اول مشاركه واول مسدس

[loay the hunter]

بصراحه ياجماعه انا بقالي فتره متابع المنتدي الرائع ده وزاد اعجابي بيه لما لقيت الاحترام المتبادل وان محدش بيبخل علي حد بأي معلومه

انا كنت عاوز اشتري مسدس صوت كويس ولما دورت في الموقع اخدت شويه معلومات كده وعاوز اعرف من حضراتكم اتضحك عليا ولا لا

اول حاجه قلت اروح لمحل فتح الله اتصدمت لما لقيت الابواب كلها نازله بس لقيت زحمه قدام الباب المهم رحت لقيتهم قافلين الباب من جوة بالمفتاح وبيدخلوا واحد واحد :d
يعني بدل طابور العيش بقي طابور اسلحه الشعب كله بيشتري
المهم بعد مادخلت الناس اللي جوه فعلا محترمه وبنجيب من الاخر وراني الايكول وقاللي سعره 1500
ووراني شويه حاجات تركي كده زي لعب الاطفال
بس لفت نظري البلو التركي وقاللي 1200
المهم بعد فصال مع الحاجه اللي كانت قاعده بتعد رزم الفلوس خدته ب1100
نيجي للطلقات قالي خد التركي عملت بفهم بقه وقلتله دي فيها كربون وبتهبب انا عاوز الماني قالي خلاص خد الماني قلتله بكام قاللي ال25 ب125
طبعا رحت للحاجه قالتلي خلاص 100
قلتله طب عاوز فرشه وسبراي قاللي هاتعمل ايه دي الماسورة مسدوده الصراحه احرجني بس قلتلوا عشان لما افكه قاللي خلاص يومين كده وتعالي انت شايف الضغط
بس لقيت في بضاعه عماله تنزلهم في كارتين وبستلموا شغل
انا عارف طولت عليكوا
بس حبيت احكيلكوا بالتفصيل
معلش نسيت اقول ان الحاجه ادتني جراب فراشه هديه:d
ربنا يخليكي ياحاجه
بس ياتري الحاجه ضحكت عليا ولا كده تمام
ومعلش تاني حاجه اتأكد ازاي ان المسدس كويس يعني اجربه ازاي واشيله ازاي
وشكرااااااا

[hemi afifi]

الحاجه عملت معاك احلي واجب علي فكره السعر حلو و الطلقات بردو في الطبيعي و هديه جراب انت كده ربنا سهلك علي الاخر مبروك عليك و تابع المواضيع عن التنظيف حتلاقي كل حاجه انت محتاجها

[loay the hunter]

المشاركة الأصلية كتبت بواسطة hemi afifi

الحاجه عملت معاك احلي واجب علي فكره السعر حلو و الطلقات بردو في الطبيعي و هديه جراب انت كده ربنا سهلك علي الاخر مبروك عليك و تابع المواضيع عن التنظيف حتلاقي كل حاجه انت محتاجها

ربنا يطمنك ياباشا وشكرا علي ردك

[jamayka]

اولا اهلا بيك و المنتدى زاد نور بحضرتك و ثانيا الف مبـــــــــروك ربنا يديك خيره و يكفيك شره
بالنسبة للسعر اعتقد انه كويس نظرا للظروف و الغلاء اللى بنشوفه (بس ايه جراب الفراشة ده) :d
بالنسبة للتجربة و اختبار المسدس (على حد علمى و خد اراء اساتذنا الأكثر خبرة) اضرب كام طلقة ورا بعض 3 مثلا و شوف اداءه و صوته معقول ولا لا و الأهم هل الطلقات بتتحشر ولا لأ
و راعى السلاح و احترمه و اذكرلك مقولة مدرب من احد اساتذتى اللى يهين السلاح سلاحه يهينه
و ارجو ان اكون افدتك و تقبل مرورى

[khaledabdelnaby]

الف مبروك ياباشا وربنا يديك خيره ويكفيك شره انت كده هتشجعنى اجيب البلو انا كمان بس جرب وقولى رايك ايه

[khaledabdelnaby]

اه معلش نسيت اسالك هو خزنته بتشيل كام طلقة

[loay the hunter]

المشاركة الأصلية كتبت بواسطة jamayka

اولا اهلا بيك و المنتدى زاد نور بحضرتك و ثانيا الف مبـــــــــروك ربنا يديك خيره و يكفيك شره
بالنسبة للسعر اعتقد انه كويس نظرا للظروف و الغلاء اللى بنشوفه (بس ايه جراب الفراشة ده) :d
بالنسبة للتجربة و اختبار المسدس (على حد علمى و خد اراء اساتذنا الأكثر خبرة) اضرب كام طلقة ورا بعض 3 مثلا و شوف اداءه و صوته معقول ولا لا و الأهم هل الطلقات بتتحشر ولا لأ
و راعى السلاح و احترمه و اذكرلك مقولة مدرب من احد اساتذتى اللى يهين السلاح سلاحه يهينه
و ارجو ان اكون افدتك و تقبل مرورى

ربنا يكرمك ياباشا وشكرا عالمعلومه وجاري التجربه

[loay the hunter]

المشاركة الأصلية كتبت بواسطة khaledabdelnaby

اه معلش نسيت اسالك هو خزنته بتشيل كام طلقة

الخزنه 14 طلقه
13 وواحده في الماسورة جربته وماشاء الله صوته قوي جدا والجيران اتفزعت:d

[jamayka]

طب تمام اهم حاجة ان الطلقات مش بتحشر بس قولى ايه جراب الفراشة ده اصل اسمو عاجبنى اوى ههههه

[khaledabdelnaby]

كده الله يطمنك انشاء الله ربنا يباركلك فيه

[بدر]

[QUOTE=loay the hunter;48509]بصراحه ياجماعه انا بقالي فتره متابع المنتدي الرائع ده وزاد اعجابي بيه لما لقيت الاحترام المتبادل وان محدش بيبخل علي حد بأي معلومه

انا كنت عاوز اشتري مسدس صوت كويس ولما دورت في الموقع اخدت شويه معلومات كده وعاوز اعرف من حضراتكم اتضحك عليا ولا لا

اول حاجه قلت اروح لمحل فتح الله
الاخ الفاضل لؤى
اولا مبروك عليك المسدس
ثانيا مبروك علينا انضمامك لاسرة المنتدى
ثالثا انا عن نفسى اديك جائزتين الاولى فى الاسلوب القصصى اللى حكيت بية قصة شراء المسدس بجد ضحكتنى وخصوصا مغامراتك مع الحجة اللى بتعد فلوس
الجائزة التانية السعر الممتاز اللى خدت بية المسدس
حقيقى شكرا على سرد التجربة ولكن مازال عندى استفسار ان احد الاعضاء تم الضحك علية من محلات فتح الله وبرضة من الست الحاجة.(سبحان اللة ارزاق)
تحياتى

[dxrx0]

ههههههههههههه

الف مبروك يا باشا

مسدس تحفه جدا جدا

اخوك لسه جايبه يوم الخميس

ونفس تجربتك هنا
http://www.egypthunt.net/showthread.php?t=4954

انا ال كاتبها بالظبط

لكن انت طلعت اشطر منى

وجبته اقل 100 جنيه

مبروك عليك

[Mahmoud El-Behairy]

الله يخليكى يا حاجه
مبرووك عليك

[loay the hunter]

المشاركة الأصلية كتبت بواسطة jamayka

طب تمام اهم حاجة ان الطلقات مش بتحشر بس قولى ايه جراب الفراشة ده اصل اسمو عاجبنى اوى ههههه

لا تمام الحمد لله بالنسبه للفراشه اهو ياريس:d

[loay the hunter]

المشاركة الأصلية كتبت بواسطة khaledabdelnaby

كده الله يطمنك انشاء الله ربنا يباركلك فيه

ربنا يكرمك يارب والله هو اللي شدني كمان ليه ان شكله متميز عن الباقي

[loay the hunter]

[quote=بدر;48541]

المشاركة الأصلية كتبت بواسطة loay the hunter

بصراحه ياجماعه انا بقالي فتره متابع المنتدي الرائع ده وزاد اعجابي بيه لما لقيت الاحترام المتبادل وان محدش بيبخل علي حد بأي معلومه

انا كنت عاوز اشتري مسدس صوت كويس ولما دورت في الموقع اخدت شويه معلومات كده وعاوز اعرف من حضراتكم اتضحك عليا ولا لا

اول حاجه قلت اروح لمحل فتح الله
الاخ الفاضل لؤى
اولا مبروك عليك المسدس
ثانيا مبروك علينا انضمامك لاسرة المنتدى
ثالثا انا عن نفسى اديك جائزتين الاولى فى الاسلوب القصصى اللى حكيت بية قصة شراء المسدس بجد ضحكتنى وخصوصا مغامراتك مع الحجة اللى بتعد فلوس
الجائزة التانية السعر الممتاز اللى خدت بية المسدس
حقيقى شكرا على سرد التجربة ولكن مازال عندى استفسار ان احد الاعضاء تم الضحك علية من محلات فتح الله وبرضة من الست الحاجة.(سبحان اللة ارزاق)
تحياتى

استاذ بدر والله انا كنت دايما ببص علي مشاركاتك لما بدخل اي موضوع حضرتك من الشخصيات المحترمه بجد ربنا يكرمك يارب
اما بالنسبه للاسلوب انه عجب حضرتك ده بس من زوقك
وبردوا ربنا يخلي الحاجه

[loay the hunter]

المشاركة الأصلية كتبت بواسطة dxrx0

ههههههههههههه

الف مبروك يا باشا

مسدس تحفه جدا جدا

اخوك لسه جايبه يوم الخميس

ونفس تجربتك هنا
http://www.egypthunt.net/showthread.php?t=4954

انا ال كاتبها بالظبط
:d
لكن انت طلعت اشطر منى

وجبته اقل 100 جنيه

مبروك عليك

ههههههههه
ايه ده ياباشا ده بالضبط هي الناس دي حافظه طب انا اشتريته من الراجل اللي لابس جاكت زيتي
بص ياباشا بعد كده اديك عرفت السكه خش عالحاجه علي طول

[loay the hunter]

المشاركة الأصلية كتبت بواسطة mahmoud el-behairy

الله يخليكى يا حاجه
مبرووك عليك

ههههههه
الله يبارك فيك ياباشا

[trainman]

أخى العزيز الطلقات التركى مش كلها سيئه و أسعارها معقوله و حكاية بتهبب الماسوره ده مشكله لأنها مش حى ده صوت يعنى متحشرش المقذوف مثلاً لأنها زى ما قلت لحضرتك هى صوت.

[hazeeeeem]

المشاركة الأصلية كتبت بواسطة trainman

أخى العزيز الطلقات التركى مش كلها سيئه و أسعارها معقوله و حكاية بتهبب الماسوره ده مشكله لأنها مش حى ده صوت يعنى متحشرش المقذوف مثلاً لأنها زى ما قلت لحضرتك هى صوت.

لا يا باشا اسمحلى
فرق كبير بين الطلقات التركى والالمانى والصوت مختلف اختلاف تام وانا معاك ان تهبيب الماسوره مش مشكله لانها فعلا مش حى .
ولو حضرتك عندك فكره عن انواع فى التركى كويسه تكون جربتها يا ريت تقولنا عليها !

تحيـــــاتى

[loay the hunter]

المشاركة الأصلية كتبت بواسطة trainman

أخى العزيز الطلقات التركى مش كلها سيئه و أسعارها معقوله و حكاية بتهبب الماسوره ده مشكله لأنها مش حى ده صوت يعنى متحشرش المقذوف مثلاً لأنها زى ما قلت لحضرتك هى صوت.

والله انا فعلا كنت بسمع دايما ان الالماني افضل لكن مش عارف ليه
وشكرا علي معلومه بتاعت الماسوره بس كنت عاوز اعرف هو الفارغ بتاع الطلقه بردو بيخرج منه زي الحي

[trainman]

مظبوط و ده اللى بيسبب اللهب و الدخان المتصاعد من فوهة الماسوره.

[هشام سمير]

البلو متوفر بسعر 950 جنيه لاجمل اعضاء علشان خاطر الاستاذ بدر

[dxrx0]

لا بقى يا استاذ هشام

كد نزعل والله اوى

دا انا سألت حضرتك عليه اكتر من مره

طيب كنت قولنا حتى انك ناوى تجيبه

[كريم الشامي]

الف مليون مبروك

[mohamed mohiey]

المسدس البلو من المسدسات التركى المحترمة كل الى جربه شكر فيه والسعر معقول جدا وعلى فكرة مضحكش عليك لأن السجلابى بيبع على1500 والطلقة الواحدة المانى ب6 ولو مين مش هيعمل خصم ياما هيزود السعر ويرجع يقلله المهم مبروك
واقولك نصيحة مهمة لازم تراعيها لما تعمر المسدس وهتضرب بيه طول ما انت فى وضع الاستعداد خلى المسدس فى ايدك وموجه للارض مترفعوش ابدا الا وانت خلاص هتضرب وتراعى ان كان فيه حد جنبك لانى شفت واحد رافع المسدس وطول الشارع بيجرى وبيضرب بيه عدى جنب واحد البارود والرايش اللى بيطلع من الماسورة عور وش الراجل اللى جنبه وربنا يسترها معاك كمان ياريت لما فعلا تحس ان فيه حاجة طلعة طول ما انت شايف ان مفيش لازمة دائما خليه متدارى فى هدومك اولا حتى لا تعطى انطباع بان الا مان مفقود فى الشارع وحتى لا تشجع الاطفال الصغيرين على انهم يقلدوك ودى ازمة هنواجها بعد كده ثانيا مش لازم كل الناس تعرف ان معاك حاجة لان متضمنش ممكن حد يطمع فيك وربنا يسترها معاك وياريت لو بتنزل الشارع الافضل تاخد شومة لان دى نوعا ما عادى وياريت مصحف وتقراء وصدقنى الله خير حافظا ولك كل شكرى واعتزازى

[jamayka]

المشاركة الأصلية كتبت بواسطة loay the hunter

لا تمام الحمد لله بالنسبه للفراشه اهو ياريس:d

تمام كده انا عرفت الفراشة و مبــــــــــــــروك لتانى مرة يا باشا

[loay the hunter]

المشاركة الأصلية كتبت بواسطة هشام سمير

البلو متوفر بسعر 950 جنيه لاجمل اعضاء علشان خاطر الاستاذ بدر

يعني الحاجه ضحكت عليا

[loay the hunter]

المشاركة الأصلية كتبت بواسطة mohamed mohiey

المسدس البلو من المسدسات التركى المحترمة كل الى جربه شكر فيه والسعر معقول جدا وعلى فكرة مضحكش عليك لأن السجلابى بيبع على1500 والطلقة الواحدة المانى ب6 ولو مين مش هيعمل خصم ياما هيزود السعر ويرجع يقلله المهم مبروك
واقولك نصيحة مهمة لازم تراعيها لما تعمر المسدس وهتضرب بيه طول ما انت فى وضع الاستعداد خلى المسدس فى ايدك وموجه للارض مترفعوش ابدا الا وانت خلاص هتضرب وتراعى ان كان فيه حد جنبك لانى شفت واحد رافع المسدس وطول الشارع بيجرى وبيضرب بيه عدى جنب واحد البارود والرايش اللى بيطلع من الماسورة عور وش الراجل اللى جنبه وربنا يسترها معاك كمان ياريت لما فعلا تحس ان فيه حاجة طلعة طول ما انت شايف ان مفيش لازمة دائما خليه متدارى فى هدومك اولا حتى لا تعطى انطباع بان الا مان مفقود فى الشارع وحتى لا تشجع الاطفال الصغيرين على انهم يقلدوك ودى ازمة هنواجها بعد كده ثانيا مش لازم كل الناس تعرف ان معاك حاجة لان متضمنش ممكن حد يطمع فيك وربنا يسترها معاك وياريت لو بتنزل الشارع الافضل تاخد شومة لان دى نوعا ما عادى وياريت مصحف وتقراء وصدقنى الله خير حافظا ولك كل شكرى واعتزازى

شكرا يا استاذ محمد علي كلامك وربنا الحافظ

[loay the hunter]

المشاركة الأصلية كتبت بواسطة jamayka

تمام كده انا عرفت الفراشة و مبــــــــــــــروك لتانى مرة يا باشا

الله يبارك فيك ياريس

[Ebrahim Al Ansari]

المشاركة الأصلية كتبت بواسطة mohamed mohiey

المسدس البلو من المسدسات التركى المحترمة كل الى جربه شكر فيه والسعر معقول جدا وعلى فكرة مضحكش عليك لأن السجلابى بيبع على1500 والطلقة الواحدة المانى ب6 ولو مين مش هيعمل خصم ياما هيزود السعر ويرجع يقلله المهم مبروك
واقولك نصيحة مهمة لازم تراعيها لما تعمر المسدس وهتضرب بيه طول ما انت فى وضع الاستعداد خلى المسدس فى ايدك وموجه للارض مترفعوش ابدا الا وانت خلاص هتضرب وتراعى ان كان فيه حد جنبك لانى شفت واحد رافع المسدس وطول الشارع بيجرى وبيضرب بيه عدى جنب واحد البارود والرايش اللى بيطلع من الماسورة عور وش الراجل اللى جنبه وربنا يسترها معاك كمان ياريت لما فعلا تحس ان فيه حاجة طلعة طول ما انت شايف ان مفيش لازمة دائما خليه متدارى فى هدومك اولا حتى لا تعطى انطباع بان الا مان مفقود فى الشارع وحتى لا تشجع الاطفال الصغيرين على انهم يقلدوك ودى ازمة هنواجها بعد كده ثانيا مش لازم كل الناس تعرف ان معاك حاجة لان متضمنش ممكن حد يطمع فيك وربنا يسترها معاك وياريت لو بتنزل الشارع الافضل تاخد شومة لان دى نوعا ما عادى وياريت مصحف وتقراء وصدقنى الله خير حافظا ولك كل شكرى واعتزازى

ماشاء الله عليك يا أستاذ محمد.... مهمه جداً ملاحظه الأطفال اللى هتبدأ تقلد سلوكياتنا دى وأنا فعلا خلاص شفتها ( طفل لا يتجاوز الـ 10 سنوات ماشي بعصايه وسكينه وعامل لجنه شعبيه مع نفسو) ... فلازم فعلا كلنا نبدأ نركز فى سلوكنا اما الاطفال وخصوصا فى التعامل مع السلاح بحرص و حذر وعدم منظره (وإن كان المنظره والحمد لله سلوك غير منتشر بين الكبار)

وإضافه على توجيه مسدس الصوت للأرض فى حالة عدم استخدامه سلام كمان لو الواحد يتعود على انه ميلغيش وضع الامان إلا لحظه الضرب وإعادة زر الأمان مباشره بعد الانتهاء سواء كان صوت او رش

أه صحيح نسيت أقول ألف مبروك يا أستاذ لؤي وربنا يرزقك خيره ويحفظك من شره ... والحاجه ضحكت عليك وإديتلك جراب شمال إلا لو كنت أشول بقى يبقى كده صح وألف مبروك تاني

[loay the hunter]

المشاركة الأصلية كتبت بواسطة كريم الشامي

الف مليون مبروك

ربنا يخليك والف شكر

[هشام سمير]

يا عم ولا يهمك تتعوض المره الجايه والف مليون مبروك

[loay the hunter]

المشاركة الأصلية كتبت بواسطة ebrahim al ansari

ماشاء الله عليك يا أستاذ محمد.... مهمه جداً ملاحظه الأطفال اللى هتبدأ تقلد سلوكياتنا دى وأنا فعلا خلاص شفتها ( طفل لا يتجاوز الـ 10 سنوات ماشي بعصايه وسكينه وعامل لجنه شعبيه مع نفسو) ... فلازم فعلا كلنا نبدأ نركز فى سلوكنا اما الاطفال وخصوصا فى التعامل مع السلاح بحرص و حذر وعدم منظره (وإن كان المنظره والحمد لله سلوك غير منتشر بين الكبار)

وإضافه على توجيه مسدس الصوت للأرض فى حالة عدم استخدامه سلام كمان لو الواحد يتعود على انه ميلغيش وضع الامان إلا لحظه الضرب وإعادة زر الأمان مباشره بعد الانتهاء سواء كان صوت او رش

أه صحيح نسيت أقول ألف مبروك يا أستاذ لؤي وربنا يرزقك خيره ويحفظك من شره ... والحاجه ضحكت عليك وإديتلك جراب شمال إلا لو كنت أشول بقى يبقى كده صح وألف مبروك تاني

هههههههههه يابنت الايه ياحاجه وانا اقول بردو الجراب ده اكيد مش محبه
عالعموم الف شكر يا استاذ ابراهيم وربنا يحفظنا ويبعد عنا كل سوء

[Ebrahim Al Ansari]

أنا اسف انى نبهتك والله هههههههههههه
بس كان لازم اعلق على الموقف ... هوا انا كده دايما اتسحب من لسانى

وعموما أستاذ هشام موجود معانا على طول وانت ممكن تجيب منه واحد تانى بـ 950
ويديلك جراب فراشه يمين هديه عشان عيون الاستاذ بدر برضه

وبكده تقف وتعمل كاوبوي فى الشارع وخلى الأطفال تتعلم سلوكيات الكاوبوي

[loay the hunter]

المشاركة الأصلية كتبت بواسطة ebrahim al ansari

أنا اسف انى نبهتك والله هههههههههههه
بس كان لازم اعلق على الموقف ... هوا انا كده دايما اتسحب من لسانى

وعموما أستاذ هشام موجود معانا على طول وانت ممكن تجيب منه واحد تانى بـ 950
ويديلك جراب فراشه يمين هديه عشان عيون الاستاذ بدر برضه

وبكده تقف وتعمل كاوبوي فى الشارع وخلى الأطفال تتعلم سلوكيات الكاوبوي

هههههههه
والله فكره بس في مشكله هاجيب الحصان منين

[أميجو]

مبروووووووووووووووووووووووووووووووووووك

[هشام سمير]

المشاركة الأصلية كتبت بواسطة ebrahim al ansari

أنا اسف انى نبهتك والله هههههههههههه
بس كان لازم اعلق على الموقف ... هوا انا كده دايما اتسحب من لسانى

وعموما أستاذ هشام موجود معانا على طول وانت ممكن تجيب منه واحد تانى بـ 950
ويديلك جراب فراشه يمين هديه عشان عيون الاستاذ بدر برضه

وبكده تقف وتعمل كاوبوي فى الشارع وخلى الأطفال تتعلم سلوكيات الكاوبوي

يا باشا ربنا يخليك علشان خاطر عيون المنتدى كله

[adel152]

المشاركة الأصلية كتبت بواسطة loay the hunter

هههههههههه يابنت الايه ياحاجه وانا اقول بردو الجراب ده اكيد مش محبه
عالعموم الف شكر يا استاذ ابراهيم وربنا يحفظنا ويبعد عنا كل سوء

ياعم ماتظلمش الحاجة!!!!!
غير وضع المسدس والجراب حيبقى يمين و%100 (شكل الجراب ده مصنوع متوسطن يعنى يشتغل شمال ويمين).
ونصيحة أخوية ماتحطش المسدس فى الجراب والأجزاء مشدودة زى ماهو فى الصورة.
مبروك عليك المسدس والجراب.
تحياتى

[Ebrahim Al Ansari]

:d تصدق صحيح ظلمنا الحاجه وطلعت انت اللى حاطط المسدس فى الجراب بالعكس زي ما استاذ عادل قال.. لما ركزت فى الصوره أخدت بالى

عموما مبروك عليك تانى وصح كلام أستاذ عادل متحطش المسدس فى الجراب والأجزاء مشدوده كده عشان الشاكوش اللى ورا ميحصلوش حاجه.. وخصوصا لو كان فى مظروف صوت فى الماسوره (طلقه يعني بس بتاعت مسدس صوت) عشان ميضربش منك وانت بتطلعه من الجراب منغير ما تقصد.

عود نفسك تتأكد ان الماسوره فاضيه وتحط المسدس على وضع الأمان قبل ما تحطه فى الجراب

وألف مبروك تانى... والله انا خايف من كتر ما دعينا للمسدس ده تدب فيه الروح ويقلب حي:d

[loay the hunter]

المشاركة الأصلية كتبت بواسطة adel152

ياعم ماتظلمش الحاجة!!!!!
غير وضع المسدس والجراب حيبقى يمين و%100 (شكل الجراب ده مصنوع متوسطن يعنى يشتغل شمال ويمين).
ونصيحة أخوية ماتحطش المسدس فى الجراب والأجزاء مشدودة زى ماهو فى الصورة.
مبروك عليك المسدس والجراب.
تحياتى

شكرا عالايضاح ياباشا

[loay the hunter]

المشاركة الأصلية كتبت بواسطة ebrahim al ansari

:d تصدق صحيح ظلمنا الحاجه وطلعت انت اللى حاطط المسدس فى الجراب بالعكس زي ما استاذ عادل قال.. لما ركزت فى الصوره أخدت بالى

عموما مبروك عليك تانى وصح كلام أستاذ عادل متحطش المسدس فى الجراب والأجزاء مشدوده كده عشان الشاكوش اللى ورا ميحصلوش حاجه.. وخصوصا لو كان فى مظروف صوت فى الماسوره (طلقه يعني بس بتاعت مسدس صوت) عشان ميضربش منك وانت بتطلعه من الجراب منغير ما تقصد.

عود نفسك تتأكد ان الماسوره فاضيه وتحط المسدس على وضع الأمان قبل ما تحطه فى الجراب

وألف مبروك تانى... والله انا خايف من كتر ما دعينا للمسدس ده تدب فيه الروح ويقلب حي:d

انا اسف ياحاجه
ينفع كده ياباشا خلتنا ظلمنا الحاجه
وشكرا علي المعلومات دي ياريس