مشكلة في النوربكا

[hesham khedr]

السلام عليكم يا خبراء المنتدى انا معايا نوريكا سبورت جايبها من شهرين بس حصل حاجة غريبة الماسوره
بتكسر والبندقية متعمره
كده باظت ولا ايه ???'''''
افيدوني افادكم الله

[solom1]

أعتقد إن ده طبعي إن الماسورة ينفع تتكسر لو البندقية متعمرة وإن البندقية ما بظتش ولا حاجة
ولو في حدمن الخبرا ممكن يفيدنا أكتر

[Consul]

المشاركة الأصلية كتبت بواسطة hesham khedr

السلام عليكم يا خبراء المنتدى انا معايا نوريكا سبورت جايبها من شهرين بس حصل حاجة غريبة الماسوره
بتكسر والبندقية متعمره
كده باظت ولا ايه ???'''''
افيدوني افادكم الله

بارك الله فيك أخي الحبيب وإبني الغالي...عادي جدا أي بندقية بتتعمر بكسر الماسورة ممكن تكسر الماسورة وهي متعمرة مافيش مشكلة...وممكن تجرب كده في الرمسيس والمعادي والكرال والنوريكا والجامو والصيني...وممكن في بنادق تلغي تعميرها بكسر الماسور وأنت ممسك بها جيدا ( لا تترك الماسورة وأمسك بها جيدا حتى لا تنطر منك وتصيبك بأذى ) وتضغط على الزناد وترجع الماسورة بالراحة إلى مكانها بالأعلى مرة أخرى...طبعا ده في المعادي والرمسيس عادي لكن في الجامو والكرال لازم تشيل أمان التعمير ( قطعة كالمسطرة فوق الزناد واصلة لذراع التعمير تمنع الضغط على الزناد بالخطأ فلا تصيب أحد بسبب إرتداد الماسورة بشدة بفعل ضغط السوستة ) وإن كنت عن نفسي لا أحبذ ولا أنصح أحد بأن يفك أو يخلع هذه القطعة نظرا لأهميتها كما سبق الشرح والإشارة...النوريكا سبورت من أخف وأدق وأحب البنادق لقبلي وعزيزة علي جدا وأنا مسميها الرشيقة...حافظ عليها وعلى نظافتها وصيانتها أولا بأول ولا تهينها...خالص تحياتي...

[hesham khedr]

تسلم ياباشا solom1 وشكرا على الرد والله طمنتينى

[hesham khedr]

والله انا مش مصدق نفسى حضرتك بنفسك بترد على مشكلتى الف شكر لحضرتك ياسيادة القنصل وعلى فكرة انا اشتريت النوريكا سبورت بعد ما عرفت المنتدى وقريت كل كلام حضرتك عنها وتقبل تحياتى وجزيل الشكر

[أحمد عطاالله إبراهيم]

المشاركة الأصلية كتبت بواسطة consul

بارك الله فيك أخي الحبيب وإبني الغالي...عادي جدا أي بندقية بتتعمر بكسر الماسورة ممكن تكسر الماسورة وهي متعمرة مافيش مشكلة...وممكن تجرب كده في الرمسيس والمعادي والكرال والنوريكا والجامو والصيني...وممكن في بنادق تلغي تعميرها بكسر الماسور وأنت ممسك بها جيدا ( لا تترك الماسورة وأمسك بها جيدا حتى لا تنطر منك وتصيبك بأذى ) وتضغط على الزناد وترجع الماسورة بالراحة إلى مكانها بالأعلى مرة أخرى...طبعا ده في المعادي والرمسيس عادي لكن في الجامو والكرال لازم تشيل أمان التعمير ( قطعة كالمسطرة فوق الزناد واصلة لذراع التعمير تمنع الضغط على الزناد بالخطأ فلا تصيب أحد بسبب إرتداد الماسورة بشدة بفعل ضغط السوستة ) وإن كنت عن نفسي لا أحبذ ولا أنصح أحد بأن يفك أو يخلع هذه القطعة نظرا لأهميتها كما سبق الشرح والإشارة...النوريكا سبورت من أخف وأدق وأحب البنادق لقبلي وعزيزة علي جدا وأنا مسميها الرشيقة...حافظ عليها وعلى نظافتها وصيانتها أولا بأول ولا تهينها...خالص تحياتي...

سيادة القنصل جاب من الاخر .. ومفيش كلام بعد كلامه ..

بس احب ازود جملة بعد اذنه .. ان حضرتك لما تيجى تكسر والبندقية متعمرة بتلاحظ ان الكسر سهل ومفيش تقل وده لان السوسته بتكون مضغوطة .. وعادى البندقية ما باظتش ..

تحياتى ..

[hesham khedr]

شكرا لكم جميعا ومعلش اعذرونى لجهلى لانى مبتدئ جديد بس والله من اسباب حبى لموضوع الصيد المنتدى ده و الحب والتعاون المتبادل بين اعضاءه وجزاكم الله خيرا وياريت تقبلونى عضو معاكم ويارب اكون ضيف خفيف ههههههههههههههههه