|
صور وفيديو الصيد ورحلاته ميديا عن الصيد والاسلحه ورحلات صيد الاعضاء. |
أدوات الموضوع | إبحث في الموضوع | انواع عرض الموضوع |
11-05-21, 06:38 PM | #1 |
صياد قديم
|
موقـعــــــــة الــــــــوزة .. الجمعة 20/5/2011 صور + الفيديـــــــو.
بسم الله الرحمن الرحيم معلش يا جماعة الموضوع أتأخر شوية علشان الصور كانت لسة موصلتنيش علي الميل. و دي بصراحة أطول طلعة صيد طلعتها في حياتي ... ههههههههه بدأت الساعة 4 صباحا قابلت الدكتور / محمد حسن و بعد ذلك أتشرفت بمعرفة طارق .. و طلعنا علي الربوة علشان نقابل عصام عاصم و أمير سعد .. و كان معانا الرائد / جاسر بالقوات المسلحة .. قريب عصام .. و هو شخصية محترمة و صياد محترف. طلعنا بعربيتين ورا بعض متجهين للشرقية .. و لكن الساعة لما وصلنا كانت بقت 7 صباحا ... و الشمس طلعت و مفيش طيور خالص ... مفاجأة ... هههههههه المهم تحركنا بجوار ترعة ... و فجأة و جدنا وزة بالماء و كنا فاكرينها بطة في البداية ... هههههههه المهم نزلنا عليها بالبنادق الستة اللي معانا ... و أتقطعت .. بس المشكلة اللي واجهتنا إزاي نجبها ؟؟!!! هههههههه المهم مطولش عليكو ... قولوا : لا طول براحتك ... وجدنا علي بعد 500 متر تقريبا كوبري بوسط الترعة ... و قررنا أننا نذهب هناك و ننتظر الوزة اليتيمة المسكينة هناك و ننتشلها من الماء ... و نكسب فيها ثواب ... هههههههه و سبحت الوزة مع التيار لمدة ما يقرب من 1/2 ساعة و نحن في إنتظارها بأحر من الجمر. :d المهم و صلت بالسلامة ... و أخدناها و نظفناها عند الفرارجي. و بعد ذلك ذهبنا لصيد فراخ الغيط ... و لكن لم نوفق للأسف فهو حذر جدا. و بعد ذلك صلينا صلاة الجمعة هناك بمسجد قريب. و بعد ذلك قرننا العودة للقاهرة مرة أخري فالحرارة شديدة و لا يوجد طيور بالسماء. و بدأت أشعر بالتعب الشديد ... و أستأذن أمير و عصام و الرائد جاسر بعد جولة بالتجمع الخامس و نتيجتها حمامة واحدة أصطادها أمير .. ( اللي لقيناه و الله ) .. بينما لم ييأس الدكتور محمد و طارق للأسف ... ( نفسهم طويل جدا ) ... خاصة بعد مكالمة من الأستاذ / خالد شريف ... الذي يخرج للصيد في التوقيت من 4 عصرا و حتي المغرب .. و هو رجل خبرة صراحة ... و تشرفت بمعرفتة ، و لكن لم تتسني لي الفرصة بالتعرف علية جيدا للأسف من شدة الإرهاق ... و أعتذر له من هنا عن هذا. و أخذنا الرجل إلي أماكن بها حمام بري و يمام بالتجمع الخامس نظرا لأنه يسكن هناك ، و أخذ يصطاد من سيارتة و معة أولادة الصغار .. و هم نواة طيبة صراحة فهم صيادين مهرة و يوزعون الأدوار فيما بينهم ... فواحدا يصطاد و الأخر يقوم بتذكية الطريدة و ذبحها .. كما صال و جال الدكتور محمد و معه طارق و أصطادو يمام و حمام بينما أنا أشاهدهم من السيارة و أنا نائم من شدة التعب و الصدااااااااع .. هههههههههه و أخذنا صورا تذكارية مع الأستاذ خالد و أولادة. و أخيرا قرر طارق و محمد أنهاء الرحلة ، و العفو عني لأذهب البيت الساعة 8 مساءا. و نمت أخيرا. و أترككم مع الصور.
__________________
Don't say you are alone when I still alive Kemomail@ymail.com التعديل الأخير تم بواسطة braveheart ; 11-05-26 الساعة 12:06 PM |
sponsor links |
11-05-21, 06:47 PM | #2 |
صياد قديم
تاريخ التسجيل: Feb 2011
المشاركات: 1,366
معدل تقييم المستوى: 18 |
رد: الطلعة العجيبة .. الجمعة 20/5/2011
طلعه جميله
يابختك يا عم |
11-05-21, 07:07 PM | #3 |
الاب الروحي للمنتدى
|
رد: الطلعة العجيبة .. الجمعة 20/5/2011
بسم الله ماشاء الله...لا قوة إلا بالله...الله ينور عليكم يا شباب...بارك الله فيما رزق وبألف هناء وشفاء...الجدير بالملاحظة والملفت للإنتباه...إن كلكم بسم الله ما شاء الله صيادين من الوزن الثقيل...بما تحويه الكلمة مش من معنى واحد...من معاني كثيرة...وما يجد كمان...والناس مقامات برضو...مش يمامه ولا حمامه...من أولها مشمرين وداخلين سخنين قوي على الوز...وإيه مش أي وز...ده متزغط ومتربي على الغالي...يا عيني على صاحبتها...مش قادر أتخيل منظرها...تلاقيها عاملة صوان وبتستقبل العزاء في وزتها الحيلة أم عيون كحيلة...وحيدة أبوها وأمها...عموما المسامح كريم...وعفى الله عما سلف...وأنا بأقول أحسن برضو من صيد الفول والطعمية...والباذنجان إللي حرق قلبنا...يا عيني منظركم وأنتم واقفين على الكوبري مستنيين الشهيدة المأسوف على شبابها...عروسة شباب الوز...منظركم يقطع القلب...بس سيبكم إنتم ولا وز ولا بط...أهم شيئ خرجتم وإتفسحتم وإتمتعتم وغيرتم جو...وكانت صحبة مافيش أحلى من كده...ربنا يجمعكم دائما على الخير والحب الود والقلوب الصافية...وفي إنتظار طلعاتكم الجاية والجامدة قوي زي دي يا شباب ويكون لينا حظ ونصيب في صحبتكم وعمر ونستمتع معاكم يا رب...بس ما تنسوش والنبي تراضو الست صاحبة الوزة دي بحاجة علشان تبقي مسامحة وبنفس راضية...والمرة الجاية هأشوف لكم حد يأجر لنا كام قفص حمام على سمان وأرانب...وكله بحسابه طبعا...ما تقلقوش...ما حدش فينا ها يروح بيته مش مرضي ومبسوط...وإلى الأمام يا أجدع قناصين في البر كله...خالص تحياتي...
__________________
اللهم آتنا في الدنيا حسنة وفي الآخرة حسنة وقنا عذاب النار
|
11-05-21, 07:16 PM | #4 |
صياد متقدم
تاريخ التسجيل: Feb 2011
المدينه: انا ساكن في مدينه كوم حماده بمحافظه البحيره
المشاركات: 554
معدل تقييم المستوى: 7 |
رد: الطلعة العجيبة .. الجمعة 20/5/2011
تسلم ايديكم طلعه جميله وصحبه اجمل ربنا يديم المعروف
__________________
وما رميت اذ رميت ولكن الله رمى |
11-05-21, 07:24 PM | #5 | |
صياد قديم
|
رد: الطلعة العجيبة .. الجمعة 20/5/2011
شكرا لك و لمشاركتك.
اقتباس:
و ثانيا ... حضرتك معزوم عليها يوم الإجتماع القادم إن شاء الله ع الغداء .. ههههههههههههه ثالثا .. الطلعة الجاية أنت معانا طبعا بمشيئة الله. و أتشرفت بمشاركتك ... و تحياتي لك.
__________________
Don't say you are alone when I still alive Kemomail@ymail.com |
|
11-05-21, 08:17 PM | #6 | |
الاب الروحي للمنتدى
|
رد: الطلعة العجيبة .. الجمعة 20/5/2011
اقتباس:
__________________
اللهم آتنا في الدنيا حسنة وفي الآخرة حسنة وقنا عذاب النار
|
|
11-05-21, 08:17 PM | #7 |
صياد نشيط
تاريخ التسجيل: Apr 2011
المشاركات: 429
معدل تقييم المستوى: 8 |
رد: الطلعة العجيبة .. الجمعة 20/5/2011
انا و الله لو معدي علي الكوبري ده و شفتكم واقفين و في واحد منكم مماسك نظاره معظمه وواقفين كده انا اخاف مكم و اجري عاي طول بس فس الاول و الاخر الف مبروك علي الطلعه الجمده دي و الف هنا و شفا بس ابقوا حشولي الزلموكه علشان انا بحبها قوي هههههههههههههههههههههههههههههههههههه و السلام ختام
__________________
((وَمَن يَتَّقِ اللَّهَ يَجْعَل لَّهُ مَخْرَجًا وَيَرْزُقْهُ مِنْ حَيْثُ لَا يَحْتَسِبُ )) صدق الله العظيم |
11-05-21, 08:18 PM | #8 |
صياد قديم
تاريخ التسجيل: Dec 2010
المدينه: 6 اكتوبر
المشاركات: 1,819
معدل تقييم المستوى: 33 |
رد: الطلعة العجيبة .. الجمعة 20/5/2011
بسم الله ما شاء الله ربنا يديم المعروف والمودة ودى اهم حاجة فى الرحلة ويارتنى كنت معاهم ههههههههههه
بس يا ريت يا استاذ كريم ماتتأخرش عليا كتر من كدة وانت فاهم يعنى ترجع الوزة علشان صاحبها هارينى اتصالات وانا محرج منة يعنى انت قولتلى هتصورها وترجعها تانى اما البنادق مش مشكلة خليها معاكم لحد ما نتقابل يعنى فى بيتها بس ذى ما خدتوها بتلمع يا ريت ترجع كدة تانى تحياتى
__________________
لا حيلة فى الرزق ولا شفاعة فى الموت |
11-05-21, 08:24 PM | #9 |
قنـــاص من الدرجه الاولى
|
رد: الطلعة العجيبة .. الجمعة 20/5/2011
ايه يا باشا الجمال والروعه والتألق طلعه جميله وصحبه اجمل واروع بس المره الجايه قلولى وانا اظبط لكم طلعه تمام وعلى فكره يا كريم بك فى بندقيتن معاكوا من عندى يعنى برده نا كنت مشارك بدور
|
11-05-21, 08:30 PM | #10 | |||
صياد قديم
|
رد: الطلعة العجيبة .. الجمعة 20/5/2011
اقتباس:
اقتباس:
اقتباس:
بدر .. لتأجير لوازم الرحلات البرية. هههههههههههه تحياتي لك.
__________________
Don't say you are alone when I still alive Kemomail@ymail.com |
|||
11-05-21, 08:35 PM | #11 | |
صياد قديم
تاريخ التسجيل: Dec 2010
المدينه: 6 اكتوبر
المشاركات: 1,819
معدل تقييم المستوى: 33 |
رد: الطلعة العجيبة .. الجمعة 20/5/2011
اقتباس:
حبيبى يا h تحياتى
__________________
لا حيلة فى الرزق ولا شفاعة فى الموت |
|
11-05-21, 08:35 PM | #12 | |
صياد قديم
|
رد: الطلعة العجيبة .. الجمعة 20/5/2011
اقتباس:
يمكن عشان كدة ربنا وفقنا و الحمد لله .. تحياتي لك ، و شكرا للمشاركة ... و مبروك علي اللي بالي بالك.
__________________
Don't say you are alone when I still alive Kemomail@ymail.com |
|
11-05-21, 08:41 PM | #13 |
صياد متقدم
تاريخ التسجيل: Apr 2011
المدينه: مدينة بلطيم م\ كفر الشيخ
المشاركات: 532
معدل تقييم المستوى: 9 |
رد: الطلعة العجيبة .. الجمعة 20/5/2011
بسم اللة مشاء اللة صيد مبارك ليكم جميعا
واهم ما في الموضوع الصحبة الجميلة والطيبة وعقبال الطلعات الجاية ان شاء اللة يا استاذ كريم ..الف الف الف هنا وشفا يا رجالة ... ومتنساش ترجع الوزة لصاحبها اصلة قالب الدنيا ههههههههههههههههههههههههههههههه تحياتي يا استاذ كريم ....
__________________
اذا كنت جاد في التغيير فكن بطلا وابدأ الأن... |
11-05-21, 08:44 PM | #14 |
مشرف الصيد البري
|
رد: الطلعة العجيبة .. الجمعة 20/5/2011
طلعة صيد جميلة ربنا يبارك لكم والاهم الصحبة الحلوه والرحلة السعيدة بس يهمنى اسال اخبار الوزة ايه دلوقتى ؟؟؟؟؟ ههههههههه بالف هنا وشفا
__________________
قوله تعالى : { فلم تقتلوهم ولكن الله قتلهم وما رميت إذ رميت ولكن الله رمى وليبلي المؤمنين منه بلاء حسنا إن الله سميع عليم }[SIGPIC][/SIGPIC] |
11-05-21, 08:46 PM | #15 | |
صياد قديم
تاريخ التسجيل: Dec 2010
المدينه: 6 اكتوبر
المشاركات: 1,819
معدل تقييم المستوى: 33 |
رد: الطلعة العجيبة .. الجمعة 20/5/2011
اقتباس:
وطبعا ليك 10 فى المية من الوزة شوف الحتة اللى تعجبك منها وابعتهالك هههههههه تحياتى
__________________
لا حيلة فى الرزق ولا شفاعة فى الموت |
|
11-05-21, 08:52 PM | #16 | |||
صياد قديم
|
رد: الطلعة العجيبة .. الجمعة 20/5/2011
اقتباس:
اقتباس:
اقتباس:
و الوزة المحروقة دي هتتعمل إن شاء الله علي فتة يوم الإجتماع ... بس دي وزة ناس .. يعين اللي هياكل منها ربنا هيحاسبوا ... ههههههههه أنا بقول أتحمل ذنبها لوحدي بقي .. ولا نسكت و ناكلها مع بعض ... هـااااااااااااا ... أيه رأيكم ؟؟!! بس دي تبقي رشوة بردو ... ههههههههههههه تحياتي لكم جميعا.
__________________
Don't say you are alone when I still alive Kemomail@ymail.com |
|||
11-05-21, 08:54 PM | #17 | |
صياد قديم
تاريخ التسجيل: Dec 2010
المدينه: 6 اكتوبر
المشاركات: 1,819
معدل تقييم المستوى: 33 |
رد: الطلعة العجيبة .. الجمعة 20/5/2011
اقتباس:
قصدى حلال علينا كلنا وانا اقنعت الراجل صاحب الوزة انة يعمل محضر صلح ويجي ياكل معانا الوزة بالفتة وربنا يستر ههههههههه
__________________
لا حيلة فى الرزق ولا شفاعة فى الموت |
|
11-05-21, 08:56 PM | #18 | |
صياد قديم
|
رد: الطلعة العجيبة .. الجمعة 20/5/2011
اقتباس:
__________________
Don't say you are alone when I still alive Kemomail@ymail.com |
|
11-05-21, 08:59 PM | #19 |
ادمن صفحة المنتدى
|
رد: الطلعة العجيبة .. الجمعة 20/5/2011
طلعة جميلة جداً \...ربنا يبارك..
__________________
الــصيــــــــــــد ادب ... مــــــش مســــــــــــــــــك ســــــــــلاح.!
|
11-05-21, 09:17 PM | #20 | |
قنـــاص من الدرجه الاولى
|
رد: الطلعة العجيبة .. الجمعة 20/5/2011
اقتباس:
هههههههههههههههههههههههه قابل بقا |
|
11-05-21, 09:23 PM | #21 |
صياد نشيط
تاريخ التسجيل: Jul 2010
المدينه: القاهرة
المشاركات: 452
معدل تقييم المستوى: 8 |
رد: الطلعة العجيبة .. الجمعة 20/5/2011
ما شاء الله اهم حاجة في المنتدي التعرف بين الاعضاء ومبروك علي الوزة.....
__________________
بسم الله الرحمن الرحيم ( انما اَمُرهُ اِذَا ارادَ شيئاً اَن يقولَ لهُ كُنْ فيكون ^ فسُبْحان الذي بيده ملكوتُ كلِّ شيءٍ واليهِ تُرجعون ) صدق الله العظيم |
11-05-21, 09:32 PM | #22 |
صياد قديم
|
رد: الطلعة العجيبة .. الجمعة 20/5/2011
فعلا أهم شئ كان الصحبة و الله .. شكرا لمرورك الكريم يا كريم ... و منتظرك في الإجتماع إن شاء الله.
__________________
Don't say you are alone when I still alive Kemomail@ymail.com |
11-05-21, 09:35 PM | #23 |
صياد متقدم
تاريخ التسجيل: Nov 2010
المدينه: إيطاليا
المشاركات: 545
معدل تقييم المستوى: 16 |
رد: الطلعة العجيبة .. الجمعة 20/5/2011
الوزه دي اكيد بتاعت حد كويس انكو رجعتو بالسلامه ههههههههههههه
|
11-05-21, 10:16 PM | #24 | |
صياد متقدم
تاريخ التسجيل: Apr 2011
المدينه: مدينة بلطيم م\ كفر الشيخ
المشاركات: 532
معدل تقييم المستوى: 9 |
رد: الطلعة العجيبة .. الجمعة 20/5/2011
اقتباس:
بس انا مش هاخد اقل من 30%ههههههههههه ولا افتن عليك .. تحياتي لحضرتك يااستاذ بدر .. واحترامي الشديد للاستاذ كريم باشا ..
__________________
اذا كنت جاد في التغيير فكن بطلا وابدأ الأن... |
|
11-05-21, 10:21 PM | #25 |
مشرف الاقسام العامه
تاريخ التسجيل: Dec 2010
المدينه: مصر المحروسة
المشاركات: 1,892
معدل تقييم المستوى: 215 |
رد: الطلعة العجيبة .. الجمعة 20/5/2011
حمد اللة على السلامة بس انا عندى ملحوظة على حكاية الوزة دى يا اخوانى دى بتاعت ناس والوز دة بيدنوا فى الترع وعلى المغرب كدا بيرجع لبيتة تانى يعنى ممكن تبعد عن بيتها كيلو واتنين كمان وعلى المغرب ترجع بس المهم ان اصحابها ما مسكوكوش كنتوا هاتدفعوا تمنها 100 او 200 جنية_ههههه
|
11-05-21, 10:24 PM | #26 |
صياد متفاعل
تاريخ التسجيل: May 2011
المدينه: القاهرة الجديدة
المشاركات: 192
معدل تقييم المستوى: 6 |
رد: الطلعة العجيبة .. الجمعة 20/5/2011
ماشاء اللة فعلا احلى حاجة المجموعة اللى طلعت مع بعض كل احسن من بعض عصام وكريم وامير ود محمد وطارق واللة كلهم احسن من بعض وحلم فعلا انى الواحد يتعرف على شخصيات جميلة زيهم عموما حمد اللة على السلامة يا رجالة وعقبال كل طلعة والف هنا وشفاء
وتحياتى
__________________
إذا خرجت الكلمة من القلب دخلت في القلب ، وإذا خرجت من اللسان لن تتجاوز الآذان |
11-05-21, 10:32 PM | #27 |
صياد نشيط
|
رد: الطلعة العجيبة .. الجمعة 20/5/2011
يا ترى المكان الجميل دة فين فى الشرقية ؟
اعتقد انه فى الزقازيق عند جامعة الازهر والمطاحن وعزبة الصعايدة ياريت لو حد من الاخوة الكرام يدلنا بما انى من الزقازيق والف مبروك الطلعة الجامدة لا جمل صحبة واجمل صيادين وبالتوفيق
__________________
محمد فصيح صياد منذ الصغر فريق الشرقية للصيد والرماية |
11-05-21, 11:55 PM | #28 |
صيـــــــاد من الدرجـه الأولـي
تاريخ التسجيل: Feb 2011
المدينه: القاهرة
المشاركات: 2,940
معدل تقييم المستوى: 288 |
رد: الطلعة العجيبة .. الجمعة 20/5/2011
مساء الخير يا جماعة , أنا لسة شايف الموضوع حالاً , أحلى حاجة فى هذه الرحلة هى الصحبة الرائعة , ولو أنها كانت مرهقة جدا لأننا صممنا أننا لا نعود إلا بصيد ثمين , وقد أكرمنا الله من فضله.
أنا كنت مشفق جدا عالوزة , إتفتح عليها عاصفة الصحراء , 6 بنادق بيضربوا عليها وهى مش عارفة تعمل ايه لغاية ما أخدت طلقتين فى الرقبة و ......... إنتهت
__________________
-------------------------------------------- اللهم صلّ على سيدنا محمد و على آله و صحبه و سلّم -------------------------------------------- |
11-05-22, 12:02 AM | #29 |
صياد متقدم
تاريخ التسجيل: May 2011
المدينه: 6 أكتوبر
المشاركات: 624
معدل تقييم المستوى: 44 |
رد: الطلعة العجيبة .. الجمعة 20/5/2011
مبروك الوزة يا شباب وابقى شوفونا بحاجة ههههههه
|
11-05-22, 12:30 AM | #30 |
صياد قديم
تاريخ التسجيل: Mar 2011
المدينه: cairo
المشاركات: 1,520
معدل تقييم المستوى: 15 |
رد: الطلعة العجيبة .. الجمعة 20/5/2011
مساء الفل على احلى اعضاء فى الدنيا اعضاء منتدى الصيد فى مصر
واللة يا جماعة طلعة مفيش احسن من كدة اخوة افاضل وشخصيات فوق الوصف وانا عن نفسى فوجئت بيهم وعلفكرة احنا كنا متفقين من البداية على انها طالعة للتريج عن النفس اكتر منها طلعة صيد ولذلك قررنا السفر للشرقية لصيد دجاج الماء لكن الموضوع صعب جدا ومحتاج صبر لابعد الحدود والمشكلة اننا اتخرنا اوى فى السفر وكانت الشمس طلعت والحر شديد لذالك كل الطيور والفراخ كانت شبة مختفية اما الوزة المسكينة دية كانت تايها فى الترعة ومش لاقى حد وعمال تبكى هههههههههههه واحنا كان عندنا ياس شديد بسب قلت الطيور والدجاج فطبعا غريزة الصيد اللى فى دمنا طلعت عليها نزلنامن العربيا نبص شمال ويمين عشان يعنى لو ليها صاحب بس تقريبا على مرمى بصرنا مفيش اى حاجة امنافاتحين النار عليها ههههههههههههه من كل الاتجهات المسكينة مقدرتش تقاوم هههههههههه وراحت فيها المسكينة بس انا سامع كدة انى كريم عازم الاعضاء على فتة بالوزة وانا قررت ان الحلو عندى ان شاء اللة واسف على الاطالة وتحيــــــــــــــــــــــاتى للجميـــــــــــــــــــــتع
__________________
إيهما اهم .. التفاعل والنوعية ام زيادة المشاركات والكمية؟؟
http://hh7.net/Jul4/hh7.net_13110235081.jpg |
11-05-22, 12:37 AM | #31 |
مشرف عام سابق
تاريخ التسجيل: Feb 2011
المدينه: القاهرة
المشاركات: 5,674
معدل تقييم المستوى: 138 |
رد: الطلعة العجيبة .. الجمعة 20/5/2011
انا زعلان منك يا كريم مش انا قولتلك عايز عنوان اكشن واديتك شوية عناوين ضحكت علينا ومطلعتش بريفهارت خالص افكرك بالعناوين يمكن تكون نسيتها
1 - كتيبة اعدام الوزة اليتمية 2 - الوزة وفرسان المائدة المستديرة الستة 3 - نهاية الوزة المستحملة اوى ههههههههههههههههههههههههههههه بس زى بعضه خليها المرة الجاية كل الرجالة اللى طلعو معانا ميتشبعش منهم ابدا والواحد عايز يطلع يصطاد كل يوم معاهم وربنا يديم المعروف والمحبة وعايزك فدائى المرة الجاية ههههههههههههه |
11-05-22, 12:39 AM | #32 |
صياد متقدم
|
رد: الطلعة العجيبة .. الجمعة 20/5/2011
صيد موفق واهم من الصيد الصحبه الحلوة مجمعين علي خير انشاء الله
__________________
سبحان الله وبحمده سبحان الله العظيم |
11-05-22, 12:53 AM | #33 |
صياد متقدم
تاريخ التسجيل: Apr 2008
المشاركات: 663
معدل تقييم المستوى: 10 |
رد: الطلعة العجيبة .. الجمعة 20/5/2011
كواليس الطلعة العجيبة .. الجمعة 20/5/2011
-------------------------------------------------------------------------------- حبيت انقل لأخوتنا فى المنتدى ما لم يتم ذكرة عن هذه الطلعة من حيث الهدف الاساسى من الطلعة والدروس اللى استفدتها من الطلعة دى . الطلعة كانت فكرتى وفكرة عصام وكان الهدف منها صيد حاجة مش موجودة فى القاهرة او بمعنى اخر حاجة غير الحمام واليمام والعصافير . اولاً : احب انوةانى اتعرفت بناس قمة فى الزوق والاخلاق والاصرار والدم الخفيف ( عصام جاسر وكريم ومحمد وطارق ) سر الرحلة جاسر ضابط شاب قناص ودى مش مبالغة (وضعية الارتكاز فى التصويب , الرزانة والهدوء ) ممسكش البندقية غير قليل اول واحد اتوفق فينا بصيد حمامة من بعد اكتر من 45 متر والغريبة انها لما وقعت فى المياة كان هينط وراها يجيبها واعد يدور على مراكبى وللأسف ملقاش وزعل جداً لما ماعرفش يجبها وحس بتأنيب ضمير. وطلب عدم صيد فراخ فى المنطقة لأننا مش هنعرف نوصلها ودة اول درس اتعلمتة (اسعى انك توصل للحاجة اللى اصتادها بأستموات) حتى لو عصفورة تانى درس اتعلمتة لما شوفنا الوزة وهيا عايمة وعلى فكرة دى وزة شاردة ومكنش فية مساكن على نطاق نص كيلو ولا اى طيور تربية فى المياة لأنها ترعة صناعية اوطى 10متر من منسوب الطريق فلو اى طائر نزل عمرة ما يطلع لأن فية حواجز اسمنت على الجوانب . علشان مطولش اترصينا احنا الخمسة صف كل واحد يبعد 10 متر عن الاخر وهاتك يا ضرب صباح التلويش طاخ طاخ طاخ طاخ هيستيريا ضرب من ناس محرومة صيد على هدف كبير ومغرى وبلا مبالغة لوكلواحدضرب 10 رشات ف خمسة ب خمسين رشةمن بنادق هاى باور والاصابة لا تتعدى رشتين وهما عصام وكريم ودةالدرس التانى اللى اتعلمتة ( ضبط النفس حتى لو انت فى صحراء وبقالك اسبوع مكالتش و صادفتك طريدة اوى تتسرع واتبع قواعد النشان) وعلى فكرة احنا لوكنا شوفنا صاحبة الوزةكنا هنصطادها الدرس الثالث عدم صيد اى حاجة مبتتاكلش كان ادمنا فى منطقة العباسة ما لا يقل عن 1000 ابو قردان وطيوراخرى كتيرة والحمد الصيادين اللى كانو معايا عندهم وعى على الرغم من الاغراءات الدرس الرابع والاخير لوعايز تصطاد صح يبقى من 5:30 صباحا حتى 8 ص طرائف الطلعة 1- الوقوففى وسط مقلب الزبالة (طارق - انا -عصام ) 2- الغرز فى الطينة (جاسر والدكتور محمد) 3_ ردم مزارع السمك د /محمد مخاطرالرحلة اعطال فى سيارة د/ محمد حادث اسفر عن تعجين جنب عربية ( بابين و قايم) بس الحمد لله الاكسدام الامامى سليم بتاع العربية اللى اتعجنت وربنا سترها على عربيت عصام واسف للتطويل |
11-05-22, 01:02 AM | #34 | |
صيـــــــاد من الدرجـه الأولـي
تاريخ التسجيل: Feb 2011
المدينه: القاهرة
المشاركات: 2,940
معدل تقييم المستوى: 288 |
رد: الطلعة العجيبة .. الجمعة 20/5/2011
اقتباس:
__________________
-------------------------------------------- اللهم صلّ على سيدنا محمد و على آله و صحبه و سلّم -------------------------------------------- |
|
11-05-22, 01:06 AM | #35 |
صيـــــــاد من الدرجـه الأولـي
تاريخ التسجيل: Feb 2011
المدينه: القاهرة
المشاركات: 2,940
معدل تقييم المستوى: 288 |
رد: الطلعة العجيبة .. الجمعة 20/5/2011
إيه يا عم امير كل الفضايح دى , مش تخلى الطابق مستور
هههههههههههههههههههههههههههههههههههه
__________________
-------------------------------------------- اللهم صلّ على سيدنا محمد و على آله و صحبه و سلّم -------------------------------------------- |
11-05-22, 01:44 AM | #36 |
مشرف عام سابق
تاريخ التسجيل: Feb 2011
المدينه: القاهرة
المشاركات: 5,674
معدل تقييم المستوى: 138 |
رد: الطلعة العجيبة .. الجمعة 20/5/2011
(احنا لوكنا شوفنا صاحبة الوزةكنا هنصطادها) معلش يا ميرو الجملة اللى فاتت اللى انت كتبتها كان لازم تكتب بين قوسين للتوضيح (المقصود الوزة طبعا . . .)
عشان متحبس احنا بنصطاد طيور وبس ههههههههههههه |
11-05-22, 02:12 AM | #37 |
صياد متقدم
تاريخ التسجيل: Apr 2008
المشاركات: 663
معدل تقييم المستوى: 10 |
رد: الطلعة العجيبة .. الجمعة 20/5/2011
يا باشا دى كناية عن الحرمان اللى مرنا بية اليوم دة من قلة الطيور
|
11-05-22, 02:14 AM | #38 |
صياد متقدم
تاريخ التسجيل: Apr 2008
المشاركات: 663
معدل تقييم المستوى: 10 |
رد: الطلعة العجيبة .. الجمعة 20/5/2011
--------------------------------------------------------------------------------
إيه يا عم امير كل الفضايح دى , مش تخلى الطابق مستور هههههههههههههههههههههههههههههههههههه __________________ د/ محمد حسن (طبيب بيطرى) يا باشا مهو مستور انت ناسى موضوع الصيد والزبالة اللى اتكلمنافية ؟) |
11-05-22, 02:15 AM | #39 |
صياد متقدم
تاريخ التسجيل: Apr 2008
المشاركات: 663
معدل تقييم المستوى: 10 |
رد: الطلعة العجيبة .. الجمعة 20/5/2011
و شنطة كريم
|
11-05-22, 02:16 AM | #40 |
صياد متقدم
تاريخ التسجيل: Apr 2008
المشاركات: 663
معدل تقييم المستوى: 10 |
رد: الطلعة العجيبة .. الجمعة 20/5/2011
والحمير البرية اللى كنا هنصتادها
|
11-05-22, 02:18 AM | #41 |
صياد متقدم
تاريخ التسجيل: Apr 2008
المشاركات: 663
معدل تقييم المستوى: 10 |
رد: الطلعة العجيبة .. الجمعة 20/5/2011
ولا الفرخة و السراب ! وفيلم الارض اللى كريم عملة
|
11-05-22, 02:19 AM | #42 |
صياد متقدم
تاريخ التسجيل: Apr 2008
المشاركات: 663
معدل تقييم المستوى: 10 |
رد: الطلعة العجيبة .. الجمعة 20/5/2011
دانا هفضحكوا
انتم شوفتوا حاجة |
11-05-22, 02:29 AM | #43 |
مشرف عام سابق
تاريخ التسجيل: Feb 2011
المدينه: القاهرة
المشاركات: 5,674
معدل تقييم المستوى: 138 |
رد: الطلعة العجيبة .. الجمعة 20/5/2011
|
11-05-22, 02:32 AM | #44 |
صياد متفاعل
تاريخ التسجيل: Apr 2011
المدينه: القاهرة
المشاركات: 74
معدل تقييم المستوى: 5 |
رد: الطلعة العجيبة .. الجمعة 20/5/2011
ما شاء الله بارك الله لكم في الصيد وزادكم, بالف هنا.
__________________
سبحان الله والحمد لله ولا إله إلا الله والله أكبر ولا حول ولا قوة إلا بالله العلي العظيم ياسر النبراوي [/SIZE]
|
11-05-22, 06:38 AM | #45 |
صياد قديم
تاريخ التسجيل: Apr 2011
المدينه: الإسكندرية
المشاركات: 1,615
معدل تقييم المستوى: 14 |
رد: الطلعة العجيبة .. الجمعة 20/5/2011
الف الف مبروك عليكم وربنا يكرمكم الطلعات اللي جاية
|
11-05-22, 07:57 AM | #46 |
صياد متقدم
تاريخ التسجيل: Feb 2011
المدينه: في المسكن
المشاركات: 830
معدل تقييم المستوى: 24 |
رد: الطلعة العجيبة .. الجمعة 20/5/2011
لمة حلوة وصحبة حلوة وصوراحلي ويوم جميل بس البطة حاتقضي مين ولا مين هههههههههههه
|
11-05-22, 08:04 AM | #47 |
مشرف عام سابق
تاريخ التسجيل: Feb 2011
المدينه: القاهرة
المشاركات: 5,674
معدل تقييم المستوى: 138 |
رد: الطلعة العجيبة .. الجمعة 20/5/2011
شكرا لمرور الجميع
|
11-05-22, 08:58 AM | #48 |
صياد متفاعل
تاريخ التسجيل: Jan 2011
المدينه: التجمع الخامس
المشاركات: 161
معدل تقييم المستوى: 5 |
رد: الطلعة العجيبة .. الجمعة 20/5/2011
اشكرك على مجهودك في كتابة الموضوع
وانتقاء الكلمات ودلوقتي عرفت ليه انت كنت مرهق ومش مركز المرة الجاية نبدأ الصيد وانت في كامل تركيزك وتكون مرتاح ومستمتع وعاوزين يوم من اوله واوعدك ان المرة الجاية الكاميرا مش هاتقدر تجمع الصيد في صورة واحدة من كترته ههه واشكر ا. طارق و د. محسن وسعدت اكثر ذلك اليوم بحصولي على ثلاث اصدقاء محترمين وقناصين
__________________
قد تخلو الزجاجة من العطر ..
ولكن تبقى الرائحة العطرة عالقة بالزجاجة .. كما تبقى الذكرى الطيبة عالقة بالقلب .. |
11-05-22, 09:45 AM | #49 | |
مشرف عام سابق
تاريخ التسجيل: Feb 2011
المدينه: القاهرة
المشاركات: 5,674
معدل تقييم المستوى: 138 |
رد: الطلعة العجيبة .. الجمعة 20/5/2011
اقتباس:
|
|
11-05-22, 10:47 AM | #50 |
صياد متقدم
تاريخ التسجيل: Nov 2008
المشاركات: 913
معدل تقييم المستوى: 13 |
رد: الطلعة العجيبة .. الجمعة 20/5/2011
السلام عليكم جميعا اخواني جميعا ما شاء الله علي صحبة الصيادين الجميلة ويارب تدوم المحبة والصحبة ويارب الطلعات الجاية احلي والحصيلة اكبر
وكلن ليا ملحوظتين وارجو انكم متزعلوش من اخوكم محمد (اللي هو انا) اولا الوزه يا جماعه واضح انها وزه بيتي وليست بريه واكبر دليل انها مطارتش لما ضربتو عليها لانها متعوده علي البشر وحتي لو كانت في منظقه بعيده او تايهه عن بيتها فهي كده يقع عليها حكم اللقطه اي لا يجوز صيدها ولا اكلها انما كان لازم تبحثو عن صابحها او تتركوها وقد يجدها هو. ثانيا فيه حكم مهم جداا في الصيد وهو حكم الصيد اللي بيقع في الماء وهي انه محرم اكله فقد قال رسول الله صلي الله عليه وسلم وإن وقع في الماء فلا تأكل. وكما هو واضح ان الوزه غرقانه ميه والحكم ده لجميع انواع الصيد عموما طبعا اكيد انتو مكنتوش تعرفو وليكم العذر وربنا يغفرلنا ويغفر لكم بس ياطارق باشا ليا عليك لوم لأني قلتلك المعلومة دي قبل كده وكان لازم تنبه اخوتك ليها وتقبلو احترامي لكم جميعا |
11-05-22, 11:12 AM | #51 |
الادارة العليا
تاريخ التسجيل: Feb 2010
المدينه: مصر ام الدنيا
المشاركات: 3,848
معدل تقييم المستوى: 568 |
رد: الطلعة العجيبة .. الجمعة 20/5/2011
اللة ينور يا كريم انا جاى يوم الجمعة بردة اعمل حسابى فى حتة من الوزة
تحياتى
__________________
سبحان الله و بحمدة سبحان الله العظيم
|
11-05-22, 11:13 AM | #52 | |
الادارة العليا
تاريخ التسجيل: Feb 2010
المدينه: مصر ام الدنيا
المشاركات: 3,848
معدل تقييم المستوى: 568 |
رد: الطلعة العجيبة .. الجمعة 20/5/2011
اقتباس:
والله العظيم اخف دم فى المنتدى كلة
__________________
سبحان الله و بحمدة سبحان الله العظيم
|
|
11-05-22, 11:22 AM | #53 | |
صياد قديم
تاريخ التسجيل: Dec 2010
المدينه: 6 اكتوبر
المشاركات: 1,819
معدل تقييم المستوى: 33 |
رد: الطلعة العجيبة .. الجمعة 20/5/2011
اقتباس:
وطالما سيادتك من الادارة يبقى ليا طلب انك تقفل الموضوع دة لان الوزة دى بقت اشهر من الراجل اللى واقف ورا عمر سليمان والراجل ابو جلابية اللى نزل الملعب فى ماتش الزمالك هههههههههه واعتقد ان اقل واجب اننا نعمل لها تمثال دة غير الصور التذكارية اللى هتتاخد ليها مع الفتة صباح الفل على احلى اعضاء
__________________
لا حيلة فى الرزق ولا شفاعة فى الموت |
|
11-05-22, 11:28 AM | #54 | |
صياد متقدم
تاريخ التسجيل: May 2011
المدينه: 6 أكتوبر
المشاركات: 624
معدل تقييم المستوى: 44 |
رد: الطلعة العجيبة .. الجمعة 20/5/2011
اقتباس:
لو من عندنا احنا من عمارات البنك لازم تنزل معانا إن شاء الله طلعات الجمعة |
|
11-05-22, 11:33 AM | #55 | |
صياد قديم
تاريخ التسجيل: Dec 2010
المدينه: 6 اكتوبر
المشاركات: 1,819
معدل تقييم المستوى: 33 |
رد: الطلعة العجيبة .. الجمعة 20/5/2011
اقتباس:
وانا فى التامن اهالى المجاورة التانية تحياتى
__________________
لا حيلة فى الرزق ولا شفاعة فى الموت |
|
11-05-22, 11:38 AM | #56 |
صياد متقدم
تاريخ التسجيل: May 2011
المدينه: 6 أكتوبر
المشاركات: 624
معدل تقييم المستوى: 44 |
رد: الطلعة العجيبة .. الجمعة 20/5/2011
|
11-05-22, 11:39 AM | #57 | |
صياد قديم
تاريخ التسجيل: Mar 2011
المدينه: cairo
المشاركات: 1,520
معدل تقييم المستوى: 15 |
رد: الطلعة العجيبة .. الجمعة 20/5/2011
اقتباس:
ثانيا شكرا لتوضيح موضوع الوزة واحنا فعلا اتسرعنا فى صيدها لاكن هى كانت من على مسافة بعيدة نوعا ما واحنا كنا فاكرين انها بطة لانهاكانت فى مكان اعزل عن الناس تماما وزى ما قال الاخ امير ان الترعة كانت على عمق كبير وكان صعب عليها تتطلع منها لاكن ارجع وقول كان تسرع مننا وشكرا على توضيح ذلك ثالثا واخيرا بخصوص حديث رسول اللة صلى اللة علية وسلم ان وقعت فى الماء فلا تاكل ان اعرف ان الحديث دة يخص الطرائد اللى متعرفش السباحة يعنى مثلا لو رميت على غزالة او ارنب ووقع من على جبل او وقع فى الماء وغرق فلا تاكل فسوالى لحضرتك هنا اغلب صيد البط فى الفيوم مثلا بيكون طاير او فى الماء وبنضرب علية وبتقع فى الماء نفس وضع الوزة كانت بتعوم فى الماء وماتت اثر اطلاق البنادق علية وليس غرق ارجو من حضرتك توضيح ذلك وجراك اللة خير الجزاء وتحياتى
__________________
إيهما اهم .. التفاعل والنوعية ام زيادة المشاركات والكمية؟؟
http://hh7.net/Jul4/hh7.net_13110235081.jpg |
|
11-05-22, 11:41 AM | #58 |
صياد قديم
تاريخ التسجيل: Mar 2011
المدينه: cairo
المشاركات: 1,520
معدل تقييم المستوى: 15 |
رد: الطلعة العجيبة .. الجمعة 20/5/2011
بدر باشا صباح الفل منور يا كبير ان شاء اللة لازم تتطلع طالعة صيد هتتبسط جدا وهو تغير جو وتجرب الكرال الرهيب وتحياتى ليك يا باشا وللجميع
__________________
إيهما اهم .. التفاعل والنوعية ام زيادة المشاركات والكمية؟؟
http://hh7.net/Jul4/hh7.net_13110235081.jpg |
11-05-22, 11:57 AM | #59 | |
صياد قديم
تاريخ التسجيل: Dec 2010
المدينه: 6 اكتوبر
المشاركات: 1,819
معدل تقييم المستوى: 33 |
رد: الطلعة العجيبة .. الجمعة 20/5/2011
اقتباس:
صباح الفل عصام باشا
__________________
لا حيلة فى الرزق ولا شفاعة فى الموت |
|
11-05-22, 11:59 AM | #60 |
صياد متقدم
تاريخ التسجيل: Nov 2008
المشاركات: 913
معدل تقييم المستوى: 13 |
رد: الطلعة العجيبة .. الجمعة 20/5/2011
طبعا انا عارف ان الخطأ غير مقصود وكلكم رجالة محترمه ولا نزكيم علي الله ونصيحه انكم تتصدقو بما يعادل ثمن الوزه لإبراء ذمتكم وان شاء الله حصل خير
بالنسبة لموضوع الصيد اذا وقع في الماء هو الحديث لفظه عام ولم يخصص نوع معين من الصيد والحكمه هي انك لا تدري ايهم قتل الصيد اولا الماء ام المقذوف(سواء كان سهم او رشه او رصاصه) والله اعلم والنصيحه الاخذ بالاحوط في مثل هذه الامور ودع ما يريبك الي ما لا يريبك؟ |
11-05-22, 12:06 PM | #61 |
صيــــــــاد محتــــــرف
|
رد: الطلعة العجيبة .. الجمعة 20/5/2011
السلام عليكم ... اللمه جميله ومش مهم الصيد ... هو هيروح فين يعنى ؟... لكن الصحبه دى حاجه تانيه ... الله ينور ... تحياتى .
__________________
وكل الانبياء تقول نفسى **********واحمدنا ينادى من ورائى .
صـــــــــــلى الله عليـــــــــــــــــــــــــــــــــــــــــه وسلــــــــــــــــــــــــــم |
11-05-22, 12:12 PM | #62 | |
صياد قديم
تاريخ التسجيل: Dec 2010
المدينه: 6 اكتوبر
المشاركات: 1,819
معدل تقييم المستوى: 33 |
رد: الطلعة العجيبة .. الجمعة 20/5/2011
اقتباس:
اخبارك اية يعنى انت شايف ان الافضل ان الواحد مايكلش من الوزة دى ولا اية النظام دة انا ليا فيها النصف ههههه تحياتى
__________________
لا حيلة فى الرزق ولا شفاعة فى الموت |
|
11-05-22, 12:14 PM | #63 | |
صياد متقدم
تاريخ التسجيل: Nov 2008
المشاركات: 913
معدل تقييم المستوى: 13 |
رد: الطلعة العجيبة .. الجمعة 20/5/2011
اقتباس:
انا رأيي الاحوط بلاش وكمان يفضل يتصدقو بثمنها لأنها تعتبر لقطة ويسري عليها حكمها والله اعلم.وبلاها الوزه دي والصيد الجاي كتير وياما هتاكلو ان شا ءالله |
|
11-05-22, 12:19 PM | #64 |
صياد متقدم
تاريخ التسجيل: Nov 2008
المشاركات: 913
معدل تقييم المستوى: 13 |
رد: الطلعة العجيبة .. الجمعة 20/5/2011
لقيتلكم المفيد
وعن ابن مسعود رضي الله تعالى عنه قال : من رمى صيدا فتردى من جبل فلا يأكله ، فإني أخاف أن يكون التردي قتله ، وإن رمى طيرا فوقع في ماء فلا تأكله ، فإني أخاف أن يكون الغرق قتله ، وبه نأخذ لما روي عن النبي صلى الله عليه وسلم أنه { قال لعدي بن حاتم : رضي الله تعالى عنه إذا وقعت رميتك في الماء فلا تأكل ، فإنك لا تدري أن الماء قتله أم سهمك } ولأن التردي وجب للحرمة ، فإن الله تعالى ذكر جملة المحرمات المتردية ، وعند اجتماع معنى الموجب للحل ومعنى الموجب للحرمة يغلب الموجب للحرمة ، وهذا بخلاف ما لو رمى طيرا في الهواء فوقع على الأرض ومات ، فإنه يؤكل ، وإن كان من الجائز أنه مات بوقوعه على الأرض ، فإن ذلك لا يستطاع الامتناع عنه فيكون عفوا ، والتكليف بحسب الوسع ، بخلاف الوقوع في الماء والتردي من موضع ، فإنه يستطاع الامتناع عنه ، ويستوي في ذلك طير الماء وغيره ; لأن طير الماء يعيش في الماء غير مجروح ، فأما بعد الجرح يتوهم أن يكون الماء قاتلا له ، كما يتوهم بغيره ، وهذا بخلاف ما لو ذبح شاة ، وتردى بعد الذبح من موضع ، أو وقعت في ماء ; لأن قطع الحلقوم والأوداج ذكاة مستقرة ، فإنه يحادي بالموت عليه دون ما يتعرض بعده ، فأما الرمي ليس بزكاة مستقرة ، حتى إذا وقع الصيد في [ ص: 225 ] يد الرامي حيا لم يحل إلا بالذبح ; فلهذا كان التردي من الجبل ، والوقوع في الماء محرما له . منقول |
11-05-22, 12:19 PM | #65 |
صياد قديم
تاريخ التسجيل: Dec 2010
المدينه: 6 اكتوبر
المشاركات: 1,819
معدل تقييم المستوى: 33 |
رد: الطلعة العجيبة .. الجمعة 20/5/2011
يا عم خلاص هما يشيلو وزرها ويتصدقو بتمنها وانا اكلها حلال هههههه
__________________
لا حيلة فى الرزق ولا شفاعة فى الموت |
11-05-22, 12:20 PM | #66 |
صياد متقدم
تاريخ التسجيل: Nov 2008
المشاركات: 913
معدل تقييم المستوى: 13 |
رد: الطلعة العجيبة .. الجمعة 20/5/2011
طالما كده يبقي انا كمان دايس ولسه برده مصر علي الورك
|
11-05-22, 01:03 PM | #67 | |
مشرف عام سابق
تاريخ التسجيل: Feb 2011
المدينه: القاهرة
المشاركات: 5,674
معدل تقييم المستوى: 138 |
ط±ط¯: ط§ظ„ط·ظ„ط¹ط© ط§ظ„ط¹ط¬ظٹط¨ط© .. ط§ظ„ط¬ظ…ط¹ط© 20/5/2011
اقتباس:
|
|
11-05-22, 01:11 PM | #68 |
صياد قديم
تاريخ التسجيل: Mar 2011
المدينه: cairo
المشاركات: 1,520
معدل تقييم المستوى: 15 |
رد: الطلعة العجيبة .. الجمعة 20/5/2011
يا باشا المفروض الوزة كلها واللة وبعدين انتة عندك حق المفروض كنا كلمناك بس احنا عارفين انى المشوار بعيد عنك جامد بس احنا ناوين ان شاء اللة نجهز طلعة فى 6 اكتوبر وانتة هتكون القائد بتاعنا بس متنساش تجيب الوزة معاك هههههههههه تحياتى
__________________
إيهما اهم .. التفاعل والنوعية ام زيادة المشاركات والكمية؟؟
http://hh7.net/Jul4/hh7.net_13110235081.jpg |
11-05-22, 01:12 PM | #69 |
صياد متقدم
تاريخ التسجيل: Apr 2008
المشاركات: 663
معدل تقييم المستوى: 10 |
رد: الطلعة العجيبة .. الجمعة 20/5/2011
والله يا طارق انت كلامك تمام بس لو كتبتهلنا عربى يبقى 100%
|
11-05-22, 01:13 PM | #70 | |
صياد قديم
تاريخ التسجيل: Mar 2011
المدينه: cairo
المشاركات: 1,520
معدل تقييم المستوى: 15 |
رد: الطلعة العجيبة .. الجمعة 20/5/2011
اقتباس:
__________________
إيهما اهم .. التفاعل والنوعية ام زيادة المشاركات والكمية؟؟
http://hh7.net/Jul4/hh7.net_13110235081.jpg |
|
11-05-22, 01:15 PM | #71 |
صياد قديم
تاريخ التسجيل: Mar 2011
المدينه: cairo
المشاركات: 1,520
معدل تقييم المستوى: 15 |
رد: الطلعة العجيبة .. الجمعة 20/5/2011
طالعة حلوة كانت عايزاك واللة يا ابو حميد بس معوضة مرة تانية ان شاء اللة وشكرا لمرورك الكريم يا باشا وتحياتى لحضرتك وللجميع
__________________
إيهما اهم .. التفاعل والنوعية ام زيادة المشاركات والكمية؟؟
http://hh7.net/Jul4/hh7.net_13110235081.jpg |
11-05-22, 01:17 PM | #72 | |
صياد قديم
تاريخ التسجيل: Mar 2011
المدينه: cairo
المشاركات: 1,520
معدل تقييم المستوى: 15 |
رد: الطلعة العجيبة .. الجمعة 20/5/2011
اقتباس:
__________________
إيهما اهم .. التفاعل والنوعية ام زيادة المشاركات والكمية؟؟
http://hh7.net/Jul4/hh7.net_13110235081.jpg |
|
11-05-22, 01:17 PM | #73 |
صياد متقدم
تاريخ التسجيل: Nov 2008
المشاركات: 913
معدل تقييم المستوى: 13 |
رد: الطلعة العجيبة .. الجمعة 20/5/2011
|
11-05-22, 01:18 PM | #74 |
صياد متقدم
تاريخ التسجيل: Apr 2008
المشاركات: 663
معدل تقييم المستوى: 10 |
رد: الطلعة العجيبة .. الجمعة 20/5/2011
والله يا جماعة بخصوص التصدق مفهوش مشكلة ( كريم وعصام هيتصدقوا) لأنهم هما اللى قتلوها
وبخصوص شبهة الموت غرقاً انا متأكد انها ماتت من الرش لأن اول واحدة جات فيها كانت تترنح والثانية سكتتها وكانت رأسها فوق الماء حتى مفلفصتش وبناء على ما سبق انا هكلها كلها واشيل الوزر لوحدى |
11-05-22, 01:19 PM | #75 | |
صياد متقدم
تاريخ التسجيل: Nov 2008
المشاركات: 913
معدل تقييم المستوى: 13 |
رد: ط±ط¯: ط§ظ„ط·ظ„ط¹ط© ط§ظ„ط¹ط¬ظٹط¨ط© .. ط§ظ„ط¬ظ…ط¹ط© 20/5/2011
اقتباس:
|
|
11-05-22, 01:34 PM | #76 | |
صياد قديم
تاريخ التسجيل: Dec 2010
المدينه: 6 اكتوبر
المشاركات: 1,819
معدل تقييم المستوى: 33 |
رد: الطلعة العجيبة .. الجمعة 20/5/2011
اقتباس:
تحياتى عصام باشا
__________________
لا حيلة فى الرزق ولا شفاعة فى الموت |
|
11-05-22, 02:05 PM | #77 | |
صياد قديم
تاريخ التسجيل: Mar 2011
المدينه: cairo
المشاركات: 1,520
معدل تقييم المستوى: 15 |
رد: الطلعة العجيبة .. الجمعة 20/5/2011
اقتباس:
__________________
إيهما اهم .. التفاعل والنوعية ام زيادة المشاركات والكمية؟؟
http://hh7.net/Jul4/hh7.net_13110235081.jpg |
|
11-05-22, 02:16 PM | #78 |
مشرف عام سابق
تاريخ التسجيل: Feb 2011
المدينه: القاهرة
المشاركات: 5,674
معدل تقييم المستوى: 138 |
رد: ط±ط¯: ط§ظ„ط·ظ„ط¹ط© ط§ظ„ط¹ط¬ظٹط¨ط© .. ط§ظ„ط¬ظ…ط¹ط© 20/5/2011
حقك عليا كنت بكتب من الموبايل والخط مش متعرف خالص بس كنت عايز اقولك زى ما امير اقلك اننا كنا متاكدين انها ماتت من الرش وليس الغرق اما كونها انها شاربة ماية فده عشان مشيت كتير فى المية لحد معرفنا نجيبها وشكرا ليك دائما على نصائحك يا اخلى العزيز وانت بالنسبة لى وش القفص او من دخلنى الكار وليك معزة خاصة فى قلبى انت ومحمود شلبى وسلامى
|
11-05-22, 02:22 PM | #79 |
صياد نشيط
تاريخ التسجيل: Dec 2010
المدينه: العريش
المشاركات: 360
معدل تقييم المستوى: 6 |
رد: الطلعة العجيبة .. الجمعة 20/5/2011
ماشاء الله لاقوة إلا بالله ,., تسلم الايادى ,., صيد جميل وصيادين اجمل ,., وربنا يبارك فى الروح الطيبه والجميله دى .
خالص تحياتى ....
__________________
ولدتك امك يابـــن آدم باكيـــــــــا * & * والناس حولك يضحكون سرورا
فاعمل لنفسك ان تكون إذا بكوا * & * فى يوم موتك ضاحكا مسرورا |
11-05-22, 02:25 PM | #80 |
صياد متقدم
تاريخ التسجيل: Nov 2008
المشاركات: 913
معدل تقييم المستوى: 13 |
رد: الطلعة العجيبة .. الجمعة 20/5/2011
كده ياعم طارق بقا انا وش القفص ده انت خلتني بطاطس خالص ههههههههههههههههه
ياباشا ده انت حبيبي وعلي فكرة بقا انتو كده برأه من تهمة قتل الوزه بالماء ههههههه بس برده لا يجوز أكلها لأنها لقطة الا اذا تصدقتم بثمنها واخوكم محمد هو اولي الناس بالصدقة دي هههههههه |
11-05-22, 02:26 PM | #81 |
صياد متقدم
تاريخ التسجيل: Nov 2008
المشاركات: 913
معدل تقييم المستوى: 13 |
رد: الطلعة العجيبة .. الجمعة 20/5/2011
كده ياعم طارق بقا انا وش القفص ده انت خلتني بطاطس خالص ههههههههههههههههه
ياباشا ده انت حبيبي وعلي فكرة بقا انتو كده برأه من تهمة قتل الوزه بالماء ههههههه بس برده لا يجوز أكلها لأنها لقطة الا اذا تصدقتم بثمنها واخوكم محمد هو اولي الناس بالصدقة دي ههههههههههههه |
11-05-22, 02:46 PM | #82 |
صياد متقدم
تاريخ التسجيل: Mar 2011
المدينه: السويس - بورسعيد - المنصورة
المشاركات: 860
معدل تقييم المستوى: 10 |
رد: الطلعة العجيبة .. الجمعة 20/5/2011
الوزة وصاحب الوزة :d
__________________
"Load Your Mind Before you Load your Gun "
|
11-05-22, 03:19 PM | #83 |
صياد قديم
تاريخ التسجيل: Mar 2011
المدينه: cairo
المشاركات: 1,520
معدل تقييم المستوى: 15 |
رد: الطلعة العجيبة .. الجمعة 20/5/2011
الدروس المستفادة من طلعة موقعة الوزة هههههههه
اولا المميزات :- 1- الطلعة من البداية الى النهاية ممتعة بالذات بالصحبة الحلوة اللى كانت موجودة 2- تقارب سن الصيادين تقريبا 3- الاتفاق والراى الواحد والمشورة فيما يبننا 4- التعرف اكثر على الاعضاء والتقرب منهم وزيادة الود والمحبة 5- الروح الحلوة كانت ثمة المجموعة كلها العيوب:- وانا يا جماعة اقل من انى اطلع عيوب فى الطلعة لاكن انا هتكلم عن عيوبنا كلنا 1- التسرع فى الصيد ودة بصراحة كان عيب فينا كلنا ودة طبعا كان بسبب قلت الخروج للصيد الفترة الاخيرة وكان دة انطباع اخذة الرائد جاسر عن المجموعة كلها وكان اكثرا هدوء واقلنا ضرب على الطرائد ومن بعدية الاستاذ امير بصراحة 2- نقص الخبرة فى فن التسلل هو مهارة الفرد في استخدام الأرض، وتقدمه للوصول إلى أفضل موقع إطلاق يمكِّنه منة تنفيذ مهمة الصيد بنجاح ودية كانت واضحة اوى فى الدخول على الطيور كنا بنخش بطريقة غير منظمة وبالتالى خرجنا بدون ولا دجاجة ماء واحدة لاننا كنا مكشوفين اوى ليها وكنا بنضرب من ناحية وهى تهرب من ناحية تانية مفهاش حد مننا وبردو دية انطباع من جاسر وانا هكتب بعض قواعد التخفى او التسلل المتعارف علية يجب مراعاة الآتي عند تنفيذ التسلل: (1) تحقيق المفاجأة، وذلك بالاستتار عن نظرالطريدة أثناء التقدم عليها (2) اختيار الطريق الجيد للتسلل، وهو الذي يتوفر فيه الثنيات الأرضية والحشائش والهيئات، التي تصلح نقاط ملاحظة، وكذلك موقع رمي مناسب. (3) يفضل اختيار موقع الرمي على أحد أجناب الطريدة حتى تزداد فرصة إصابته من أجنابه، المعرضة أكثر من مواجهتا، وكذلك تقليل فرصته في اكتشاف موقع الرمي. (4) اختيار الوقت المناسب، الذي تقل فيه الرؤيا،ويفضل كما قال امير من الساعة 5ص حتى الساعة 7 ص (5) اختيار طريق تبادلي ما بين اعضاء المجموعة لتجنب هروب الطريدة مثلما حدث مع الدجاج (6) تنظيم المراقبة بالتبادل، بين طاقم المجموعة 3 - كان فى بطئ فى الصيد بالذات على اليمام والحمام ودة وضح جامد بعد اصطياد فرد حمام وكان بجوارة رفيق لة فرد تانى يعنى وانتظر بعد قنص الاول شوية وكان المفروض سرعة قنصة هو الاخر لاكن بسبب بطنا طار وفقدنا والكلام دة مش متناقد مع رقم واحد انا كنت اقصد بالسرعة وهى صد بالسرعة في مجال الرماية: القدرة على أداء الحركة في زمن محدد. وتحدد أنواع السرعة كالآتي: أ. سرعة رد الفعل: وهي الزمن، الذي يستغرقه الرامي بين أفضل رؤية "للناشنكاهات" في منطقة التصويب، وبين استجابته لسحب الزناد. ب. سرعة الأداء: وهي الزمن اللازم لإنهاء المهمة؛ أي: الوقت المستغرق منذ أن يأخذ الأمر بالتعامل مع الهدف، حتى إخراج الطلقة. ج. سرعة الحركة: وهي الزمن المثالي لتأدية حركة، الرامي والإسراع فيها، أو الجزئية التي تسّرع الرامي في تنفيذها. وبتصحيح ذلك يكون الرامي قد حقق الزمن المثالي لتأدية الحركة ومن ثم تحقيق الدّقة المطلوبة. دة كان قصد كلامى فى موضوع التسرع لذلك كان فى طرب كتير غير مجزى لانها لم تكتمل فيها عناصر وطرق الرمى الصحيحة واخيرا عايز اقول يا جماعة ان اطلعة دية من احلى الطلعات اللى طلعتها فى حياتى وسعادتى لا توصف واللة وان شاء اللة مع الطلعات المقبلة وبالتوفيق للجميع وتحيــــــــــــــــــــــــــــاتى
__________________
إيهما اهم .. التفاعل والنوعية ام زيادة المشاركات والكمية؟؟
http://hh7.net/Jul4/hh7.net_13110235081.jpg |
11-05-22, 04:22 PM | #84 | |
صياد متفاعل
تاريخ التسجيل: Apr 2011
المدينه: القاهرة
المشاركات: 74
معدل تقييم المستوى: 5 |
رد: الطلعة العجيبة .. الجمعة 20/5/2011
اقتباس:
الله ينور عليك, شكراً على النصائح والمعلومات الرائعة دي
__________________
سبحان الله والحمد لله ولا إله إلا الله والله أكبر ولا حول ولا قوة إلا بالله العلي العظيم ياسر النبراوي [/SIZE]
|
|
11-05-22, 05:32 PM | #85 | |
صيـــــــاد من الدرجـه الأولـي
تاريخ التسجيل: Feb 2011
المدينه: القاهرة
المشاركات: 2,940
معدل تقييم المستوى: 288 |
رد: الطلعة العجيبة .. الجمعة 20/5/2011
اقتباس:
أولا : الوزة كانت فى ترعة صناعية عرضها 40 -50 متر وحوافها حجرية وحولها طريق أسفلتى من الجانبين عليه عربيات ماشية بسرعة , يعنى مش ممكن يكون ليها أصحاب وخاصة أن الوز البيتى مش بيبعد عن بيته أكتر من مسافة 10 -20 متر بالكتير كما انه لا يعوم وحيدا وانما فى مجموعات ثانيا: أنا أعرف جيدا موضوع الصيد اذا وقع فى الماء وكنت مركز علشان أشوف الوزة ماتت الأول بالرش ولا اصيبت ووقعت فى الماء ثم غرقت , وكان واضحا لى أنها ماتت بالرش قبل الماء لأنها أخدت رشتين فى الرقبة وسقطت بهم صريعة فجأة أما بخصوص حكم الصيد اذا وقع فى الماء فهو على حقيقته يرجع الى الصياد الذى اصطاد لأنه هو من يستطيع التقدير فى هذا الموقف , يعنى لو الصياد اصاب اصابة قاتلة فى الرأس مثلا قبل الوقوع فى الماء يبقى المرجح أنها ماتت بالرش , وأما اذا كانت الاصابة غير قاتلة قبل الوقوع فى الماء يبقى المرجح انها ماتت غريقة وشكرا أخى الحبيب لمشاركتك
__________________
-------------------------------------------- اللهم صلّ على سيدنا محمد و على آله و صحبه و سلّم -------------------------------------------- |
|
11-05-22, 05:35 PM | #86 | |
صياد قديم
تاريخ التسجيل: Mar 2011
المدينه: cairo
المشاركات: 1,520
معدل تقييم المستوى: 15 |
رد: الطلعة العجيبة .. الجمعة 20/5/2011
اقتباس:
__________________
إيهما اهم .. التفاعل والنوعية ام زيادة المشاركات والكمية؟؟
http://hh7.net/Jul4/hh7.net_13110235081.jpg |
|
11-05-22, 05:36 PM | #87 |
صيـــــــاد من الدرجـه الأولـي
تاريخ التسجيل: Feb 2011
المدينه: القاهرة
المشاركات: 2,940
معدل تقييم المستوى: 288 |
رد: الطلعة العجيبة .. الجمعة 20/5/2011
والله كنت فى بالنا طول الرحلة وكنا عارفين انك هاتقول كدة , بس عموما لو عايز الوزة كلها ماتغلاش عليك
__________________
-------------------------------------------- اللهم صلّ على سيدنا محمد و على آله و صحبه و سلّم -------------------------------------------- |
11-05-22, 05:37 PM | #88 | |
صيـــــــاد من الدرجـه الأولـي
تاريخ التسجيل: Feb 2011
المدينه: القاهرة
المشاركات: 2,940
معدل تقييم المستوى: 288 |
رد: الطلعة العجيبة .. الجمعة 20/5/2011
اقتباس:
__________________
-------------------------------------------- اللهم صلّ على سيدنا محمد و على آله و صحبه و سلّم -------------------------------------------- |
|
11-05-22, 05:48 PM | #89 | |
صيـــــــاد من الدرجـه الأولـي
تاريخ التسجيل: Feb 2011
المدينه: القاهرة
المشاركات: 2,940
معدل تقييم المستوى: 288 |
رد: الطلعة العجيبة .. الجمعة 20/5/2011
اقتباس:
الوزة لم تقع فى الماء .. لأنها كانت فى الماء أصلا , هذا الحديث يصح للطيور التى لا تسبح فيمكن ان تغرق فى الماء , والقياس هنا على اليمام مثلا اذا وقع فى الماء بدون أى شىء فإنه يغرق ويموت اما البط والوز فالموضوع مختلف لأنه يستطيع السباحة حتى وهو مصاب ولا يقع رأسه فى الماء الا اذا مات فقط لسبب آخر مثل الرش و وهذه الوزة اخدت رشتين ماتش فى رقبتها لو أصابوا شخص بالغ فى نفس المكان لقتلوه , وانا كنت مركز فى هذا الموضوع وملاحظ أن الوزة لم تقع رأسها فى الماء الا عندما اصابها الرش فى رقبتها. معلومة للجميع : يوجد علامات تظهر على جثة أى حيوان أو إنسان فى حالة الموت من الغرق وهى خروج شىء شبه الرغاوى من الفم ساعة اخراجه من الماء وهو ناتج عن اختلاط الماء الذى دخل الى الرئة نتيجة الغرق مع الهواء الموجود أصلا فى الرئة , وهذا ما تأكدت منه أيضا عند اخراج الوزة من الماء (يا جماعة دى شغلتى أصلا , هو انا بتاع بطاطس ؟) وبالتالى أؤكد للجميع أن الوزة ماتت من الرش وليس من الغرق وانا متأكد من ذلك وبالهناء والشفاء على من يأكل منها وأشكر أخى محمد على حرصه لتوضيح هذه النقطة التى استفاد منها اخوتنا الصيادين وهذه هى فائدة المناقشات الجادة والمثمرة خالص تحياتى
__________________
-------------------------------------------- اللهم صلّ على سيدنا محمد و على آله و صحبه و سلّم -------------------------------------------- |
|
11-05-22, 05:55 PM | #90 |
صيـــــــاد من الدرجـه الأولـي
تاريخ التسجيل: Feb 2011
المدينه: القاهرة
المشاركات: 2,940
معدل تقييم المستوى: 288 |
رد: الطلعة العجيبة .. الجمعة 20/5/2011
والله انا اتشرفت بمعرفتكم ونفسى نطلع تانى مع بعض وربنا يديم المعروف والكلمة الطيبة
__________________
-------------------------------------------- اللهم صلّ على سيدنا محمد و على آله و صحبه و سلّم -------------------------------------------- |
11-05-22, 06:34 PM | #91 |
مشرف عام سابق
تاريخ التسجيل: Feb 2011
المدينه: القاهرة
المشاركات: 5,674
معدل تقييم المستوى: 138 |
رد: الطلعة العجيبة .. الجمعة 20/5/2011
|
11-05-22, 06:37 PM | #92 | |
مشرف عام سابق
تاريخ التسجيل: Feb 2011
المدينه: القاهرة
المشاركات: 5,674
معدل تقييم المستوى: 138 |
رد: الطلعة العجيبة .. الجمعة 20/5/2011
اقتباس:
سلام يا صاحبى |
|
11-05-22, 07:33 PM | #93 |
صياد نشيط
تاريخ التسجيل: Dec 2008
المشاركات: 267
معدل تقييم المستوى: 8 |
رد: الطلعة العجيبة .. الجمعة 20/5/2011
يل جماعه الف مبروك على الصحبه والصيد الجميل الوزة دة حلال انشاء الله بشرط ان حد غير الى ضربها يكلها
وهو دة احوط الاحوط يبقى انا واستاذ بدر واستاذ محمد سيد |
11-05-22, 10:07 PM | #94 |
صياد متفاعل
تاريخ التسجيل: Mar 2011
المدينه: القاهره - مصر الجديده
المشاركات: 181
معدل تقييم المستوى: 5 |
رد: الطلعة العجيبة .. الجمعة 20/5/2011
هههههههههههههههههههههههه
ربنا يبارك ياباشا بس طريقة السرد تحس منها بمدي المعاناه اللي شوفتها في الرحله و عموما ان اشء الله ابقي اجي لو في رحله قادمه طالما في ىناس ماشاء الله بتطلع كده |
11-05-22, 10:35 PM | #95 |
صياد قديم
تاريخ التسجيل: Mar 2011
المدينه: cairo
المشاركات: 1,520
معدل تقييم المستوى: 15 |
رد: الطلعة العجيبة .. الجمعة 20/5/2011
يا فندم حضرتك تشرف فى اى وقت ونكون سعداء بحضرتك واللة بس اهم حاجة متكونش طمعان فى الوزة ههههههههههههه تحياتى
__________________
إيهما اهم .. التفاعل والنوعية ام زيادة المشاركات والكمية؟؟
http://hh7.net/Jul4/hh7.net_13110235081.jpg التعديل الأخير تم بواسطة essam assem ; 11-05-22 الساعة 11:51 PM |
11-05-22, 11:42 PM | #96 |
صيـــــــاد من الدرجـه الأولـي
تاريخ التسجيل: Feb 2011
المدينه: القاهرة
المشاركات: 2,940
معدل تقييم المستوى: 288 |
رد: الطلعة العجيبة .. الجمعة 20/5/2011
أستاذ بدر , أستاذ محمد msa , أستاذ محمود شلبى
أنا مش مستريحلكوا فى موضوع الوزة , وعلشان كدة أنا هاقولكوا الحقيقة بينى وبينكم الجماعة دول وجدوا الوزة دى غرقانه فى المية , فإنتشلوها وعملوا عليها الفيلم ده علشان الشهرة والأضواء لو عايزين تاكلوا الوزة بعد المعلومات الخطيرة دى , يبقى إتفضلوا بالهناء والشفاء هههههههههههههههههههههههه
__________________
-------------------------------------------- اللهم صلّ على سيدنا محمد و على آله و صحبه و سلّم -------------------------------------------- |
11-05-22, 11:48 PM | #97 |
صيـــــــاد من الدرجـه الأولـي
تاريخ التسجيل: Feb 2011
المدينه: القاهرة
المشاركات: 2,940
معدل تقييم المستوى: 288 |
رد: الطلعة العجيبة .. الجمعة 20/5/2011
أنت آخر واحد تتكلم , أنا مش عارف إيه كمية الطاقة الرهيبة والرغبة فى الصيد اللى عندك دى
أنا مش قادر أقف على رجليا من يومها , من المجهود اللى عملناه أنا حاسس أن لو كان فيه طلعة تالتة من 8 الى 12 كنت أكيد هاتطلع ولكن يشفعلك أنك كنت السبب فى أننا تشرفنا بمعرفة الأستاذ خالد تحياتى ليك يا طارق وأنصحك أنك ماتتصلش بيا لمدة أسبوع هههههههههههههههه
__________________
-------------------------------------------- اللهم صلّ على سيدنا محمد و على آله و صحبه و سلّم -------------------------------------------- |
11-05-23, 02:21 AM | #98 |
مشرف عام سابق
تاريخ التسجيل: Feb 2011
المدينه: القاهرة
المشاركات: 5,674
معدل تقييم المستوى: 138 |
رد: الطلعة العجيبة .. الجمعة 20/5/2011
|
11-05-23, 02:24 AM | #99 | |
مشرف عام سابق
تاريخ التسجيل: Feb 2011
المدينه: القاهرة
المشاركات: 5,674
معدل تقييم المستوى: 138 |
رد: الطلعة العجيبة .. الجمعة 20/5/2011
اقتباس:
|
|
11-05-23, 05:40 AM | #100 | |
صياد متفاعل
تاريخ التسجيل: Jan 2011
المدينه: التجمع الخامس
المشاركات: 161
معدل تقييم المستوى: 5 |
رد: الطلعة العجيبة .. الجمعة 20/5/2011
اقتباس:
والمرة الجاية ناخد اليوم من اوله وعلى فكرة الاولاد استمتعوا جدا بفكرة الصيد الجماعي وكانوا عاوزين يبينوا شطارتهم
__________________
قد تخلو الزجاجة من العطر ..
ولكن تبقى الرائحة العطرة عالقة بالزجاجة .. كما تبقى الذكرى الطيبة عالقة بالقلب .. |
|
sponsor links |
|
|
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
رحلة الجمعة 6/5/2011 مع أحلى صيادين | Aboyassin | صور وفيديو الصيد ورحلاته | 23 | 11-06-03 01:31 PM |
كواليس الطلعة العجيبة .. الجمعة 20/5/2011 | mero1x | صور وفيديو الصيد ورحلاته | 4 | 11-06-03 01:29 PM |
طلعة صيد 2011/3/4 (الجمعة) | professional sniper | صور وفيديو الصيد ورحلاته | 29 | 11-04-11 05:53 PM |
رحلة صيد يوم الجمعة بتاريخ 11/3/2011 | هانى انور | صور وفيديو الصيد ورحلاته | 16 | 11-04-11 05:47 PM |
طلعة يوم الجمعة 18\3\2011 | القناص2010 | صور وفيديو الصيد ورحلاته | 19 | 11-03-24 12:12 PM |