|
التعليمـــات | قائمة الأعضاء | المجموعات الإجتماعية | التقويم | البحث | مشاركات اليوم | اجعل كافة الأقسام مقروءة |
ادوات الصيد الثقيله معلومات عن اادوات الصيد الثقيله |
أدوات الموضوع | إبحث في الموضوع | انواع عرض الموضوع |
11-04-01, 12:40 AM | #1 |
صياد جديد
تاريخ التسجيل: Mar 2011
المدينه: القاهرة
المشاركات: 8
معدل تقييم المستوى: 0 |
كيفية مواجهة سطو مسلح
سلام عليكم يارجالة
النهاردة قريت خبر عن حدوث سطو مسلح على محطة بنزين في شرم الشيخ...وشفت فيديو كاميرا الأمن ...وده اداني فكرة ان لازم أعمل موضوع ونحط فيه ملاحظاتنا كلنا عن كيفية التصرف في حالة التعرض لحادث مماثل لا قدر الله الأول نشوف الفيديو
ثانياً: ما لاحظته من خلال الفيديو ومقترحات أرجو انها تكون نافعة لتجنب أي حوادث وإصابات: صديقنا الشاب بدأ التصرف بحركة تلقائية بإبعاد فوهة الماسورة عنه....تصرف في بدايته سليم...لكن الخطأ الشديد الفادح انه فضل ماسك نهاية الماسورة...وفرد دراعه...وده أضعف من قدرته على إمساك السلاح وتحويل اتجاهه بعيداً عنه كان الأفضل هو الإمساك بكلتا اليدين ...مش بإيد واحدة بس, ويفضل تكون أول إيد تمسك بيها هي إيدك الأقوى (اليمين لو كنت بتكتب باليمين والشمال لو كنت أشول زي حالاتي) ...الخطوة التانية السريعة كانت الوصول للمقبض الخشبي القريب من الماسورة (سيطر على قرب منتصف السلاح) علشان تقدر تتحكم فيه كويس ومايفلتش منك زي ماحصل مع صاحبنا لاحظ ان ده سلاح آلي , رشاش روسي, بندقية AK 47 يعني مش أي سلاح, السلاح ضخم وطويل وبالتالي لن تجدي السيطرة على فوهته نفعاً معاك لو حاولت انك توجهه بعيد عنك....لازم تملك منتصف السلاح وإلا الموضوع هايخرج من إيدك, وأهمية امساكك بالمقبض الخشبي انه في حالة إطلاق النار الماسورة هاتبقى زي الجمر...هاتلسعك وغصب عنك إيدك هاتسيب في شعور لا إرادي..زائد القوة الارتدادية للسلاح والآي كي مايتوصاش في الناحية دي ازاي تقدر تسيطر على السلاح؟ ضربة خاطفة من رجلك لقصبة رجل الخصم علشان تلهيه عنك لمدة نصف ثانية , تنجح فيها في الوصول لنصف السلاح..وتسبب فيها ألم للخصم وتشتت تركيزه عن ضربك بالنار خصوصاً ان ضربة قصبة الرجل بتكون مؤلمة جداً....يتبعها لكمة للوجه علشان تكمل عليه الشاب صاحبنا ساب مسافة كبيرة بينه وبين العدو...وبالتالي مكنه من توجيه سلاحه تاني واستعادة توازنه....خلي المسافة بينكم دايماً ماتكونش كبيرة علشان ماياخدش وضعه للضرب...وفي نفس الوقت علشان تقدر تتعامل معاه برجلك أو بإيدك وتصيبه في أي مكان بجسمه وتفقده توازنه وتسحب منه السلاح.... في حالة فشل كل الجهود دي...ماقدامكش غير انك تسحب الخزنة من سلاحه وتجري تتدارى ورا أي حاجة صلبة وإلا هايدور فيك الضرب بلا رحمة...ربنا سترها مع صاحبنا اللي في الفيديو لأن واضح ان البدوي اللي حاول يسرقه كان ذخيرته محدوده ومخلي السلاح على وضع طلقة طلقة (مايضربش دفعة كاملة مرة واحدة) ...في حالات أخرى بتلاقي العدو بيضرب بهستيرية لما تكون ذخيرته متوافرة....لما يكون الخصم بيضرب عليك نار وبالذات من سلاح آلي , وبالتحديد البندقية AK 47...إوع تستخبي ورا حاجة خشب أو زجاج أو حائط خفيف...الطلقة من السلاح ده بتبقى طلقة مفترية وقوتها هائلة وتقدر تخترق نص متر من الخشب وتعدي الناحية التانية....وبعد ماتتدارى تحاول تحسب عدد الطلقات اللي طلع وتقدر العدد المتبقي داخل الخزنة....السلاح ده بيركب عليه خزنة 30 طلقة, أو 40 طلقة, أو 75 طلقة, وبيبان من شكلها هي أنهي نوع فيهم دي كانت ملاحظات واقتراحات شخصية ...قابلة للتصويب طبعاً بواسطة وحوش القنص الموجودين في المنتدى هنا....وما أنا إلا بشر أخطئ وأصيب...وبانتظار مشاركاتكم وملاحظاتكم واقتراحاتكم...وربنا يحمينا جميعاً من كل شر وأذى وسوء وينصرنا على أعدائنا أجمعين
__________________
وما رميت إذ رميت...ولكن الله رمى |
sponsor links |
11-04-01, 01:17 AM | #2 |
صياد قديم
تاريخ التسجيل: Jul 2010
المشاركات: 1,103
معدل تقييم المستوى: 21 |
رد: كيفية مواجهة سطو مسلح
ليا عوده للتعليق......
__________________
هاوي اسلحه بيضاء
|
11-04-01, 05:59 AM | #3 |
المشرف العام
تاريخ التسجيل: Mar 2011
المشاركات: 6,678
معدل تقييم المستوى: 437 |
رد: كيفية مواجهة سطو مسلح
الله ينور يا باشا كلام علمى صحيح مليون فالميه ربنا يسترها ويجزيك خير
__________________
|
11-04-01, 10:10 AM | #4 |
صياد متفاعل
تاريخ التسجيل: Mar 2011
المدينه: الهرم
المشاركات: 50
معدل تقييم المستوى: 5 |
رد: كيفية مواجهة سطو مسلح
بجد معلومات مفيده جدا بجد الله ينور عليك وربنا يسترها وانشاء الله منشوفش حاجه زاي كده
__________________
كن صديقاً , ولا تطمع أن يكون لك صديق |
11-04-01, 11:27 AM | #5 |
صياد متفاعل
تاريخ التسجيل: Apr 2011
المشاركات: 120
معدل تقييم المستوى: 5 |
رد: كيفية مواجهة سطو مسلح
ربنا يستر على الجميع ونصائح مفيده فعلا بارك الله فيك
__________________
خفيفتان على اللسان ثقيلتان فى الميزان حبيبتان للرحمن
سبحان الله وبحمده, سبحان الله العظيم |
11-04-01, 11:46 AM | #6 |
صياد قديم
تاريخ التسجيل: Sep 2010
المدينه: بنى سويف
المشاركات: 1,093
معدل تقييم المستوى: 52 |
رد: كيفية مواجهة سطو مسلح
هذا الشاب محظوظ لا محاله
__________________
لا تحاول أن تعيد حساب الأمس وما خسرت فيه فالعمر حين تسقط أوراقه لن تعود مرة أخرى ولكن مع كل ربيع جديد سوف تنبت أوراق أخرى فانظر الى تلك الأوراق التي تغطي وجه السماء ودعك مما سقط على الأرض فقد صارت جزءاً منها عندمآ يوِزِع آلله آلأقدآرِ وِلآ يمنحني شيئاً أرِيدهُ .. أدرِك تمآماً أن آلله سيمنحني شيئاً أجمل ممآ أُرِيد .. آللهم لآ تعلق قلبي لمآ ليس لي وِإجعل لي فيمآ أُحب نصيب |
11-04-01, 01:40 PM | #7 |
صياد متفاعل
تاريخ التسجيل: Apr 2010
المدينه: القاهره
المشاركات: 162
معدل تقييم المستوى: 6 |
رد: كيفية مواجهة سطو مسلح
و اولا الراجل ده محظوظ فعلاً
انا وجه نظرى ان فى موقف زى ده تضرب فى اماكن حساسه و مميته زى العين مثلا ابسط حاجه كان دب صباعه فى عنيه او ضربه فى القصبه الهوائيه ضربه خاطفه و سريعه كانت هتخلى الراجل بحركه تلقائيه يسيب السلاح و يمسك رقابته اينعم هى ضربه زى ديه ممكن تشرخ القصبه بس فى دهيه او المكان الاخير و هو بين القدمين فى الاعضاء التناسليه بكل قوه و غشوميه و برضه فى داهيه بس الراجل ده متنفعش معاه الحركه الاخيره عشان لابس جلابيه كانت الضربه هتبقى صعبه ممكن اول حركتين و دول كانوا هيمكنوه العامل من السيطره عليه كل ده بعد ابعاد السلاح زى ما العضو الفاضل قال فوق |
11-04-01, 02:30 PM | #8 |
صياد متقدم
تاريخ التسجيل: Feb 2011
المدينه: في المسكن
المشاركات: 830
معدل تقييم المستوى: 24 |
رد: كيفية مواجهة سطو مسلح
اولا الشاب محظوظ جدا لا الحرامي ساعة ما دخل المحل تفاجأ بيه هو وكمان ولاقه في وشة ساعة مادخل من الباب
|
11-04-01, 03:01 PM | #9 |
صياد قديم
تاريخ التسجيل: Jul 2010
المشاركات: 1,103
معدل تقييم المستوى: 21 |
رد: كيفية مواجهة سطو مسلح
بعد مشاهدتي للفيديو رجعت للتعليق
انا ليا مجموعه ملاحظات في غاية الاهميه اولا/ المجرم دخل عليه وهو خارج من المحل وده مهم جدا لأن كده ادا للولد فرصه ومساحه للتحرك ثانيا /المجرم هنا كان بيستخدم رشاش ak7 وهو رشاش ذو ماسوره طويله نوعا ما وهي ميزه مهمه للولد ثالثا / المجرم تراجع للخلف بعد ما أطلق عيارين في المحل التعليمات الامنيه القتاليه هنا اللي اقولها للولد ده من أكبر الاخطاء اللي عملها انه مسك الماسوره بإيده اليمين وهو كان واقف على شمال المجرم يعني استعمل الايد البعيده عن السلاح وده حيعمله عدم اتزان في حالة سحب المجرم للسلاح للخلف او للجنب وده اللي حصل فعلا وبالتالي فقد توازنه وخلاه ممكن السيطره عليه وكمان أفقده قدرة استخدام القدمين كمان مبقاش قادر يستعمل الايد الثانيه للدفاع او للهجوم عليه وبالتالي الوضع غلط 100% هنا نيجي لأسلوب الدفاع والهجوم المضاد خطوه خطوه المجرم دخل المحل وهو شاهرا لسلاحه 1/ يقوم الولد أولا بالتحرك الى اي جانب من جوانب السلاح ويكون الجانب الي حيستعمل منه ايده بمعني لو حيتحرك لليمين يستعمل ايده الشمال ولو لليمين يستعمل ايده الشمال المهم انه يتحرك خارج مسار الماسوره وبالتالي خارج مسار الطلقه لو خرجت سواء بقصد من المجرم أو بردة فعل منه 2/ هنا مثلا الولد تفادى الماسوره للجانب الشمال ومسك الماسوره بإيده اليمين يقوم ساحب السلاح وقدامه حل من كزا حل ممكن يقوم موجه ضربه بصوابعه لعين الخصم ووقتها حيفقد الرؤيه تماما ممكن يقوم موجه ضربه بسيف اليد للظور وومكن وقتها يقتل اللمجرم ممكن يروح ضارب الخصيه للمجرم ووقتها حيموته فعلا ووقتها فعلا يقدر يسيطر على المجرم بشكل كامل اهم نقاط يبعد عن مسار الماسوره يتحرك بشكل سريع يتعلم ازاي يمسك بشكل محكم عشان ميفلتش منه السلاح وانا شرحت بشكل مصور التحركات واعذروني على ردائة الرسم لأنه ببرنامج الرسام ولو حبيتو تستفسروا عن حاجه انا تحت أمركم في اي وقت
__________________
هاوي اسلحه بيضاء
|
11-04-01, 03:55 PM | #10 |
صياد قديم
تاريخ التسجيل: Dec 2010
المدينه: 6 اكتوبر
المشاركات: 1,819
معدل تقييم المستوى: 33 |
رد: كيفية مواجهة سطو مسلح
الاخ الفاضل
استاذ هشام والله كلام جميل بس مازالت اهم حاجة فى الموضوع القلب الجامد يعنى انك تكون متماسك فى موقف ذى دة وعندك جراءة للمواجهة فدى اهم حاجة ولا اية رايك تحياتى
__________________
لا حيلة فى الرزق ولا شفاعة فى الموت |
11-04-01, 04:00 PM | #11 |
صياد نشيط
تاريخ التسجيل: Jan 2011
المدينه: البحيره
المشاركات: 360
معدل تقييم المستوى: 6 |
رد: كيفية مواجهة سطو مسلح
احسن حاجه تديه الفلوس وتريح دماغك من غير متحتك معاه ودا الافضل لانه بيكون مش في وعيه وممكن وانت بتحاول معاه يحدث مالا تعوضه الفلوس فهو معاه رساااااااش
__________________
لا اله الا الله * محمد رسول الله |
11-04-01, 04:11 PM | #12 | |
صياد قديم
تاريخ التسجيل: Jul 2010
المشاركات: 1,103
معدل تقييم المستوى: 21 |
رد: كيفية مواجهة سطو مسلح
اقتباس:
الجرئه مطلوبه وبشكل كبير جدا هنا لأن هنا حياتك مهدده وفي خطر وإنت لو مدافعتش عن نفسك حتموت حتموت وعشان كده مافيش عقوبه للدفاع الشرعي عن النفس لأن ده درجه من درجات الخطر القصوى تجاه النفس أو العرض لازم اللي حيتصرف في المواقف دي يموت قلبه فوووق الحد وعشان كده انا بشجع التدريب على الفنون القتاليه والله وجودك يابدر باشا نور الموضوع فين محتفي عننا ده كله ؟؟؟؟
__________________
هاوي اسلحه بيضاء
|
|
11-04-01, 04:12 PM | #13 | |
صياد قديم
تاريخ التسجيل: Jul 2010
المشاركات: 1,103
معدل تقييم المستوى: 21 |
رد: كيفية مواجهة سطو مسلح
اقتباس:
انما تديله الفلوس وهو يادوب واحد وانت تقدر تصده وتموته كمان يبقه احنا هنا بقه حنبقه ملقف لكل واحد يجي يسرقنا
__________________
هاوي اسلحه بيضاء
|
|
11-04-01, 05:45 PM | #14 | |
صياد جديد
تاريخ التسجيل: Mar 2011
المدينه: القاهرة
المشاركات: 8
معدل تقييم المستوى: 0 |
رد: كيفية مواجهة سطو مسلح
اقتباس:
__________________
وما رميت إذ رميت...ولكن الله رمى |
|
11-04-01, 05:54 PM | #15 | |
صياد جديد
تاريخ التسجيل: Mar 2011
المدينه: القاهرة
المشاركات: 8
معدل تقييم المستوى: 0 |
رد: كيفية مواجهة سطو مسلح
اقتباس:
من قتل دون ماله فهو شهيد . ومن قتل دون دينه فهو شهيد . ومن قتل دون دمه فهو شهيد ، ومن قتل دون أهله فهو شهيد الراوي: سعيد بن زيد بن عمرو بن نفيل المحدث: الترمذي - المصدر: سنن الترمذي - الصفحة أو الرقم: 1421 خلاصة حكم المحدث: حسن وبالتالي مش هانسيبلهم الدنيا كدة سايبة وإلا أي حد يجيبلك أي سلاح وياخد اللي معاك بكل بساطة...الحالة اللي تفكر تديله حاجة هي لو كان عددهم اكتر منك بكتير ومالكش طاقة بقتالهم والاشتباك معاهم....انما إوع تسيب حقك لحد...العمر واحد والرب واحد...اللي هايسرق مالك هايطمع في عرضك وشرفك بنفس الطريقة...هاتسيبهوله؟؟؟ ولاحظ حاجة تانية....معظم الناس اللي معاهم أسلحة آلية مش معاهم ذخيرة في الوقت الحالي....الطلقة بتلاتة جنيه ومش متوفرة كمان بسهولة...وكل الخزن دي يادوب نصها أو أقل بيبقى مليان...وأحياناً بيكون السلاح فاضي تماما والحكاية دي اتكشفت واللجان الشعبية بتقفش العيال الهربانة من السجون ومعاهم أسلحة ميري مسروقة...وكانت معظمها فاضية....بعد كدة هاتسمح لحد بمسدس ولا رشاش لعبة يثبتك؟ ربنا يحفظنا أجمعين...بس في اللحظات دي بيكون حاجة من اتنين: يانت تعيش ...ياهو يعيش...خلي غريزة البقاء هي اللي تحكم مابينكم في التصرفات...وماتخافش لو موتك هاتموت شهيد دفاعاً عن نفسك...ولو انت قتلته فهو دفاع عن النفس , وماهياش حاجة مخلة بالشرف ...الأشكال دي مالهاش دية
__________________
وما رميت إذ رميت...ولكن الله رمى |
|
11-04-01, 05:59 PM | #16 | |
صياد قديم
تاريخ التسجيل: Dec 2010
المدينه: 6 اكتوبر
المشاركات: 1,819
معدل تقييم المستوى: 33 |
رد: كيفية مواجهة سطو مسلح
اقتباس:
وربنا يحفظنا جميعا ونسأل الله العافية اللهم انى اعوذ بك من شر نفسى ومن شر كل دابة انت اخذ بناصيتها
__________________
لا حيلة فى الرزق ولا شفاعة فى الموت |
|
11-04-01, 06:02 PM | #17 | |
صياد قديم
تاريخ التسجيل: Dec 2010
المدينه: 6 اكتوبر
المشاركات: 1,819
معدل تقييم المستوى: 33 |
رد: كيفية مواجهة سطو مسلح
اقتباس:
واعذرنى وكل الاخوة مش اختفاء بس مشاغل الحياة وبعدين البركة فى الموجود بيسد ولا اية تحياتى
__________________
لا حيلة فى الرزق ولا شفاعة فى الموت |
|
11-04-01, 07:46 PM | #18 |
صياد متفاعل
تاريخ التسجيل: Oct 2010
المشاركات: 121
معدل تقييم المستوى: 5 |
رد: كيفية مواجهة سطو مسلح
سرعه التصرف والتركيز فى الفعل ورد الفعل شئ مهم جدا ولكن اولا واخيرا هوه ستر ربنا ربنا يحفظنا جميعا من كل شر
|
11-04-11, 03:35 AM | #19 |
صياد جديد
تاريخ التسجيل: Apr 2011
المشاركات: 4
معدل تقييم المستوى: 0 |
رد: كيفية مواجهة سطو مسلح
اهم حاجة الفلب الجامد و قلبك بيقوي لما تكون محضر للموقف في دماغك اية اللي هتعملة و من هنا تيجي اهمية موضوع ذي دة
الف شكر |
11-04-24, 12:16 AM | #20 |
تاجر مسجل بالمنتديات
تاريخ التسجيل: Jul 2010
المشاركات: 2,715
معدل تقييم المستوى: 21 |
رد: كيفية مواجهة سطو مسلح
|
11-04-24, 04:08 PM | #21 |
صياد متفاعل
تاريخ التسجيل: May 2009
المشاركات: 187
معدل تقييم المستوى: 6 |
رد: كيفية مواجهة سطو مسلح
موضوع جميل من استاذ the_air_devil وتحليل رائع من مستر فيجو لكن ليا تعليق صغير فى اغلب الاوقات الطرف التانى اللى هو صاحب المحل او اى حد تانى اثناء حدوث الواقعة بيحصل عندة زى تشتيت فى الذاكرة وضربات قلبة بتزيد والضغط بيرفع واتساع العين ونشفان الفم لكن ستر الرحمن وانو لية عمر جديد ربنا سبحانة وتعالى بينجية واسف على الاطالة
|
11-04-24, 04:28 PM | #22 |
صياد قديم
تاريخ التسجيل: Apr 2011
المدينه: الإسكندرية
المشاركات: 1,615
معدل تقييم المستوى: 14 |
رد: كيفية مواجهة سطو مسلح
مشكوووووووور
|
الكلمات الدلالية (Tags) |
مسلح, مواجهة, سطو, كيفية |
sponsor links |
أدوات الموضوع | إبحث في الموضوع |
انواع عرض الموضوع | |
|
|
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
كيفية أختيار نوع الرش | القناص | بنادق ضغط الهواء ومتعلقاتها | 32 | 11-11-22 12:45 AM |
كيفية فك البندقية نوريكا جت | messam | الصيد العام | 7 | 11-03-23 04:45 PM |
تامل كيفية خلق الطير | sam0o87 | الصيد العام | 6 | 09-12-28 03:55 AM |
صيانة البندقية ( كيفية ) ؟ | smsmn8888 | بنادق ضغط الهواء ومتعلقاتها | 7 | 09-02-19 01:26 PM |
كيفية الترخيص | النشنجي | ادوات الصيد الثقيله | 2 | 08-11-21 04:32 AM |