|
بنادق ضغط الهواء ومتعلقاتها معلومات عن بنادق ضغط الهواء والرش ومستلزماتها. |
أدوات الموضوع | إبحث في الموضوع | انواع عرض الموضوع |
08-04-11, 01:19 AM | #1 |
صياد نشيط
تاريخ التسجيل: Mar 2008
المشاركات: 273
معدل تقييم المستوى: 7 |
Diana 52
السلأم عليكم ورحمه الله وبركاته
ازيك يا مصطفى انا محمد وعندى بندقيه ديانا 52 ومركبلها تليسكوب قوى جدا حوالى 6 اكس زووم بس انا اخزيا الصغير لعب فى مفاتيح ضبط التليسكوب ومش عارف اظبطه بالظبط زى الأول ايه الحل ؟ وكمان انا كنت عاوز اسال على حاجه تانيه بالنسبه للتليسكوب هو ممنوع فى مصر ولأ ايه وكمان لو ممنوع هو ممنوع ليه ؟وممكن الواحد يطلع تصريح بيه ولأ لأ؟وشكراااااااااا جدا |
sponsor links |
08-04-11, 03:09 AM | #2 |
صياد متقدم
تاريخ التسجيل: Feb 2008
المشاركات: 875
معدل تقييم المستوى: 10 |
التليسكوب - المنظار
أهلا بيك في المنتدى
التليسكوب عشان تظبطه شوف اللينكات الآتية http://www.arld1.com/scopedemo.html http://www.arld1.com/scopedemodifferentdistances.html http://www.arld1.com/scopedemomoa.html http://www.arld1.com/scopemountingsetting.html http://www.arld1.com/targetaquisition.html http://www.arld1.com/trajectory.html http://www.arld1.com/trajectorydynamic.html في طريقة مكلفة شوية وهي أنك تثبت البندقية تمام . و تضرب على أي هدف ثابت أنت عايزه و تشوف من المنظار الهدف و تجيب حامل الشعارات " الصليب" على الإصابة و في طريقة أنا بأعملها .. بس تفرق من شخص لآخر حسب متوسط مدى الحاجة الي أنت بتصطادها. مثلا أنا بأجي أحط أي هدف على بعد 40 متر " لوح خشب أبعاده 50*50 سنتي متر . و في الوسط نقطة في حجم العملة العدنية .. و بإمكانك تطبع ورقة وتحطها عليها عشان تقدر تعدد إستخدام اللوح الخشبي "أهداف للطباعة في المرفقات" .. و تثبت البندقية تمام . أو أنك تنام على الأرض في وضعية رمي القناص المتخفي.. و تضرب على الهدف ...حتلاقي أربع حالات 1- الإصابة . يمين الهدف 2- الإصابة يسار الهدف 3- الإصابة أعلى الهدف 4- الإصابة أسفل الهدف ومن المؤكد أن تحدث حاالتان مع بعض أي " يمين و أسفل" في كل حالة ستفوم بتحريك المفتاح درجتين لكل سنتي متر فرق بين الإصابة و الهدف تقريبا للأفقي و الرأسي لمدى ال 40متر المفتاح الي على اليمين للضبط الأفقي و المفتاح العلوي للضبط الرأسي لو الإصابة على يمين الهدف حنحرك المفتاح عكس عقارب الساعة . و لو على اليسار . مع عقارب الساعة ولو أعلى الهدف عكس عقارب الساعة و لو أسفلها . مع عقارب الساعة .. .. بس خلي بالك لأن الموقف أنا وقعت فيه كتير .. أنك تنسى أنك ظابطها على مدى مثلا ال 40 متر . و تيجي تضرب على ال 20 متر . حتلاقي الفرق وضح . ف تعتقد أن المعايرة باظط . و هي لا باظت ولا يحزنون و الدليل . وجود الهدف و الإصابة على خط رأسي . لكن الفرق هو تقاطع خط النظر مع منحنى الطلقة مش في المكان ده بل على بعد 40 متر . بيتقاطعوا .. ============ و بالنسبة للمنظار ممنوع أم لا ============= أنا قريت في قانون الأسلحة والذخائر . أن المنظار المركب على الأسلحة النارية هو الي ممنوع .. و ما جاش ذكر المنظار الي على الأسلحة الهوائية أبدا والسلام ختام
__________________
http://img217.imageshack.us/img217/3325/up1zn4.jpg |
08-04-11, 03:14 AM | #3 |
صياد متقدم
تاريخ التسجيل: Feb 2008
المشاركات: 875
معدل تقييم المستوى: 10 |
حاجة كمان
أتأكد قبل ما تعمل الكلام ده كله أن المنظار متثبت كوس على البندقية و ما بيتلخلخش أو بيتحرك من مكانة مع الضرب .
لأن قوة إرتجاف البندقية بعد الطلقة بتكون شديدة ممكن تحط علامة بين قاعدة و المنظار وال بندقي بقلم رصاص بعد كل 10 طلقات راجع الخط المستقيم اتحرك ولا لأ
__________________
http://img217.imageshack.us/img217/3325/up1zn4.jpg |
08-04-11, 11:18 AM | #4 |
صياد متفاعل
|
احلى فكرة لضبط بنادق DIANA 48,52,54 airking
فى البداية اشكر الاخ محمد السيد على التتدخل وكتابة حلة للموضوع , وفعلا الحل دة هو الحل الاساسى الوحيد لضبط تلسكوب بنادق ضغط الهواء و الموقع www.arld1.com بيكلم عن الميكانيكية بتاعت المناظير والبنادق .
انا دلوقتى هقولك على حل اكيد وسهل لبنادق DIANA 48,52,54 airking و ميخلكش تنشن على هدف على بعد 50 يردة وتضبط .........الخ , انا هخليك متضربش طلقة واحدة. بسم اللى الرحمن الرحيم انا عندى بندقية DIANA 54 airking وكان عندى منظار 4x15 ضعيف جدا لما عملت الطريقة دى ضبط البندقية بالضبط وعرفت اقارن الفرق بين المسافات و انشن على مسافات بعيدة ودى الطريقة . 1- تجيب ليزر حديد متجبش بلاستك. 2-تركب المنظار وزى ما قال الاخ محمد السيد لازم يكون المنظار متسبت صح. 3-تعمر مصورة البندقية وتحط رأس اليزر فى مكان الطلقة بعد متربط زر اليزر بالبلاستر. 4-ارجع بدراع التعمير براحة لغاية ما اليزر يثبت. 5-تشوف نقطة اليزر طلعت من برة المصورة كاملة وتحاول تضبطها لغاية متبان كلها. 6-تضبط بقى المنظار برحتك لغاية ما العلامة بتاعت الصليب تيجى على نقطة اليزر بالضبط. وانا حطيت شوية صور ممكن تفيدك او توضح الموضوع اكتر. وبالنسبة لمنع المناظير فى مصر دة بيرجع لئسباب امنية و ما اعتقدش انك ممكن تتطلع تصريح بية وفى النهاية عايز اعرف اذا كانت الطريفة دى نفعت ولا لا. التعديل الأخير تم بواسطة moustafa_hunter ; 08-04-11 الساعة 11:32 AM |
08-04-11, 01:16 PM | #5 |
صياد متقدم
تاريخ التسجيل: Feb 2008
المشاركات: 875
معدل تقييم المستوى: 10 |
أحلى شغل
أحلى كلام هو المدعم بالصور ...
شغل عالي و دماغ هندسة . أنت بتظبط الشعار مع الليزر على بعد قد إيه ؟؟! يا ترى تعرف طريقة أظبط بيها ال350 من غير طلقات برضه. أنا ما عنديش حاجة ُأثبت بيها البندقية .. اقعد أضرب و أظبُط و أضيع وقت كتيير و بأضيع طلقات كتير . على معايرة المنظار
__________________
http://img217.imageshack.us/img217/3325/up1zn4.jpg التعديل الأخير تم بواسطة msgm ; 08-04-11 الساعة 01:27 PM |
08-04-12, 01:42 AM | #6 |
صياد نشيط
تاريخ التسجيل: Mar 2008
المشاركات: 273
معدل تقييم المستوى: 7 |
السلأم عليكم ورحمه الله
انا بجد متشكررررررررررر جدا على الردود الكتيره دى وانا متاكد انكم تعبتم لحد لما كتبتوها وانا ان شاء الله هاجرب الطرق دى وان شاء الله هاتيجى بفايده وكمان انا عجبتنى اوى فكره الليزر دى فكره ذكيه جدااا ... وانا متشك جدا لكل من قام بالرد على الموضوع.... |
08-05-27, 12:52 AM | #7 |
صياد متقدم
تاريخ التسجيل: Feb 2008
المشاركات: 875
معدل تقييم المستوى: 10 |
رد: Diana 52
العفو يا charesma
__________________
http://img217.imageshack.us/img217/3325/up1zn4.jpg |
sponsor links |
|
|
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
الديانا 54 Diana 54 | Karim Eid | صور وفيديو الصيد ورحلاته | 19 | 10-06-07 03:29 PM |
للبيع ( Diana 52 ) | charesma | البنادق الهوائيه | 18 | 10-01-27 04:13 PM |
Diana 52 and the tok tok | charesma | الصيد العام | 7 | 09-12-20 11:52 PM |
القناصه Diana 52 | charesma | الصيد العام | 8 | 08-12-03 06:45 AM |
Diana 52 | charesma | بنادق ضغط الهواء ومتعلقاتها | 9 | 08-05-17 01:25 PM |