الصيد فى مصر  

العودة   الصيد فى مصر > الاسلحه > الورشة

الورشة صيانه البنادق واصلاح مشاكلها الفنيه.

إضافة رد
أدوات الموضوع إبحث في الموضوع انواع عرض الموضوع
غير مقروء 16-08-10, 04:34 PM   #1
محمد خلف
مشرف قسم الصيد البرى
 
تاريخ التسجيل: Aug 2012
المدينه: بورسعيد
المشاركات: 998
معدل تقييم المستوى: 96
محمد خلف من اهم اعضاء المنتدىمحمد خلف من اهم اعضاء المنتدىمحمد خلف من اهم اعضاء المنتدىمحمد خلف من اهم اعضاء المنتدىمحمد خلف من اهم اعضاء المنتدىمحمد خلف من اهم اعضاء المنتدىمحمد خلف من اهم اعضاء المنتدىمحمد خلف من اهم اعضاء المنتدىمحمد خلف من اهم اعضاء المنتدىمحمد خلف من اهم اعضاء المنتدىمحمد خلف من اهم اعضاء المنتدى
إرسال رسالة عبر Yahoo إلى محمد خلف
افتراضي عمل خنجر من الصفر بادوات متاحه

بعد ما اتفقنا على انا هشارك معاكم لحظات عملي للخناجر و دي حاجه ممتعه جدااااااااا دي تفاصيل تاني محاوله ليا و خرج منها سلاح محترم و شكله معقول بستخدمه في التذكيه و التنضيف من يوم ما عملته

1
اول صوره للمشروع دا كلانت بعد ما نضفته و حددت شكله على حجر الجلخ ..
اول حاجه رسمت الشكل الي انا عاوزه تقريبا على الحديد بقلم رصاص و بعد كده ظبطته على الحجر ..
المقبض فضلت اظبطه و امسكه بايدي عشان اوصل لاعلى درجة راحه في المسكه عشان ميتعبنيش بعد كده ..
لما خلصت نضفت الصدا الي عليه بالفرشه السلك .

https://www.facebook.com/egypthunt.n...type=3&theater

2
الصوره دي في نفس اليوم بعد ما عملت الشطفه على جنبين السلاح ..
حجر و بعدين التظبيط بمبرد و صنفره ..
معاناااااااه .. بس متعه

https://www.facebook.com/egypthunt.n...type=3&theater

3
قبل الصوره دي كنت خدت فترة شغل مصورتش فيها حاجه ..
اول حاجه نضفت الحديد من الماده السودا الي عليه خالص بالصنفره .. خدت وقت و مجهود كتير جدا ..
سخنت الحديد لحد ما احمر و بعد كده غطسته في زيت موتور محروق و كررت العمليه 3 مرات ..
النتيجه كويسه جدا و بقى حامي لدرجة انع عورني اكتر من مره و انا بنضفه بالرغم من اني معملتش الموضوع دا صح ..
المفروض الي عرفته بعد كده ان الحديد بيتسخن لدرة انه بيفقد خواصه المغناطيسيه و بعدين يتغطس في الزيت و انا معملتش كده .. المره الجايه بقى
على فكره العمليه دي اهم حاجه في الليله كلها لان دا الي بيحول حته حديد عاديه لسلاح حقيقي ..
بعد كده فضلت ارسنم كذا شكل للمقبض و اخترت الشكل دا و رسمته على الخشب ..
قصيت الخشب بمنشار و شلت اكبر كميه من الزيادات اقدر عليها بكتر ..
بعد كده صنفره يجي 3 ساعات لحد ما وصلت للشكل دا .

https://www.facebook.com/egypthunt.n...type=3&theater

4
بعد ما المقبض خلص عملت خرمت الحديد و بعدين عملت الخروم في الخشب و ظبطت سكة المسامير فيها ..
بعد كده جبت شوية معجون حديد (ابوكسي) و رزقت بيها المقبض و ربطت المسامير و سبته ينشف ..
تاني يوم رجعت اصنفر تاني عشان اشيل بقايا المعجون ..
الاماكن الي لون المعجون باين فيها كانت عيوب في الخشب انا الي كبستها معجون عشان يبقى المقبض مظبوط ..

https://www.facebook.com/egypthunt.n...type=3&theater

5
بعد ما خلصت المقبض و اتنفخت في تلميع السلاح بالصنفره لحد ما بقى بالمنظر دا فكرت اعمل جراب ..
فكرت شويه ممكن اعمله من ايه و في الاااااخر قررت اعمله بلاستيك
جبت كارتيره كانت مرميه بايظه ..
قطعت منها شرايح و غسلتها كويس ..
اخترت منها القطع المفروده و رسمت عليها الشكل الي انا عاوزه و حدود الخنجر و بدات اقص (بسن الخنجر )..
ظبطت الطبقتين على بعض و حددت اماكن التخريم بقلم رصاص و بدات اخرم بسن خطاف صيد كبير من بتوع الحج ..
لما خلصت تخريم خيطت الجراب بشعر صيد و اديكو شايفين النتيجه

https://www.facebook.com/egypthunt.n...type=3&theater

دي شوية عصافير اصطدتها و ذكيتها بالخنجر يوم ما عملت الجراب

https://www.facebook.com/egypthunt.n...type=3&theater

يااااااارب الموضوع يعجبكو و تكونو اتبسطتو و استفدتو
و قريب هرفع صور الجديد الي هيكون احسن من دا باذن الله
و اذا ربنا سهلها هيكون فيديو كمان
هما الاجانب احسن مننا ولا ايه ههههههههههههههههههههه
__________________
لئن فغر الخطر فاه ، فأدخل رأسك فيه ..
لئن غزا الخطر قلبك ، فأغز قلبه ..
لئن جرى الخطر ، خلفك فلتتوقف ..
انتظره ..
محمد خلف غير متواجد حالياً   رد مع اقتباس
sponsor links
إضافة رد

sponsor links

أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة



الساعة الآن 08:01 AM


Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir