زيارة خاطفة للمنسى

[saskon]

اليوم نزلت الصبح اخد من العضو المحترم أ.مينا التليسكوب. والمهم كنت من 3 أسابيع عايز جراب للبندقية وكنت سألت فى محل أبو ضيف لما كنت هناك ساعتها والبنت قالتلى 10 أيام وييجى. ومن كام يوم كلمت الأستاذ شريف على التليفون وقالى لسة مجبناش من أسبوع لأسبوعين وربنا يسهل. قولت لا نزلة بنزلة وانا رايح عديت على صيامكو لقيتو قافل المهم روحت أخدت من أ. مينا التليسكوب وقولت أعدى على فتح الله وانا راجع طلعت من شبرا على الجلاء على رمسيس كانت الطلعة بعد فتح الله قولت خلاص أروح لمشيل عازر يدوبك عديت جامع الفتح ودخلت من بعديه يمين لقيتنى فى أول شارع الجمهورية قولت أسأل واحد محترم صاحب محل . فين محل ميشيل عازر قالى بتاع ايه قولتله أسلحة قالى آه قدام علطول بعد البنزينة مشيت لقيت نفسى قدام المنسى مش عازر. المهم اشتريت الجراب وطبعا غالى هوا خفض عشرين جنيه بس برده غالى جدا. المهم اللى جاى بقوله هوا انت عندك بنادق نمرة 3 قالى لا مبجيبهاش علشان محدش بيشتريها قولتلوا طيب عندق بنادق بخزنة قالى دى وحشة جدا و مش عملية وملهاش لازمة ليه يا عم قالى لأنها بتبقى بغاز والغاز بيضرب طلقتين تلاتة وبعد كده تلاقى الرشة مبتكملش عشرة متر وتقع وكمان يا أستاذ لعلمك الإستيراد واقف دلوقتى ومش عارفين ندخل حاجة البلد :confused: قولتلوا شكرا ومشيت . ده اللى حصل فى رحلة اليوم

[alaa@virus]

جزاك الله خيرا
على المعلومات دى
ياريت لو كل الاعضاء تقول كل حاجة

[hesham[MaFya]a]

ههه رحلة مهلكة شوية بس كويســـــــــة..

[حسام فيجو]

فعلاا الاستيراد واااقف لاني كنتي بشتري من موقع مكملات غذائية للجيم عن طريق النت قاالي خدمة مصر معلقة للاسف ربنا يتمها على الخير بقا وي الازمة دي تعدي على خير

[unknown]

كلامه خاطىء تماما

اولا بنادق الغاز احسن كثيرا من بنادق الهواء سواء التى تعمل بالغاز او النفخ ولكنها اغلى كثيرا
ثانيا تخيل بندقية غاز او نفخ بخزينة 36 طلقة وانت معاك خزينة احتياطى مثلا اعتقد انها هتخلى الصيد متعة ما بعدها متعن لكن طبعا السعر اقل واجب هتعدى ال 12 الف جنيه
ثالثا الأستيراد مش متوقف لكن الشركات الى كانت بتطلع كريدت وقفت الكلام دة حاليا غير ان سعر الشحن ارتفع كثير لأضافة بدل خطر على الشحنات الواردة الى مصر بأعتبارها من المناطق الملتهبة
تحياتى

[saskon]

المشاركة الأصلية كتبت بواسطة alaa@virus

جزاك الله خيرا
على المعلومات دى
ياريت لو كل الاعضاء تقول كل حاجة

شكرا لك وفعلا من أهم الأشياء فى المنتديات هى تبادل المعلومات الواقعية بالطبع مع تبادل الأراء والأفكار

المشاركة الأصلية كتبت بواسطة hesham[MaFya]a

ههه رحلة مهلكة شوية بس كويســـــــــة..

:mad: مهلكة فعلا وخصوصا أنا جيت من العاشر

المشاركة الأصلية كتبت بواسطة حسام فيجو

فعلاا الاستيراد واااقف لاني كنتي بشتري من موقع مكملات غذائية للجيم عن طريق النت قاالي خدمة مصر معلقة للاسف ربنا يتمها على الخير بقا وي الازمة دي تعدي على خير

ياااااااااااااااا رب تعدى فعلا على خير

المشاركة الأصلية كتبت بواسطة unknown

كلامه خاطىء تماما

اولا بنادق الغاز احسن كثيرا من بنادق الهواء سواء التى تعمل بالغاز او النفخ ولكنها اغلى كثيرا
ثانيا تخيل بندقية غاز او نفخ بخزينة 36 طلقة وانت معاك خزينة احتياطى مثلا اعتقد انها هتخلى الصيد متعة ما بعدها متعن لكن طبعا السعر اقل واجب هتعدى ال 12 الف جنيه
ثالثا الأستيراد مش متوقف لكن الشركات الى كانت بتطلع كريدت وقفت الكلام دة حاليا غير ان سعر الشحن ارتفع كثير لأضافة بدل خطر على الشحنات الواردة الى مصر بأعتبارها من المناطق الملتهبة
تحياتى

طبعا كلامه مش خاطئ ده نوع من الجهل ده تقريبا بيتكلم على ال co2 بتاع مسدسات الرش انت عارف بيقولى ايه " رش يعنى تكسر الماسورة وتحط رشة وتضرب غير كده ما يبقاش رش " :confused:

[osha966]

المشاركة الأصلية كتبت بواسطة unknown

كلامه خاطىء تماما

اولا بنادق الغاز احسن كثيرا من بنادق الهواء سواء التى تعمل بالغاز او النفخ ولكنها اغلى كثيرا
ثانيا تخيل بندقية غاز او نفخ بخزينة 36 طلقة وانت معاك خزينة احتياطى مثلا اعتقد انها هتخلى الصيد متعة ما بعدها متعن لكن طبعا السعر اقل واجب هتعدى ال 12 الف جنيه
ثالثا الأستيراد مش متوقف لكن الشركات الى كانت بتطلع كريدت وقفت الكلام دة حاليا غير ان سعر الشحن ارتفع كثير لأضافة بدل خطر على الشحنات الواردة الى مصر بأعتبارها من المناطق الملتهبة
تحياتى

-كلام حضرتك مضبوط الأستيراد مفتوح تماما ..المشكلة فى مسألة الكريدت بس الشحن سعره ما زادش كتير ..حاجات بسيطة
تحياتى