اليهود

[osha966]

-شوف اليهود بيعملو ايه مع أولادهم وبيستعدوا لنا ازاى ..وأحنا لسة بنتخانق على كامليا وعبير ..وبنعتصم على روحنا ...لا حول ولا قوة الا باالله ... والنظام الفاسد منع تعليم الرماية فى المدارس الثانوية العسكرية كما كان يحدث فى الماضى !!!!! لصالح ميين !!!! ..أترككم مع الصورة

[محمود توحيد]

السلام عليكم رحمة الله وبركاتة
اولا احب ان اشكرك اخى الكريم على الموضوع لعل وعسى حد من الناس النايمة يفوق ثانيا انا لسة قارى موضع بان القوات المسلحة فتحت الباب لتعليم الرماية للمدنين واعتقد ان دى فكرة ايجابيةو ثالثا المهم انى اعرف ابنى او الاطفال الصغار فى العائلة هو مين عدوهم ويحربوة ازاى مش لازم اعلموا الرماية غير لما يبقى عندوا 15 سنة ودة رايى الشخصى وتقبل مرورى

[mrasool]

يا رب نتعلم من اعدائنا ونعرف ان السلاح النارى مش معمول بس علشان يتعمل بيه جرائم بس وانو ممكن يكون هو وسيلتنا للدفاع عن نفسنا وعن بلادنا كمان

[Ahmed914]

على فكرة تعليم الرماية للطلاب موجود فى العديد من دول العالم ... وبدأ أولاً فى روسيا فى الخمسينات فى أوج الإتحاد السوفيتى , نشأت كفكرة مدارس الكى جى بى ... ثم تطور الأمر إلى التعليم للطلاب فى المدارس للرماية .. وأتمنى الموضوع ينشط تانى زى الأول فى مدارسنا العسكرية ... وأنا عن نفسى كنت واحد من فريق الرماية فى مدرستى ... وكانت أيام من أجمل أيام حياتى .

[mrasool]

المشاركة الأصلية كتبت بواسطة ahmed914

على فكرة تعليم الرماية للطلاب موجود فى العديد من دول العالم ... وبدأ أولاً فى روسيا فى الخمسينات فى أوج الإتحاد السوفيتى , نشأت كفكرة مدارس الكى جى بى ... ثم تطور الأمر إلى التعليم للطلاب فى المدارس للرماية .. وأتمنى الموضوع ينشط تانى زى الأول فى مدارسنا العسكرية ... وأنا عن نفسى كنت واحد من فريق الرماية فى مدرستى ... وكانت أيام من أجمل أيام حياتى .

يا بختك يا بشمهندس
انا مالحقتش الايام الحلوة دى
احنا الجيل اللى علموة ان الشرطة بس هى اللى بتشيل مسدس ولو عملولك ايه ماتفتحش بقك
وفى الاخر اتفرجنا على الشرطة وهى سايبه البلطجيه تسيطر على الشوارع

[mrasool]

واكتشافنا ان البلطجية عندهم سلاح اكتر من اللى فى الداخلية

[Ahmed914]

المشاركة الأصلية كتبت بواسطة mrasool

واكتشافنا ان البلطجية عندهم سلاح اكتر من اللى فى الداخلية

لو الترخيص أتفتح للكل .... بنفس الشروط الحالية ماعدا شرط مبررات الترخيص .... أضمن لك إن البلطجية هتختفى من البلد وتهاجر على إسرائيل !!!!!!!!!!!!!!!

[احمد قبيصى احمد]

موضوع جميل وهادف وفكرته طبعا ان اليهود مستعدين وبيربوا اطفالهم على كره كل ما هو عربى و تصفيه العرب و المسلمين ...... المفروض النزعه دى تبقى فى كل بيت وخاصه ان زمن القاده العرب اصحاب القوميات العربيه انتهى وبالنسبه للترخيص المفروض انهم يتساهلوا شويه وتبقى متاحه لكل مواطن شريف لان فعلا السلاح طريقه معروف طريق محفوف بالبلطجه و الخارجين عن القانون

[mrasool]

والله واسرائيل نفسها يمكن تسيب فلسطين كمان
يا فندم احنا اتبهدلنا اوى اوى السنين اللى فاتت ولازم طريقة التفكير اللى كانت الداخلية بتتعامل بيها تتغير
لازم الداخلية تفهم ان اسهل حاجة على البلطجى انو يجيب حتة سلاح يعمل بيها جريمة فى الوقت اللى بيبهدلو واحد محترم رايح يقدم على رخصة سلاح علشان يحمى مالو وعيرضو

[koktal]

انا ضد فكرة فتح الترخيص لأى حد ..لكن .. مع فكرة تعليم الرماية, ومن الصغر كمان

[koktal]

على فكرة البلد والله العظيم هتخرب لو فتحوا الترخيص ومحدش بقتكر ان ده هيمنع البلطجية ابدا ..دا هيزدهم عنف والداخلية عرفه وفهمه بتعمل ايه بس رخامتهم انهم لغوا تعليم الرماية والبركه فى جيشنا اللى فتحوا تانى..

تحياتى للموضوع الجميل وصاحبه الاجمل

[osha966]

- أعتقد أن آخر جيل تعلم الرماية والفنون العسكرية فى المدارس الثانوية هو جيل السبعينات -يعنى أنا تعلمت فى التمانينات فى ثانوى الفنون العسكرية وكان عندنا ضباط جيش للتعليم لكن لم نتعامل مع السلاح مباشرة ولم نتدرب عليه...فى حين أن جيل الخمسينات والستينات كان سواء صبيان أم بنات كانو بتدربو على الرماية ..كما لو أن النظام بيقولنا خلاص احنا مالناش أعداء ومش ناويين ندافع عن بلدنا تانى ومش هنحارب ..فى حين أن بلاد أوروبية كسويسرا مثلا بيتعلمو الرماية والسلاح عندهم شيء أساسى ..رغم أنها دولة محايدة وليس لها أى أعداء......!!!!

[mrasool]

يا رب نرجع نعلم ولادنا تانى ازاى يدفعو عن وطنهم حتى لو مادخلوش الجيش
يتعلمو ازاى يشيلو السلاح للدفاع مش للبلطجة
وللعلم الايام اللى كان الناس فيها بتتعلم الرماية فى المدارس عمرنا ما سمعنا عن ارتفاع حوادث القتل زى الايام السودا سواء اللى فاتت او اللى احنا بنمر بيها دلوقتى

[hesham[MaFya]a]

لا حول ولا قوة الا بالله....اكيد احنا مش اقل منهم فى حاجة و لكننا كنا معدومين من الحرية!!!!!!!!!!!!

[ebrahem]

دول يهود؟ يعنى لا إخوان ولا سلفيين؟ متأكدين؟ طيب يا ترى العالم هيتصرف ازاى لو كانو اخوان ولا سلفيين؟ ياااة يهود؟ .. وبيستعدوا لمعركة الوجود ولا الحدود؟ أطفال عشر سنين بيضربو بالعوزى واحنا عندنا الآلى من المحرمات كأننا كلنا كدة مشاريع مجرمين ناقصها الى يحتوى موهبتها بجد تدجين الناس وحرمانهم من تعلم الدفاع عن الدين والوطن والعرض امر غير مقبول بالمرة واحد زائد واحد يساوى اتنين : يتفتح باب تعلم النشء رياضة الرماية بالمدراس ويتعلموا القانون معاها: وتستخدم السلاح مظبوط محدش لو عندك حاجة ..تغلط بية مستقبلك هيضيع وممكن تتعدم معادلة بسيطة بس لازم نعرف ان فى ناس عندنا بتختلط عندها تقافة السلاح ببقوة العائلة وتسيدها على العائلات المحيطة ومن ثم سعى الجميع لتوازن قوى وضد مين؟ ضد بعض وجرايم التار الى ممكن تفضل عايشة بالاربعين سنة.. يعنى بالعربى كدة متعممش على الشعب الا لو الناس اتربت من البداية صح من غير عصبية ورغبة آثمة فى فرض سطوة ناس على ناس أو أى تصرفات غير قانونية فى فرق كبير انك تكون محترم تدافع عن نفسك والى حواليك او انك تكوت سفية تظلم نفسك وترعب الى حواليك وبصراحة العصبيات الموجودة فى قرى الصعيد وقبائل البدو مرجعها لغياب التربية الدينية والايمان بتطبيق شريعة الغاب يعنى احنا عندنا مشاكل داخلية وميصحش نطالب بحقوق زى الغرب واحنا عندنا بؤر لثقافات عفى عليها التاريخ. الدولة بتحافظ على ارواح الناس من ضعاف العقول وسؤالى الأخير لو الدولة سمحت بسلاح لكل مواطن هل الأمان هيزيد؟
ومين يقدر يتحرك ببلوة معاة على طول؟ أكيد هييجى يوم ويزهق منها يعنى اى حد مرخص اكيد ممكن يتعرض لمواقف وهوا أعزل..أنا اعرف مستشار كان راجع من شغلة وهددة واحد بلطجى وطلب يطلع الى فجيبة جيب كان فية طبنجة وجيب كان فية فلوس راح ابتسم واتناقش مع البلطجى وسألة: انا معايا عشرة جنية تيجى نقسمها سوا؟ وانتهى الموقف بسلام ولما سألتة لية قالى مش اسهل من ضرب النار الغير معلومة عواقبة؟ . تحياتى