|
بنادق ضغط الهواء ومتعلقاتها معلومات عن بنادق ضغط الهواء والرش ومستلزماتها. |
أدوات الموضوع | إبحث في الموضوع | انواع عرض الموضوع |
11-07-05, 12:53 AM | #1 |
صياد متفاعل
|
الكرال التركى صوتها عالى قوى ومزعج جدا أعمل أيه
الأخوة الأعزااااء
الكرال التركى صوتها عالى قوى ومزعج جدا أعمل أيه علشان صوتها يبقى أهدى من كده نفسى صوتها يبقى أقل من كده بكتيير فكتها وشحمتها وصوتها العالى زى ما هو السوسته الأصلى بتتكسر هى فعلا بتتغيير السوستة بواحده جامو أصلى 35 حلقة. هى السوسته دى بتتباع فين وياترى ثمنها كاام وعند ميييين |
sponsor links |
11-07-05, 02:51 AM | #2 |
صياد نشيط
تاريخ التسجيل: Aug 2010
المشاركات: 306
معدل تقييم المستوى: 9 |
رد: الكرال التركى صوتها عالى قوى ومزعج جدا أعمل أيه
السلام عليكم و رحمة الله و بركاته
شحمتها بايه يا جميل؟؟ عموما خير ان شاء الله... 1- فكها تاني و شيل كل الشحم بعنايه بقطعة قماش قطن جافة و بعدين اعد التنظيف بقطعة قماش مبلله بكحول ابيض او احمر اهتم جدا بمنطقة آخر الكانون و تأكد من نظافتها. 2- تنظيف الكانون و البستم و السوسته و الجلبه تماما من آثار العدوان (قصدي الشحم). 3- يستخدم في التشحيم شحم جرافيتي اسود (موجود لدي محلات زيوت السيارات)... -شحم اجناب الجلبة و ليس المقدمه على خفيف خالص (لحسه من قعر الطبق) -شحم اجناب البستم على خفيف -ركب البستم و الجلبه جوه الكانون بالراحه عشان متقطش الجلبه من حروف الكانون (ملحوظه حتى الآن لا يوجد اي شحم على جدران الكانون) -ادهن السوسته بعنايه بطبقة متوسطه من الشحم و ركبها جوه البستم -ادفع البستم بالراحه حتى آخر الكانون و شحم باقي طول الكانون خلف البستم -كمل تجميع البندقيه (الزناد و البنز و الدبشك) 4- ممنوع استخدام اي شحم او زيت في غير الأماكن المشار اليها 5- ممنوع استخدام اي نوع شحم آخر غير المشار اليه 6- بعد التركيب و عند الضرب حتلاقي دخان خفيف لسه موجود...اضرب حوالي 50 رشايه (من اي نوع ردئ) حتلاقي البندقيه تمام و الدخان و الفرقعه اختفوا و لو عاوز تخلص على طول حط رشتين فوق بعض كل مره لغاية الخمسين ما يخلصوا 7-نظف الماسوره بقطعة قماش نظيفة 3 و 4 مرات 8-اضبط النشان موس و مبروك عليك |
11-07-05, 07:48 PM | #3 |
صياد متفاعل
|
رد: الكرال التركى صوتها عالى قوى ومزعج جدا أعمل أيه
أولا
أشكر حضرتك جدا جدا جدا على سرعة الرد وزوقك الجميل لكن حضرتك أشرت الى بعض المصطلحات اللى أنا معرفهاش الكانون و البستم و السوسته و الجلبه الحاجات دى فين أنا واللى زيى اللى ما بيعرفوووووووووووووش فين الكانون ده والبستم والجلبة وحضرتك نسيت تقوللى السوسته الأصلى بتتكسر هى فعلا بتتغيير السوستة بواحده جامو أصلى 35 حلقة. هى السوسته دى بتتباع فين وياترى ثمنها كاام وعند ميييين والسستة لما بتتغير صوت البندقية بيقل وشكراااااااااااااااااااااااااااااااااا ويا سلام لوتعمل الموضوع ده ويتثبت ويكون بالصور طريقة فك وتشحيم البندقية ونوع الشحم |
11-07-05, 09:09 PM | #4 | |
قنـــاص من الدرجه الاولى
|
رد: الكرال التركى صوتها عالى قوى ومزعج جدا أعمل أيه
اقتباس:
الله ينور يا دكتور استاذ ورئيس قسم شرح وافى ومعلومات جميله من انسان عبقرى وجميل |
|
11-07-06, 01:26 AM | #5 |
صياد نشيط
تاريخ التسجيل: Aug 2010
المشاركات: 306
معدل تقييم المستوى: 9 |
رد: الكرال التركى صوتها عالى قوى ومزعج جدا أعمل أيه
|
11-07-06, 02:32 AM | #6 | |
صياد نشيط
تاريخ التسجيل: Aug 2010
المشاركات: 306
معدل تقييم المستوى: 9 |
رد: الكرال التركى صوتها عالى قوى ومزعج جدا أعمل أيه
اقتباس:
أولا العفو جدا جدا جدا و مفيش اي حاجه احنا اخوات و تحت امرك في اي شئ...
اما بالنسبة للأجزاء اللي حضرتك بتسأل عليها انا اقولك: 1-الكانون هو باقي البندقية ما عدا الماسورة و الزناد يعني الأسطوانه السوداء اللي راكبه في الدبشك و داخلها يحدث ضغط الهواء. 2-البستم اسطوانه تتحرك داخل الكانون لكبس الهواء عن طريق دفع السوسته له و يتم عن طريقه التعمير. 3-الجلبة قطعة من المطاط راكبه على وش البستم لحكم الهواء امام البستم. أما بالنسبة للسوسته معلش انا فعلا نسيت:mad:...السوست التركي ناشفة اوي و بالتالي بتتكسر مع الاستعمال فحضرتك تاخد بعضك يوم اجازة و تنزل العتبة قدام سنترال الأوبرا محل الأهلية للاسلحة و تجيب منه جلبة و سوسته 33-34 حلقة ممكن تجيب سوسته ديانا 52 بس غالية شويه و تركبها و ممكن تستنى لغاية ما تتكسر السوسته الأصلية و بعدين تعمل الحكاية دي و انا لا انصح بذلك اطلاقا بالنسبة لتمن السوسته فانا والله مش عارف في الأيام السوده دي بقت بكام بس اكيد غليت. صوت البندقية عند الضرب بيتغير مع التشحيم و تغيير الجلبة و ليس مع تغيير السوستة. اما بالنسبة لموضوع الصور و الطريقة فانا للأسف معنديش كرال بس حاقولك حاجه احسن...فيه فيديو من اربع اجزاء لفك بندقية بالتفصيل هي مش كرال بس نسخة طبق الأصل. و لو فيه اي مشاكل اسأل و انا تحت أمرك. تحيـــــــــــــــــــــــــــــــــاتي |
|
11-07-06, 02:45 PM | #7 |
صياد متفاعل
|
رد: الكرال التركى صوتها عالى قوى ومزعج جدا أعمل أيه
شكرا لمعالييييييييييييييييييييييييييك
ولزوقك الرفيييييييييييييييييييييع بس فيه أستفسار صغير قوى 8-اضبط النشان موس و مبروك عليك يعنى أيه كلمة موس م |
11-07-06, 02:49 PM | #8 |
صياد نشيط
تاريخ التسجيل: Aug 2010
المشاركات: 306
معدل تقييم المستوى: 9 |
رد: الكرال التركى صوتها عالى قوى ومزعج جدا أعمل أيه
|
11-07-06, 04:56 PM | #9 |
صياد متفاعل
|
رد: الكرال التركى صوتها عالى قوى ومزعج جدا أعمل أيه
أنا أشتريت زجاجة زيت سلاح من عند بتاع الأسلحة وقال ده لتنظيف السلاح
السؤال الزيت ده ممكن يغنى عن الشحم الأسود اللى حضرتك قلتلى عليه يعنى ممكن أفك البندقية وأقوم بتنظيفها كويس بالسبرتو أو البنزين أقوم أزيتها بزيت السلاح ده يعنى ممكن أزيتها بزيت السلاح والزيت ده يغنى عن الشحم ملحوظة على فكرة أنا فكيت البندقية ولقيت السوسته مكسورة وشكراااااااااااا |
11-07-06, 07:24 PM | #10 | |
صياد نشيط
تاريخ التسجيل: Aug 2010
المشاركات: 306
معدل تقييم المستوى: 9 |
رد: الكرال التركى صوتها عالى قوى ومزعج جدا أعمل أيه
اقتباس:
و النبي يا شيخ شوف و النبي ما تحط زيت جوه البندقيه و لا ده و لا غيره استعمل الشحم الجرافيتي اللي قولتلك عليه و لو مش لاقيه خده مني...تمام.
و بعدين متحطش بنزين جمب البندقيه شوف جمبها مش جواها عشان ده يبوظ كل حاجه تقريبا (الجلبه و الدهان) استعمل كحول ابيض من الصيدليه او احمر من بتوع الحدايد و البويات. بالنسبه للسوسته بركه يا جامع كويس اوي انها اكسرت من نفسها عشان يبقا الشغل كله مره واحده اشتري واحده جديده و جلبة و قولنا عملت ايه...صحيح بوظت حاجه او خربشت حاجه و انتا بتفك...تحياتي |
|
11-08-04, 05:24 AM | #11 |
تاجر مسجل بالمنتديات
تاريخ التسجيل: Jul 2010
المشاركات: 2,715
معدل تقييم المستوى: 22 |
رد: الكرال التركى صوتها عالى قوى ومزعج جدا أعمل أيه
شرح بصراحة لايعلي علية وربنا يجعلة لك في ميزان حسناتك
__________________
MR.X لاسلحة الصيد البري والبحري ومحدثات الصوت يسعدنا تشريفكم لنا بمعرضنا في مصر الجديدة 48 شارع بغداد امام فندق بيروت محافظة القاهرة يسعدنا توفير خدمة الشحن الي جميع الاعضاء في جميع المحافظات وتكلفة الشحن علي حسب المحافظة 01000131401 01093635793
|
11-08-04, 06:49 AM | #12 |
صياد نشيط
تاريخ التسجيل: Aug 2010
المشاركات: 306
معدل تقييم المستوى: 9 |
رد: الكرال التركى صوتها عالى قوى ومزعج جدا أعمل أيه
|
11-08-04, 05:31 PM | #13 |
صياد قديم
تاريخ التسجيل: Jul 2011
المدينه: الإسكندرية
المشاركات: 1,612
معدل تقييم المستوى: 20 |
رد: الكرال التركى صوتها عالى قوى ومزعج جدا أعمل أيه
استاذ sghr220 .. سؤال بسيط كده .. انا شكلى بندقيتى باظت بقى على كده ...
حضرتك انا يوم الجمعة 22/7/2011 اشتريت واحدة نوريكا جيت من عند فتح الله محطة الرمل فى الاسكندرية .. و السبت والاحد كنت بره البيت ويوم الاتنين روحت لفتح الله تانى اخدت منهم كيس النشانات لانه ماكنش موجود عندهم ساعت لما اشتريت البندقية .. و يوم التلات نزلت اشتريتلها جراب مموه .. وكل ده لسه ماضربتش بيها غير 5 طلقات و يوم الاربعاء روحت ورشة فتح الله وقولتله غيرلى الجلبة لانها بتكون بايظة .. والمهم فك البندقية وغيرلى الجلبة ورش عليها زيت كده من بخاخة عنده وركبها تانى وقفلها وتمام ويوم الخميس سيبتها والجمعة روحت لورشة تانية وهو راجل موثوق فيه يعنى يعرف صاحب والدى والمهم روحتله وهو اصلا ورشة اسلحة نارية وخراطيش وكده .. ولما روحتله قولتله راجعلى الشغل ده وشوف النظام وايه حكاية الزيت دى قالى والله انا مش بشتغل فى بنادق الرش و بعدها راح رشلى زيت على المفصلة بتاعت دراع التعمير من جوة يعنى من ناحية البستم كده ورشلى زيت من عند المفصلة من فوق من عند الحتة اللى محفور عليها سيريال البندقية والدولة المصنعة والعيار وكده وحطلى شوية زيت جوه الماسورة وكل الزيت ده باستخدام سبراى كده اسمه اويل سبراى وقالى كده تمام وقالى ما تضربش بيها دولقتى سيبها وخليها واقفة كده لحد بالليل قولتله خلاص ماشى ومشيت ويوم السبت سيبت البندقية برضه وطلعت اصطاد بيها يوم الاحد وضربت بيها 65 رشاية خلال طلعة الصيد دى وهى اصلا كانت ضاربة 5 فى اول اسبوع وانا لما كنت عند فتح الله هو ضربلى بيها 5 رشايات لما كان بيجرب يعنى كده البندقية ضاربة 75 رشاية و يوم الاتنين اللى هوا كان اول يوم رمضان عملت ورق مطبوع كده للتنشين والمهم قعدت اتدرب عليه رماية وضربت 25 رشاية وكده انا قفلتهم 100 رشاية .. وخلاص على كده ومن يوم الاتنين ما طلعتش البندقية من جرابها وهى اصلا متزيته كل ده . والبندقية من ساعت لما اشتريتها ما بتقولش لأ .. هل كده انا عملت حاجة خطيرة ولا ايه ؟ |
sponsor links |
|
|
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
الي مالكي الكرال التركي | welly210 | البنادق الهوائيه | 19 | 11-04-29 11:24 AM |
أسئلة عن الكرال التركي .. | braveheart | الصيد العام | 16 | 11-03-31 10:01 AM |
بخصوص الكرال التركي | BASiC | بنادق ضغط الهواء ومتعلقاتها | 1 | 11-03-19 09:52 PM |
سؤال عن الكرال التركي | amer ibrahim | بنادق ضغط الهواء ومتعلقاتها | 26 | 11-03-08 06:10 AM |
ندقيتي صوتها عالي جدا | عماد النجار | الورشة | 5 | 10-01-16 11:21 PM |