المحادثة بين hanitarek و احمد هاشم
عرض رسائل الزوار 1 إلى 14 من 14
-
تمام والبندقيه جبت بيها شويت يمام حلوين بس مكسل انزل صور
وانت ايه اخبار البنادق معاك
والتليسكوب مخلى النشان تمام
-
إزيك يا أبو حميد عامل إيه , و إيه أخبار البام 21 , أتمنى إنك تكون مكسر الدنيا.
مع تحياتى
-
ازيك ياباشا يارب تكون بخير
-
السلام عليكم
ازى حضرتك عامل ايه ويارب تكون بخير
اسف بقالى فترة مش بقدر اكلمك عشان الامتحانات
وايه اخبار الصيد معاك وخصوصا البام22 ايه اخبارها فى الصيد دلوقتى
وكنت عاوز اقترح على حضرتك حاجه
اذا حضرتك كنت فاضى فى اى يوم جمعه مثلا ممكن ننزل انا وحضرتك والاخ محمود على من المنتدى
ونصطاد مع بعض عشان بالمرة اجرب البام22 والاخ على معاه جامو رويال
فايه راى حضرتك
-
يا باشا أنا ساكن فى الشروق , تنور فى أى يوم جمعة أو سبت , أنا طلعت بيها الجمعة اللى فاتت , هيه بندقية قوية لكن تقل وزنها و رد الفعل الناتج عن الضرب محتاج حد إيده قوية و أعصابه تمام عشان النيشان يطلع مظبوط , غير كده حتحتاج وقت لغاية ما تتعود علي الضرب بيها (زى حالاتى) و إيدك تاخد على تقلها.
مرة تانية تشرفنى فى الشروق و جربها طول الطلعة إن شاء الله و رقمى 0123903661
مع تحياتى و ربنا يوفقك فى بندقية ممتازة إن شاء الله.
-
السلام عليكم ازيك
عاوزين نجرب البام22 فى طلعه مع بعض عشان شكلى هرسى عليها لعدم توافر الماده الكافيه
لشراء الاسبانى وخايف اصبر شويه واحضر المبلغ والاقى البنادق غليت تانى
-
الهانتر بتنزل بقنطرة زناد فيبر و ده عيبها , وفعلاَ إكتشفت إنها مكسورة , قمت غيرتها بواحدة حديد أصلى كان أستاذ جلال خليفة دلنى على مكانها, اشتريتها من عند الصياد المصرى.
و ده لأنى محبش أبيع حاجة فيها عيب حتى لو حاخسر فيها , و كمان البندقية جديدة.
الزناد نفسه و مجموعته الداخلية حديد و بيتهيألى إن ده ميزة عن النوريكا لأنى قريت فى المنتدى إن مجموعة الزناد فيها فيبر.
بالنسبة للنيشان هو عادى بس واضح جداً لأن سن نملة الدبانة عريضة.
بالنسبة للقوة أنا اصطدت بيها حمام من على مسافة 50 م بدون مشاكل و فيها مسطرة جميلة بستوبر لو حابب تركبلها منظار عشان الصيد لمسافات أبعد.
و لو عايز تجربها على لوح خشب مفيش مشكلة.
-
ماشاء الله البندقيه كويسه
بس هو الزناد بتعها بلاستيك ولا حديد والنشان فسفورى ولا عادى
وياريت عاوز حضرتك تجرب لى حاجه بالبندقيه مثلا لو ضربت بيها لوح خشب 2سم هتخترقه
-
وهى طيب سرعتها اد ايه ومدى الاصابه وحالتها والنشان اهم حاجه لحسن بقالى فترة بصطاد مع ناس اعرفها وبتجنن من البنادق الى معاهم عشان الدقه مش تمام واليمام كلو كان بيفلت منى وهى جامو اسبكترا وهى الهانتر440اقوى من الجامو اسبكترا
ومعلش اكتبلى سعرها
وانا كنت ناوى اشترى البام22 وتل مجرى عتله ولاكن مش عارف
اسف على الاطاله اخى اعذرنى
-
شكرا لك اخى العزيز على الرد
ولكن هى الجامو الهنتر 440تعمير عتله ولا كسر لانى لا اميل الى الكسر خالص وانا دورت على الموضوع بتاع بندقيتك مش لاقيه ياريت تبعتلى الينك بتاعو
-
أخى العزيز, آسف لتأخرى فى الرد.
بالنسبة للقوة , البام 22 سرعتها 290 م/ث و هيه كده أسرع من الديانا 52 , ولكن السرعة و القوة مش كل حاجة.
الأهم الدقة و طبعاَ الديانا 52 محدش يقارن دقتها مع البام 22 و كمان خامة الديانا حاجة تانية خالص.
و عشان مطولش عليك البام22 مشكلتها إنها بختك يا أبو بخيت , يعنى ممكن تشترى بندقية و تبقى تحفة فى الدقة و النشان و ممكن تشترى بندقية تكرهك فى الصيد.
و لحد ما أجربها بعد الصيانة اللى لسه عاملها (مع إنها جديدة) فنصيحتى ليك تبتدى ببندقية أسبانى سعرها أعلى من البام شوية ولكن دقة ممتازة و خاماتها جميلة.
فى بنادق جامو و نوريكا معروضة فى سوق المنتدى و حاجات كلها محترمة جداَ ممكن تبدأ بواحدة منهم و أنا شخصياَ عارض واحدة جامو منتر 440 (متغلاش عليك) .
و السلام عليكم
-
اخى شكرا لردك واهتمامك
طيب عاوز اسألك فى حاجه البندقيه الديانا 52 سمعت ناس بتقول تقدر تموت بيها كلاب
على كده البام 22 نفس القوة ديت ولا ايه الكلام دى مش مظبوط
وايه رايك ترشحلى بندقيه ايه ابتدى بيها وتاخد معايا كمان فترة
-
و عليكم السلام و رحمة الله ,
أتشرف بالتعرف بحضرتك ,رقمى 0123903661 , بالنسبة للبام 22 هيه بندقية قوية و شبه ديانا 52 ولكن تقيلة شوية.
بالنسبة للنشان مش حقدر أرد عليك دلوقتى لأنى طلعت بيها مرتين .
أول مرة النيشان كان معقول لكن تانى مرة كان بيحدف يمين.
قمت وديتها لشريف الطفشجى عشان يعملها صيانة و تشحيم , و اكتشفنا إن الجلبة محتاجة تغيير.
أول ما أطلع بيها تانى حقولك النتيجة على طول
مع تحياتى, هانى طارق
-
السلام عليكم
ممكن نتعرف اخى العزيز
وكنت عاوز اكلمك فى البام 22
وايه رايك فيها من كل النواحى دقه النشان اهم حاجه