المشاركة الأصلية كتبت بواسطة fesal (المشاركة 128964)

رغم اني مش مقتنع اوي بالمسدسات الصوت بس الموضعو دوت جميل جدا جدا جدا
لازم الواحد يعرف الي ليه والي عليه

المشاركة الأصلية كتبت بواسطة عادل عبده (المشاركة 129484)

الكلام انك برده مش هتعرف تدخل القسم وتقوم بالحورات ديه كلها وتوصل لرئيس المباحث الا لو كان ليك حد فى القسم ده البلد ديه عمرها ماهتتغير

المشاركة الأصلية كتبت بواسطة tamer el-henawy (المشاركة 127861)

الاستاذ /افوكاتو :confused:
مع احترامى الشديد لوجهة نظر حضرتك ، انت مفهمتش سؤالى كويس !!!!!!
الغرض من سؤالى انه فيه مسدسات رش بلى بتتباع عادى فى محلات الاسلحه وفى منها انواع كتير اوى واى شخص ممكن يشترية
" على فكرى بتشتغل بأنابيب غاز صغيرة وبترش بلى حديد " يعنى ليها رد فعل لو ضربت على اى شئ يعنى زيها زى المسدسات المعدلة للضرب بلى .
لو واحد ماشى بيه " مخبيه فى العربية مثلاً " وعدا على كمين وشافوا الظابط ،
ما موقف القانون هل هذا محرم ويعاقب علية كسلاح نارى؟؟؟؟؟؟؟
* رغم انه اخطر من المسدس المعدل لان نشاله دقيق .
على فكره انا صاحى بدرى وغاسل وشى كويس :d
تحياتى

المشاركة الأصلية كتبت بواسطة smsmn8888 (المشاركة 129497)

في نهاية الموضوع ان مسدسات الصوت والبلي والكلام تا لا يوجد نص قانوني يحرمها او يجازي عليها اذا لم يتم استخدمها في الاذاء بس بطبيعة الشرطة المصرية لو وجدة معاك ممكن يرخم كالعادة ويخدة منك وممكن تيجي معا كمان للقسم وتروح النيابة مع اعلم انك خارج خارج من القضية بس اهو منظر وتا حصل مع اكتر من واحد اعرفة بصراحة وربنا يستر

المشاركة الأصلية كتبت بواسطة gamopt80 (المشاركة 128879)

لا قوله مسدس صوت ورايح بيه مناسبه متعدش بقى تقوله اصل دا معدل وبيضرب بلي هههههههه لو قلتله كده هياخدك انت والمسدس معاه d:
هو اهم حاجه وانت بتتكلم تبقى واثق من نفسك هو لو شافك خايف حتى لو عارف انه صوت هيشك ان في حاجه وهيتحفظ عليك

المشاركة الأصلية كتبت بواسطة sherif agroody (المشاركة 127826)

الأخوة الأفاضل بعد التحية
الأخ الفاضل الأستاذ أفوكاتو قد قام بدعوتى للمشاركة فى ذلك الموضوع وقد قمت سابقاً بالرد على ذلك فى مشاركة أخرى وتم نشر ما كنت كتبته فى هذه المشاركة وأرجو أن يتسع صدركم لكى أوضح رأى القانون مرة أخرى فى موضوع مسدسات الصوت والطلقات البلى :
الفيصل فى إعتبار مسدس الصوت من الأسلحة النارية من عدمه هو جدول الأسلحة النارية فى قانون الأسلحة والذخائر وتلك الأسلحة الواردة بالجدول هى على سبيل الحصر بمعنى إن اى شيىء أخر يخرج عن مفهوم الأسلحة النارية المدرجة بالجدول لا يعتبر سلاح نارى ومسدس الصوت غير مدرج بذلك الجدول و بالتالى لا يمكن إعتباره سلاح نارى وبالتالى لا يحتاج حيازته إستخراج ترخيص كالأسلحة الحية فضلا عن إن المسدس الصوت حتى مع فتح ماسورته لايعتبر سلاح نارى لأنه غير معد لإطلاق أعيرة نارية حية و لن تستقبل ماسورته أى عيار حى ولن تحتمل أجزاءه إطلاق الأعيرة النارية الحية أما إذا تم تغيير ماسورته بماسورة أخرى تطلق أعيرة حية أو تبديل أجزاءه لتصبح قادرة على ضرب الأعيرة الحية فهنا نكون أمام سلاح نارى مجرم قانوناً بقانون الأسلحة أما بالنسبة للطلقة الصوت التى بها البلى أو الرش اياً ما كان فتخرج عن مفهوم الأعيرة النارية الحية فالذخائر الحية محددة المواصفات الفنية و القياسية من حيث نوع الطلقة و عيارها وأبعادها والمادة المصنوعة منها وحجم ونوع المقذوف وكمية البارود المستخدم لإطلاق المقذوف وبالطبع لو تمت مقارنة تلك المواصفات بمواصفات طلقات البلى لن نكون أمام طلقة حية وفق القانون و بالتالى لن تكون طلقة حية بأى حال من الأحوال وهى من ناحية القانون ستعامل معاملة الرش الذى يطلق من بنادق الرش أو مسدسات الرش بغض النظر عن طريقة إطلاقها بواسطة طلقة صوت ودليل على ذلك ان مسدسات الصوت ومسدسات البلى و الرش وبنادق الرش يتم تداولها بمنتهى الحرية ولا قيود على بيعها بمحال الأسلحة ويتم عرضها بطريقة عادية بعكس الأسلحة النارية الحية التى غالباً ما يحتفظ بها أصحاب محال الأسلحة إما داخل خزينة حديدية أو غرفة داخلية فى المحل وذلك لخطورة عرضها لكونها تحتاج ترخيص من الجهات المختصة أما إذا تم إستخدام مسدس الصوت فى التهديد و الترويع أو الإعتداء على أحد سيصبح أداة جريمة وسيتم مسائلة صاحبه عن الجريمة التى أتاها ولكن بوصفه أداة وليس بوصفة سلاح نارى بدون ترخيص وأرجو من السادة الأفاضل الحرص فى حمله فى هذه الظروف ومن الأفضل أن يكون الإحتفاظ به داخل المنازل فقط

المشاركة الأصلية كتبت بواسطة blow c06 (المشاركة 189294)

ياباشا الف شكر على مجهودك و معلوماتك العظيمه دى يا شريف باشا ... انا طلعت عينى باحاول اقنع ناس كتير هنا بالكلام ده و قعدوا يفتو و يقولو اى مقذوف يخرج من طلقه فيها بارود يبقى سلاح نارى و هم مش فاهمين حاجه فى القانون و قلتلهم ان كمية البارود الى فى طلقة الصوت 20% بس من الى فى الحى و غلطوا فيا و قالو كلام ملوش اى لزمه و ميخرجش نم ناس محترمه... المهم اهى الحقيقه واضحه و صريحه هنا اهه و ياريت الناس تفهم و تفهم كمان تستعمل موضوع البلى ازاى و فى اضيق الظروف و الدفاع الفعلى عن النفس فعلا... بس فى سؤال ياريت يتسع صدرك و تجاوبلنا عليه... فى طريقه اشيل بيها مسدس الصوت معايا فى العربيه و لما لجنه تشوفه يكون معايا ورقه من مامور القسم او من اى جهه ان انا شايل مسدس صوت و مصرح ليا و ميتلخدش منى و لو حتى ادمغ المسدس فى اى من ورش الشرطه برقم او بكلمة مسدس صوت

المشاركة الأصلية كتبت بواسطة avokato (المشاركة 126474)

منا ببحث فيه اهو بس لحد دلوقتي من صريح القانون مش مجرم

المشاركة الأصلية كتبت بواسطة blow c06 (المشاركة 189867)

انا مش فاهم انت واخد الموضوع كده ليه.. اولا انا مخرجتش عن اداب الحديث ولا مره والناس هنا عرفنى كويس وعارفين اسلوبى فى الحوار.. ثانيا انا 41سنه و حضرتك مكملتش الخمسين ووالدى عنده 72 سنه. يعنى حضرتك مينفعش تقول سن ابويا دى خالص. ثالثا حضرتك الظاهر برده مقرتش الى القاضى شريف كتبه... فى مواصفات للطلقات الحى من حيث وزن المقذوف و حجمه و كمية البارود وده كله مش متوافر فى طلقات الصوت الى ببلى وهو ده صلب الموضوع هنا