكلام مفيد جدا شكرا ليك
|
![]() |
![]() |
![]() |
#31 |
صياد جديد
|
![]()
بالنسبة لموضوع جمارك الجرمان شبرد أخوكم مصري متجنس ألماني عايز أنزل جرو بأوراق لمصر عمره ٨ اسابيع جمرك كام
|
![]() |
![]() |
![]() |
#32 |
صياد جديد
|
![]()
أبو أنس .... رحلة طيبة وصحبة طيبه ....
نقلتنا الي الأجواء وكأننا نعيش معكم عتبي عليك أنك لم تدعني لمخاوتكم وانا جارك وقريب جدا منك ياشيخ ال PC ïًîلîâàëè Hollywood Casino êٍî çيàهٍ?
__________________
https://lemurvet.ru |
![]() |
![]() |
![]() |
sponsor links |
|
|
![]() |
||||
الموضوع | كاتب الموضوع | المنتدى | مشاركات | آخر مشاركة |
نظام الدفاع الجوي "Thaad" اختصار "Theatre High Altitude Area Defense" | avokato | التسليح المصرى و العالمى | 0 | 12-12-19 06:21 PM |
"" برج بارتفاع 4 كلم !! "" 0_o تخيلوا فقط أن تنوي اليابان بناء ناطحة تسخر من ناطحات السحاب الحالية | avokato | الموضوعات العامه | 5 | 12-09-02 05:39 PM |
مانشيت الرئيسي بجريده معاريف "برامج الصاروخ "حيتس" كتاب مفتوح أمام المصريين" "فضيحة منظومة الصواريخ | avokato | الموضوعات العامه | 6 | 12-08-28 03:50 PM |
"الدفاع الإسرائيلية" تنشر خطة "عوز" لمواجهة مصر عسكرياً..صواريخ "ساعر 5"لشل "قناة السويس" 20 عاماً.. | avokato | الموضوعات العامه | 4 | 12-08-27 03:53 AM |
للعياط فقط / + 18 / مريضي القلب يمتنعون / عذاب رهيب ""kudu knife"" | عبــ الله ــد @ | الصيد البري وادواته | 27 | 12-08-06 03:35 AM |