1. youtube
  2. new
الإعلانات


مطبخ المنتدى وصفات وطرق طبخ الصيد.

إضافة رد
أدوات الموضوع إبحث في الموضوع انواع عرض الموضوع
  #1  
غير مقروء 13-05-01, 09:58 AM
الصورة الرمزية tarekabasy
tarekabasy tarekabasy غير متواجد حالياً
عضو مميز جداً
 
تاريخ التسجيل: Jul 2012
المشاركات: 515
معدل تقييم المستوى: 126
tarekabasy عميد بالمنتدىtarekabasy عميد بالمنتدىtarekabasy عميد بالمنتدىtarekabasy عميد بالمنتدىtarekabasy عميد بالمنتدىtarekabasy عميد بالمنتدىtarekabasy عميد بالمنتدىtarekabasy عميد بالمنتدىtarekabasy عميد بالمنتدىtarekabasy عميد بالمنتدىtarekabasy عميد بالمنتدى
افتراضي البوظة على طريقة العباسى

صباح الفل
البوظة
المشروب اللذيذ
كلنا ينشربة من واحنا اطفال
اختلف فيها الراى والكلام
ناس قالت بيعملوها من العيش المعفن
وناس قالت بيخمروها وبتسكر
وناس قالت ما كثيرة مسكر فقليلة حرام وحرموها

هنا هنكلم عن البوظة اللى لا بتسكر لا بقليل ولا كتير
وبصراحة دايما بشوف الأطفال بيشربوها فى الشارع ومفيش حد فيهم بيقول انا جدع ههههههههههه

كنت م زمان جدا من وانا فى 5 ابتدائى كل ما نسافر البلد والدى يبعت يشتريلنا بوظة من السوق الأسبوع بالقرية
وكنت بحب طعمها اوى
وفاكرة
عشان كدة لما كنت بشرب البوظة اليومين دول والاقيهم حاطين عليها مكسبات طعم زى الفانيليا والمورد كنت بدايق منها بصراحة
مانا خبرة هههههههههههههه
شربتها كتير وانا صغير وعارف طعمها كويس

والبوظة يا معلمين سر دفين
يعنى مفيش مخلوق يقولك بتتعمل ازاى
وكلة يتوهك يا نجم
وكأنة سر حربى

البوظة مشروب لذيذ قريب الشبة من الأيس كريم
ولكن بدون تلج
يعنى يبقا ساقع بس

وممكن تشربة فى كوباية او تشترية فكيس
وطبعا استخدم خيالك بقى وشوف هثشرب من الكيس ازاى هههههههههههه
اخرم واشفط يا معلم


لما بنروح نصطاد سمك من الصف جيزة
بنعدى على راجل بيعمل بوظة
قولتلة مرة انا مش من هنا وباجى لما بسافر بس
ماتقولى البوظة بتتعمل ازاى عشان بنحب نشربها فى البيت
والصراحة الراجل كان متعاون جدا جدا وقفل بقة ومانطقش بولا كلمة ههههههههههههههه

بينى وبينكم حطيت الموضوع فى دماغى والحمد لله فى خلال اسبوعين
وبالبحث والتنقيب والتجريب وصلت ل طريقة صناعة البوظة بالمقادير والتكنيك المثالى
وكمان فى اسرع وقت ممكن يعنى ممكن حوالى ساعتين تكون عامل بوظة وبتشرب يا معلم

يعنى لا بتلحق تخمير وسكر والكلام الفاضى دة وطبعا معروف ان السكر بيتحول لكحول بعد 3 ايام واحنا كبيرنا ساعتين باذن الله

انا عمرى ما طلبت تقييم من حد على المنتدى اطلاقا
لكن معلش بقا انا بجد تعبت جدا فى موضوع البوظة دة
واللى مش مصدق يجرب ويقولنا بتتعمل ازاى بمقادير وتكنيك وكلة

لو 20 عضو طلبوا الطريقة هقولها
وطبعا ماتنسوش التقييم

وهقدم الموضوع بالصور والمقادير وافضل نتيجة وتصنيع من خامات راقية جدا ونضيفة جدا جدا وطبعا محبى البوظة هيدعولى
وهسيب الموضوع للمناقشة اسبوعين واقابلكم بعديها ونشوف كام واحد عاوزين البوظة

ها مين عاوز يبوظ هههههههههههه



__________________
طارق العباسى تلميذ الجميع


http://img832.imageshack.us/img832/5404/tawke3copy.jpg
رد مع اقتباس

غير مقروء 13-05-01, 10:17 AM   #2
tarekabasy
عضو مميز جداً
الصورة الرمزية tarekabasy
 
tarekabasy عميد بالمنتدىtarekabasy عميد بالمنتدىtarekabasy عميد بالمنتدىtarekabasy عميد بالمنتدىtarekabasy عميد بالمنتدىtarekabasy عميد بالمنتدىtarekabasy عميد بالمنتدىtarekabasy عميد بالمنتدىtarekabasy عميد بالمنتدىtarekabasy عميد بالمنتدىtarekabasy عميد بالمنتدى tarekabasy غير متواجد حالياً


قائمة طالبى طريقة عمل البوظة
1- محمد حبيب
2- ابو عمرو
3- الكناس
4-ابراهيم
5- محمد محمود
6-المسيرى
7- محمد شادى
8-ابو مروان
9- هوجان
10- coyote160
11- ايميل مينا
12- نسر مصر
13-مودى كمال
14-سمارت جوست
15-كيمو
16- ايمن
17-محمد خلف
18-ابويا ههههه
19-هشام سمير
20-وكمان هشام سمير ههههههههههه


طبعا بناء على طلب الجماهير والناس اللى بتعشق البوظة
وانا اولهم
نبدا بالصلاتوا على النبى
ونقول
حكايتى مع البوظة
بحبها بحبها وفقلبى ساكن حبها تاتاتاتاااااا
بجيبها فكيس
بجيبها فكيس واشربها وحدى كلهاااااا
بحبها بحبها
لكن خلاص عملتها
اتقنتها
وهعلم الدنيا وتعمل زيهااااا
بحبها بحبها


ماعلينا
ههههههههههههههه
فكرت اعمل بوظة
عم محمد المعلم بتاعى فى صيد الريم لاحظ اننا بنشترى بوظة كتير واحنا رايحين نصطاد
انا بشترى بخمسة جنية وانا رايح وخمسة جنية وانا راجع
قاللى ماتعملها
قولتلة ازاى
قاللى كيلو دقيق زيرو وكيلو بلدى وعلى الناروتتخمرها يومين وتحط السكر وتصفيها وتشرب

جربت كلامة مازبطش وبهدلة
تصفى بقا وشاش ومصفة ديقة اوف

دخلت النت دورت ونخربت لقيت الطريقة اللى ذكرها احد الأعضاء هنا وجيت اشرب لقيت مية بليلة ودلعة كمان

لا
كان لازم اتصرف بدماغى
انا عارف طعمها كويس جدا
وكمان الطعم الأصلى وبدون اى مكسبات طعم
ابتديت اجرب واطور وصولا للطعم الرائع


نبدا طريقة عمل البوظة على طريقة العباسى

المقادير
كوب ونصف سكر
كوب دقيق زيرو
خمس اكواب مية
من نص معلقة كبيرة خميرة لتلتين معلقة + نص كوباية مية وربع معلقة سكر
نصف رغيف بلدى او نصف بلدى ويفضل يكون مبيض مش محروق

الادوات
مضرب سلك يدوى
هاند ميكسر عمودى او خلاط بشفشق
حلة كبيرة تستوعب من 3 ل 4 لتر


الطريقة
نقطع النص رغيق لقم صغيرة
ونحطة فى الحلة ونضيف علية الخمس كوبايات مية
ونسيبة يبوش حوالى 15 دقيقة

وبعدين نضيف علية السكر والدقيق
ونضربة بالميكسر او نضربة فى الخلاط لما نعدمة العافية
وياريت نهتم بموضوع الضرب كويس عشان مايبقاش فية فتافيت عيش فى البوظة

نولع النار على الحلة ونبدا نقلب تقليب مستمر بالمضرب السلك
ودى خطوة مهمة جدا عشان ماتكلكعش مننا
تقليب بالمعلقة نو
هتكلكع منك يا برنس
تقليب بالمضرب لمرحلة الغليان
ودى هنسميها مرحلة النضج وعلاماتها ان الرغاوى اللى فوق هتختفى
والبوظة تغمق سنة
وتبقبق
يعنى تطلع فقاقيع بصوت

نطفى عليها بقا
ونسيبها تبرد ومفيش مانع اننا نراقبها ونقلبها بالمضرب السلك من حين لأخر عشان تبرد بسرعة

قبل ما البوظة تبقا دافية او فاترة ب عشر دقايق
نجيب تلتين معلقة الخميرة وندوبها فى نص كوباية مية و ونضيف ربع معلقة سكر
ونسيبها عشر دقايق لو بقت زى الصورة مطلعة رغاوى على الوش
يبقا تمام شغالة

نضيف الخميرة امتة
لما البوظة تبقا دافية او فاترة
طيب امتة نضيفها وهى دافية
وامتة نضيفها وهى فاترة

نضيفها للبوظة وهى دافية لو الجو برد
ونضيفها للبوظة وهى فاترة لو الجو حر

معروف طبعا ان دافية يعنى اكتر حرارة من فاترة

طيب اية الأختبار الحقيقى لدرجة حرارة الحلة
اختبار وحيد صادق وعملى
انك تشيل الحلة على كف ايدك
عشان تعرف درجة الحرارة الحقيقية

مرة بوظت البوظة عشان ضفتها وهى سخنة الخميرة ماتت اهرء اهىء اهىء ههههههههههه

نختبر الحلة ونلاقيها دافية بس او فاترة نضيف نص كوباية الخميرة اللى بقالها عشر دقايق بتنشط نفسها
ونقلبها كويس جدا جدا جدا بالمضرب السلك
نقلبها كويس جدا عشان تبقا كلها سمك واحد وماتلسعش مننا


ونغطيها ونسيبها على البوتجاز لمدة ساعة فى الصيف وساعة ونص فى الشتا

وبعد الساعة او الساعة ونص

نفتح الحلة نلاقيها خمرت
لو ما خمرتش يبقا انت جايب خميرة وحشة ولا اختبرتها ولا يحزنون وقومت مقلبها وراميها فى الحلة ومكبر دماغك وحلقت ل اصول الصنعة وهنا بقا البوظة هتردلك الصاع صاعين وهتبوظ

او انك ضفتها والبوظة سخنة جدا عشان كدة الخميرة ماتت اهىء اهىء اهىء


لو خمرت يبقا تمام وطبعا قولنا حلة كبيرة عشان هتخمر وتزيد تضيف ليها كوباية مية عشان هتلاقيها خمرت وجلدت وعاوزة شوية مية

طبعا فية حاجة مهمة
الدقيق وما ادراك ما الدقيق
ساعات تعملها تلاقيها مش عاوزة كوباية المية دى
وساعات عاوزة كوبايتين مش كوباية
بص يا نجم
بعد ما البوظة خمرت هتضيف مية حسب تفضيلك لقوام البوظة
وانا برشح كوباية
لكن ممكن تخالفنى وتضيف نص كوباية او كوباية ونص
دا هيبقا حسب نوع الدقيق وحسب تفضيلك الشخصى

وكدة تبقى البوظة تمام التمام
لو حطيتها فى التلاجة هتوقف التخمر وعيش يا نجم
انا ساعات بسيبها برة التلاجة ساعتين تلاتة كمانعشان بكون بنقلها من المكتب للبيت فى اى شفشق
عشان لو حطيتها فى التلاجة وجيت انقلها مكان تانى هتفش ششششش
وانا ببقا عاوزها قوية ههههههههههههه خبرة بقى

موضوع الخميرة
هتجيب خميرة بجنية
هتعملك من مرتين لتلاتة
اشتريتها من جنب البيت فى شبرا لخيمة عملت مرتين
واشتريتها من عين شمس جنب المكتب عملت 3 مرات

يعنى حسب اللى بيبعلك
كمية الخميرة حوالى معلقة شاى ونص او تلتين معلقة كبيرة
طبعا الخميرة حتت ومكسرة بس هتقدر تعايرها بعنيك بعد ما تبقا خبرة



حفظ الخميرة
مش معقول كل ما تحب تعمل بوظة تبعت تشترى
انت اشترى بجنية
واستعملها واحفظ الباقى فين
فى الفريزر
بس قطعها قبل ما تدخلها الفريزر
وبكدة تبقى خميرتك فى تلاجتك يا نجم وتعملها فى اى وقت

واوعا تستهون باختبار الخميرة ممكن تفسد لو طولت مدة التخزين

ودى بقا الصور التوضيحية اللى عملتها فى مختبر الفوتون قصدى فى مكتبى
اوعا حد يتريق على الحلة والعدة
احمدوا ربنا ان عندى الأمكانيات دى فى المكتب ههههههههههههه

دى بقا البوظة يا قناصين...اية رايكوا العباسى اصلى والا لا
اللى شايف ان العباسى اصلى يرزع تقييم



[































اى حد ييواجة اى مشكلة فى التصنيع يسأل يستشير فى نفس الموضوع هنا
عشان الفايدة تبقى اللجميع

التوقيع: طارق العباسى تلميذ الجميع


http://img832.imageshack.us/img832/5404/tawke3copy.jpg
  رد مع اقتباس


غير مقروء 13-05-01, 11:18 AM   #3
emilmina
صياد متفاعل
الصورة الرمزية emilmina
 
emilmina في بداية الطريقemilmina في بداية الطريقemilmina في بداية الطريقemilmina في بداية الطريق emilmina غير متواجد حالياً

محجوز للطريقة

  رد مع اقتباس


غير مقروء 13-05-01, 11:54 AM   #4
نسر مصر
صياد نشيط
 
نسر مصر في بداية الطريقنسر مصر في بداية الطريقنسر مصر في بداية الطريقنسر مصر في بداية الطريقنسر مصر في بداية الطريقنسر مصر في بداية الطريقنسر مصر في بداية الطريقنسر مصر في بداية الطريق نسر مصر غير متواجد حالياً

وانا كمان حاجز 2 طريق للبوظه وصلحو

  رد مع اقتباس


غير مقروء 13-05-01, 12:41 PM   #5
mohamed2010habib
مشرف قسم الصيد البرى والاقسام الرئيسية

اوسمتي

 
mohamed2010habib عميد بالمنتدىmohamed2010habib عميد بالمنتدىmohamed2010habib عميد بالمنتدىmohamed2010habib عميد بالمنتدىmohamed2010habib عميد بالمنتدىmohamed2010habib عميد بالمنتدىmohamed2010habib عميد بالمنتدىmohamed2010habib عميد بالمنتدىmohamed2010habib عميد بالمنتدىmohamed2010habib عميد بالمنتدىmohamed2010habib عميد بالمنتدى mohamed2010habib غير متواجد حالياً

بصراحه انا كنت متشوق للموضوع من اوله ...بس لما علقت الموضوع فى الاخر زعلت منك اخى طارق ... و دى اول مره ازعل منك لاننى من عشاق البوظه
فيا ريت تبعتلى الطريقه على الخاص لاننى معنديش صبرههههههههههههه
و التقييم اتبعت مقدما ههههههههه

التوقيع:

د.محمد حبيب
  رد مع اقتباس


غير مقروء 13-05-01, 02:12 PM   #6
tarekabasy
عضو مميز جداً
الصورة الرمزية tarekabasy
 
tarekabasy عميد بالمنتدىtarekabasy عميد بالمنتدىtarekabasy عميد بالمنتدىtarekabasy عميد بالمنتدىtarekabasy عميد بالمنتدىtarekabasy عميد بالمنتدىtarekabasy عميد بالمنتدىtarekabasy عميد بالمنتدىtarekabasy عميد بالمنتدىtarekabasy عميد بالمنتدىtarekabasy عميد بالمنتدى tarekabasy غير متواجد حالياً

اقتباس:
المشاركة الأصلية كتبت بواسطة emilmina مشاهدة المشاركة
محجوز للطريقة
اقتباس:
المشاركة الأصلية كتبت بواسطة نسر مصر مشاهدة المشاركة
وانا كمان حاجز 2 طريق للبوظه وصلحو
الموضوع هيولع يا جدعان هههههههههههههه
اية هو انا جاى اقول طريقة البوظه فى منتدى محترفى صناعة البوظة والا اية ههههههههههههههه

ماشى يا معلمين
طيب قولوا الطريقة حاجزين لية
ماشى يبقا اكيد هتصوروا الطريقة اوك
مستنيين

واهو كلة منافع يا نعناع هههههههههههههه
وربما تعلمونى طريقة احسن

بس يا ريت تنجزوا بقا قدامكوا 3 ايام واللى مش هيقول طريقة هنعتبرة اخوان ههههههههههه

التوقيع: طارق العباسى تلميذ الجميع


http://img832.imageshack.us/img832/5404/tawke3copy.jpg
  رد مع اقتباس


غير مقروء 13-05-01, 02:21 PM   #7
tarekabasy
عضو مميز جداً
الصورة الرمزية tarekabasy
 
tarekabasy عميد بالمنتدىtarekabasy عميد بالمنتدىtarekabasy عميد بالمنتدىtarekabasy عميد بالمنتدىtarekabasy عميد بالمنتدىtarekabasy عميد بالمنتدىtarekabasy عميد بالمنتدىtarekabasy عميد بالمنتدىtarekabasy عميد بالمنتدىtarekabasy عميد بالمنتدىtarekabasy عميد بالمنتدى tarekabasy غير متواجد حالياً

اقتباس:
المشاركة الأصلية كتبت بواسطة mohamed2010habib مشاهدة المشاركة
بصراحه انا كنت متشوق للموضوع من اوله ...بس لما علقت الموضوع فى الاخر زعلت منك اخى طارق ... و دى اول مره ازعل منك لاننى من عشاق البوظه
فيا ريت تبعتلى الطريقه على الخاص لاننى معنديش صبرههههههههههههه
و التقييم اتبعت مقدما ههههههههه
اتقل يا عم محمد هههههههههههه
كنت عاوز طريقة دا فية 3 طرق جايين اهوة ههههههههههههه
وماتقلقش عمرى ماهزعلك
وبكرة تقول العباسى اصلى اصلى
انا عارف ان البوظة ليها شعبية جامدة جدا
وحب عارم بينا الناس وخصوصا الرجالة

بينى وبينك انا كنت هجنن واعملها ههههههههههههه
وتخيل دلوقتى بمنع نفسى عن عمايلها عشان مازودش وزنى
بس مابقدرش اكتر من يومين هههههههههههههه

بس تأكد انك هتدعيلى عارف لية
علشان اخوك زابطها زبطة عسل لدرجة انى لما بعت منها لوالدى ماكنش مصدق ابدا انى انا اللى عاملها وفى البيت
ووالدى بقا اوعا وشك مفطوم على البوظة منذ نعومة اظافرة ههههههههههه
وكان تعليقة عليها ان هى دى البوظة الجميلة

التوقيع: طارق العباسى تلميذ الجميع


http://img832.imageshack.us/img832/5404/tawke3copy.jpg
  رد مع اقتباس


غير مقروء 13-05-01, 03:08 PM   #8
mohamed2010habib
مشرف قسم الصيد البرى والاقسام الرئيسية

اوسمتي

 
mohamed2010habib عميد بالمنتدىmohamed2010habib عميد بالمنتدىmohamed2010habib عميد بالمنتدىmohamed2010habib عميد بالمنتدىmohamed2010habib عميد بالمنتدىmohamed2010habib عميد بالمنتدىmohamed2010habib عميد بالمنتدىmohamed2010habib عميد بالمنتدىmohamed2010habib عميد بالمنتدىmohamed2010habib عميد بالمنتدىmohamed2010habib عميد بالمنتدى mohamed2010habib غير متواجد حالياً

على فكره انا عملت التاوتاو ...تحفه هههههههههههههه
و موجود فى العربيه مع باقى العده و شنطة العربيه بقت زى سوق الجمعه هههههههههههه
عدد صيد سمك على بنادق على شنط على كراسي الخ ههههههههههه
بس انا بدعيلك على التاوتاو و هاحطلك صوره قريب

التوقيع:

د.محمد حبيب
  رد مع اقتباس


غير مقروء 13-05-01, 05:55 PM   #9
abo amar
مشرف الاقسام الرئيسيه
الصورة الرمزية abo amar

اوسمتي

 
abo amar من اهم اعضاء المنتدىabo amar من اهم اعضاء المنتدىabo amar من اهم اعضاء المنتدىabo amar من اهم اعضاء المنتدىabo amar من اهم اعضاء المنتدىabo amar من اهم اعضاء المنتدىabo amar من اهم اعضاء المنتدىabo amar من اهم اعضاء المنتدىabo amar من اهم اعضاء المنتدىabo amar من اهم اعضاء المنتدىabo amar من اهم اعضاء المنتدى abo amar غير متواجد حالياً

يا باشا ربنا يباركلك والله انا فعلا بقالى سنين بحاول اعرف بتتعمل ازاى مش عارف اوصل لان دلوقت الموضه الجديده بقو يحطو فانليا ومكسبات طعم احنا عاوزين البوظه اللى على قديمو اللى كنا بنخرم الكيس من تحت واسحب يا معلم زى الحلبسه كده هههههههههههههههههههههههههههههههههههههه يلا قول بقى يعم شوقتنا

  رد مع اقتباس


غير مقروء 13-05-01, 08:34 PM   #10
alknas_mh
صياد متفاعل
 
alknas_mh في بداية الطريقalknas_mh في بداية الطريقalknas_mh في بداية الطريقalknas_mh في بداية الطريقalknas_mh في بداية الطريقalknas_mh في بداية الطريقalknas_mh في بداية الطريقalknas_mh في بداية الطريقalknas_mh في بداية الطريقalknas_mh في بداية الطريقalknas_mh في بداية الطريق alknas_mh غير متواجد حالياً

اقتباس:
المشاركة الأصلية كتبت بواسطة mohamed2010habib مشاهدة المشاركة
بصراحه انا كنت متشوق للموضوع من اوله ...بس لما علقت الموضوع فى الاخر زعلت منك اخى طارق ... و دى اول مره ازعل منك لاننى من عشاق البوظه
فيا ريت تبعتلى الطريقه على الخاص لاننى معنديش صبرههههههههههههه
و التقييم اتبعت مقدما ههههههههه
وأنا بضم صوتى لصوتك
وفعلا طريقة تعليقك للموضوع يأخى طارق زعلتنا ودا من حبنا فعلا للبوظه
عموما ياريت تضم صوتى وفى إنتظارك

  رد مع اقتباس

إضافة رد

أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة



الساعة الآن 05:50 AM

الإعلانات