خوجه , ليبى , صينى

[الخواجه]

حبينا نشاركو معاكو بالموضوع دا هو الموضوع دا جه فى دماغى فا قلت نكتبو ونعرضو على الناس الحلوه الى فى المنتدى

المطاوى القرن الغزال فى مصر

المطاوى القرن فى مصر تنقسم الى ثلاث انواع الى هما

خوجه , ليبى , صينى

هنبدائو بالخوجه

(((((الخوجه)))))




وزى ما شفنا دى صورة المطوه الخوجه ... باختصار شديد المطوه الخوجه دى عضمتها بتبقى عضم والعضم دا كما يقال بيبقى من حيوان اسمه الاوكابى كانت بتتصنع المطاوى الخوجه فى المانيا أنتجت اصلا فى عام 1902 للتصدير الى المستعمرات الالمانيه فى افريقيا ودى صورة بتوضح كلام دا



هنلاحظو ان السلاح مكتوب عليه بالغه الانجليزيه " صنع فى المانيا " ومرسوم عليه صورة حيوان الاوكابى .

ودى صورة بتوضحلنا شعار الشركه



((((مميزات الخوجه))))


نقولو بقى بالعربى كدا ... المطوه الخوجه عضمتها صخر وقويه جدا جدا جدا ... وسلاحه مميز جدا لان سلاحه بيصنع من الفولاذ الكربوني وبصراحه الى معاه مطوه خوجه دلوقتى بيبقى معاه كنز .

سعرها الان فى مصر حوالى 250 جنيه تقريبا



((((الليبى))))


هما زى ما بيقولو ان دى مطواه ليبى بس كل الكلام دا هبل فى اونطه هتقولى ازاى هبل فى اونطه هنقولولك ازاى .

بص بقى ابيه .. شركة اوكابى الالمانيه فضلت تصنع فى المطاوى الخوجه لحد سنة 1988 تقريبا , طب وبعدين ؟ راحت بايعه العلامه التجاريه لجنوب افريقيا , يعنى بالعربى كدا باعو سر المهنه لجنوب افريقا والشركه الالمانيه اوقفت صنع الاسلحه , وبدائت جنوب افريقا تصنع فى المطاوى وطبعا عشان جنوب افريق تعبانه مدايا قالتلك طب احنا هنجيب العضم بتاع الاوكابى منين ومكلف ووجع دماغ , راحو عملين المطاوى من خشب اسمو "خشب الراتنج " وبكدا انتشرت المطاوى الى بيتقال عليها ليبى .

صور توضح كلامى




هنلاحظ ان مكتوب بالانجليزى " صنع فى جنوب افريقيا " مش صنع فى المانيا


(((( مميزات الليبى ))))

الليبى طبعا مش وحشه بس طبعا مش زى الخوجه

سعرها الان فى مصر عامل حوالى 50 جنيه تقريبا




((((الصينى ))))

هو اى حاجه رديئه عندنا فى مصر يقولو عليها صينى , مع ان ممكن متكنش صينى

المطوه الى بيقولو عليها صينى هى برده نفس انتاج جنوب افريقيا بس دا بقى اخر حاجه وصلتلو الشركه فى جنوب افريقا وهو انها تصنع العضمه من خشب ابيض والسلاح رديئ جدا والمطوه بصراحه اقل مطوه فى التلاته

وطبعا دا النوع الى بيصنع دلوقتى مفيش ولا خوجه ولا ليبى بس الشركه اوقات بتصنع مجموعه مطاوى من الى هى رقم 2 الى بنقولو عليها ليبى , لاكن الخوجه مبتتصنعش خالص لان جنوب افريقيا معندهوش الامكانيه انو يكلف المطوه زى المانيا


صوره لتوضيع



(((( مميزات الصينى))))

تعبانه اوى اوى بس انت لو عايزها فى حاجه معينه لانها بتجيب من الاخر لان سلاحها مسنون ليزر

سعرها دلوقتى فى مصر حوالى 20 جنيه تقريبا .



وبكدا تقريبا نبقو خلصنا موضوعنا ومعلوماتنا عن المطاوى القرن فى مصر وياريت الى عندو حاجه يضيفها

والموضوع دا من مجهودى كامل بس اقتبسنا بعض الصور من المواقع المختلفه وياريت لو فى تثبيت فى المنتدى يتم تثبيت الموضوع للاستفاده

شكرا