واهم حاجه في مسدسات الغاز العنايه عشان يفضل شغال معاك لان لما الجلب تبوظ وتغيرها عمره ميرجع لحالته الطبيعيه بتاع المصنع ومتنساش بوز الانبوبه تحط علي زيت وعلي القلاوظ وتنضف المسدس علطول وتزيته وتسيبه الزيت عليه لو مبتستخدموش ولما تيجي تضرب بيه نشفه كويس قبل ما تضرب اتمني اكون افدتك واي استفسار تاني انا تحت امرك

بص يا استاذ محمد المسدس ده لازم يرجع لصاحب المحل لان في الغالب الجلب بتاعه باظت من سؤ التخزين ومتحولش تصلح حاجه في بنفسك عشان متبوظوش عشان مسدسات الغاز بتبقي حساسه شويه روح رجعه وخليه يغيره بواحد جديد انت دافع 1400 جنيه ده اكتر من تمنه جديد فعلي الاقل تاخد حاجه سليمه مايه في الميه والي هاتخده منه جربه عنده برش مش فاضي واضرب علي حاجه عشان تشوف قوه المسدس الجامو بي تي 90 من اقوي مسدسات الرش الي موجوده هنا وصوته علي فكره عالي دي بي 99 ده مستوي الصوت بتاعه وسرعته 410 قدم في الثانيه يعني حوالي 140 متر مع الرش ومع البلي 394 يعني حوالي 125 متر في الثانيه ديه كده مواصفات المسدس بنسبه للاستخدام قبل ما تحط انبوبه الغاز لازم تحط علي الفوهه بتاعها نقطه زيت عشان البروده متتلفش الجلبه بتاع الغاز تاني حاجه متسيبش انبوبه الغاز في المسدس اضرب عليها من غير رش لحد لما تفضي وبعدين خرجها من المسدس الانبوبه بتضرب حوالي 60 رشه بس انت خليك لحد 40 عشا القوه تبقي كويسه بنسبه لاسؤال البلي احسن ولا الرش الرش احسن في الصيد لان مداه بيبقي ابعد اما بنسبه للدفاع عن النفس البلي افضل لانه اتقل فقوه اختراقه هتبقي اعلي

انبوبة الغاز اركبها لما اضرب بس ولا اسيبها بالمسدس واخرجها لما تفضي ولا لا وهل قبل ما اخرجها من المسدس لازم اضرب حتي علي الهواء بدون رش عشان الغاز يفضي وهل ممكن اخرج انبوبة الغاز لو مش هاحتاجها واركبها تاني ولا هي مرة واحدة؟
وهل لة صيانة معينة؟
طيب والانبوبة الغاز تكفي كام رشة ولا كام يوم؟
الرش الافضل ولا البلي؟
وهل البرو ماجنوم افضل الرش عشان مدبب؟
المدي كام حد اقصي؟
وهل كافي للدفاع عن النفس؟

السلام عليكم

معلش هازعجك شوية
انا مشتري المسدس الجامو pt90
اشتريتة امس اليوم الان اجربة صوتة ضعيف والرشة مش بتخرج وكل كام ضربة تخرج واحدة فقط
كدة اية بيسرب غاز ولا الجلبة لا اية مش فاهم
انزل اتخانق مع صاحب المحل ولا اية كدة
هو كان مع المسدس جلدة صغيرة ومعاة بتاعة كدة حديد مش عارف بتاعت اية؟ دية اية ؟
وكمان ركبت انبوبة غاز تانية وبرضة نفس المشاكل وانا بركب الانبوبة سمعت صوت الغاز بيسرب لكن كملت قفل علي الانبوبة فسكت هو كدة عادي
ساعدني دة انا لسة دافع 1400 جنية
انا جربت اضرب وهو فاضي برضة الصوت ضعيف وتقريبا مفيش هواء بيخرج
ثانيا: هو يوجد كام جلبة واحدة بتاعت انبوبة الغاز وسمعت انة هناك واحدة ثانية وراء الساقية دي مكانها فين وهي دي فعلا؟