رؤساء مصر من وجة نظر مواطن مصرى

[elmasrey123]

السلام عليكم
رؤساء مصر من وجهة نظرى نظر مواطن تتفق تختلف انته حر
محمد نجيب الله يرحمه ملحقش يعمل حاجة علشان تنقده او تشجعه
جمال عبد الناصر انا ضد الفكر والحلم الناصرى والطريقة الى اتنفذ بيها ومش بحب ناصر ولا بكرهه بس بحترمه واقدرة الله يرحمه
محمد انور السادات يكفيه رفع راس كل مصرى وجفف دموع كل ام وزوجة فقدت جوزها او ابنها وجاب حقهم الله يرحمه
مبارك اخطاءه كتير فى النصف الاخير لحكمه بس كان بطل من ابطال اكتوبر حاجة منقدرش ننساها انا متعاطف معاه انسانيا وله اصلاحات برده هى مش قد الفساد الى ظهر بس انا بحبه
مرسى - بديع - الشاطر - انا مش عارف انه واحد فيهم بس الاكيد ان انا عمرى ماحبيتهم ولا بحبهم ولا هاحبهم

[illustrator]

انت نسيت فترة الحكم العسكرى بعد الثورة هههههههههه
الله يرحمك يا انور السادات هو دة الزعيم

[elmasrey123]

المشاركة الأصلية كتبت بواسطة illustrator

انت نسيت فترة الحكم العسكرى بعد الثورة هههههههههه
الله يرحمك يا انور السادات هو دة الزعيم

انته ايه رايك على 18 شهر للجيش

[ĴΘĶЄЯ]

انا معاك ان نجيب ملحقش فمش هنقده
بس عبدالناصر راجل قمة في الاحترام وليه كذا موقف يدل علي وطنيته وياريتنا نلاقي زيه
السادات ده مش هقول عليه كلمة لانه لو عليا هحط صورته ع العلم بدل النسر
مبارك مع اني بشكك في انه من قادة حرب اكتوبر لانه لو حقيقي مكنش ركب صورته بدل الشاذلي
الا انه كان فترة حكمه في نصها الاخير كانت خراب
اما فترة الحكم العسكري كانت احسن فترة بالنسبة لي
لان احسن حاجة لما تسمع من بلطجي انه مش عارف يمشي في الشارع علشان خايف من الجيش
لان ساعتها كانت صورة الداخلية مهزوزة وربنا يحمي جيش مصر
اما اي حد جه بعد كدة انا منتخبتوش ومش معترف بيه كرئيس لمصر

[Uncle Sam]

رأيي فى الموضوع ببساطة أن المشكلة ليست فى الفساد المادى أو الادارى الذى ورثه النظام السابق فقط بل ألمشكلة أخطر وأعمق وهي كم ألأمراض النفسية التى أصيب به ألمواطن المصري! والفساد الأخلاقى والتربوى والانحلال الفاجر لجيل بعد جيل , تعال نرجع شوية صغيرين لمثلا 20 أو 15 سنة فاتوا كان مازال هناك بعض الأصول والتقاليد والقيم والفضائل التى ورثت لأخر جيل محترم , ولكنى اؤكد أن المواطن المصرى ليس مريضا جسديا فقط من المياه والطعام المسرطك والكبد والسرطان وغيرها من الأوبئة الجسدية , ولكن اهتز العقل و اختل ومرض هو الأخر وماأدراك بمرض العقل والنفس ولاأقصد الجنون والهلوسة ولكن ألنفس مرضت بأمراض شتى زى الحقد والبغض والاستغلال والجشع و أبيع أبويا عشان نفسي و أرى ان النظام السابق هو السبب فى ذلك بالتمييز والعنصرية والمعاملة , أنا شايف مثلا ان اللى بيحصل دلوقتى من بلطجة وسرقات وغل وحقد من ناس ليسوا سببا فى سلوكهم المنفر بل هو النظام القمعى اللى حبسهم تحت البلاعات وعذرا للفظ وشكلهم بطريقته ليصبحوا هؤلاء البلطجية الذين ليس كان هناك امامهم أى مخرج وأى يد ممدودة لهم!!!

لاأريد أن أطيل ولكن للعلم اللى احنا فيه ده مقدمة ولكن الخطر الاكبر من ثورة تسمى ثورة الجياع وربنا يستر علينا وعلى اولادنا وبناتنا.....

[elmasrey123]

المشاركة الأصلية كتبت بواسطة ĴΘĶЄЯ

انا معاك ان نجيب ملحقش فمش هنقده
بس عبدالناصر راجل قمة في الاحترام وليه كذا موقف يدل علي وطنيته وياريتنا نلاقي زيه
السادات ده مش هقول عليه كلمة لانه لو عليا هحط صورته ع العلم بدل النسر
مبارك مع اني بشكك في انه من قادة حرب اكتوبر لانه لو حقيقي مكنش ركب صورته بدل الشاذلي
الا انه كان فترة حكمه في نصها الاخير كانت خراب
اما فترة الحكم العسكري كانت احسن فترة بالنسبة لي
لان احسن حاجة لما تسمع من بلطجي انه مش عارف يمشي في الشارع علشان خايف من الجيش
لان ساعتها كانت صورة الداخلية مهزوزة وربنا يحمي جيش مصر
اما اي حد جه بعد كدة انا منتخبتوش ومش معترف بيه كرئيس لمصر

ههههههههههه ياغالى انته كده مش مختلف معايا خالص بالنسبة ناصر انا كاتب انى مش بحبه لكن بحترمه وبقدره علشان كان حالم وله حلم بوطن وامة وكان نفسه يحققه لكن الطريقة مش حلوة الفكر الناصر وفترة تصفية الحسابت بتاع الثورة وجيشك الى خسرته فى اليمن والكونغو نفسى افهم سبب مقنع لحوار الجيش فى الكنغو وتلتين الغطاء النقدى والاحتياطى الى كان سبب اساسى للى احنا فيه دلوقتى من دهورة الجنيه وامثال صلاح نصر مع انى برده عندى وجهة غريبه شويه على صلاح نصر وهى ان الراجل ده عقلية جامده جدا لانه بنى جهاز مخابرات كان بينافس الامريكان شخصيا وكان ند بند بس طبعا الطرق والاستخدام الشخصى للجهاز وسمعة صلاح نصر هى الى عملت الشغل ده من ده بقه كتير لكن انا عارف ان كل ده علشان هدف بس انا طبيعتى كده مش بحب الجماعة الى بتفكر بالطريقة دى يمكن لو كان فيه طريقة تانية كنت حبيته بس انا بقدره جدا وبحترمه

[elmasrey123]

المشاركة الأصلية كتبت بواسطة uncle sam

رأيي فى الموضوع ببساطة أن المشكلة ليست فى الفساد المادى أو الادارى الذى ورثه النظام السابق فقط بل ألمشكلة أخطر وأعمق وهي كم ألأمراض النفسية التى أصيب به ألمواطن المصري! والفساد الأخلاقى والتربوى والانحلال الفاجر لجيل بعد جيل , تعال نرجع شوية صغيرين لمثلا 20 أو 15 سنة فاتوا كان مازال هناك بعض الأصول والتقاليد والقيم والفضائل التى ورثت لأخر جيل محترم , ولكنى اؤكد أن المواطن المصرى ليس مريضا جسديا فقط من المياه والطعام المسرطك والكبد والسرطان وغيرها من الأوبئة الجسدية , ولكن اهتز العقل و اختل ومرض هو الأخر وماأدراك بمرض العقل والنفس ولاأقصد الجنون والهلوسة ولكن ألنفس مرضت بأمراض شتى زى الحقد والبغض والاستغلال والجشع و أبيع أبويا عشان نفسي و أرى ان النظام السابق هو السبب فى ذلك بالتمييز والعنصرية والمعاملة , أنا شايف مثلا ان اللى بيحصل دلوقتى من بلطجة وسرقات وغل وحقد من ناس ليسوا سببا فى سلوكهم المنفر بل هو النظام القمعى اللى حبسهم تحت البلاعات وعذرا للفظ وشكلهم بطريقته ليصبحوا هؤلاء البلطجية الذين ليس كان هناك امامهم أى مخرج وأى يد ممدودة لهم!!!

لاأريد أن أطيل ولكن للعلم اللى احنا فيه ده مقدمة ولكن الخطر الاكبر من ثورة تسمى ثورة الجياع وربنا يستر علينا وعلى اولادنا وبناتنا.....

طبعا انا هكلمك بصراحة كون ان انا ارجع 20 سنه فده صعب انا اصلا عندى 25 سنة بس بحب التاريخ وعامة انا قايل ان دى وجهات نظر بس هل ده يعنى ان الاختلاف على فترة مبارك بس

[Uncle Sam]

المشاركة الأصلية كتبت بواسطة elmasrey123

طبعا انا هكلمك بصراحة كون ان انا ارجع 20 سنه فده صعب انا اصلا عندى 25 سنة بس بحب التاريخ وعامة انا قايل ان دى وجهات نظر بس هل ده يعنى ان الاختلاف على فترة مبارك بس

لأ طبعا الاختلاف مع جميع الرؤساء اللى انت ذكرتهم متفق معاك فيه طبعا واحترامى الشديد للسادات الرئيس وناصر الزعيم اذا كننا هنوصفهم بكلمة واحدة وأكيد لكل مساوءه وخطاياه لأنهم بشر ولكن تعرف مايسمى بالكارثة الفادحة والخطيئة الغير المغتفرة كما يقولون والخراب المدمر كان مبارك! ألوباء اللى غلب الكوليرا والسل والملاريا والطاعون والايدز.....طبعا هو مسئول مسئولية تامة لأنه كان الراعى والمصريين الرعية ....والله المستعان...