برجاء الافاده

[محمد خلف]

صباح الفل يا جماعه و كل جمعه ونتو بخير
الموضوع الي عاوز اتكلم فيه يهمني اوي
الشارع عندنا مليان فيران
مليان ملتان يعني مش هزار
و فران احجامها تخض
و السم مبياثرش فيهم
نزلت البندقيه امبارح و قلت طالما مش عارف اطلع اصطاد حاجه مفيده يبقى اخلي للبندقيه الي مبتطلعش الا عشان تتنضف دي لزمه و اموت كام فار
و اهو منه صيد و منه اقلل البتوع دول شويه
نزلت عالعشا كده لقيتهم واقفين في الشارع ولا هاممهم حد رايح ولا جاي
لقيت واحد واقف بعيد عنهم بشويه قمت ماكله واحده في عقله فررفر شويه و بعدين مات في مكانه
و هما بردو مش في دماغهم وال حتي صوت البندقيه جعزهم
قمت ضارب واحد تاني كان بردو بعيد عنهم بس المره دي في جنبه و دا زحف شويه و بعدين مات
دلوقت بداو يهتمو
قمت ضارب واحد تالت قامو جاريين داخلين مخزن كده هو الي لاممهم
فضلت بعدها حوالي 3 ساعات
ان فار يوريني وشه
ابدا
فزهقت و طلعت البيت و قلت انزلهم انهارده
سؤالي بقى
هل حد هنا جرب يصطاد فران قبل كده؟
انا اعرف ان قتلها حلال مش حرام
و السؤال التاني
ممكن يكون التالت عشان كان قريب منهم حذرهم او مكانوش واخدين بالهم من الي كانو بعيد او حاجه زي كده؟
لان الفران دي بتتفسح في الشارع من المغرب و دا طبعا منظر زباله
مع ان الشارع نضيف و كل اصحاب المحلات بيكنسو قدام محلاتهم علطول
يعني مش ملمومين على زباله ولا حاجه
انا عارف ان الموضوع مقرف
بس معلش اسحملوني شويه لان الموضوع دا بجد مضايقني جدا
و الف شكر ليكو يا احسن رجاله

[mohamed.ayman67]

مش هما عاملين دكرا يبقو يستاهلو
واللي انا اعرفو ان لو فار مات في مكان بيسيب ريحة تحذير للفران التانية

[احمد فتحي]

الفار زكي جدا يعني ممكن تقعد يومين تلاته او اسبوع كمان متلاقيش ولا فار
بيبقوا عارفين الخطر فين

[ahmed yasser]

المشاركة الأصلية كتبت بواسطة احمد فتحي

الفار زكي جدا يعني ممكن تقعد يومين تلاته او اسبوع كمان متلاقيش ولا فار
بيبقوا عارفين الخطر فين

+11111111111كانت مصيدة عندى عالسطح فيها فار ميت طول مافيها الفار مافيش ولا فار كان بيبقى فى السطح اول مارمتها الفران بقت تيجى وكترت جدا جدا وبقى السطح دا بيتها تقريبا كل ماطلع اشوف حوالى 3 كبار و5 صغيرين والمشكلة انهم مابيخافوش يعنى لو جيت تهشهم مايمشوش فطلعت موت3 بالبندقية وسبت جثثهم ومن ساعتها مافيش ولا فار عالسطح

[محمد خلف]

المشاركة الأصلية كتبت بواسطة mohamed.ayman67

مش هما عاملين دكرا يبقو يستاهلو
واللي انا اعرفو ان لو فار مات في مكان بيسيب ريحة تحذير للفران التانية

انا عملتلهم هجمه تاني يوم راح ضحيتها 6 و3 اصابات بس موقعوش مكانهم
يستحملو بقى
بس امبارح مشفتش ولا فار في الشارع

[محمد خلف]

المشاركة الأصلية كتبت بواسطة احمد فتحي

الفار زكي جدا يعني ممكن تقعد يومين تلاته او اسبوع كمان متلاقيش ولا فار
بيبقوا عارفين الخطر فين

منا خدت بالي وبقيت بستخبالهم :p

[محمد خلف]

المشاركة الأصلية كتبت بواسطة ahmed yasser

+11111111111كانت مصيدة عندى عالسطح فيها فار ميت طول مافيها الفار مافيش ولا فار كان بيبقى فى السطح اول مارمتها الفران بقت تيجى وكترت جدا جدا وبقى السطح دا بيتها تقريبا كل ماطلع اشوف حوالى 3 كبار و5 صغيرين والمشكلة انهم مابيخافوش يعنى لو جيت تهشهم مايمشوش فطلعت موت3 بالبندقية وسبت جثثهم ومن ساعتها مافيش ولا فار عالسطح

اعمل زيي لحد ما يخلصو خالص




شكرا يا جماعه على الردود

[NewSomeBody]

الفئران ذكية
بس اياك واياك واياك تولع فى اى فار من الى بتضربهم

[farouk]

الله يفتح عليك..............

[محمد خلف]

لا انا مبولعهمش لان لا يحرق بالنار الا رب النار
ولا ايه ؟
بس شكرا عالنصيحه

[farouk]

ياباشا علشان نقل العدوي من جلد وفراء الفئران الي الناس في المنطقة عن طريق التنفس
حيث ان الفئران تنقل مرض الطاعون والعياذ بالله

[NewSomeBody]

المشاركة الأصلية كتبت بواسطة محمد خلف

لا انا مبولعهمش لان لا يحرق بالنار الا رب النار
ولا ايه ؟
بس شكرا عالنصيحه

تمام
لا يعذب بالنار الا رب النار
انت لو حرقت الفار .. اوعدك ان السكان هيسيبوا الشارع كله ويمشوا